大助燒肉專門店

营业中

休息中

昨晚的晚飯是一餐很豐富的日本餐, 食到我十分之滿足, 其一係好多野食, 其二係唔駛我俾錢, 男士們請客, 哈哈哈哈話說荷蘭擊敗巴西之後, 飯局已成, 有人請食飯慶祝, 其中一人提議到了大助食餐勁, 我地聽者有份的女士們當然要大食一餐助慶, 不過話說回頭, 這店的刺身真的新鮮非常, 而且仲好厚切, 一塊已經等如某連鎖店X長的倍半厚度了, 立魚厚切味道鮮甜, 配SAKI 感覺係絕配呢烤肉都好有水準, 日式的烤肉, 不像韓國燒烤的醃製, 而係單純食肉的原味, 故此店的雪花牛肉, 和牛, 羊肉砌成的烤肉拼讓大家食得好開心, 肉質的肥瘦很適中, 烤過的牛肉很香口; 不過主角係件羊架, 用黑椒輕輕醃過, 羊肉本身的味道好好, 沒有羶的感覺, 羊架一咬即開,沒有半點掙扎的跡像飽肚的咖哩飯都水準不錯, 豬扒炸得鬆化, 咖哩帶甜, 聽朋友講, 一星期都會到此食兩次LUNCH, 次次都食咖哩豬扒飯呢飯後有綠茶糯米糍食, 食完不忘多謝慷慨的BILLY

今天，跟家人預早慶祝父親節。看雜誌＜飲食男女＞ 說九龍城有家挺好吃的燒烤店，又是新開張的，就去試試。店裡的環境很舒服，就是冷氣開得比較大，建議大家去前帶一件外套，以免覺得坐的位置太冷了。我，弟弟和媽媽給爸爸叫了一個套餐。提議帶一些小吃到哪裡，因為等候食物的時間比較長。套餐裡的食物也是非常豐富的，可惜忘記了帶照相機，所以無法把靓相拍下來給大家看！sorry! 套餐裡有一盤小小的日本A5級牛排，一盤雞肉，兩個澳洲的bb羊架，還有很多片西冷牛排，最後有一個挺大的海鮮帶子。非常豐富喔！叫一個套餐還附送一盆兩個的飯糰。賣相漂亮。其實吃一個套餐不太夠，還可以散叫一些的食物。我建議大家試試他們的燒雞翅膀，但是我叫了差不多四十分鐘還沒到，l老闆說三四分鐘就可以了，但過了20 分鐘還沒來。氣得我和家人罵了老闆一頓。我對那些燒雞翅膀的等候時間非常失望，服務態度挺差勁的。還有，去前可以先預約，因為裡面的位置有限，上一次和朋友來沒位置，搞到要去吃大家樂，所以今次比較聰明了，先預約。但我想，一段短時間也不會再去。等到食物來，都已餓死了！

尋晚同老婆兩個黎食，被安排坐左係BAR檯，位窄頂腳唔係好舒服。叫左個兩人"當豬戀上牛"套餐，有豬腩肉、豬1扒、煙肉芝士卷、澳洲和牛粒、牛肋骨同牛利，每樣少少，兩個面豉湯、一碟四件仔既冬菇同蕃薯，兩碗飯。另外加$78有刺身併盤，有甜蝦、帶子、三文魚同吞拿魚，每樣兩件。仲另外叫左個椰菜沙律。所有燒肉都無醃過，和牛好霖，肉味淡，豬肉ok但唔凸出，牛利係比較味濃同爽口。刺身好新鮮，每樣都好味，唔錯，個沙律亦唔差。整體食物質素唔錯，服務都幾好，尤其係個女侍應比其他男侍應醒目同識自動自覺做野，食物黎到有人會介紹下你應該點燒。不過要彈係肉黎得比較慢，等左好耐先黎。個爐抽氣效率嘛嘛，成身煙味同熱。埋單都差不多要六百，相對食物質素同其他燒肉店比唔算好貴，但始終食呢d燒肉套餐女士就ok，男士可能唔飽要補飛。

星期日無事幹，天氣又麻麻，一家大細都晤知做乜好，咪去龍城吃飯吃完就同亞仔去踏單車。早幾星期經過見到新開燒肉店，咪試下平平地食個午餐。入到去又估晤到裝修幾靚仔，揀左座塌塌咪，一家人咁座都攪笑。二人set $168 ++有四款燒肉連湯,前菜,甜品燒肉份量不是太多，但質數好ok，m.........好過盛八服務很不錯。以吃午餐來計很底食物質數：@@@@ (5@最高)服務態度：@@@@@底食指數：@@@@@