大利清湯腩 (已搬遷) 新店位置

最近食過九記，見灣仔大利都有點名氣，就要一試。要了一個清湯牛腩牛根伊麵，牛根夠腍滑，牛腩就遜色一點，腍滑度不夠，間中有黐牙情況，不過就冇九記的多脂肪。湯底也是沒有九記的甜，放落湯底的心機不太多，不過，整體來說也是食得過的，各方面都不差，不過人總愛比較......

本人喜歡吃牛得非常,至於說到牛腩粉麵,只當時肚子還有空位,總要試一試而後快.九記就不用說,數一數二,但總係"營"住比起以前大排檔式經營時的味道有所遜色了.大利我不是經常去,但認識了這鋪很多年了,幾好味,又方便(起碼比九記).自從出來做事都比較少到大利,今日有幸經過自然就走進去試試看.要了一碗腩粗,麵一來到,果然清湯依舊清,喝了一口清而鮮,很好.再試麵,水準之上,跟著腩件美味非常,咬著軟硬適中,帶有小許啫喱狀的根(一定不是肥,而是煮得出色),牛腩配上麵,正!再抬頭看看才二十塊一碗,比較番個份量,又覺很抵!!很多人都自然會將各家的牛腩麵跟九記比較,小弟卻覺得如要跟大利比是完成正確的,因為口味並不相同:1)面者的湯有濃鮮牛味跟清香味香2)牛腩的煮法,大小,切法,部份都略有不同,可以說得上各有各法吧!

舊鋪成日去﹐因為近番工地方~~~~~~~以前真係好掂的。牛腩入味又夠稔﹐湯清得來又鮮甜。搬左去新鋪後﹐第一次去食﹐覺得走左樣﹐牛腩唔入味﹐又唔夠稔﹐湯底又差左﹐清就夠清啦﹐不過無咩腩汁味﹐得番d麵/河粉/米粉係保持水準﹐慘~~~~~~~~~~唔信邪﹐後來再去多兩次(連埋尋日)驗證下﹐結果都係一樣﹐唉~~~~~~~~~~~~~~~~~點解會差咁遠呢﹖師傅又無換丫~~~~唔通無左以前舊鋪煲腩汁﹖呢度d人好好的﹐和藹可親有禮貌~~~~~不過﹐人無變但牛腩變晒﹐傷心~~~~~~~~~~~~~~~~~~~~

灣仔道尾的大利清湯腩,已搬去巴路士街,無論灣仔舊舖同新舖,之前未去過,只去過天后店.之後還有場醉瓊樓,時間尚早之下,入去打個底.新店環境比舊店更光猛,闊落.來到大利,自然來一碗牛腩伊麵.先嚐一口湯底,幾清,但係無九記般鮮甜.牛腩肉質,略帶點齦,亦沒有九記果種實食無黐牙稔熟的感覺.味道亦有少少苦.對不起,九記實在是小弟吃過眾多的清湯腩中,最好的一員.活在九記影子下的大利,輕易地比下去.我們此市井,為一客清湯腩,絕對唔介意去到九記受氣的.唔受得起,兼銀包有貨的話,大可去鏞記,享受老侍應為你奉上的牛坑腩.

去過九記，自然要會一會大利。今次只係叫咗一碗清湯腩河。實如網友所言，牛腩係良莠不齊，大部份都好夠牛腩味，又爽脆，不過都有一塊鞋；湯底清甜唔口渴，帶一點白蘿蔔嘅味道。不過比較之下，九記嘅牛腩就水準穩定d，湯底再甜d，而且食完無噤頂胃(同碗粉嘅size無關!)。後記：食完之後源巴路士街行，過咗紅綠燈有一檔貼咗「飲食」嘅小食店(唔記得名)，好似幾好，就叫咗一串咖哩魚蛋、一串咖哩魷魚、兩件臭豆腐加大量甜醬豆辨醬。件臭豆腐真係好得，唔怪得之阿蘇都讚好!

四月初想到此店，但發現關了門，門外有一張搬遷啟示，新店址在巴路士街29號（前京都戲院）。4月25日過去看看，門外有大量新張花藍，原來是新店第一天營業，當然不會錯過。進入店內，面積比舊舖大，坐位更鬆動（我認為可以多2-3張檯），坐下要了清湯腩撈麵。不知是否新舖開檔，除了有飲品送之外，湯是加大碼，牛腩又是最靚，三十蚊是物超所值。＊＊＊站主，請把地址更新。巴路士街29號地下（前京都戲院）

對大利一直的印象都來自同居密友齣戲今次黎到見到真係生意好到好似打跛腳都唔駛憂雙併麵(肚+腩)總的來說我覺得第一次感覺到一種食物可以有咁多唔同層次既味道湯清無乜鹼水味唔似一般食完會好口渴既腩汁湯淡淡地仲可以食得出麵好有蛋味牛方面無論肚同腩都有豐富既牛味肯定係上等野金錢肚好大件但係好爽腩的確係韌左少少唔鍾意可以食爽腩或者咖喱腩都會好尐甚至乎辣椒油都好香好好食絕對唔係死辣由湯到肉到麵到辣油可以用以前最娘既娛樂版caption黎形容真係誰也搶不了誰的風頭只能夠用好立體黎形容幾十年老字號真係唔死得人點解有人唔鍾意食既原因我估就係因為味唔夠濃叫得做清湯腩點解會要求個湯要濃尐?或者係我地既味蕾由細到大都俾比化學野寵壞攪到唔欣賞人地對每一種材料既執著唔識得細心欣賞食物既味道?今次就令我覺得佢味道好raw好傳統呢間老店因為拆樓只係開到三月十九四月尾先係灣仔道前少少既巴路士街東山再起要留意喇

牛腩爽口有牛味,湯底又甜又清,蔥花新鮮無腥臭. 一碗完美既牛腩河.個人喜歡要肥腩,肥羔既牛味極重,一流!河粉幾滑,又唔碎,所以成日好快無唒貨.推介辣椒油!超香!辣度又適中!呢間鋪頭d人好有禮貌,比起九記個d死左老母咁樣既待應,呢到簡直係人間有情

起初我都唔知清湯腩係乜味，特登走去試下，原來我細細個係荃灣食到大個間都係清湯腩，不過執左成十年，我一直都食唔番，點知原來係大利食得到，正！老實說，佢有時真係揀中"鞋"D既腩，但都算腍，有時真係滑都冇咁滑架，味道就真係清，絕對我係鍾意個種口味！麵及米粉普通，河粉最有味！愛食咖哩的我，都鍾意咖哩腩，之但係唔夾食粉麵囉．．．

12月20日19:35食完蛇羹便到188 打個轉，嗦一嗦188二樓雞蛋仔的香味，離開時經過大利，見胃仍有空位，便一試這清湯腩名店，要了清湯腩河。腩：並不是新派切腩，肥瘦有序，有淡淡的牛味，極有咬口，感到欠了點點火喉。湯底：牛味雖淡，但極清甜，那是來自蘿蔔的天然甜味，非常討好。河粉：滑一滑。我個人覺得，天后華姐勝他一籌。HK$20.-稍貴了一點點。名店生意不錯，客人絡繹不絕，伙計人數不少，有趣的是有一位阿姐，由我進店至離開不繼煲電話粥，麵檔師傅亦一樣，但他較自律- 用handfree^m^，現今打工真自由。

12月20日19:35食完蛇羹便到188打個轉，嗦一嗦188二樓雞蛋仔的香味，離開時經過大利，見胃仍有空位，便一試這清湯腩名店，要了清湯腩河。腩：並不是新派切腩，肥瘦有序，有淡淡的牛味，極有咬口，感到欠了點點火喉。湯底：牛味雖淡，但極清甜，那是來自蘿蔔的天然甜味，非常討好。河粉：滑一滑。我個人覺得，天后華姐勝他一籌。HK$20.-稍貴了一點點。名店生意不錯，客人絡繹不絕，伙計人數不少，有趣的是有一位阿姐，由我進店至離開不繼煲電話粥，麵檔師傅亦一樣，但他較自律- 用handfree^m^，現今打工真自由。

我試清湯腩麵($20)，老婆就要金錢肚+清湯腩雙拼湯河($22)。食完有失望，牛腩有咬口，亦有牛肉味，但係有渣，似乎最正係個麵同河粉。咁價錢都係可一不可再。

之前表姐夫推介過此店既牛腩,今日5點同老表行過黎試試,環境比一般麵店濶落好坐.我地叫左咖喱坑腩牛肚米$22,菜心$13,凍華田$10-12.咖喱坑腩牛肚同米粉分開上,坑腩牛肚炆得相當入味!而且頗淋,咖哩汁亦十分惹味!個人認為比九記出色!起碼無咁多味精.米粉份量亦比九記多.菜心及凍華田不過不失啦!PS:原來呢度仲有飯供應,下次可以試試!推介!

就算呢到無九記咁好味，但係以前覺得亦唔錯，如果係呢區都會走去食食。但係今次就覺得差咗好多。叫咗淨牛腩，兩碗麵。牛腩上枱賣相比較差，牛腩偏黑色，好似唔係好新鮮咁，食落口有甘甘地既味道，但係一啲牛既味道都無，應該係用料既問題，而且肉質比較鞋身。所以唔好用九記同佢比較，就連灣仔既潮興既牛腩都比佢香同有牛味，真係有啲可惜。

去完摩利臣山工業學院, 行過就入去食野, 晚上9時多仍有幾檯人客..... d半肥廋既清湯牛腩同九記差不多,幾好食, 不過價錢平過九記, 麵都可口...藉得一試和可以推介