大利清湯腩 (已搬遷) 新店位置

聞名己久的大利清湯腩！！在一個內街的十字路口位，人流一般，但一推開這小小的玻璃門，就嗅到香濃的牛腩味和看到師傅的繁忙，先找個位子，看看簡單的餐牌，我叫個咖喱牛腩伊，等了十分鐘，一碗清湯伊麵加一兜另上的咖喱牛腩，先試一口清湯，單看清湯似清水加一點點油，但味道甘香，有一喝再喝的吸引力，跟着再賞牛腩，肉質鬆化香濃，辣味也不蓋過肉味，而且份量適中，但切記喝清清湯，在餐廳內也有告示，三十餘銀，可賞此美食，超值！請食客不要太要求服務，只求美味，便安心理得！

我都試過食大利清湯腩食到肚屙~原先喺街口已經聞好香牛腩味，覺得非常吸引~ 跟住就入左去試左碗牛筋面由於太肚餓既關係雖然見到有d牛筋中間生生地但冇理會，照食~返到屋企就肚屙~我家姐喺灣仔返工，佢同事食過都巧合地肚屙~真係唔掂~ >_<

久聞的大利清湯腩, 早已不知邊間係最原始, 但終於都心思思想試下. 今天竟然行行下經過. 二話不說, 即刻試下啦!淨牛腩: 幾肥美, 當然無食肥的部份. 幾香牛味, 我鍾意用花椒八角整, 香好多. 湯鹹咗d, 整體都唔錯.蘿白: 無渣, 可是不太甜. 找不到車品品那種甜到漏的幸福感覺.紫菜三寶湯和菜心: 一般.總算試過, 牛腩不錯, 較之前試過的華姐好多了. 個笑臉係俾牛腩的!

間野位處人流不多的地方依然不乏捧場客，就證明有返咁上下啦。的確呢度的牛腩非常好味，湯底都唔錯，起碼夠清先。不過油菜就真係貴左點，13蚊.......，可能叫一個腩汁蘿蔔($10)會仲抵食。其實魚蛋麵質素都唔差，不過唔知點解食左兩次我都會肚痾，可能我唔好彩掛.........不過我都奉勸負責人，唔該換一換正門口的地氈(極污糟!!!!!!)。老實講，將地氈唔值好多錢，但因為咁而影嚮食肆衛生同形象就真係好可惜啦。

去完樂景食左個超好味既芝士漢堡包後.....發育時期既我肯定唔夠飽.....本來想試阿蘇介紹果間小食店食臭豆腐.....可惜星期六無開....失望之際...見到好出名既大利清湯腩....加上十分肚餓既關係....二話不說衝左入去.....叫左牛腩面($20)+菜心($13)先講牛腩面....個湯好清好好飲...應該無落味精d面都無鹼水味..又有咬口...唸住牛腩應該都唔錯...點知超韌...好難咬...咬極都咬唔開...好失敗兼失望菜心一般啦....不過佢無張d菜葉同菜根cut開一半大大條食得好狼狽........我唸我唔會再去...禁既質素唔好講要同9記比....連官塘既明記....9龍灣既何興記都比唔上另外...同桌有個白領哥哥....佢叫左碟咖哩牛肚飯..另外自備唔知邊度外賣一盒印度烤餅...要黎點咖哩汁食.....d烤餅好吸引...仲吸引過d牛腩...真係想開口問佢係邊度買既-_-"不過佢食得好(斯斯叔叔) 好似既比阿姐見到禁...不過d阿姐見到都隻眼開隻眼閉...無理到佢.....呢位哥哥食食下中途....同個客講電話..佢d英文真係啦啦聲...令小弟同同卓果2母女嚇得目定口

正如下面的食客大大所說, 大利的湯是差了. 但在灣仔區, 他還是獨特的. 離開灣仔前, 總要一吃.也許\腩和湯也真的差了, 我改食咖哩腩多時. 好辣, 但好好味.這裡的油菜很貴, $13 一碟難鬼油菜.ps: 下次要try 下天后間華姐間清湯腩.

要了一碟咖哩牛腩撈麵. 樣子幾好. 咖哩汁幾好味, 牛腩也炆得很淋. 唯獨撈麵不是很好. 撈了咖哩汁也是一塊大麵餅黏作一團的, 夾不到上來吃. 何來撈麵, 一定要浸湯才夾得起吃入口的...麵質較粗, 咬口則不俗, 味道也幾好. 那個湯我個人來說並不特別出色. 清是幾清, 但味道不很鮮美.

尋日係灣仔行街, 行過見到呢間野咪入去試下D牛腩, 果時3點幾, 唔係好多客. 叫左肥腩伊. 腩唔多又得果一兩舊係肥少少, 牛味唔重, 湯底又係無咩牛味. 伊麵個心有D硬, 聽講九記都係咁既. 22蚊一碗唔多值. 走時見麵檔師傅係度一路做一路食煙啦, 好唔衛生咁啵. 食完之後行行吓街都有D口渴, 要穩7仔. 睇怕都唔會再黎食咯.後記: 西環尾早幾個月開左間"搭單"式既清湯腩, 我覺得好味過大利. 有information再告訴各位食友.

一個加班的晚上, 同文迪過來食快餐. 人客疏疏落落, 舖面光猛, 但衛生真的非常一般. 侍應亦很散慢.牛腩河: 4分, 湯底清清的, 但不甜. 牛腩極韌, 點咬都咬唔開. 河粉一般.食完幾口渴, 有味精?無心機試文迪的了.真係食得好快, 唔夠20分鐘埋單. 極速. 快過食大記.

是晚想吃得便宜點簡單點,所以到了大利. 和男友二人點了: 淨蘿蔔($10): 幾甜,無乜渣,比想像中好牛腩河($20):牛腩都幾腍,幾入味,比較驚喜0既係個河粉,好滑牛腩金錢肚河($22):金錢肚相比牛腩之下只是一般味道都算不錯,舖頭幾大,坐位多,幾乾淨,以食粥粉麵0既舖頭黎講算好難得,會再黎

叫左碗牛腩米粉,廿蚊碗都算幾平,清湯食落都真係幾"清",叫佢加左腩汁都無腩汁味,食落都唔覺落左味精,但個日就持續住好口渴,滿口味精咁....牛腩比起其他細鋪已經好好多,好腍身都無chi呀,不過有d都幾肥,本人未去過九記,沒有比較,所以向云云粉麵鋪之中,佢已經算唔差了,下次會試下佢既咖哩牛腩飯,好似幾正咁..由於中午時間幾多人,所以叫左十次都無人應你落單...

在日本遊客心目中，大利也是響噹噹的招牌，不少旅遊書都有大利這個名字。其實從來都覺得，這裡出色的是咖哩爽腩而非清湯腩，當然論水準是舊舖的也不及九記、華姐及群姐。是日吃過新舖，是舊舖也不如，失望。這裡是京都戲院的舊址，話說求學時期，在這裡都消磨了不少歡樂時光。新舖好像比舊舖大，亦光猛一點。隨便坐下，上一手吃完的碗筷、紙巾都未執，檯上更有三幾杯喝至多少不一的茶，看似之前客人飲剩又未收的，衛生及環境都要扣分。是日不大想吃咖喱，阿姐說有爽腩，就要碗爽米。又真的是件件也是爽腩，湯底幾清。喝一口，沒有多大甜味，還有一點味精，湯底是水準以下；爽腩炆得不夠腍，幾硬身，真的要夠牙力才能對付，又是一般。招牌叫得「大利清湯腩」，這碗清湯腩，是比以前差了。當然吃落也有三斤釘，吃爽腩也比吃坊間的咬極不爛的橡皮牛腩為好。一碗湯米盛惠廿二蚊，對比之下，誰說九記收得貴，單是那淡牛骨濃湯也收得起那個價錢。

食得出冇乜味精，但唔覺好好味，冇乜意慾再試。上環間生記好似好啲，啲湯香啲，仲平啲。

上次來食清湯腩伊都算係幾好，但今次再食就發現良莠不齊的問題非常嚴重。今次叫了咖喱牛腩伊，喱腩同伊麵分體式，伊麵同個清湯都仲幾好，咖喱都唔錯，最大問題又係出係牛腩到。瘦肉黐牙又唔腍滑，一係就好大舊脂肪，水準好唔平均，碗上沒有一件能與九記匹敵的，個主體牛腩唔得，伊麵、湯底、咖喱做得幾好，也是沒有意思。勢估唔到事隔兩星期，已令人「刮目相看」！

經過附近入黎試下~~~ 同男友一人一碗腩~我要咖喱佢要清湯再交換食~咖喱腩與伊面分開上,可因應個人口味逐少逐少加上碗面~都幾細心~佢個伊面真係好正~夠彈牙又夠香~ 清湯腩就充滿原汁牛味~咖喱就夠特色同惹味食得落的話,可兩款款試哂~~~價錢亦十分大眾化!