大同老餅家

营业中

休息中

元朗同事告知我大同的月餅十分出名今次有幸食到,都要多得同事幫我買出嚟試因為未試過既關係而且又可以單一個買~ 我就買咗雙黃白蓮蓉月來試試~這盒月餅一點也不平宜呀~ 232/盒 (仲貴過美心添)我還未把月餅送回家,就發現家中有大同月餅了家人說好好味~ (而我亦很快地將它品嚐一口)果然蓮子蓉很香也不太甜~ 味道不錯啊~

媽咪指明要食大同伍仁果子月,上個星期日即刻去買,昨日終於試咗啦!!!大同月餅果然好味,雖然係舊式餅家,但出品一點也不油膩而且甜度適中,舊式店來說真是難得 4個月餅買了$238.7,比平時雖然貴很多,個人認為一年一次,係物有所值ga 伍仁果子月 - 口感非常好帶點橙皮香味,感覺無咁油膩 蛋黃蓮蓉月 - 蛋黃雖然無起油,但我們志不在此所以只買了單黃帶起少少味,精粹在於這間出品ga蓮蓉,又香又軟又滑仲唔甜tim無得頂ar

今日答西鐵入屯門果陣突然靈機一觸諗起元朗既老婆餅二話不說叫元朗朋友幫我買番一打同女友一人半打本身想買恆香 點知朋友話大同既仲好食信佢一次啦 話晒都元朗地膽=_=拎完盒野之後 響屯門行左好耐自己又粗魯 都估到應該會整碎-_-(注:老婆餅 $3.5/個)個餅既外皮都有幾大分別恆香既皮系會一片片甩落黎大同既皮實身d 焗番熱之後好正!!就好似蛋撻都有分酥皮同曲奇皮咁 各有特色d餡甜度適中 真系搵唔到挑剔位如果屋企有焗爐 可以焗番熱黎食如果冇焗爐 建議買左即刻食撻到凍晒 又整唔番熱 系完全唔同味今次依個好評 比得心服口服^^

好友專登入元朗買大同老婆餅比我吔拎走真係唔好意!!! (但好多謝佢令到我可以再食)現在每次去元朗都必買既手信就係大同老婆餅我個人認為好好味,又不太甜,個餅又鬆化喎~不似恒香既老婆餅, 太多一片一片 既皮掉下來大同既餅皮同恒香既餅皮是不同的各有千秋~我就愛大同多D 嘞

二月中旬‧晴去元朗區遊，見這間老餅家，又買件餅當點心，一路行，一路吃。這裡的皮蛋酥有兩款，一是豆蓉，另一就是蛋黃。我一向喜歡吃豆蓉，也覺得蛋黃的太膩了。拿出三元，熱辣辣的，吃起來外皮很酥脆，真的一吃就散開了的。內裡的豆蓉香甜，除了皮蛋的味道，還有一片子薑，甜辣的感覺給予味道上不錯的平衡。不知是真的，還是我的心理作用，硬是覺得現在的皮蛋酥，是細個了很多的。

以前係附近返工, 都有係大同賣芝麻餅食... 呢次都係買左黑白芝麻餅, 黑芝麻無以前咁鬆脆, 只有又薄又硬又脆. 同友人K兩個人都食到牙痛... 所以個白芝麻餅都無即時開來食.. (不過我姐夫又好鍾意食喎~~)之後第二日放工, 開左包白芝麻餅, 諗住佢又係又硬又實喇.... 點知~~ 又唔係喎, 同以前一樣咁鬆脆喎... 好好味...

而家入元朗,唔食恆香lu~!原來大同老婆餅,更好食!四個原味老婆餅,一個芝麻味老婆餅。她好食在有曲奇口感的餅皮!又唔油；餡軟糯得黎,唔會似o趙緊糯米糍/香蕉糕,她保留到少少瓜蓉口感。又唔甜!今次發現左芝麻味老婆餅,混入了芝麻香,更好食。喜歡傳統風味,吃原味;想更好食既,係芝麻味。呵呵!我覺得兩樣,太難取捨喇!

次次去元朗都未試過大同老婆餅, 因為餓所以就買嚟試下,好多人都嚟買嘢食,我試買嚟食, 又幾好味,外脆內軟, 軟既感覺係好不同, 全都是冬瓜蓉, 口感不同恒同的煙印呀.. 食完老婆餅, 就覺得呢間嘢不錯, 再買咗馬仔同雞仔餅比屋企人食呀

食開恆香既招牌老婆餅,特登試試元朗另一老牌唐餅店,老婆餅買完入落袋仲係熱辣辣,燙手果隻,餡料雖然夠軟又唔會過甜,但較黏,皮就鬆得滯,未咬拎上手都碎哂散收收,食起來就好似皮還皮餡還餡咁~整體而言都係恆香的配合得較好,蓮蓉蛋黃酥呢個出色好多,白蓮蓉夠滑,甜度剛剛好,蛋黃好香,最重要係酥皮夠一層層又唔會太油膩讚!平時會買奇華既迷你荳蓉蛋黃酥,大白餅呀,雖然味道都唔錯,但試過呢D新鮮出爐既出品之後,都係時候同"香港人既手信"SAY BYE BYE LU~下次要試埋REGULAR SIZE既喜餅先得,鐘意佢紅紅黃黃咁COLORFUL,不過果D餅成個月餅咁大舊,可能要當飯咁食了

每次到元朗總要到大同買些手信才安樂。 雖然都不外乎是皮蛋酥, 但實在令人回味。 這裡的酥餅都是放在焗盤上讓客人自行挑選。 蓮蓉皮蛋酥$4: 另有加了紅薑的豆蓉餡, 但因小妹不愛吃薑所以選蓮蓉。 酥皮鬆化, 底部也是脆脆的不會濕透,真的要很輕手拿著, 以免弄散。內藏四分一隻皮蛋, 蛋白焗過後也不會乾硬得像橡皮一樣。 至於蓮蓉質感幼滑得似醬一樣, 不會又乾又實, 甜度適中,很容易就吃下一個呢! 老婆餅$3.5: 又買個和恆香的比較一下, 餅皮同樣香酥薄身, 只是內裡的餡未能得我歡心, 只吃到黏黏又帶煙韌的糯米糰, 完全沒有糖冬瓜、芝麻的香氣, 被恆香比下去。 見很多人都買了一袋四件的雞仔餅$16, 但因本身喜愛吃軟身, 對這種脆硬身的始終未敢嘗試。雖然老婆餅令我極為失望, 但看在皮蛋酥份上,還是會給個笑臉的。

中秋.我媽媽去買左2個月餅太肥的我..每個食左好少五仁月....十分香...有的好in...un感覺單黃連蓉仲好...好硬......不太甜......好易入口.不油.好香

食左兩年大同 人地介紹 於是從此專心食大同回晒油既月餅真係好香 絕無以前食月餅一切就散同一粒粒硬既蛋黃既問題愈切愈開心 切落去完全分唔到邊d係蛋黃邊d係蓮蓉 特別我好鐘意食蛋黃 不過一定一定要等佢回油回油之後既蛋黃入口即溶 同蓮蓉混為一體一個字: 香

中秋la~~~~~最近真係月餅當正餐= =係city super手痕見到好多月餅counter今年揀大同試下有得散買雙黃綠豆蓉一打開個餅塌塌地都有d驚我懷疑佢擺左一段時間之後一切我把刀算薄同利但皮同個餅都分離左= =好啦都算試埋味道感覺好散得個油字個黃都叫有少少蛋黃香綠豆蓉麻麻地滑亦冇豆香好差仲有正宗紅豆月餅~姐係冇蛋黃既~~呢個個shape都唔夠挺身個底好塌個皮今次冇咁散紅豆蓉實淨夠棉都叫有d豆味完全對大同失望唔會再try係咁多

友人請食老婆餅。好食過恆香好多！個皮較薄，而且個餡好厚料。咬落去，口感煙韌，唔太甜...而且個餡夠厚，唔洗食皮多過食餡。

入到元朗不奇然便會想起「恆香」既老婆餅。今日我就試左「大同」既老婆餅，舊式的餅通常都會加入豬油，大同既老婆餅都不例外，不過，食落口都不太感到豬油既「油益」味。老婆餅既外皮係很薄的曲奇皮，很脆口但好易散，且較油膩，餡料都不太甜，但始終不及「恆香」既老婆餅咁香同軟。棋子餅用了花生油造，味道適中不太甜，而且都香綠荳蓉的味道，反而冇老婆餅咁油。最後，仲買了光酥餅，都幾好食，好有兒時既味道。