大埔東江雞酒家 (已結業)

昨晚有朋友專乘入大埔搵食，話之前行過大埔墟見到東江雞想入去食下，咪入去囉！時間不算早不算晏，大概晚上七點。一入去見到全部細枱已經有人坐，淨返全部大枱吉嘅。但我們只是兩人，坐大枱不好，仲考慮到費事阻人，咪好聲好氣問仲有冇細枱？幾個阿叔侍應已經猛喝我們是但搭枱咪得囉！係得⋯⋯但我們唔太想，再禮貌地問介唔介意我們兩人坐大枱？阿叔侍應再喝：搭枱囉！！！。佢咁喝我們咪走囉寧願去另一度坐得舒服d食。我們又冇坐低過、冇開過位、水都冇飲一滴，走時仲同阿叔講唔該哂。但那幾個阿叔侍應追住我們鬧：「唔搭枱就返屋企煮啦巴閉！！！」嘩阿叔們，唔幫襯啫用不著咁惡！？你堅持要顧客搭枱，但顧客有權唔幫襯你啩！？

今日一行三人喺大埔行街，專登過黎食返個鹽焗雞飯。呢度嘅鹽焗雞飯其實出晒名，我本身比較鍾意食泰式海南雞飯果種好滑嘅雞，不過大部份都係凍冰冰，而家呢啲天氣都係食熱嘢好。佢啲雞唔算太肥，當然雞胸係有少少鞋鞋地但係好香雞味所以食得過。成個飯最靈魂係佢個沙薑汁，就咁用黎撈飯都可以扒晒成碟。唯一可惜係以前個例湯係送嘅，而家要十蚊一碗，都好抵飲嘅~臘味炒飯做得好出色，有鑊氣之餘又唔會太油，我本身知自己玻璃肚唔敢食但因為朋友食唔晒所以都食咗兩碗，而且今次個肚仔好聽話啊~~ 

和爸兩個人來這裡晚餐印象中好像未試過這裡的雞爸堅稱我一定有試過特此作出個紀錄XD兩個人點的就只有兩道菜金牌鹽焗雞(例牌)及蒜蓉白菜仔金牌鹽焗雞，據介紹是先以濃湯浸熟，再澆上雞湯及秘製醬汁另附沙薑汁先說肉質，雖不算十分嫩滑，但也不會粗糙皮下脂肪不多，多肉而不會韌味道方面，鹽焗雞夠入味，不沾沙薑汁也很夠鹹香味加上沙薑汁的香味，就更能帶出雞味！蒜蓉白菜仔，對於我來說，就只是覺得很油膩但爸說用上雞油來炒，令白菜更香整頓飯的重點 - 金牌鹽焗雞，確實好吃～～

好耐之前經朋友介紹，話大埔公園仔入面有一間沙薑雞飯好正架，所以就去試下，入到去見到個裝修比較舊，地下都幾污糟😅，服務員都唔係咁好，等左一陣，我叫既沙薑雞飯到啦，外表冇咩特別，試左一啖，好好食，沙薑雞好滑😍，d飯偏硬，最重要係佢個醬，加少少落去d飯到攪埋一齊，真係好香同好食😝

踩🚲車入大埔😌踩🚵到身水身汗, 近排咗少運動👟的我真係感覺良好😸 咁辛苦踩到入嚟大埔墟,都早有預謀😁嚟食懷舊食東江雞 🐔晏晝有39蚊兩餸✌ 好多街坊幫襯🍱我就叫咗鎮店之寶"東江雞飯"雞🐔味依然 跟以前一樣咁咸 入去幫襯一兩碟飯 ,都照開 壺靚茶🍵畀客人飲踩完單車🚴或做完運動的制水😰朋友 ,真係首選好地方!門口仲有好多靚湯畀你揀真係落足料煲嘅,唔係味精湯。可能覺得我奇怪😒淨係影碟沙薑 其實係靈魂之一, 點沙薑之前記住搞暈碟沙薑, 如果唔係就帶唔出沙薑同油混合的美味 嘥咗碟沙薑。

昨晚跟朋友在這裡用膳，叫了馳名東江雞，菠蘿咕嚕肉，燉湯…認真說，味道真的不錯，上菜速度很快。最欣賞菠蘿咕嚕肉，真的新鮮菠蘿，美味極了！只是女服務員態度較差，什麼叫「終於都走了」是在趕客嗎？

同屋企人去大埔街市入乾貨,再去街市對面的四方公園(在廣福里,大明里,大光里,大榮里中間,成井字型排列,睇地圖就會更了解)行下睇下有咩食,沿途有麵包店,生果店,燒烤火鍋食品店,糖水店等,周圍都好多日用品,買東西夠集中。大埔東江雞酒家就系大明里,牌匾鋪面好大,好易找到門口放左6大煲中式糖水$13-15試下最出名的*金牌鹽焗雞(例牌$110),用濃湯浸熟後斬件上碟,鹽焗雞夠入味,肉質嫩滑但偏熟了少少,蘸埋沙薑汁系非常正。*雞蛋焗魚腸$71,油條外層超香脆,雞蛋魚腸比例剛好,魚腸好新鮮

味道：1)招牌鹽焗雞例牌只是蒸完再求其焗，因為個碟上有好多水明顯蒸過但無焗乾，雞無雞味，不點沙薑醬就根本沒味道。2)椒絲腐乳炒通菜無味，無腐乳味，無辣椒味，成碟都係水。3)蝦仁炒蛋炒到乾哂，無鑊氣，蛋無蛋味。4)另叫咗一碗白飯有生米。環境：環境一般。服務：成日唔夠水壺，坐低叫咗茶催咗4次先黎，叫佢加水之後直頭唔拎返個水壺黎。費用：埋單兩個每人$150,共$300. 超貴唔抵食。總結：去對面大埔街市大排檔都無咁嬲。呢間嘢失禮人。食物無鑊氣，水準差。價值貴。

呢間真係有細食到大，招牌菜就係東江雞，佢呢一間店舖係大埔有兩間，雞來講其實佢算係大埔最好食，不過有時啲肉會比較靭，有時啲肉就會比較爽，所以都比較參差。大多數我都會買外賣返屋企加買餸再煲飯食，不過我最鍾意就係佢嘅蝦仁炒蛋，雖然啲蝦仁係冰鮮，但係炒蛋好有奶味，不過食過咁多次，如果有問題其實都係外賣嘅時候，我試過買到返屋企打開全部都係蛋黃炒嘅蛋，所以而家每次買外賣係鋪頭走之前，都會望吓個飯盒入面嘅食物係點，費事攞嚟攞去，又要攞去換，不過整體來講如果食小菜，佢嘅價錢其實都唔算平，不過又真係保持到水準嘅。

This restaurant in the bustling Tai  Po market area just happened to catch our eye,  so we tried it without having seen any reviews. Lucky us: their signature salted chicken --  apparently garnished with a "secret sauce" -- ranked among some of  the best I've had in Hong Kong. Though it's somewhat cookie-cutter mass-produced (check out the window fronting the kitchen to see piles of steamed chicken heaped atop each other), the dish still tasted well-prepared and unique. I recommend giving this a

呢間街坊小菜, 朋友食個中過好多次 覺得唔錯, 所以就帶我嚟~由於 佢個鋪名有個雞字, 咁我就以為好主打, 就無理到朋友嘅勸告叫咗啦... 結果呢,真係要聽街坊話, 吾使特別叫會好啲... XD 佢係凍食,但係 真係好靭 同 幾嚡口下... 我哋四個人, 叫半隻, 但係食淨左大半; 椒鹽九肚魚 薄粉漿 肉夠厚, 朋友食得好開心; 蒜蓉炒白菜仔正路吖; 魚香茄子煲我好欣賞呀, 猛咁食猛咁食... 佢唔太油膩 又夠鑊氣! 肉粒份量夠, 味道鹹香鹹香 啱啱好, 送飯一流, 諗起都想再食!!!

叫左半隻雞，好好食！雞超級有雞味！而且又好滑！加埋個沙薑汁真係無敵！送飯一流！果然係鎮店之寶！炸蠔餅有d唔同出面成個種！佢係勁炸勁脆！上層炸到脆，下層就比較似蛋餅個種！個口感都幾特別！

琴晚係大埔東江雞食飯。細細個已經開始鍾意係度食。由於今日貓貓好開心，所以叫左個每次都必叫菠蘿咕嚕肉食。每次黎呢度，老闆都認得我，問我係咪叫咕嚕肉。老闆好有街坊人情味。正當貓咪開始肚餓，咕嚕肉就上菜。好大陣咕嚕肉味，菠蘿同之前一樣，都係咁甜，食一啖菠蘿一啖咕嚕肉，好似食緊一啖砂糖一啖砂糖咁，好美味。咕嚕肉香脆，但整得入邊好有水份，呢個就係點解每次都吸引朕即地方。貓貓好肚餓，叫埋個粟米炸物黎食。雖然知道粟米好平，但粟米既甜味真係無法抵擋。間餐廳整既粟米炸物熱辣辣，炸物都依然咁香脆。呢間野真係平靚正，每次係大埔唔知食咩都會揀呢間，不過有時遲左，可能要排一陣隊。但好食既野，等幾耐都冇乜所謂啦。

海馬中道颱風侵襲香港，令使香港打工仔女多一天假期，但是我們都在深層壓力的十二小時風暴中驚恐地渡過！每分每秒留意颱風的消息，隨時需要準備上班去，費時失調，驚恐吓困窘在家，足不出户，看著無聊的風暴消息，百無聊賴簡單煮個方便麵加罐午餐肉蛋充飢便算阿！今早就準備去大埔八仙嶺行山，保持身體靈活健康，伸展根骨活骼，才是我們的個性！晚上忽然去大埔東江雞店食餐勁！每次會叫隻東江雞，味，美，滋，肉香的招牌菜！中國廣東四大名雞 :1/: 龍崗 (三黄雞）！2/: 清源 (芝麻雞） ！3/ : 海南 (文昌雞） ！4/: 惠州 (鬍鬚雞） ！可能香港最棒最滋味就是大埔（東江雞）！一碟精炒美味白菜，即炒即食，份量十足，清淡爽口非常，簡單就是一道美味清菜！惹味波蘿咕嚕肉，味感清清香香，愈嚼越心甜，口感滑順，青爽爽口的一道餸飯菜餚！當然不二之選的大埔東江雞，其味感相當突出，鹹香味濃，皮薄肉嫩及煙韌溜滑，一路大淡，允滿味道宜人，非常搶口！

Made a booking fo 5 people. easily done. fast service and professional. waitress took order and double checked. clean restaurant and spacious tables. Ate a couple of dishes, obvious winner the chicken. a good night out and enjoyable.