大埔東江雞酒家 (已結業)

雖然住在大埔，但還是第一次來吃!一行五人，要了東江雞半隻- 好香東江豆腐煲- 正常地好味西蘭花花枝- 很細碟粟米魚肚羹- 明顯地，魚肚很少很少椒絲腐乳通菜- 夠大碟，正常地好味想吃小菜和鹽焗雞時，是可以再來的。但當然，服務很一般，d阿姐的視線好像見不到客人，我只能說是有冷氣的大排檔，而且地上真的很髒...

某星期日，因君城春節期間，加二服務費，所以跟爸爸、男友來這兒飲茶。叫了馬拉糕、麻蓉包和排骨飯。哇，籠包啲皮濕的，好肉酸，打算換第二籠，點知每籠都係一樣，只是有些情況冇咁嚴重；麻蓉餡好唔掂，完全冇芝麻香；馬拉糕整到好似鬆糕咁，同君城差10 條街，飯冇到，但我估應該唔會太差啩！

這裡的東江雞已經名聞大埔，就過大埔中心的分店後，始終要到總壇拜會一下。中午過後來到，已踏入三點三時段，這裡沒有什麼下午茶優惠套餐但仍是人頭湧湧，真是奇怪，冇理由每食客都是來朝拜啊！當然是普洱加鹽焗雞飯一碟；普洱茶算是不俗，喝下是順喉的那種，鹽焗雞飯可說馬上送到，原先叫走翼的但沒有做到，要求退換阿姐都有幫忙，只是將這碟送給另一檯客人而矣，再上另一碟，可想而知來這裡點鹽焗雞飯的客人可不小啊。鹽焗雞是一貫的鹹香味濃，不肥不膩，配上白飯，快快就清掉一碩大的飯頭，再灌上一兩杯熱辣普洱，百年如一的美味。這裡的環境差矣，午市人客光顧完的杯碟仍未收拾，而座在的檯面上茶漬滿佈；而幾位阿姐像趕落場，那那篩篩；若不是心向此東江雞朝拜的話，下次光顧要三思！

一向都不太喜歡吃肉類除了肉香非常的牛扒類較喜愛的就只有雞肉了還要是口感粗鞋實實的雞胸肉家裡想要加菜的時候這裡的鹽焗雞便是其一愛好不知是否東江的做法這裡的鹽焗雞跟焗是毫無關係的這裡的做法是當你點了雞廚房就會把熱湯直淋在雞上翻熱淋上十數次再把雞斬件熱騰騰的雞肉香樸鼻肉質既滑且厚最愛的當然還是厚厚實實的雞胸肉每一口都是肉還有充實的口感鹹香非常的味道不用泮上沙薑汁已經很足夠$148一隻的東江雞.已能換來一家人的喜悅了

本來諗住去食佢因為未行到就已經聞到好香既雞味點知一入到去見到成群烏蠅飛黎飛去嚇到走都走唔切….臨走聽到個伙記話:開風扇吹吹佢啦..佢想吹走d烏蠅........

是晚返大埔晚飯, 外父係度加了料. 好像要排隊排很久, 係大埔來講, 係好巴閉.東江鹽焗雞: 3分, 其實也不是第一次吃了, 之前記憶係一般, 但是次係好得人驚的差. 雞肉係好鞋, 毫不嫩滑, 實實, 很難去咬開. 無乜鹽焗的痕跡, 基本上係都幾淡. 隻雞係無肉, 係骨多過肉的. 三腳貓的水準, 要排一大輪就更加不值.

今晚家中有客，所以買半隻東江雞返屋企，我好鍾意食呢到嘅雞，沙薑又調較得好味，返到屋企親戚都話隻雞好味，好滑，唔「鞋拾拾」，點埋沙薑真係飯都食多幾碗呀！價格情報：全隻$140、半隻$50、例牌$50。另外有雞腳賣$10/4，好抵食！

大埔住了幾年, 來這裡吃飯的次數, 五指數得出。很多人欣賞其鹽焗雞, 本人就不敢恭唯喇。每次行過都見預先斬定的雞一碟碟冧高, 上檯時才用鹽水淋熱, 咁唔衛生的行為, 不值得設open kitchen向眾食客表演掛...雞肉質過分死實, 仲好鹹下, 印象是麻麻的。至於其他小菜不提也罷。最記得一味梅子豆豉蒸鱔的鱔肉是霉的。反正行幾步街市上大把好野, 四方公園又有檔天外天, 出品都比東江雞好。最懷念是已故的謝華記"喇媽雞"及其雞雜。雖然都係鹹, 但係鹹的層次高好多班! 總括而言, 東江雞收得唔平, 質素又唔係特出, 完全唔明點解排曬上龍。仲有, 我冇記錯的話, 這裡不是中央劃位的, 所以食食下見到有條友"棟"o係你旁邊, 用狠勁的眼神想你快d扯時, 不要見怪。

平時夜晚有去開買盬焗雞飯，都幾好味，所以今早買咗2碟牛肉、1碟燒賣同1碟蝦餃返嚟做早餐，牛肉完全林patpat，燒賣還可以，蝦餃皮同餡分開晒，皮還皮、餡還餡！價錢雖然平啫(@$8)，但唔可以咁架嘛！

是啊，可以賣貴D，不應偷雞，真令人反感！不知可否報警(2) 雞太鹹(3) 整間店鋪(主要是紅磡店)都骯髒，傳菜向食物狂噴口水(4) 紅磡店收銀的師奶態度惡劣，把找錢扔給客人，態度懶散。我不會再幫襯！

"東江鷄"已食了好幾次,每次鷄的味道都不穩定.有時鷄味較濃/有時淡,有時肉質嫩滑/有時較"鞋".但總括味道OK. 上星期特別訂了"鷄蛋局魚腸",相當好味.但必須要電話預計,否則必定沽清.另有."鮮菠蘿古老肉"都OK,但肉較肥. 最後,看到隔理枱叫了"梅菜扣肉飯", 好似好好味,下次必定叫黎試下.

全家也愛吃雞，經常外賣光顧此店，肥少女回來，今晚便在這裏開餐同她洗塵：東江雞：雞味夠濃夠大隻也不肥，以本人口味感覺咸了些．雞蛋焗魚腸：本人至愛，雞蛋下全是魚腸，沒有腥苦味，是我吃過最好及最便宜的＄３８．菠蘿咕嚕肉：酸甜適中夠脆口，啱小朋友，但肥肉太多．椒鹽鮮魷：好味，個個搶住食．蒜蓉白菜：油太多，要用熱水灼過才可吃．魚香茄子煲：肉碎及咸魚足料，如不怕油送飯一流．糖水：約有９款，＄５－８，大碗夾抵食．服務：不見了惡騰騰阿姐，換了兩個瘟肫肫新人，落單要講３次，但都漏單，真冇佢符，埋單重經典，企係柜枱前等了數分鐘才有人理我地，都習慣了．將網友見到偷雞事件告訴親友，大家反應激動，決定要砌雞了解事實真相，果然雞上脾及雞胸不能還原，此等行為令人不耻，雖然食物質素不錯，但此等行為絕不能輕視，決定以後盡量不光顧，以示抗議．連最為食的肥少女也舉手舉腳贊成．

無可否認, 要食客家咸雞, 呢間既水準係唔錯但唔可以用鹽焗雞呢個名囉因為隻雞擺到明就係用鹽水浸熟,而唔係焗出來的想食平平地既鹽焗雞, 來元朗大歡喜啦想食鹽水雞, 元朗既東江一樣甘好味如果有一檔燒味舖, 將隻鴨炸出來賣再係招牌寫住明爐烤鴨你會否話佢搵笨呢請番呢度, 除了雞之外其他小菜只係一般貨式, 無乜特別

好同意樓下"食野"朋友的意見, D雞偏鹹, "鞋"口而且其他餸都好鹹, 叫左琵琶豆腐, 炸到乾晒,黑麻麻,重打左個勁鹹豉油獻; 檸檬蒸烏頭,成條魚呈鮮橙色,肉質有點霉; 炒豆苗,又係偏鹹, 但已經係四個餸中最好的一個!是次每人消費60元p.s. 湯米不好吃, 好似未濴淥熟

紅磡“大埔東江雞”，未食已一肚氣…到尾！幾天前中午致電訂檯晚飯，一個女人聲接電話，十分誨氣，就0甘“位”就吾出聲，之後問兩句答一句。好勒，食飯當晚伙計也是誨氣、沒禮貌、手指插飯湯、地方污糟！有食評說它偷雞，我信！成功非僥倖失敗有原因