大力齋廚

营业中

休息中

無錯又係大力齋廚,愛吃素的我慶幸身邊的朋友也是,所以今天又來大力了,不過今日唔係食晚餐,而係食早餐 香煎蘿蔔糕 - 夠脆有口感食到蘿蔔香味 蒸素生肉球 - 樣真度高口味亦似,好味 素餃 - 超正 ~ 口感一流 素叉燒包 - 樣真度唔太高,不過勝在夠熱 齋鹵味 - 水準穏定 芝士吉列魚柳包 - 即叫即整味道樣真度極高 香酥荔茸捲 - 每次必食坐到11:00就係為了這碟呢

我的朋友跟我一樣很喜歡素食,所以今天不期然又來了大力食晚飯,這天很多人等了一會兒才有位呢 等了一陣有點肚餓,所以一坐下就叫東西了 這裡水準穩定味道唔錯,朋友們都讚不絕口,看來多得大力所以朋友們不怕路遠都來探我呢

昨晚和朋友來了大力食齋,久聞這間齋菜很了得,今日一試果然名不虛傳 我們同行還有一位小朋友,這裡的員工即拿了一套小朋友用的膠碗同湯匙給她,這麼細心還未叫菜已覺得窩心呢 2個大人1個小朋友可以的餸菜不多,個人最愛這裡的精選小食,細細碟就算人少都可以食多幾款,店主真係好細心低讚 這裡的餸菜味道清淡得宜,我和朋友都很喜歡,而且員工態度親切,我們一定會常來呢

其實一直都有去開我屋企人平均一個月都去四次以上食物一向都幾好~~~價錢亦相宜但今日的事太令人氣憤 2010年2月21日晚上7:40分到了石排頭路的分店見全場爆滿, 心下還在暗讚自已有眼光!所以入去後就同一個拎住塊broad 既男人攞飛仔等位攞左張兩位既飛 諗住只要有耐性就有得食la點知過左10分鐘度~有一家三口又黎左見全場爆滿, 緊係要攞飛等位la. 我睇住果位人兄又開張飛比佢地等到裏面陸續有人出黎, 又陸續有d人入去,入左去又無出返黎又無人出黎叫我入去, 咁我入去問返果位人兄~入到去, 我已經見到岩岩入去果d 人座底晒~~枱枱都三- 四位咁la佢話果邊有一枱就走,走左就可以安排到d 細枱比地兩個好! 又過了20分鐘, 突然有一位客人從門口探頭出黎叫果一家三口入去, 果位人兄手上係無飛的~然後佢地6個人就坐左原先果個帶位話會比我果張枱我見到有d 奇怪, 即刻上前問佢, 呢張枱係咪可以比我?帶位哥哥話要再等等, 跟住佢又指住另一張枱話要等果張跟住我緊係叫佢睇下張飛先後la然後果一家三口既亞媽就攞張飛出黎~ 即係話頭先探頭出黎既男人係無攞飛地係店舖裏面等位的!!去到呢個時候已經開始有d 扯

心思思想食齋老味, 我就打電話Call我男朋友外賣一盒細既齋老味比我...但係拿到返黎, 我一打開, 嘩 !得禁小既, 仲比平時貫開既小左好多款 ~~ 齋老味細既 ( $16 ) ; 齋雞只得三片, X燒都5片, 鴨腎得6粒半, 酸齋得三粒..D汁太多喇~~ << 今日冇左, 齋鮑魚, 咖哩齋, 蠔油齋, 燒鴨 >>偷工減料, 又細盒...

日期：2009年2月28日一路都想試既齋店，終於都食到喇！我地兩公婆2點去到，諗住平平地食個tea，點不知下午茶時間係2:30。鋪頭唔大，座無虛席，客似雲來，我估係熟客仔多喇！茗茶，每位HK$2。１。松子什錦粒炒飯HK$45：粒粒飯都炒得好企理，材料亦都配合，非常好味。２。招牌咕嚕肉HK$50：酸汁就一流，但係個肉唔似肉，無咩口咁，粉左Ｄ哩。３。雜果沙律明蝦捲HK$28：都整得唔錯。

朋友對e間鋪有好高評價,也邀請左我n次來試食,今日雖是抱恙,都要來坐一坐. 坐低望一望個餐牌,同茶餐廳賣既無分別,豬扒飯,海鮮抄河...個個餸都肉肉肉,唔係食齋的地方?我心裏有十個問號...之後,個朋友話無寫係因為賣的全是齋,分別係個賣相.因為平日好少食齋,所以唔知叫咩.還是要了朋友心水推介公司三文治同鰻魚抄麵.個公治幾大份,有十層,烘底香口,由肉轉齋,清而不淡,亦唔係好油,幾好食.個鰻魚抄麵,超大碟,朋友話大碟過平日...麵炸得香,亦唔係好油,超多餸,有紅椒,青椒,草菇,洋蔥,西芹同假鰻魚(即係紫菜包豆腐).用豉椒抄,自然香口美味.加多3元,要了煲蓮藕例湯,個湯有少少texture(唔係勁水),都幾好.價錢相當便宜,少油少味精,咁健康,一定會再來,重要同屋企人來.

大力齌廚由舊鋪大力水手素食轉左新鋪！搬左係隔離咋！小弟幫襯左呢間素食店十多年，因為學校在附近的關係。今晚跟家人來到新店再回味一番！今晚所點的菜式如下：　西檸雞($50)：炸素鹽酥雞配上西檸汁，這一道菜乃開胃一道，食了多年依然喜歡！　砂鍋魚翅雲吞雞煲($60)：很多魚翅餃，不過總覺得平時蒸魚翅餃係好味好多，不過可以當湯食。　雙拼（炸鮮奶拼琵琶豆腐）($55)：炸鮮奶有點溜食完，不過不錯的；另外琵琶豆腐以素肉粒加菜粒釀在豆腐再炸，口感同味道一流！但數量小左點　薑蓉豆苗($42)：唔得，菜莖沒有剪，而且薑蓉不夠味道．．總結：不知這個是否定律，一間鋪頭做得好做起左，就會差，相比多年前的大力水手，水準真的差了，味精多了，份量少了，價錢高了．．款式比以前少，懷念以前的。不過來一試也值得的，我推介的是平常的四寶飯，現在好像也變了得三寶．．而且當日坐門口位，多位客人開左門後無有閉上，侍應行過也沒有理會，加一服務費好像有收的．．為什麼服務是這樣？！自己去閉了多次．．．希望下一次去會有改善！