大壹冰室 (已結業)

朋友係第一城站個邊工作，佢帶左我去河畔花園個邊食午餐。原本以為要行好遠，點知10分鐘到就到左。河畔個邊好多野食，我地經過一間叫大壹冰室外面，見到好多人排隊，所以就入左去試下。佢有提供好多午市套餐，價錢都尚算可以。我叫畫個龍蝦汁海鮮焗意粉配熱華田(HKD 52)，餐湯就要左個忌廉栗米湯。先黎既係個栗米湯，忌廉味幾香，用料都幾足下。 個餐包就係蒜蓉包(我至愛)，味道還可以，不過可以更加多蒜蓉(我本身係蒜蓉控)。個海鮮焗意粉賣相幾好，燶燶地既芝士蓋着海鮮如魚，青口，帶子等等，味道唔錯。意粉分量都算多。 杯熱華田就中規中矩。

睇住佢由開張時，排滿人龍，到而家唔駛等位。有半年無食過，今晚去左試，完全明白點解生意差左咁多。都費時講服務，食物差過連鎖快餐店。1. 芝士海焗飯 ($80)好難食，個白汁好似食鼻涕咁，海鮮極少，連雪藏魚都無一舊。飯底好似糊仔咁。2. 牛扒意粉 ($100)意粉有以前食的水準，不過整體: 一句講哂差過豉油西餐大部份碗碟都係難的，睇得出係無心經營。附近同集團嘅上海野已經轉換越南野 應該都係因為質素差，生意差。唔建議再幫襯！

一行8人係附近上堂 本來想幫襯隔離既德美 但係lunch time好full呀....見到大壹冰室門口都排長龍喎 餐牌啲食物相片都好吸引咁 諗住實無死就去試下啦.....因為入面無大枱 我地就分開左4個4個一枱....入到去環境都幾暗架喎 要朋友開手機電筒先睇到meun.....我地四個各自自嗌左4個lunch set...首先黎到既有蒜蓉包 咁大個女真心第一次見到橙色既蒜蓉 個包又淋喎 唔想浪費都食住先...跟住上餐湯 好濃既番茄味 完全係茄膏開水咁 又咸 飲多兩啖都個腎都頂唔順....好啦主菜黎啦我既係黑椒漢堡扒配薯菜 漢堡扒乒乓波咁大 好咸好咸 薯條中規中舉 都好難難食既...朋友食西冷扒配意粉 牛扒切唔既 韌過佢條命咁話喎 意粉夠彈牙 可以一試既...另一個食左白汁三文魚意粉 明明係西餐 但好有中餐既味道 因為佢既三文魚竟然做到鯇魚一模一樣既味道 我地個個試左都好驚訝呀....最後一個係煙三文魚天使面 佢既三文魚就好啲啦 有三文魚味....不得不提個餐仲配熱飲既 我地全部人都飲熱菜蜜 um...有啲失望 比起水多一啲甜味....唔好試啦....總括黎講 我唔會再晒時間排隊去食佢

咁啱係附近搵嘢食，可能係下午茶時間，所以所有服務員都黑口黑面，十問九唔應，食物質素一般，但係咁嘅態度真係唔會再食囉！其實唔想做生意就唔好開門做生意囉！食餐飯要一肚氣！

在附近工作 午餐行左10幾分鐘去大壹 食西餐本來想食上次食過的 set lunch menu 主菜 最平和個人覺得最好食但竟然當日 無提供 我坐底後有3-4個客人一坐底就問同一個餐。。。可想幾受歡迎結果叫了一個新餐 自家漢堡扒 配意粉本來個汁係黑椒汁 但我唔食黑椒餐廳又好好咁幫我轉 野菌汁 set lunch 仲包餐湯 麵包和餐飲我要白湯 都ok 無咩粉團 又有d蘑菇多士焗得有d dry 不過連湯食 就算了其實飲完湯和食完包都飽主菜有3塊麻雀1.5倍大的漢堡扒 好lum 無筋係入面 意粉彈牙 無水汪汪 或痴埋一舊 仲有好多配菜 營養均衡

minipapa再一次嚟到大壹食下午茶。本來想食蛋包炒飯，後來想到自己感冒，就點咗焗豬扒飯。下午茶時間，無人龍，但入面都坐滿人。餐飲好快就送上。個碟唔算好大，但豬扒已經切好，厚度適中。入口鬆軟。下午茶來說，份量足夠有餘。表面以洋蔥番茄汁和芝士覆蓋。味道不過不失，正常發揮，沒有太大驚喜。一般焗豬扒飯的汁到最後都不夠拌飯，這個也是一樣。因為不是炒飯底，用的是珍珠米，吃完豬扒和用汁拌著食嘅白飯，還剩下一半白飯在碗內。雖然女生已經足夠飽，但如果多點汁會更好，否則感覺有點浪費。$40有餐茶和份量充足的焗豬扒飯，合理又滿足的選擇。

今天約了朋友入元朗，因為要在大圍附近接朋友，所以約了在河畔花園附件先食過早餐，這裡好方便外面好多位置可以泊車，剛好去到就有咪標位。因為唔熟呢區，我們隨意選了這家冰室，因為外表看入去坐位比較舒適，而且套餐都比較多。入去坐底覺得燈光比較暗，可能係有氣氛吧！裡面全部都係卡位。午餐-- 有餐湯及蒜蓉包蟹棒櫻花蝦乾天使麵煙肉蘑菇意粉/個汁有D甜，意粉係幼身，不硬不較剛剛好。粗黑椒野菌豬扒炒意大利粉這個比較出色西西里蛋包海鮮炒飯

今日返下晝，我就諗住午餐先返工， 河畔花園附近就有一間西餐廳，平時都好多人排隊，見到今日無人排隊，就即刻去食個快閃午餐先！睇返個餐牌，午餐黎講比起茶餐廳貴少少😂但係就包個餐湯、餐包同飲品餐湯味道都ok，餐包係蒜蓉包，都幾好味！蘇呢個格蘭煙三文魚蜆肉天使麵都幾好味，都好足料，三文魚一啲都唔腥，個汁都整得幾好味天使麵好滑好幼細！呢間餐廳我應該都會成日去幫襯食午餐，賣相都唔錯，味道都幾好味都幾有誠意，係個地方比較迫少少，裝修都幾特別，可以接受！

剛與朋友一起參加完教會的特別禮儀。望望手錶已經九時了，我哋兩個都仲未食飯，於是決定到聖堂對面的餐廳。因為我哋兩個都未去食過，想試吓新野呢！一入門，環境唔錯，燈光昏暗但又不致於過黑，牆上有舊懷的掛畫和別緻的陳設，餐枱枱面由七彩階磚貼成，座位全部都是獨立式卡位，是和朋友傾偈談心吃飯的好地方來。我們求其選了一個卡位坐下便立即睇餐牌。款式唔算好多，我地好快就揀到食物。我選了星洲椰香咖喱牛腩飯，朋友就選了法式香燒羊架配野菌汁。第一樣黎就係餐湯。我要白湯，朋友要紅湯。兩碗餐湯都是微暖，唔夠熱。朋友飲了兩啖就放棄，他說餐湯是開粉。我的白湯有粟米粒，味道可以，質感一般，朋友說應該都是開粉做出來。我要求唔高，全碗飲哂！餐包是每人一塊牛油蒜茸飽。餐包唔熱，唔脆，有待改善，但味道就OK。我食的星洲椰香咖喱牛腩飯。個名懶靚，但味道就真令我失望，咖喱偏淡，完全唔辣，無落香料，唔夠惹味。飯用玄米來煮，算是合格。牛腩牛筋肉質都夠冧，配菜有洋蔥，沙律菜，西蘭花，甘筍，粟米，算是唔錯啦！朋友食法式香燒羊架配野菌汁。他切了一件給我試味。羊架煎七成，肉質唔錯，沒有蘇味，點上野菌汁吃，相當好味。配菜方面，和我食的差唔多，配上

荃灣有呢間，好耐之前都想食，朋友傻傻的竟然說不出餐廳名字就帶我來，未來之前我見到這間餐廳已說這裡竟然有分店！裝修都幾有特色，坐位雖然有點點窄但都舒服的~朋友心大心細想食西冷牛扒和肉眼扒，我原先想食冬蔭公湯海鮮可鍋烏冬，但怕太辣而放棄，最後我們決定選擇了香煎紐西蘭穀飼西冷和酥皮燒汁牛肋條。朋友轉了酥皮湯，我原本有酥皮牛肋條，所以正常的餐湯-雜菜湯，欠肉的甜味，但都不過不失，蒜蓉多士好香脆。另外加錢($29)配兩款小食-酥炸洋蔥圈和薯蓉焗法國田螺，洋蔥圈都唔算好油又香脆，點沙律醬同吃; 焗田螺下面的薯蓉有陣檸檬味，有點奇怪為何有檸檬味，不過都不差的。朋友的西冷先上，叫7成熟，但切開覺得似3成? 雖然無血淋淋，無肉汁，算是嫩的，但我不太喜歡太生的肉，且不夠juicy~而我叫的酥皮燒汁牛肋條等了較長時間，酥皮脆卜卜，但不敢全吃掉，牛肋條煮得好淋好入味，我很喜歡呢，最後都被我吃光了!個人認為扒類食物的質素有待改善，但還會再來，大部分選擇都不錯的樣子，希望有機會再來試下~

好耐冇去沙田了，仲記得河畔呢個地方有好多野食，多年後今次再去，選左間西餐廳，見佢選擇多，入去到我就叫左個肉眼牛扒餐，餐湯值得讚下，係黑松露忌廉湯，黑松靈好香呀！肉眼扒叫左6成熟，黎到真係大份到嚇左嚇，足足有2大塊，而6成熟真係比番6成熟我，好難得呀！切落去已經知吾鞋，仲要幾淋下，牛扒算係吾錯了！結果嗰意粉食吾晒。朋友就叫左個闊條面，吾算太大特別，餐廳不算好大，2人卡位坐得啱啱好，最緊要嗰冷氣夠凍，價錢就尚算合理啦，勝在夠多款。

午市又到河畔花園覓食。路過這間西餐廳，門口都多人排隊，於是入去一試。餐牌選擇十分多。點餐後，每人一塊蒜蓉包。脆脆地幾好味。再來一客羅宋湯及一及忌廉湯。味道幾好幾香，羅宋湯入面材料多。一客葡汁豬頸肉焗飯。大大碟，賣相十分吸引，面頭鋪滿芝士，十分足料。葡汁略嫌淡味。再加炒飯底， 十分滿足。一客西西里蛋包海鮮炒飯。賣相十分吸引，蛋包著飯。面頭鋪上滿滿的茄汁。海鮮炒飯底十分惹味，有蝦肉等等海鮮粒，推薦。整體來說，性價比高的西餐廳，午餐上菜速度快。

由佢剛開店食到宜家 剛開始有heart好食 但宜家每食一次就難食一次！本來只有咩意粉都無味嘅啫 宜家連好基本屋企都整得好食100倍嘅蒜蓉包佢都可以難食 個包又凍 搽個醬又剩係搽中間細細忽 搽多啲都驚蝕俾你咁個餐湯 again 首先一定唔熱 次次都唔熱 基本出面到到有得飲嘅紅湯白湯稀到呢 上得幾快都係咁話 好失望餐飲叫左杯凍奶茶 成杯完全無茶味 好似奶加水咁 我飲左一啖就唔再飲落去到左我地叫嘅蘑菇牛扒薯菜同香辣牛柳炒烏冬 牛扒5成唔似5成 好un 薯條炸得唔差 但應該無調味 唔點茄汁係無味嘅 而香辣牛柳炒烏冬 個牛柳可以讚下 份量唔少又唔un 但係一啲都唔辣 調味需要注意下因為住附近所以貪近經常食佢 無論點催眠自己咁嘅價錢仲想點 但剩係計佢附近嘅餐廳 比佢平比佢好食嘅 真係唔洗食佢 當初剛開好地地 宜家變成咁 希望佢放番多啲heart落去 如果唔係間野整得幾突出都無用

今晚同老公去左河畔搵野食 平時都係食隔離叉燒大王 今日去左試試呢間冰室 雖然門口睇價錢唔係好平 但望落好似幾好食 所以就想入去食下 叫左兩個dinnerset 好full 有蒜蓉包食 好香脆唔使成日食餐包😂不過叫左一紅一白兩個湯就覺得鹹左d 唔知係咪平時食得淡 老公叫左個法式香燒羊架配野菌汁 羊架燒得幾香口 又唔會話有蘇味 至於我叫嘅照燒牛仔骨溫泉蛋石鍋飯就較為普通 牛仔骨唔夠淋有d韌 相比起羊架較為遜色 都係韓國菜d餐廳好食d🙈🙈

我從未食過咁難食嘅牛扒，牛扒係吾熱的，用刀都切吾開，同伙記講，伙記只回應比把利D 既刀我。另外餐湯又吾熱，今時今日咁既食物質素及咁服務態度點做生意呀！吾怪得冇咩人啦！😔😬😡