大利清湯腩 (已搬遷) 新店位置

我唔明阿So點解講依間野好食, 我o個次去食好似係8~9點pm.. 冇乜人, 叫左個腩依, 食完之後覺得, 九記o個d原來真係好好食..

朋友介紹...不過個人認為食物一本...我叫左個牛腩河同一般茶餐廳差唔多,或可以叫做唔好食...

自從華姐"自立門户"之後，已好久冇去過大利食清湯腩嘞...失去咗靈魂人物，質素差得遠矣....重臨，依舊係清湯腩河...喝一口湯，同飲白開水冇分別。跟華姐嘅清澈但濃郁嘅湯底一比，簡直係差天共地...牛腩水準還可以...但湯底一唔掂，就算牛腩有幾好食都勢係假....

聽阿蘇話昨晚一家四口落左去，好多人等左10分鐘至有位。叫左清湯腩河及飯、腩汁蘿蔔、咖喱腩飯、魚蛋麵。清湯腩OK，很lum，湯底幾好，但河粉完全不知所謂，hi sap sap，更像剛剛解凍一樣，完全沒有韌性。蘿蔔幾甜，我口味比較清淡所以覺得都算OK。魚蛋一般OK，沒什麽特別，但並非此店主打，所以無所謂。最差就係咖喱，太甜，太稀，稀得像水一樣！！！！！好差！！！！！地方OK但太多人，影響食欲。衛生差，服務九流，d夥計有求不應，完全當你透明（可能人太多應接不暇）。試過就算不會再去。價錢一般麵檔水平。其實大利算是老牌店，水準應該有保證才對，不知是不是一經阿蘇介紹，人氣就勁旺，人手不夠還是“受寵若驚”，d水準就直綫下跌。奇怪奇怪。

同女朋友兩個人去食，入到去係好大，但無位。侍應係會招呼你，叫你有位就自己坐，但成枱都係人地食剩既野。>_<叫左一個金錢肚河，一個咖哩牛腩飯。Ｄ飯生骨架，食兩啖就唔會想再食。咖哩可以稀到同水一樣，牛腩又肥又有渣，跟本就係一碗咖哩水，你叫就放幾舊牛腩上碟俾你。>_<金錢肚河無乜野，無特別。侍應態度差，又唔夠伙計做野，都唔知想點。整到招牌咁大，樣樣都咁貴，食物咁既質素，真係為左握人錢而開門做生意。最唔明係點解仲會咁多人食。

2007年11月11日，大利好久沒來。今天選了坑腩米粉。清湯底，牛腩腍得來有肉味，湯底香，是水準以上的清湯腩。但人很多，坐得很逼，要張就。

因呀蘇的關係專程到此一試, 老公叫了牛腩河+樽裝可樂, 我叫了牛根雲吞米+凍檸茶, 再叫多碗腩汁蘿蔔.牛腩河湯底幾好, 但牛腩好一般. 我的牛根雲吞米, 牛根好淋ok好食, 可惜雲吞好差, 不新鮮又無味, 仲要$24一碗, 真不值. 蘿蔔亦好一般, 有些渣.埋單要成$73, 好貴, 不值, 一次夠了.

上星期滿懷希望同男友去試，（因之前睇咗阿蘇的推介）．．．點知真失望，我們成餐飯都無開口評論過Ｄ食物，心想莫非男友同我一樣知道”ＬＡＩ”嘢．．．出了門口，真的原來大家都有這個感覺．．Ｄ牛腩一點都唔特別，湯又不是所介紹的好味．．．失望！！！

阿so又推介埋d唔好食既野。我地叫左一碗清湯腩，一碗咖哩腩麵。清湯腩個湯好普通，唔係話好清，冇乜味,只係一般味精湯，d牛又唔腍,又有渣，又唔入味，又冇蘿蔔。d麵有鹼水味,咖哩唔香，轉伊麵加２蚊，又貴，份量好少。總之就失望！

十一月廿七日(星期二)今日考試之前,約左男朋友仔黎呢度試清湯腩!!!約左男朋友仔o係地鐵站等~根住手牽手咁去呢度食野喇~門口貼左好多雜誌既報導~應該唔錯既~~~去到原來要自己搵位~好彩有個阿姐幫我地開張枱~咁我地就可以2人世界~~叫左兩個都係清湯腩米同河!同埋凍奶茶!個清湯腩等左好內呀都!不過都幾好食呢~~~兩碗係唔同part of 牛@@我o個碗un d~不過都唔錯呢!!!男朋仔個碗就林d~~~~~~個份量好幾多~個麵都幾大碗呢~~好飽!!!真係幾好食~~~~令我諗起之前同男朋友仔去9記~~~~~^^食完大家都要努力喇!!不過見完男朋友仔真係full of energy 呢~~hehe

三個在El Mundo吃不飽的人離開後, 同學A建議去食清湯腩, 一個叫牛腩粗麵, 一個叫淨雲吞, 一個叫牛腩河...牛腩沒特別, 九記固然勝之, 恐怖的是同桌搭檯那位仁兄幾乎將所有腩都吐出來。是咬不開嗎？謎....雲吞... 一咬入口, 隻蝦係霉geh, 第二隻都係霉geh ........ (>_<) $20一碗雲吞, 就這樣棄掉....牛腩以外的食物, 建議大家都唔好制.....

首次到<大利>，都曾聽此名；嚐了清湯牛腩河，牛腩很淋，亦很有味，肉汁豐富，真的不錯；但河粉就不太滑，只是一般，湯底也不過不失；再偷吃了朋友的咖哩牛腩，依然是十分出色，咖哩雖不及印度或其他的風味，但亦十分入味，可以一試，但飯就少了點．地方亦頗大，或許我們到時已九時多，但人數真的很少，不知是否過了飯市．

我同家姐要清腩米＆清湯河，有ｄ靭，ｄ肉質唔得鬆，好雜．到俾錢既時候，俾HK$50，點不知找兩個一蚊銀俾我地，應該係找HK$6先至係，同佢理論，佢話做咩我地唔睇清楚先哩．奉勸大家一句：找錢時，要睇清楚ｄ．

星期六因要出外工作而錯失了與同事們飲茶吃點心的機會，完事後只好自己一個人找地方醫肚。我一向的習慣，一條友食都唔會吃得太好，是但一碗粉麵也是一餐。灣仔區，突然想起大行清湯腩來。坐低餐牌都唔使望，就要一碗淨腩。等了好一陣子牛腩都沒來，是太多人或是要時間煮?不得而知。淨腩送到，是喝一口湯，味道確實幾鮮，不像是味精湯。牛腩肥瘦肉分佈適中，肥肉甘香，口感超正；瘦肉也十分淋，無半點渣，比預期中更好。好多人話華姐好過大利多多聲，見識淺薄的我還未有試過華姐，無資格去評。不過，本人覺得這大利都很不錯了！

又要一人在灣仔找吃的. 忽然想吃一碗伊麵, 腦裡面就自然浮現清湯腩三個字. 最理想的當然去九記吧, 但當晚有點累(還是有點懶?), 不想由灣仔專程前往中環, 再加上附近有大利這一個尚算合心水的選擇, 就不再多想了.晚上七時過後, 理論上應該是很旺場的晚飯時段, 這裡還有很多位子, 自從搬鋪後, 地方大了, 但人流似乎不復當年. 我每次來都已不用看甚至不用想就知自己想吃甚麼, 都不外乎是淨伊麵配淨清湯腩, 又或是咖喱腩配伊麵, 總之有伊麵有牛腩就是了.今次要了一碗咖喱腩伊麵, 喜歡這裡的咖喱牛腩是另外分開上的, 想吃得濃或淡, 適隨尊便.而我愛濃濃的咖喱, 所以吃這裡的咖喱腩伊麵, 慣性是先把伊麵的湯喝光, 再把整碗咖喱汁全倒了進大碗中和伊麵拌勻, 濃濃的咖喱汁香甜而帶點辣, 或算是港式咖喱吧? 跟煙韌彈牙的伊麵實在是絕配, 這碗濃厚版咖喱汁伊麵, 實在百吃不厭. 唯一可惜的是, 通常大利煮咖喱的牛腩會比較瘦, 就算吩咐了要肥的, 也未必有清湯半肥腩的那種肥美甘香, 反而那兩塊咖喱薯仔煮得比牛腩還要好, 鬆化又入味; 誰是主角配角? 實在未能分得清楚.聞到咖喱香味未吃已經胃口大開, 故另