大壹燒鵝 (MOSTown Street新港城中心大街(3期))

营业中

休息中

今日母親話想休息一天唔煮飯😉所以我放工就去左大一會合我母親同父親喇😗我地三個叫左人頭餸😚😋啫啫通菜煲餐廳好有諗頭先上左個砂煲🥘再將煮好既通菜倒落去，再係客人面前炒香啲蝦米、肉碎同埋菜😊非常之有鑊氣😍😋拔絲咕嚕肉個拔絲汁酸酸甜甜好開胃🤤碟咕嚕肉仲要有無花果又有菠蘿配襯，食左粒肉再食生果又可以減左啲油膩感啦😉😋碧綠龍躉斑球呢個碧綠呢可以選擇荷蘭豆🫛或者西蘭花🥦而今日我地就揀左西蘭花🥦斑球都有好多舊，舊舊都好厚身，仲要一啲都唔腥😜👍🏻整體黎講，係馬鞍山區呢間既炒餸食飯都算數一數二👍🏻舔舔脷指數👉🏻6.5😋/10😋滿分 可以一試😋

以前喺馬鞍山住時每隔1到2個禮拜必定去食喺沙田區內真係無邊間有依個水準👍🏻今次係老公想食燒鵝，姊妹同姐夫想食酸菜魚就揀左大壹燒鵝😚叫左唔係好多都係4樣嘢1️⃣例牌燒鵝鵝皮烤後啱出爐嘅燒鵝味極香，形成燒到金黃酥脆的表面保持了肉質的鮮嫩。再加上酸梅醬唔係食肉獸嘅我一食都食左4舊。2️⃣豆豉鯪魚油麥菜鯪魚鮮美同油麥菜的清新，每啖都充滿驚喜。無論是作為主菜還是配菜，豆豉鯪魚油麥菜都能令人愛不釋手所謂食唔停。3️⃣酸菜魚雖然天氣好似涼咗，但我地一向怕熱。都要食酸酸辣辣嘅菜令我地有胃口。今次其酸辣鮮香嘅酸菜魚，主要魚和酸菜酸菜的脆嫩和魚肉的鮮嫩形成鮮明對比口感豐富。4️⃣椒鹽鮮魷椒鹽的咸香與魷魚本身的鮮味，配合得好好炸得乾身酥脆，配啤酒一流🍻整體評價⭐️⭐️⭐️⭐️⭐️

Went here with my family for lunch on Easter Monday. .My mom got Kitchen One Roast Goose Rice. The goose was meaty and succulent with a crispy red skin. The balance of the meat and fat in the portion was just right. My dad ordered Singapore-Style Noodles. The noodles emitted an aromatic scent from the curry sauce. He found the dish not particularly exceptional though. .The store was quite popular, so we waited for a while before we could be seated. Personally I thought the food in their Causeway

見到好多人都話佢嘅「拔絲咕嚕肉」好好食，所以特登嚟試吓，兩個人食唔到好多嘢，叫多碟燒鵝飯拔絲咕嚕肉-果然係拔絲，名不虛傳，咕嚕肉外脆內軟，除了肉，仲有菠蘿、蕎頭、無花果，覺得依個餸好有心思燒鵝飯-可能唔係髀，所以冇乜肉食，得兩三舊有肉，大部份都係皮，不過啲皮都好好食蔥蓉同個甜豉油汁撈飯好好食紅豆冰-紅豆軟綿綿，好多紅豆，唔會過甜，味道啱啱好❤️好好食😋👍🏻下次再嚟過❤️P.S 依度啲侍應都好好人

雖然平時住附近都未黎過食一次 今日心血來潮食 嗌左碟燒鵝飯真係好乾 好似烤左好耐之後拎出黎咁樣 皮超乾 肉好柴 燒肉仲好食過燒鵝飯 雖然係6.左右去 但都未至於可以乾到咁樣 好失望

我享受了一份美味的下午茶，價錢只需$48元就食到廈門炒米，係餐廳非常受歡迎，味道甜甜酸酸的口感，包含炒米、豬肉片、蝦仁、蔬菜和蛋，然後用糖、醋、番茄醬等調料進行調味。不僅味道豐富，還相對比較營養均衡。希望你度過一個愉快的下午。

呢間野真係愈做愈差，食物差，態度差，唔會再幫襯亦都叫親戚朋友唔好再幫襯！首先講下態度 。收銀個呀姐成尊佛咁坐係度，落order買野食好似去求佢咁 ，都算 。我去買一家人既外賣，其中一個係燒腩河，個收銀呀姐同我講無燒腩，咁咪問下屋企人想轉咩啦，問完話要油雞河，你先同我講話無河粉？你玩呀？定扮麥兜？ 你唔一次過講無燒腩無河粉？食物質素 。個乾炒豬頸肉河係差既（又話無河粉！？），多油到個底啲油倒到出黎，又無鍋氣，成盒野好似比啲油浸熟浸熱佢咁 。而啲燒味真係不知所謂！ 燒鵝肉乾到柴皮咁，燒鵝皮韌到塊膠咁！叫瘦叉燒，你比啲又燶又得返肥膏既我，咩意思？仲要返到屋企打開袋先發現乜野醬都無比到！！！燒鵝無燒鵝醬，燻蹄無醋！！！（唔係自動比架咩？定係要自己出聲話要？）係馬鞍山住左咁多年，幫襯呢間野都唔少次，真係睇住佢愈做愈差！我好少寫食評或black list餐廳，但係經過今次之後，我真係忍唔住要完全black list左佢！

同老婆想試吓佢地小炒，入到去個男店員指我地去兩人位，但我地想座另一邊卡位，個男店員話卡位那邊是食小菜，食燒味就要坐比較窄的兩人位，唔好阻住佢地。咁即係要我地預先要諗定食咩，結果我地去咗兩人位，叫了燒味加小炒。食飯途中，有另一台食客話想要瘦义燒，佢攞碟义燒去個客度，好吋咁話碟义燒瘦過佢，但佢自己一點都不瘦。 跟住又話另一台客由下午茶坐到晚飯，但其實餐廳仲有大把位，結果俾兩個客話返佢轉頭，佢就縮埋一邊，兩個客俾完錢走咗，就行返出嚟講哂粗口話阻住哂。如果這是現今香港飲食業的態度，我真的明白香港的現今狀況是有原因的。但幸好，店中的其他女店員態度良好，其中一個更同我地講，如果點咗小菜唔夠擺，可以過返去卡位坐。個燒味瀨嘗可，小炒太鹹。

作為馬鞍山居民 我真係大大力推薦呢間高級茶記！佢出名主打燒鵝，但其實其他燒味都非常之出色😋我平時多數都會嗌佢嘅叉鵝瀨～燒鵝表皮燒得好香好脆，非常肥美，對於唔食得太油嘅人嚟講就可能會有啲heavy🤣而佢嘅叉燒都燒得外脆內軟，係偏甜嘅口味，我個人嚟講就好鍾意啦！😋😋😋

食物質素：以前都會經常來食，味道唔錯。最近幾次來真係差左好多，每片叉燒幾乎成舊都係肥膏（%80以上係肥膏），燒鵝無乜肉都係骨。上年都唔係咁，燒臘係招牌都可以做得咁求其，真係有啲失望。成本上漲都可以理解的，加價都正常。但起碼要保持到食物水平先得啦。雖然馬鞍山係美食沙漠，呢間曾經都叫做係前幾名好食，但之後應該都少來了，除非真係可以改進下。員工服務態度：非常一般般，無乜耐性。好似唔憂做咁。衛生：真係都幾污糟，仲未抹乾淨台就叫人坐低。

晚餐時間6點，馬鞍山街坊推介我來呢度食燒鵝。來到已經開始大排長龍，可見街坊都好鍾意呢間餐廳。排左大約20分鐘，環境都算企里，可惜燒味飯賣曬，否則都想試下燒腩仔，聽講都好出名。叫了燒鵝下莊，肥美多汁，皮肉相連，外皮仲有焦脆，價錢合理。肉質不錯，新鮮！拔絲咕嚕肉真的很拔絲，筷子夾起來糖絲連綿不斷，幾有鑊氣，仲有喬頭，份量也很大，送飯一流，不錯！侍應態度都算不錯，樂於介紹餐廳的推薦菜式。多啲人來吃飯可以叫煲仔菜，都幾好鑊氣！

【沙田區】【大壹燒鵝】馬鞍山不嬲有「美食沙漠」之稱，但係近年發展迅速之餘，因為呢個稱號而出現嘅商機蜂擁而至，大家都好似想出手喺呢片土地上面分一杯羹咁。而呢排我都聽咗好耐嘅消息，就係呢頭開咗一間幾好食嘅燒味餐廳，點都想去吓。呢日同同事細豬哥喺馬鞍山想搵個地方坐低吹吓水，無啦啦就撩起咗呢條癮。佢就大力推薦呢間啲燒腩仔，但係餐廳個名又唔係叫「大壹燒腩」，我就梗係想兩樣都食吓，下午茶 $48 嘅「雙拼燒味粉麵」似乎就滿足到我嘅願望喇。咁我就叫「燒腩燒鵝瀨粉」，配燒鵝要加 $5 不過我覺得合理，貴價食材嘛。而味道上，又真係個燒腩仔係好好食，燒鵝就因為骨多過乜所以冇乜感覺，我個人都會同大家推薦佢哋個燒腩仔。跟餐飲品我飲「熱杏仁霜」，都係咁。細豬哥都係食下午茶，佢食 $48 嘅「乾炒牛河」配「熱好立克」。佢食唔晒一份所以都有分啲畀我食，我食落都覺得唔錯，以下午茶嘢嚟講算炒得幾好。呢餐 total 係 $101 嘅，細豬哥話一定要佢畀錢，佢講到咁咯，我唯有 okay 啦。。。（地址：沙田馬鞍山鞍誠街8號新港城3期N座地下7-9號舖）#1amfoodie #foodie #hkfoodie #thatf

外賣 下庄同叉燒兩樣都係得肥羔 冇肉嘅 兩百幾買肥羔下庄明顯份量好小 應該得其他鋪一半份量你咁割韮菜 一定冇下次呢度啲like唔知點嚟 你知我知單眼佬都知太興係衰都唔會咁做生意離晒譜

以往一星期都會食幾次，係街坊飯堂自從舊職員轉走晒之後，新請既呀叔呀姑真的不得了食物方面：不錯夠熱有鑊氣，小炒王足料但咸過龍大一炒飯乾身惹味叉燒高汁，送飯一流衛生方面：一套走天涯一對手套抹完枱，掃垃圾，落單，出餐雖然可能好多餐廳都係咁 但肉眼見手套好多漬叫個飯 手連手套插入飯唔想食囉真係.....態度方面：惡劣當時食晚飯見到一對後生情侶入餐廳，當時8點幾餐廳已少人沒有人等位，但現場得大枱佢地2人坐左落大枱，侍應呀叔就話：你2個唔坐得大枱喎，呢個6人位黎，坐都要搭枱情侶話搭枱無問題，過1陣呀叔又同佢地講一陣佢地要搬枱，個後生仔就問前後大枱都可以搭4人2人，點解我要搬呢個男侍應答唔出又走左再過多幾分鐘個男侍應又返轉頭話張枱已經有人留座，9點有6位食，麻煩你地出返去等位我望一望錶....時間仲有半個鐘....對情侶都谷氣話唔食直接走，但離開門口有個呀姐大聲講：咁勞嘈咪食啦走啦其實餐廳地方咁逼咁細，聽到睇到成個過程都覺得d員工過分...(恰後生？) 如果有日係我遇到可能直接已經鬧左人，餐廳比我感覺唔休做...明明係冇得電話留座，夾硬講d野叫人走都得，睇到火滾一間餐廳食物幾好食，都要講求衛生同服務

呢到話係馬鞍山人嘅飯堂都不為過！假日夜晚未見唔洗排隊～今日星期六想食唯有6點半黎到就啱啱好可以入！😝晏多少少都要排隊先入得啦！1. 大壹燒鵝- 倒牌上庄 $138推薦指數：⭐️⭐️⭐️⭐️普通燒鵝一隻～油香味唔重，扣左少少分🥹但我覺得份量都夠嘅！2. 拔絲咕嚕肉 $108推薦指數：⭐️⭐️⭐️⭐️⭐️拔絲-有！👍🏻甜酸-有！👍🏻當然肉就未去到入口即化嘅口感，但呢個價，呢個份量，呢個口味，我願意比五星！3. 啫啫椰菜花煲 $118推薦指數：⭐️⭐️⭐️⭐️⭐️以前試過同系列嘅通菜煲，超級鹹🫠今次試吓呢個椰菜花煲，對我來講口味啱啱好！個煲夠晒熱，keep到個溫度！入面仲有肉碎、蝦乾、少量辣椒，夠晒惹味，送飯一流！4. 豉椒炒蜆 $138推薦指數：⭐️普普通通嘅一個炒蜆，冇乜豉椒味！殼多個肉，唔建議！總括而言，呢間都係多選擇，同埋都唔算係伏嘅餐廳，係馬鞍山嚟講，想搵間食小菜嘅餐廳，呢度都算係咁😛整體推薦：⭐️⭐️⭐️⭐️