大利清湯腩 (已結業)

平時多數去華姐，所以今次試試大利睇吓有乜分別。同樣叫筋腩，但就覺得個湯比華姐鹹好多。老婆想要豆漿亦欠奉,同埋佢覺得華姐D牛肚比較好味。如果下次再來呢度，應該會幫親番華姐。

服務態度同食物都非常差！！重好唔乾淨！

禽日搵完御用髮型師，同暖暖貢o左來呢頭。見兩間清湯腩連埋一起，直覺上覺得大利個名係響d，到上Openrice時才發覺原來隔離係多咁多好評。而且隔離好似多些款式選擇。不過其實呢間都唔差，暖暖叫的清湯腩，湯好清，飲落彷彿有淡淡的藥材味。食完唔口渴。腩亦好瘦，連我都試了一小舊。我的雙丸米，不過不失。記得，唔好慣手勢，好似平時咁手快快倒了辣椒油落碗麵度，因為咁會蹧躂了個湯，要用碟仔分開。學精了。份量同價錢都可以。如有餐\就perfect。本來我仲想叫腩汁蘿蔔的，一碗$10，但暖暖話得蘿蔔，太貴。說到底還不是不對他口胃。對他來說，$10一碗韭菜豬紅就想吃，但蘿蔔，不是他那杯茶。始終，男同女口味好唔同。

有時都有d唔明,明明人地話咗有度地方係出名食清湯腩,但有d人偏偏要食埋個d牛肚呀,牛丸呀呢d搭單賣嘅嘢,咁可想而知啦! 結果間嘢嘅評論拉低哂!唔係話佢賣D唔好食嘅嘢啱,而係十隻手指有長短,一間鋪無可能咩都好食架!? 我去親大利,一定係食牛腩,唔係咖哩,唔係跟麵而係跟索味嘅河粉! 個人認為比跟麵好食,呢D係一定嘅! 又可能阿姐好人,會比D坑腩,又或者唔太肥嘅爽腩,咁就已經唔同. 老實講一隻雞都係得一對睥,梗會有D無咁好嘅比D普通食客啦! 若果成日去又同人熟D,咁D嘢實會正D啦!

通常會幫襯隔離的華姐,因為知道她是大利過去的.今次又好奇想試試這店,叫了基本的清湯腩.看見師傅切的是坑腩,不肥不瘦,味道不錯,不太淋,不痴牙,但麵質卻欠佳,不爽又有梘水味,湯底淡,欠華姐的牛骨香味,始終都是華姐較好.

跟strategic partner一起到中央溫習, 11點出到天后, 本想搵華姐食碗白粥, 見大閘只半開, 唯有去大利食碗牛腩。年前同家母吃過一次, 覺得只係麻麻, 之後都無再去。坐低叫了肥腩米扣底多青, 隻碗幾大, 加上扣底, 湯是多的。先喝口湯, 估佢唔到咁濃甜, 更帶有陣陣牛骨甜味。肥腩中肉的部分燒得腍, 肉味很濃, 肥肉更精彩, 真好吃得唔捨得放手。個人覺得, 這碗牛腩比華姐的更好。

行完工展會o黎o左呢度食.清湯腩看起來很"林",實際上是很韌!應該煲得未夠火候!金錢肚比較清湯腩好,但說不上高質數.菜心淋的腩汁基本上冇乜味,但算ok啦!早知清湯腩唔掂就去隔鄰店的華姐試下好過!!!

大利D 清湯腩好一般，不過淨蘿蔔就唔錯，10蚊碗淨蘿蔔又甜又林，整體水平just OK, 好過華姐一點，但不及德昌。

食左肚腩河....湯- 淡而無特別.....腩- un到爆炸...趙到"支力".....肚- 一般....油菜- 蠔油多過菜....蘿蔔- 有渣....(同新記D蘿蔔比...一個天一個地)記得讀書時期食過中環果間都OK格.....點解呢樹咁既??????加上華姐係隔離....諗唔到再幫襯的理由P.S. 我都係鐘意大埔群記多D...

當天去到這條街，見大利清湯腩及華姐清湯腩，猶疑半刻，揀了大利清湯腩，牛腩不及紅磡一間好味，食物水準普通，剛才吾妻到開飯口刺看見食評，原來華姐清湯腩好評如潮，早知就入華姐度口刺，搵日試試。可能我們大吃，平均消費，50餘元。

大利與華姐的恩怨聽過不少，當故仔聽，得個知就算，早前已試過華姐的清湯腩，係呢頭做野，路過就試下大利的清湯腩。三點半，都唔少人，經營餐飲業認真艱難，睇餐牌上寫著「馳名香港仔魚蛋」就知，當然，來到這裡,吃清湯腩才是正路。穩陣起見，叫了牛筋爽腩河，若在九記一定叫伊麵，在生記、華姐、安利及大利就非叫河不可，清湯配伊麵，格格不入，無味而幼滑的河粉配清湯，反而襯到絕。對啖啖肉的腩位麻麻，爽腩有咬口，夾著肥膏的位置，入口甘香豐腴，精彩絕倫，牛筋夾著肉，炆得腍而入味，是水準之作，湯底清而鮮，較華姐的清湯更具層次感，鮮甜的湯底，定下了不少牛骨來熬，是心機之作。鬧著玩的試一口辣椒油，油押味十足，唔辣，普通得可以。整體而言，是較華姐更有水準，路過定要一試。有相睇：http://www.imagestation.com/album/pictures.html?id=2106205153

序﹕因為放工順路，所以依家愛上左去大利食碗清湯腩就當晚餐。大利清湯腩無乜好評，如名既招牌菜，尤以腩河最多人食(我覺得)。睇過咁多人既食評，主角當然係牛腩。牛腩稔或荕，睇你彩數lor~ 你可以要求肥與瘦，不過應該無得指明稔d好食d既牛腩。一般一星期我幫襯約2-3次，發現d牛腩既質素可以好參差。不過，10蚊碗粗製濫做既味精粉麵，同20蚊碗既清湯腩河，睇下你既價值觀同口味喇。我對味精十分抗拒，食完會好口渴，寧願唔食~ps 一直有個疑問，正正o係隔離有間打對台既x姐清湯腩(岩岩擴大左間鋪添)，唔知邊個抄邊個呢﹖咁耐都未試過，聽日會試下~

今日中午去呢度食lunch, 一行3人~ 特意帶身邊既人黎食佢既清湯腩見到隔黎o的人食緊牛腩河既人, o的牛腩好似好靭, 所以去叫左1碗爽腩河~ 不過..失望既係.. 今次太肥喇, 冇咩肉食, 失望...., 而牛肚就不過不失...冇咩味道, 牛根就好諗~ 但味道都係較淡既, 如果你本身係食味道重既.. 可能就覺太寡不過依然欣賞佢既湯底, 依然keep 住湯底鮮甜同好清~ 實在欣賞~ 而個人認為,食河粉係同個湯同牛腩最夾味, 亦帶出佢既鮮味20蚊一碗既粉, 算不過不失啦....

腩唔夠淋啊同埋碟油菜好少啊........

覺得呢間的清湯腩真係好好味. 前兩日又突登走黎食, 點知好唔好彩, 一筆.. 就見到隻昆虫仔~_~ 不過算啦, 呢d 食肆都預左佢係污糟d 油菜都幾貴, $12... 得幾條, 勁少!