大壹燒鵝 (MOSTown Street新港城中心大街(3期))

营业中

休息中

呢间野真系愈做愈差，食物差，态度差，唔会再帮衬亦都叫亲戚朋友唔好再帮衬！首先讲下态度 。收银个呀姐成尊佛咁坐系度，落order买野食好似去求佢咁 ，都算 。我去买一家人既外卖，其中一个系烧腩河，个收银呀姐同我讲无烧腩，咁咪问下屋企人想转咩啦，问完话要油鸡河，你先同我讲话无河粉？你玩呀？定扮麦兜？ 你唔一次过讲无烧腩无河粉？食物质素 。个干炒猪颈肉河系差既（又话无河粉！？），多油到个底啲油倒到出黎，又无锅气，成盒野好似比啲油浸熟浸热佢咁 。而啲烧味真系不知所谓！ 烧鹅肉干到柴皮咁，烧鹅皮韧到块胶咁！叫瘦叉烧，你比啲又㶶又得返肥膏既我，咩意思？仲要返到屋企打开袋先发现乜野酱都无比到！！！烧鹅无烧鹅酱，熏蹄无醋！！！（唔系自动比架咩？定系要自己出声话要？）系马鞍山住左咁多年，帮衬呢间野都唔少次，真系睇住佢愈做愈差！我好少写食评或black list餐厅，但系经过今次之后，我真系忍唔住要完全black list左佢！