大叻越南牛肉粉餐廳 (通菜街)

营业中

休息中

嚟咗旺角附近想食嘢，行黎行去唔知食咩就是但入左一間。坐低就叫左一個炭燒香茅豬扒飯。嚟到呢發現個香茅豬扒係10分大塊嘅，基本上大過我隻手掌，雖然香茅味就冇乜，但係因為佢有一陣炭燒既味，食落都好香，都叫一半既名副其實啦😅。最終啦因為佢豬扒又多飯又多，所以我係食唔晒嘅。

每次走到旺角， 看見琳瑯滿目的食肆， 不是太多人排隊， 就是沒有什麼特色，有時候， 總想頹頹地吃一餐。 有一天 我在女人街看到這間舖頭的時候， 沒有預期， 沒有盼望， 就進了店裡看到晚餐的餐牌， 不用60元， 有小食有飲品， 於是便一嘗。我點了這個生牛肉湯河， 來到的牛肉， 色澤鮮紅， 份量足， 伴上一碟芽菜辣椒九層塔跟四分一片青檸。我喜歡把辣椒 放進湯裏， 小泡兩下再拿起， 等微微的香辣味滲進湯裏， 然後把其他配料放進湯裏， 再擠點檸檬汁， 青檸帶出牛肉湯的鮮甜味， 牛肉的水準不錯， 我吃了很久還有很多牛肉和河粉， 像怎麼吃都吃不完， cp值十分高。晚餐送的小食是越式春捲， 非常香口， 再配上一杯凍檸茶， 整個配搭幾乎是完美。非常推薦這間小店， 當我在旺角想不到吃什麼的時候， 腦袋裏不再只有麥當勞跟譚仔，哈哈！

黎過唔少次，份份都好大份！特別係啲肉量好多今次個雞扒撈檬塊雞扒依然好大，實飽，抵食～晚餐仲有即炸鬆脆春卷送只不過依間既餸實在過鹹... 如果少啲鹽就好了🙈🙈🙈 所以食左幾次都係覺得少吃為妙

繼續食匀旺角女人街🤣今次食越南菜👅晚市要加一 午市下午茶就免加一☺️.#炭燒香茅豬扒飯 $52呢塊香茅豬扒大過我塊面🙈切開有10小塊咁多 豬扒燒完之後都keep到肉汁juicy😋 唔知係咪用過糖去醃 食落有小小甜味飯上面有配薑蔥 鹹鹹地 同香茅豬一齊食更惹味☺️.每份晚市套餐都會配一客 #絲網春卷春卷係即炸既👍🏻 食落入邊熱辣辣春卷皮超鬆脆😍 絲網係堅既 真係超薄食落唔會油淋淋 入面餡料有肉絲 蘿蔔絲等等小食有驚喜啊😋

夜晚經過旺角女人街發現一間越南野好似好平就入去試吓 環境唔算太好 以為會中伏 🤔但嘢食竟然會有驚喜🤯絲網春卷夜晚叫一個餐會有兩個絲網春卷送一送上枱好明顯睇得出係即炸 放咗幾分鐘入邊仲係好熱🤔春卷皮十分鬆脆 😍唔係好似街邊啲春卷外皮咁淋 好難想像一個送嘅小食竟然會咁好食 😛食完兩舊根本唔夠喉 如果可以額外再比錢叫幾舊我都會比 當食完春卷嘢食就差唔多到炭燒香茅豬扒飯豬扒好香炭燒味 而且仲好大份 肉十分就爽口 🥳味道都十分足夠 一食就無停口 十分推薦大家去食飯上有配菜 撈埋飯食十分夾炭燒香茅雞扒飯 雞扒相比起豬扒就較為遜色 🤭可能係豬扒太好食 食完豬扒再食雞扒就唔算太有驚喜雞扒只屬普通水平 但都好大份 都值得一試企會比較推薦試左豬扒先龍眼冰 +6蚊龍眼冰只屬普通水準冇乜驚喜 🤢我寧願加凍檸茶凍奶茶算整體來講呢一間係幾抵食 晚市$60左右有找需要加一 而豬扒真係十分之高質 如果夜晚經過可以試一試

第一次黎，俾個份量嚇親，一個女仔黎真係會食唔哂。散叫的話，大約40幾都會有。今晚叫左一個晚市套餐，都只係$55。加埋一都係$61。真係抵食夾大件。晚飯一人餐可以叫個粉或者飯，另送你2條春卷，同一杯嘢飲。今晚試左香矛豬扒飯套餐。份嘢食黎到我真係眼都突埋。目測有2碗飯，同10條切好既豬扒。豬扒下面晾左一堆椰菜。睇下d豬扒幾震撼。豬扒煎得好juicy, 香矛味唔算好重，不過用左都幾多糖去醃肉。所以味道偏甜。飯上面仲有d 鹹鹹哋嘅薑蔥。真係 鹹又得甜又得，得左! 哩個飯。男人食完都飽哂。飲埋杯檸水，真係飽到上心口。

香港越南菜好多，但有啲好貴有啲就唔夠正宗所以我平時想食越南菜都會揀食呢間！當然呢間可能比較小店，坐得無咁舒服，如果搭枱就更加麻麻哋不過勝在食物質素還好同行兩個人，各自叫咗個一人餐，包春卷兩個同飲品，都只係$52，抵食！首先，生牛肉河粉牛肉同成碗河粉份量好夠，牛肉無雪藏味但無鮮味，湯底唔會好咸，但未算好食另外，炭燒豬肉撈檬豬肉食落有啲乾，無咩肉汁，但炭燒味幾重，所以好香。個酸辣汁唔錯，唔會太酸但幾開胃。最好食嘅係絲鋼春卷上枱嘅時候熱辣辣，整叫整炸唔錯，食落無油膉味，出面個皮好脆，裡面都夠味，食落好惹味同唔會好乾

火車頭湯底不熱，只是暖湯。酸辣鳳爪的汁很甜，像用咗蝦餅甜酸醬汁配製。馬拉棧炒通菜，店員話沒有馬拉棧，只有蒜蓉炒，只有照要，但上桌是看似水煮通菜 太難食啦！完全冇哂食慾。凍檬，d酸汁配得太甜，不好吃!

越南菜餐廳係香港可謂多不勝數，但要做得夠正宗夠傳統並不容易，很多時媒體力捧某部分集團旗下大型越式品牌，反而味道參差，不值一提。但大叻反而令我對越南菜式有了新驚喜，無他，就係個種傳統炭燒味令我難忘1. 炭燒豬肉撈檬檬粉是傳統越式幼身檬粉，配搭自家酸辣汁伴食，非常地道。最特別的就係幾塊炭燒豬肉片，炭爐燒過的肉表皮上仍會沾上燒過的炭紋，熱辣辣，同時因爲豬肉事先醃過，香料味道芳香，入口嫩滑，配上一杯3色冰，更添美滿2. 炭燒雞扒飯越式餐廳不選擇撈檬，卻選了飯，是友人特意安排，主要聽聞炭燒雞扒味道難忘。的確，炭燒雞扒表皮雖然燒得部分焦黑，但內部雞肉白嫩，雞皮香脆，而且雞肉預先醃好再煎，所以配白飯更perfect，大叻既雞扒的確會是我十分推薦既產品。

久不久會來食午餐，份量多又可以過過東南亞食物口癮，這次還是第一次食這裡的晚餐。這裡的炭燒食物不錯。我要了炭燒雞扒飯，知道份量會很大所以叫了少飯。這飯重點當然是雞了。雞扒又滑又大件，雞被炭燒過的味道更把雞肉味逼出來。雞扒下面也有一堆椰菜，吃肉也不要忘食菜啊。點晚餐每個人都會有兩條春卷。春卷新鮮炸熱辣辣，外皮香脆，裡面的餡料也是，好食，一定要趁新鮮食。我們想多要一個小食，最後決定要一份米紙卷。送到上來我們都很驚訝同樣跟其他餐廳一樣都是四件怎麼那麼大份米紙卷很大所以餡料都多，材料新鮮很脆，不過可能比較大件包得不夠實，吃著吃著都有點跌出來。每人叫一個晚餐$5x，再加一個小食share都很affordable，份量大，很抵食。可惜，我們食完之後都感到異常口渴，不斷飲大量的水，不知道下了多少味精呢…

今日lunch去咗食同事推介嘅越南餐廳~Menu有lunch set，包1杯熱飲，價錢$50有找，都算合理~諗咗好耐，最後都無要到套餐，因為散叫好似多d選擇~到最後決定散叫咗個‘蝦餅撈檬’ (HKD44)~(唔包飲品，如果叫飲品可以半價)個人覺得，無論係檬粉/餸，份量比較少~🙈(下晝好快就肚餓🙈🙈)但味道都唔錯，如果檬粉&配菜可以多返少少就好~🦐蝦餅方面呢，比平時食開嘅蝦餅大塊，但得2塊...（貪心mode: 如果多幾塊就好🤤）不過係幾好味嘅，好彈牙，唔錯！👍🏻😋

每次同男朋友做完Gym佢都話肚餓要食野，咁我就緊係忍口啦！次次淨係叫米紙卷就算…今晚終於唔係做完Gym泥食啦~~就一定要試下d粉麵啦！越南野我不嬲都鐘意食，呢間都可算是我食過咁多間最好食既！呢個鮮茄牛坑腩朦真係不得了！湯底鮮甜不特止，牛坑腩林得泥有咬口！雖然係鮮茄但係蕃茄味唔會搶，相反仲帶到紅蘿蔔同洋蔥既甜味，加埋d香料味真係可以成碗飲晒！牛坑腩唔係林到入口散散地個隻林，係真係要咬但係唔會咬唔斷個隻！我詞窮唔識形容，最好自己去試下！就會明白咩叫彈牙有咬口！(我唔排除只係當日食材好所以咁正，但係值得一試！)絲網春卷雖然係送既但係都係好好食！唔好煎炸野既我都會破例清左佢就知果然有料到！(一個餐送2條，我同男朋友一人一個餐所以呢到有4條)特飲跟餐+$6，我要左三色冰，不過無乜特別，入面有d芒果啫哩酸酸地咁唔係幾夾…下次唔會叫另外仲叫左馬拉盞炒通菜，不過偏咸，唔太推薦。

餐廳寫清楚熱飲免費 ，熱檸蜜加$3本人叫了一杯熱菜蜜後 結帳時竟收了$2再向員工問清楚價錢時，竟提出熱檸蜜加$3，所以現在加$2已便宜了。叫餐時員工亦無提醒過以下收費。 錢唔係比唔起，唔使你施捨

如在女人街搵食，實在是極容易患上「選擇困擾症候群」的。有的會路過但錯過，有的走進去但食錯！幸好，這回幫襯的這間食肆，是屬於「有時路過但錯過」這種類。店舖門面簡單，內裡空間有點細，座位較為擠迫，有時會和對座的食客腳碰腳。或許……這會令人卻步。不過，今次試食了「大叻鮮茄牛坑腩河粉」，真的不錯！湯頭鮮甜，是絕對可以用「鮮」和「甜」來形容。牛坑腩很軟腍，而且平時對於河粉麻麻地的小妹，又覺得吃這份湯河粉時，連湯帶河粉的將鮮甜味道吸收。最重要的是以午市套餐來說，已經是同區相宜之選了。所以大家不容錯過囉！

隱世既越南餐廳，如果唔係朋友介紹，我都唔識黎呀越南菜我都好鐘意食，既然介紹到，就特登去呢到試試佢入得越南餐廳，試梗係試下佢個生牛肉湯河啦，佢呢個生牛肉個肉岩岩好，唔會好「un」，非常好！個湯底又唔會好咸，我個人黎講好鐘意之後仲叫左個春卷同牛油雞翼，兩者都做得好出色上台仲熱辣辣，咬左啖仲見到雞肉入邊有少少煙，非常好味最後仲點左四串串燒，配上佢既醬汁，簡直係一流呀，雞肉好嫩滑，咬落去有汁，非常好味！加上佢事前準備得好好，調味出色！必試題外話，餐廳既侍應泰國姐姐禮貌好好，服務好好，非常抵讚