大和豚総本店 (已結業)

係旺角假日晚上咁多人既地區要揾食真係唔容易，朗豪坊間間食肆都排哂隊，於是我便行過對面既雅蘭中心睇下，原來雅蘭中心2/F全部都係食肆喎，不過我揀咗位於1/F呢間Yamaton來試吓，好似只係雅蘭先有。等咗約15分鐘被安排坐在窗口邊，可以望到對面朗豪坊，處處嗅到燒烤肉香味，我都唔執輸，立即order咗幾樣食物，waiter 細心講解燒肉及火煱方法，好有禮貌，其實我仲有幾樣食物想點，見隔離枱好以好好食，唯有下次再來過。 鯛魚刺身都幾新鮮，賣相又吸引，仲有兩朵花！ 沙律ok，都沒有太特別！ 麻麻地！ 呢個燒肉併盤有五個部位，每處都有特別既質地，值得一試！  點解呢個豚肉喎叫美人喎呢？哈哈！係因為湯底加咗骨膠原呀！味道普通，但勝在夠gimmick賣相又吸引！女仕們致愛！

今日與同學黎到大和豚到食野(聽說是一間頗高級的餐廳)，原本抱住一個不認真的心態去吃東西，但一到此地，卻令我感到念念不忘。首先，環境方面，這裡給人一舒適的感覺，讓人食得開心，快樂。其次，服務質素方面，這裡的員工十分友善及助人，當中一名員工為我們煮一個炒飯。最後，食物方面，我不得不讚當中的豬手，其肉汁鮮美，包上生菜，讓肉汁緊扣在口中，其味道直接衝擊我的味蕾，讓我對此念念不忘。

琴日同咗班fd去呢到食飯，本身都抱著試下新野既心態入到去坐低都幾舒服，果到D waites既服務態度超好會主動幫我地加火鍋個湯，幫我地整個芝士排骨同抄飯呢間野真係好食，D環境又好，service又好，未食過既朋友一定要試

32度熱辣辣的今天放假， 除左去游水或者行商場都唔知做乜好， 決定揀左去旺角行商場shopping，行左朗豪坊半小時都係覺得無新意， 於是轉移到附近的雅蘭商場， 行左一陣買咗幾件衫之後, 想嘆番一個下午茶，見到一樓角位處有間好似好高級的餐廳大和豚總本店， 裏面唔係好多人，心想價錢應該不低，想入唔想入之間， 終於決定入去。 入到去覺得環境好優雅好靚， 侍應帶左我去裏面一個角位坐在落地玻璃傍望著朗豪坊當侍應遞上餐牌給我的時候，有少許驚喜，下午茶餐48蚊就有交易, 我決定叫了一個餃子湯麵， 餃子略嫌細一點而麫的湯底好濃好岩味道最後再歎埋杯咖啡，侍應除左遞上糖和奶之外還有一小樽白色的骨膠原粉， 唔知飲左會唔會靚D㗎呢餐廳提供免費WiFi, 一路歎咖啡一路上網，一樂也成件事我覺得呢個下午茶餐好超值~食拉麵, 歎咖啡, 免費上網。第日唔使去連鎖咖啡店同人迫， 可轉移陣地來這裡

今日同女朋友行完朗豪坊有D肚餓既時候!發現對面街多左間新野!所以膽粗粗衝食去試下!哇發現味道真系唔錯!個軟殼蟹非常之惹味!個豚肉沙沙簡直正!有4杯特飲!我揀左魅力四射!以為味道會好怪!但飲落幾特別又幾好飲!!只不過價錢稍為貴左少少!!!

今日同女朋友行完朗豪坊發現對面多左間新野所以走我試下！發現味道吾錯！由奇杯野飲幾特別 ！軟殼蟹好有避風塘味道！個豬手都系我特別中意一道包但住生菜加上特別既醬！豚肉沙沙簡直正

夜晚經過呢度見環境唔錯，同女朋友入去共進晚餐。Waiter介紹完菜式後，知道呢度出名食豚肉，咁就點左芝士烤豬肋骨、豚肉沙沙同烤軟殼蟹。烤軟殼蟹小小辣 幾惹味豚肉沙沙本身唔太食得辣 但都覺得好食 麻麻辣辣 好過癮👍芝士烤豬肋骨同女朋友都酷愛芝士，雖然係自助烤同炒飯，但waiter都好有心咁幫我地煮，服務態度一百分👍。  半溶既芝士配肋骨非常好味，加上各種既配料黎炒飯，幾有嚼頭，味道唔錯。最後點左杯士多啤梨提子特飲，提子味道夠甜，但略嫌唔夠士多啤梨既味道。呢度環境優雅、氣氛唔錯。情侶、朋友仔黎傾下計食下野不失為一個選擇！

上星期6同男朋友仔去旺角影蛋黃哥~跟住就諗住去附近食個dinner，見到雅蘭新開左間專食豚肉ge於是決定入去試!!依間shop俾我嘅第一印象係環境好, service好一入到去waiter哥哥就幫我地堆櫈坐，超好人😳😳講返野食先, 因為join多2個朋友共4人感當然叫返d小食la~大紅袍軟殼蟹(雖然我哋唔食得辣, 但依個又真係辣得幾好味  )豚肉沙沙，醬好味豬手，味道過不失跟住就係主食，飛魚鍋~~~睇到落d骨膠原落去，係過癮ge xd清清地~不過味道就略嫌普通咗d，同埋裡面隻菜如果可以改其他款/ 自選會更好再黎就係一個SURPRISE! 竟然有芝士豬肋骨本來睇個名以為呢間係日本野，問返waiter原來係日韓餐廳waiter哥哥可能見我地呆呆下唔識搞，好貼心幫我地煮曬成餐~芝士芝士芝士芝士正arrrr!!!總括而言，環境舒服，服務好，食物都不錯!更有特色會更好

夜晚約左老公去食飯，佢點了一個豬頸肉及南肉的鐵板燒的晩餐，店員介紹燒烤方法及醬汁使用，開爐，放上芽菜及豬頸肉。大概五分鐘就全熟了，加上醬汁，很美味。之後燒腩肉，略微多油，不及頸肉好食。經鐵板烤出肥油加燒肉醬汁入口不覺油膩,不過我就厭腩肉稍肥.爽爽嘅豬頸肉受我歡迎一Ｄ，另外嗌左個咩咩芝士薯仔之類既野，好正，嘩，估唔到原來可以咁夾嫁啵，搞到我老公叫我快Ｄ諗方法學，仲係到問Ｄ職員教我整，搞到勁尷尬＞＜我面都紅晒！之後老公都想試下個軟殼蟹，佢話ＯＫ喎，我就無試，因為太飽了！其實仲有好多野都想試，不過今次得我地２公婆，下次叫埋ＡＲ爸ＡＲ媽一齊黎再試下其他野先！！！可能好多客人都係食類似呢Ｄ鐵板燒，令到成間鋪都係燒烤味，全身都係，其實唔係太好。 

在旺角咁人多地區，能有一間那麽舒適餐廳，坐位鬆動，食品賣相精美，咁多鍋我選了豚肉飛魚鍋点解，因裹面有骨膠原呵！末試過呀！女人都想靚補一補囉！仲叫了鬼火辣辣鍋，巧香嘅辣我like D種辣，還有鮮甜刺身，潮食推介(≧∇≦)

因為甘岩係另外一間餐廳覺得價錢太不合理，於是轉移陣地到雅蘭中心再搵野食行過對面馬路就見到大和豚總本店，由於太肚餓門口大約望了一下餐牌見除了燒肉火鍋還有拉面，於是走進去坐下。餐牌細看後大家也決定只吃拉面，於是揀左兩款拉麵：黑蒜油辣肉醬叉燒拉麵及黑墨豚骨湯叉燒拉麵。首先講下黑蒜油的那個拉面，order時請職員幫忙將辣肉醬另上，面來到了先淺嚐一口黑蒜油豬骨湯，淡淡的正合我不愛咸的喜好，面底方面不過不失，不硬也不太軟，試肉醬。。um....辣味似五香肉丁的辣味，而且偏咸，可能係補充湯底的淡味。一邊吃一邊加肉醬，結果吃到最後越食越咸😰，肉醬還餘下一半，面還有一啖也吃不下了😫

又到每月一餐的時間,今次是一月之星生日飯,我& Phyllis 都是同月HA,book了8:00到旺角的大和豚総本店 ,是日韓菜式,主打日式烤肉、鍋物及吉列。環境十分寬敞的餐廳,裝潢以木色為主,柔和的燈光,給人一種溫暖的感覺。我地坐的位置,長長的椅子,好闊絡,坐得好舒服呀。烤肉用的爐。調味料,多數都不會用。飛魚美人鍋好吸引,還有鐵人燒肉,及叫了一些小食。飛魚美人鍋-豚肉野菜飛魚鍋,$272,賣相和menu match,好吸引呀,店員已把骨膠原啫喱倒入在湯底裡。飛魚乾豬骨醬油湯底,味道鮮甜,豚肉包了大量野菜,食落鬆化爽口,味道甜甜鹹鹹,不俗呀。鐵人燒肉,$226,有豚腩薄切x1,豬柳x1,豚肩肉x1,豬扒薄切x1,豚頸肉x2,包白飯、麵豉湯 、韓國生菜及辣麵豉各一。店員試範了點烤之後就到我們自己烤了。用韓國生菜包烤好的肉再沾辣麵豉或醬油伴食,味道冇咁漏,包左1,2次之後有點煩便就咁食了,豚肉不算太香口,最後就把泡菜及椰菜一起炒來食。韓國生菜及辣麵豉 。白飯及麵豉湯 。附送的小食,有醃青瓜、蓮藕、泡菜及薯仔沙律。黃金串串大和豚,$92,外層酥脆豚肉多汁,好香口,但份量少,8支裡有4支豚肉4

同朋友行完街走左黎YAMATON食~咁岩唔洗等位~呵呵呵~天氣好凍所以叫左鐵板!!!咁多款鐵板我就選左鐵板豚肉三免拼免費白飯套餐~雖然要自己燒但係都幾好玩!!!食法有好多種:可以包菜點醬亦都可以就咁點醬食~可能我燒得幾好~(我燒左大約十分鐘d肉變左色就食)d肉唔算乾仲有少少肉汁~味道﹑肉質同口感都唔錯~d菜都算新鮮咬落去都好爽口~用菜包肉一齊食o既話d肉真係會無咁油膩~適合女孩子們~好好食而且都幾新鮮!!!內有免費wifi而且服務唔錯環境都幾好!!!可以再去食!!!

因為之前沉迷左吃韓式燒肉，所以好耐冇食過呢間，今朝見出開旺角，就同女朋友返黎呢間食下。12點半去到，嘩....星期日居然1個人都冇~! 有d驚驚地 ，一坐低﹑見到餐牌唔同左wo，最平既午餐set 都要成舊水，之前好似冇咁貴，我地就揀左個$138 lunch set (1 舊豚肩, 2 舊豚勁肉, 3舊牛小排 + 白飯﹑湯﹑生菜﹑一杯野飲) 再散叫加左1個泡菜湯 ($68)﹑1 碟豚勁肉 (4舊) ($7x) and 多1個白飯 ($18)，我記得我地以前晚餐散叫食都係差唔多價錢，d 肉仲好似多d，而家散叫ge 餐牌cut 左以前比較抵d ge set，所以計落加價都加左唔小。 第1個黎既係泡菜湯同埋白飯，但我地太心急食﹑完全唔記得影相，個泡菜湯一黎到係熱辣辣，用黎撈飯先係一流，所以肉未到，我同女朋友已經每人ko 左半碗飯，個湯味道好濃泡菜味，但又不太辣，可能韓式同日式整ge 味道有小小唔同，呢碗泡菜湯感覺上冇咁油膩，但可惜份量太小，好快就消滅左。之前lunch set 同豚勁肉黎，".........." 係我同女朋友既反應，比以前份量細左勁多!!! 肉既大小比以前起碼細左3分1，以前

剛開業時同家人去過一次，食物不錯的，當時都係食豚肉鍋類，今次同朋友都想食燒肉，但因為時間緊迫沒法訂到其他燒肉店，所以選擇左呢間！！此餐廳以鍋類為主，訂了7點，我先到就看看餐牌有什麼美食，因為我一個人坐著等有點尷尬，所以我先點了一杯梅酒，同一客炸雞軟骨搞笑侍應對答一侍應一:梅酒要一支?我 : 一杯得喇 (難道每位客人都可以飲到一支梅酒?)（我影呢張梅酒相時擺好位，想影時剛好朋友傳來訊息，我先查訊息，此時有一位貌似部長既人行埋黎將杯梅酒移開放回台上，我有點無語了 )炸雞軟骨夠熱，但冇味道因為我同友人都想食燒肉，所以就點了$158鐵人燒小牛排定食，一客三文魚壽司，菠蘿特飲有小牛排6件伴椰菜, 一碗麵豉湯,一碗白飯三文魚壽司，雪藏冇鮮味牛肉上台後我真係打左個突，全部6件小牛排四邊都是發黑的,我同友人講係唔係半生熟黎架???侍應上菜時有倒2行油上塊石板上, 但燒唔夠一塊肉已經痴底，我就問侍應可否倒野油？侍應二答我 : 你地個餐冇跟油架，所以比唔到你我 : ！咁痴哂底點燒呢？侍應二 : 你唔介意既我可以幫你地燒 (佢仲要用懶CUTE既語氣答我)我 : 唔使喇，唔該！我梗係介意你燒啦，明明倆人飯聚