大同老餅家

营业中

休息中

星期六同老婆返媽咪家食飯，之前黎呢度買點小點食下。大同老婆餅($3) - 細細件，燶燶地，失望，恆X及榮X的比較好。豆蓉皮蛋酥($3.8) - 綠豆蓉和薑蓉味道夾，皮蛋份量剛好。整體來說唔太甜，OK既.

聽聞呢度有芝麻老婆餅食，同媽輝Tea完過嚟買個嚟試．除了餅面有幾粒黑芝麻外，原來啲餡都係黑芝麻餡．三人每人試啲，結論：都係鍾意食傳統的多些．

專誠來買幾件雞仔餅的。買了三件，留起兩件，胡亂的進了一間茶餐廳，叫杯咖啡，先吃一件。外皮脆，內餡軟糯，口感不錯；南乳味香，亦有點點五香粉之味，油香滿咀，味道很好。市面上有不少的餅舖有雞仔餅賣，但似乎是這裡的做得最好。略嫌做得大件了一點點，絕對是在雞蛋裡找骨頭。幾位阿姐雖然忙，但服務態度很好，值得一讚。雞仔餅三元半一件，十蚊三件，很便宜。忽然想起一位曾在這裡並肩作戰的戰友，她也喜歡這裡的雞仔餅。

主人與奴隸獸到南生圍觀鳥，於是到『大同老餅家』買了些糧餉。1. 豆沙煎堆2件（每件HK$4.0）：煎堆仔看似擺放了一段時間，但意想不到，食落竟然像剛出爐的，外層保持香脆，內層柔軟，煙韌得像糯米。豆沙不太多，不太甜，應是自製，不是一般行貨。2. 肉心餅（HK$7.0）：一袋有四件，餅的味道及質感與『光酥餅』一樣，餅面的『肉心』其實是『白蓮蓉』，但味道極淡。老餅家的出品，確實有一般的水準。

27-10-2007 Sat入元朗同女性朋友R買完o野臨離開元朗前,梗係要o係o度買返啲o野返屋企慢慢歎啦,今次唔o係恒香,改o黎呢o度,買o左:1) $8.00四個o既嚤囉酥.從未食過呢樣o野,好奇之下買o黎試.咬開,碎粒瓜子肉o既香味蓋過所有;蓮蓉內藏有用眼睇唔到o既瓜子肉,變o左咬口特別,味道都OK o既.2) $12.00五件o既荳沙條唔厚o既餅皮包卷住滿滿o既紅豆沙,唔太甜,不過有啲漏,可能同較油o既皮面有關吧.3)$10.00五件o既光酥餅唔太乾,食落冇其他光酥餅o既異味,食到最後食到有蛋味,不過仍有小小黐牙,始終光酥餅應該係咁o掛.服務好好,好有禮貌.

住元朗o甘耐都未幫襯過呢間老餅店, 趁中秋節諗起媽咪鐘意食五仁月餅, 買左一盒五仁金華火腿試下. 我從來都未買過月餅亦都唔食月餅, 見連俾錢都要排o西長龍, 應該品質唔錯卦. 況且成二百六十幾蚊盒, 之後原來先知普通d蓮蓉月餅先至百零蚊一盒. 不過媽咪鐘意食, 多多錢都買啦. 食完飯切一個食, 好在媽咪老豆同阿哥阿嫂都話好食好香(我仍然無食), 睇屋企人食得o甘滿足既樣, 幾貴都值!

與小二參加一活動, 搞手山長路遠的於大同買了清蛋糕做茶點招呼!!她說這款清蛋糕是"新出品", 因當中加了忌廉云云. 蛋糕有很香的蛋味; 雖然經過舟車勞頓, 並被放置了數小時後, 依舊很鬆軟; 中層的忌廉好滑而且不太甜, 沒有搶去蛋香卻增添幼滑口感. 的確是不錯!!最重要是數塊錢已大大件(比我的手掌還要大), 真係好抵呢!!

很多人排隊買，很多人流傳說好吃。但不是你的那杯茶，那怕再好吃都是不懂欣賞。今日試了一點點著名的五仁火腿月，哇，我還是喜歡傳統的蓮蓉月，那些才像吃月餅。現在的賣$26X/盒，未免有點貴罷。

去完勝利...行過黎買少少手信1. 大同老婆餅, $3...極鬆化, 裡面既冬瓜蓉甜度好, 我用個夾..夾唔到, 好不容易拎去cashier, 個店員都整散, 好鬼好人夾個新既俾我, 唔該哂!2. 豆蓉皮蛋酥, $3.8...店員話裡面有薑粒, 我食唔到, 老公過有好少好少...我鍾意老婆餅多!3. 試個光酥餅, $10, 原本食落都唔錯, 同我係奇趣買既差唔多, 可惜食到一半, 再聞下個餅, 有少少ammonia 既味, 相信係baking soda 之類既chemical 作怪, 唉...敗筆!

上星期五考完試去了奇華對面的大同老餅家買了個原味老婆餅回家怎知引起媽媽極度不滿因為我沒有預她一份所以為了補獲今天專誠又去買了本來只買一個原味老婆餅($3)但看見芝麻味老婆餅($3.5)有貨係度所以又買多個芝麻味未食過原來d餡係芝麻餡黎唔錯我覺得好食過原味=]

買了荳蓉皮蛋酥同荳莎酥, 雖是下午6點幾快關門了, 但仍是微熱的, 忍不住一路行一路食那個皮蛋酥, 真係好好味, 至於那荳莎酥, 回家叮熱後仍不失水準, 正呀.

向來對老婆餅沒興趣山長水遠去到元朗當然還是要去幫襯吓~買了2個馬仔1個豆蓉皮蛋酥1包杏仁餅乾1包鹹餅他的皮蛋酥是我吃過最好吃的馬仔也不錯跟一般賣的有些許不同基本上都很OK有機會再去試其他嘢...

忍手忍口...行左一個圈, 如果唔係自己on diet, 一定會左執執右執執, 今次去只買了個出爐菠蘿包, $3, 比起金華細, 出爐既熱度都唔太熱, 只能說暖, 個麵包皮都好脆, 不過個包心就唔夠金華咁實在, 但都係中上之選! 另外夾左三件黑芝麻餅(健康之選), $6, 佢標明健康, 唔知係咪, 不過就好脆好脆, 兩人一口氣食哂! 我諗好熱氣下, 返去要飲涼茶啦!下次真係減到磅先再黎買雞仔餅, 乾酥餅(定係叫西樵大餅), 老婆餅等等!

當然不吃市區都有、榮華恆香的物產。（若下次大局前人在元朗的話，當然會帶點「手信」給大家）手中的不是太白餅，也不是老婆餅：雞尾飽有的是極級「油沙」餡，椰絲很少- 口感以微焦的麵包為主，香滑的半流沙牛油餡為副；墨西哥包的墨西哥皮也很牛油，麵包白而香軟，皮味濃而粗糙；菠蘿包是有菠蘿的菠蘿包- 餡料是菠蘿吉士、菠蘿香料加新鮮菠蘿…太「菠蘿」了，竟有點苦。要是「芝麻老婆餅」已出爐，不作他選。（「芝麻老婆餅」是芝麻糯米糍餡的老婆餅）

沒碰過這裡的雞仔餅相信也有一整年了，但水準仍然保持著，外脆內軟，芝麻欖仁加南乳，味道依然的吸引，可恨(還是慶幸？)它太甜，否則一連幾件當飯吃也可以。