大助燒肉專門店

营业中

休息中

好期待星期六晚既晚餐,因為本人好鐘意食牛肉既.估唔到佢既餐牌竟然有套餐!我地選擇左最貴果個和牛套餐(4款和牛,兩碗大白飯,兩碗湯,一碗細細既蔬菜)加$88 四款各兩件既刺身.另外,仲散叫左刺身,蝦,三文魚子等埋單+10%=$1377 (3位)環境方面:有日式坐位和普通坐位(預約時記得指明想位咩位啦),環境算唔錯,又唔迫,又唔會好嘈服務方面:侍應會等你食晒刺身先會上燒肉,所以想早D係燒肉就要直接同佢地講啦.             雖然面上唔係好好笑容,但加水都好密,服務都唔錯.食物方面:一流既牛肉,真係好好好值得一試.             一流既刺身,件件魚刺身都好厚,根本上都有1.5CM厚,成件魚扖甘,超級啖啖肉價錢方面:食物既質素和價錢成正比,想食好野當然要比多少少嫁啦.好值得推介比鐘意食牛肉既朋友

一行三人來到九龍城食日本燒肉因為有朋友介紹, 所以預早一日打電話訂檯坐tatami 榻榻米係店鋪門口一入就會見到 印象中有四張 每張大概可以坐到4-6人 如果想舒服享受 晚市時段應該一律要訂檯因為第一次幫襯, 所以叫侍應為我地介紹有咩推介...一開始推介我地食套餐-大助盛 裡面有齊海鮮(蝦,帶子,魷魚), 牛, 豬, 雞, 冬菇, 蕃薯, 粟米..加錢仲可以有一個刺身拼盤(三文魚, 八爪魚, 吞拿魚, 甜蝦, 帶子)另外仲點左一支Sake, 侍應推介一款有氣Sake(餐牌上冇的) 新返貨所以叫我地試一試 以前冇飲過Sake,但有氣的確更易入口而且帶甜平時少食燒肉, 所以未必識分食緊牛肉邊一個部位 (當然牛舌同牛肉就識分啦) 每一淡肉都入口即溶, 和牛揀左鹽燒 沒有任何特別醬汁醃料 但少少鹽已經好滿足 如果唔識點燒肉先好味仲可以叫侍應教一教先燒海鮮方面, 帶子會連同殼燒 附帶一大片牛油 燒一燒就好快食得; 而海蝦簡直一流 雖然份量比較少(得兩隻)但好有鮮味帶少少甜 絕對係一種享受其後因為唔夠食 所以侍應推介食美國prime牛盛套餐 全部都係牛 當中包括西冷, 牛舌, 肉眼, 頂級霜降牛肉

朋友生日，兩個黎左九龍城食呢間日式燒肉 九龍城咁多好野食都依然有咁多人幫襯大助，必定有佢的原因 兩個女仔，食量唔大，聽待應建議試下每樣散叫少少再加燒飯團一客，唔夠先再加牛腹肉的牛肉味好重，啲花紋好靚一啲都唔肥，入口即溶，食完我地再encore 多一碟 牛舌爽口，都好味 燒雞亦無理由唔叫碟掛 海蝦、帶子都好鮮甜好味。燒帶子要小心，我差啲就唔小心燒焦左，好在朋友眼明手快，及時搶救先至無浪費食物 燒飯團都好好味，焦焦地的口感有香脆的飯香，極速KO左唔記得影相

難得有多啲時間食lunch，就同同事去咗呢間到慢慢嘆。佢嘅午餐雖然唔叫平，不過真係幾好味，算得上係物有所值。通常我都係食照燒牛小排定食，不過今次同事們都想試新嘢，就跟大隊點咗三文魚海膽丼。果然無令人失望！三文魚同海膽都好鮮甜，真係好好味！唯一美中不足嘅可能就係海膽份量太少，食完都唔夠喉。雖然有埋湯、沙律、蒸蛋同甜品一定夠飽，不過海膽多啲嘅話就會令人更加滿足囉～

九龍城多好野食就係人都知啦, 呢一間之前經過都想試下, 難得時間尚早, walkin入去佢有好多唔同既餐, 大部分都係二人餐, 而且仲會送一個飯團/白飯一碗仲可以加錢要個剌身, 正正常常, 不過不失重點係燒肉, 都係講番燒肉啦呢個餐有牛有豬, 都幾好味, 本身鐘意食牛舌, 而呢度既牛舌都唔錯, D牛都好重牛味, 而且醃得好好, 又唔會搶左本身牛既味道, 唔會好似有D燒肉店咁D肉會鬆散, 好juicy食食下發覺好似唔係幾夠喉, 所以再叫多個, 不過今次唔係SET係幾種唔同既牛好味, 入口有種好香既油味, 而且肉質相當好! 而且冇乜其他醃料, 只係用盬, 已經足夠, 靚既肉, 根本唔需要過多既醃料遮蓋總括而言, 值得再去食!

大助燒肉十分有水準，晚飯我是常客。其實午餐同樣沒有使人失望。午餐定食又平又靚，食材質素高，絕不張貨就價。今天推介的是鰻魚和咖哩豬扒定食。先說鰻魚，魚身鮮味入口肥美，豬扒肉汁豐富咬牙細嫩。每客定食也有炖蛋，甜品和麵豉湯同樣製作認真，一件不留全部吃光光的，份量剛好。

又一次試燒肉店!一入到來本身以為都係普通燒肉店，點知野食來到先知有驚喜! 叫左個牛肉拼盤，啲肉醃得好好，又入味唔乾啲肉又鬆 食到停唔到口!燒起上來好香，而且個鐵版好好唔痴底除左牛肉我地仲有叫啲蔬菜送肉! 啲菇好正，好新鮮燒完都唔覺太乾! 就算本身無醃，啲菇味已經夠出

10月是我和 Hubby 的週年記念日, 一早大家都已選定了在這問燒肉店慶祝了, 因之前在九龍城經過都見裏面滿座, 而且發現近門口區有 Tatami位, 食物環境都好適合我們, 於是早於10多天前便book定位, 並且要求一定要安排坐 Tatami 呀!當日並不是周未或假日, 但 Tatami位已滿, 好彩我地一早book了, 否則就無 Tatami位了以上便是 Tatami 區, 食客不用擔心Tatami會坐得不舒服, 佢有上下位比食客將對脚放在下面, 所以絕對唔使擔心 另外, 除了 Tatami 外, 樓下便是普通餐廳位, 大家可隨自己心意選擇此餐店主力是日式燒肉, 所以可以一次過滿足哂喜歡食刺身, 壽司和燒肉的人, 當日我便選了的刺身併盤好好味而且好鮮, 價格約 HK$300 , 好底食, 另外order了兩款法國生蠔也很鮮甜, 也是約 HK$300/6隻, 另外order 了美國牛拼盤及厚牛舌, 也很好味, 這餐費用共HK$1,300, 但都覺得合理。所有食物、環境及 service都很滿意, 相信很快我們一定會再來光顧呀, 哈哈 ^o^值得推介以上的三文魚飯團, 真係好好味,

今日成班同事放工約好去呢間店食飯，為左慶祝阿姐姐個bb出世！我第一次來食，雖然介左食牛，但係都仲有魚生刺身，同燒海鮮餐。非常好味，食落有口感，所有食材都好新鮮，醬汁入味，燒既時候仲有服務員細心講解燒野次序同點燒先好味！另外仲叫左兩支燒酒，一支甘甜易入口，另一支就好暖身，整體來說成餐飯都好滿意。

這日在九龍城，友人建議一試這間日式燒肉店吃個午餐。店內裝修企理光猛，每一張枱都有個燒烤爐。不過我們午餐不想吃燒肉，於是分別點了咖喱豬扒飯定食和海膽魚生飯定食。上菜算快，不一會我們的餐已分別送上了。我的咖喱豬扒飯的豬扒本身肉很薄，而炸豬扒炸粉很厚，亦炸得很硬；咖喱汁很杰味道偏甜；最後只好放棄。麵豉湯十分鹹。友人的海膽三文魚飯的海膽只有約一茶羹份量，三文魚尚算新鮮。不過我們都覺得試一次就夠了。

係人都知九龍城好多野食 個人完完全全好鍾意呢間日本野一來店員服務態度超好 識講笑 有禮貌二來呢間日本野d野食真係好好食雖然價錢個人覺得係中上, 因為每次去親都係返工lunch時間, 所以就未試過呢間既燒烤不過黎過兩次都係食佢個壽司定食(?) 唔記得全名價錢7x蚊到, 有麵c湯, 好滑既烏冬, 蛋, 壽司又新鮮, 仲有1粒紅豆既甜品 全部都好好食亦有同事食過 炸豬扒飯 個炸皮唔會同個豬扒分開 值得推介

在準備招呼朋友的十二道菜晚餐前，也要先吃一些熱量下肚，不然煮完一輪（期間又要邊洗碗）後也沒精神坐埋吃，來到這間新派的燒肉，甫入店是刺身吧，感覺是港式味道十足。吃甚麼我由主人家話事，要了二人前，燒牛肉、燒雞肉也是大路貨，配套也是七零八落，沙律是暖身的，味道不至於會再來，而價錢也要$100／位，這價位附近去吃潮州菜更好。

1. 北海道魚生丼$78 ~ 物有所值,魚生新鮮又夠多款2. 豚肉生薑燒定食$48 ~ 薑味欠奉,但勝在份量夠多. 3. 燒汁牛肉定食$48 ~ 牛肉麻麻,但那定食的蒸蛋不算甜,還有白果,雞肉,並不欺場. 而麵豉湯味道剛好,沒有過咸.

今日男朋友生日，特登揀D我地兩個從未食過的菜式試下在OPENRICE見到有前輩寫大助也寫得不錯問過意見後決定來試試黎到門口，好快就有侍應開門...服務不錯吧最初入到去，冇安排TATAMI 俾我地坐但係過左一陣之後，因為有其他客人冇到就問我地坐唔坐TATAMI啦，正呀…梗係坐啦MENU有好幾個SET揀，二人前的SET最低消費$420，最貴要$680我地叫左個有和牛、又有海鮮…$590 二人前用料新鮮，侍應會介紹一下燒的次序其間覺得D野熱氣…叫左杯500ML($38) 的朝日飲下我地兩個都未食過和牛，其實都唔係好知應該燒幾熟最初燒五成…覺得口感麻麻跟住燒熟D…8-9成….入口後食食下會有溶化的感覺..好味雖然不是頂級和牛…但對於燒肉切哥…來大助試下都係不錯的選擇

上一趟和好友鍾博士來吃過午飯，覺得水準也真不錯的。所以今次帶一帶太太來吃個晚飯，兩口子靜靜地享受一下....太早來到了，店內一個客人也沒有。這還好，兩個人可享有的寧靜空間也就再延長多一些了....要了一個二人份的叫"大助盛"的套餐。主食以肉及海鮮為主，算是十分的豐富....前菜只是聊聊數條的醃青瓜及紅蘿荀，而且賣相甚不佳，不禁眉頭皺了一下....接着侍應端來三款醬料。普通醬油、蒜醋及鹽，配搭十分的簡單，沒有古靈精怪的組合出現，對近日喜歡清簡的我，甚是討好....加了少許錢另加的刺身拼盤，內容都只是最普通不過的三文、吞拿及北寄貝。鮮度又是一般。有點後悔叫了....麵豉湯頗鹹，又沒有鮮味，只是一般"粉開"的即食貨色，可以不用喝....主食一次過端出來 --- 頂級霜降牛腹肉、鹽燒牛舌、帆立貝、天然雞腿肉、豬肋骨、車海老及紋甲魷魚。陣容確實鼎盛....牛腹肉經燒灸後油香滿溢，一點渣也沒有，脂紋肌理分佈均勻。以套餐格局來說，已是賺突；牛舌爽口，不過若然是厚切多一些，就更"爽"；帆立貝伴以牛油來一塊兒燒，又香又鮮甜；雞腿肉事先用醬油醃過，已夠味，肉亦不韌夠嫩；豬肋骨反而沒太大驚喜；車海老的確夠大