大家樂

营业中

休息中

買外賣，出外賣當然是順序做。但今日下午在大家樂買外賣，竟然係後面的號碼先包好，而前面的外賣則繼續留在櫃檯上。點解呢！因為先出的外賣，放的位置，包外賣的姐姐伸手取不到，而後面出的外賣，則近佢身邊，那麼926， 927 可以取外賣，但921 ，922， 923 則留在櫃檯上，當你去問時，那姐姐望都不望一眼，你什麼號碼，叫你問主管。同樣地，你問主管時＇佢亦不望－眼你的號碼，只說外賣出咗。這是什麼的服務態度？任由外賣不理，話之瀨粉浸凍。作為客人，只好避而遠之，這垃圾一樣的服務態度。

前天在土瓜灣北帝街永德大廈分店午膳,點了一份葱油豬頸肉腸仔飯,發覺豬頸肉是咬不開的,拿刀切也非常實,最後幾經辛苦切成粒狀(見圖)才可勉強入口,而且切開後發覺有些位置還未熟的(見圖),到最後也吃不到幾塊！希望貴公司正示問題,不能吃的就不要賣給顧客

今天又是打工人的一天~午餐照旧是在大家乐解决的~大家乐绝对是打工人的饭堂！ 尝试了新款‘龙虾汁珍宝鱼柳焗饭’居然那么好吃，有点惊艳到！鳕鱼柳份量超大，炸过之后外酥脆内里嫩 用龙虾汁煮的米饭特别入味表面铺满芝士，再加上番茄和节瓜，营养均衡~配了一杯杨枝甘露，满足~ 作为一个扎根香港50几年的上市连锁餐厅大家乐真的非常接地气很平价 食物水准稳定，也能保持味道和品质，反而有些茶餐厅是较难维持水准 大家乐的咖喱饭、焗猪扒饭、炸鸡腿可是非常有名的连锁店吃的安心，价格平价，服务态度有保障 很多老一辈人一日三餐都在这家解决家长也非常喜欢带小朋友过来吃~

最近才發現土瓜灣，工聯會附近，想找一間有質素的食店吃早餐很困難，因為大多都沒有開門。那早餐是要食的，就找一間吃啦。已好耐未去過這類連鎖食店吃早餐，給我的感覺就是偏貴而質素沒有去到一般茶記水平。今次再食都是同一印象。其實都不太差，而且這間分店面積很大，早上客人不多，我一個人已經可以佔一個四人座位。休閒地慢慢嘆早餐，沒壓力。味道就很一般，扭紋通湯底很雞粉味，滑蛋份量少，雞扒看起來亦很細塊，不過都厚身的。這完都飽肚，又去開工了。

因為個人有少少懶, 所以就睇吓叫咩外賣好, 估唔到最後竟然叫咗大家樂外賣😂 外賣好快就送到喇，仲熱辣辣架。🍴 一哥芝味厚切焗豬扒飯大家樂嘅焗豬扒飯其實真係做得好好, 難怪係招牌菜式, 面層舖滿溶咗嘅芝士, 裡面配料有菠蘿, 蕃茄同四色豆, 而豬扒係厚切嘅, 不過肉質keep 到好軟腍, 再配炒飯底, 真係可以食唔停口。🍴 配羅宋湯羅宋湯味道不算濃, 感覺反正似雜菜湯多d, 一d 辣嘅味道都無, 不過就有好多雜菜喺裡面。大力推焗豬扒飯, 又平又好食😂

最近因為由於疫情的關係，不同食肆推出不同優惠來吸引不同的消費客戶群。大家樂也因此推出抗疫推套，75元兩個小菜，另可加15元獲得兩碗白飯；1碟小菜；2碗是日糖水。只需$85就可以享有一頓豐富的晚餐，根本就很值得，甚至便宜過在家煮，而且材料豐富，有得多飯，還可以把冷飯菜汁翌日帶回工作當中午飯。值得推介是那個梅菜扣排骨，配合豆腐，肥而不膩。果然深受大眾歡迎。另一值得吃得是那個蝦餅，配合辣椒醬，十分爽口彈牙。至於那個糖水，絕無稀場，材料充足，可以當作宵夜呢。注：如果那些自助售賣機 或 收銀員姐姐可以增添「加飯」的功能就更好了，不用麻煩客人親自到取餐處下指示給店員。(試過幾次店員也不記得)😂

大家樂分店有好多間，基本上每區都會有，相信很多人都總會食過一次，而今篇主要是講土瓜灣分店。大家樂其中一個招牌菜，我想應該是招牌一哥焗豬扒飯，而這間店應該是我吃過最難吃的。不夠熱，不夠汁，豬扒怪怪的....不會再有下次了

焗豬扒飯，係呢度嘅皇牌之選，除豬扒大大塊外，有蕃茄醬，鮮蕃茄，雞蛋及蔬菜，用料均平衡，不多不少，豬扒肉質軟，有嫩口感。令到整個熱辣辣嘅豬扒飯好好味。中湯，青紅蘿白湯，味清甜，老火湯味，不錯之選。羅宋湯，蔬菜多，酸味重，帶少少咸味，好飲。什扒飯，牛扒，豬扒，漢堡扒，香腸，黑椒汁。牛扒細細塊，梳打粉味！豬扒一大塊，石頭般的硬。一分錢一分貨，不過不失。奶茶，茶味奶味剛剛好，有量有度，工業式做法但有質素，香港味道的奶茶。

冬天有四大特色美食!打邊爐,BBQ,羊腩煲,最后係糯米飯!從未食過大家樂糯米飯, 試一試睇睇有矛驚喜先.糯米飯第一個感覺係配料不少, 雖然花生夠多可惜唔夠脆, 另一可惜係蔥花無炒過係生蔥, 如果落鑊炒一炒, 炒出蔥油香更正.至於糯米飯, 略為硬咗少少, 軟糯D更啱我.食埋哩個糯米飯, 今年四大美食完成!yay.....Y(^_^)Y

2019年Christmas, 同啲屋企人去到另一個親戚嘅屋企開Christmas Party, 呢個係家族，幾十年都係咁，一嚟慶祝主降生成人二來就係家庭聚會咁樣。今次嘅Christmas pParty嘅主角「火雞」，親戚竟然喺去大家樂訂的！！ 喺呢段時間，大家都知道大家樂係乜嘢背景，而我屋企人都係yellow嘅，點解會咁呢？而家講講個火雞，個火雞唔算好大隻， 人手拎到去嘅時候，火雞嘅熱度唔係好熱， 隨火雞就半送兩個醬一個係金巴利汁，一個係燒汁。個火雞嘅內籠，係冇stuffings嘅， 傳統上火雞一定要有stuffings，this is a must！再講，切出嚟火雞肉又乾又嚡，完全唔juicy，烤火雞其實都可以好tender，however呢個火雞真係唔掂。 皮又乾肉又硬。Not Good!再講，嗰兩個汁，金巴利汁都唔夠甜，同埋火雞配燒汁，都係唔妥檔。

今日放假喺屋企，瞓醒覺已經兩點幾，好鬼肚餓，但係又唔想煮嘢食，所以就求其落街買個外賣嚟食。。。見到大家樂有下午茶餐，價錢唔算貴，而且又方便又快捷，咁就買咗呢個外賣返上屋企食。買到返屋企都仲係熱辣辣，打開個蓋都仲係有煙出👍🏾👍🏾👍🏾👍🏾唔怕食到凍冰冰嘅外賣🤣🤣雖然呢碗係細碗嘅飯，但係絕對係夠食，而且食完仲好飽添🤪🤪🤪🤪🤪🤪而且亦都有半隻蛋，唔錯唔錯！！！肉燥方面份量都好多，夠晒成碗飯，唔使驚話食到中途就冇晒啲肉操，要淨食白飯😏😏😏😏😏🤩🥳🥳🥳由於天氣凍嘅關係，所以餐飲方面揀咗熱華田，唔使落糖都已經好夠味🤓🤓🤓冬天飲啱晒✌🏾✌🏾✌🏾成個人即刻暖粒粒～～☺️☺️☺️☺️☺️☺️細碗滷蛋肉燥飯$30

雙牛火鍋份量足天氣轉涼最啱打邊爐土瓜灣間大家樂最近裝修完坐得都幾舒服，燈光好光猛，睇落好新淨。叫咗兩個雙牛火鍋，加左凍檸樂。牛肉有兩Pack，份量都唔少米線應該比以前多咗，因為佢而家唔係同菜一齊擺，而係另外有一個盒係放米線。蔬菜有生菜，娃娃菜，南瓜，冬菇，粟米。另外仲有一粒肉丸，餃子，星星丸同兩粒芝士波，魚皮。好飽。$75+7 呢個價錢都尚可。因為方便，一人一煲，食完又唔使洗。不過之前食有得加錢再要多份配料， 依家冇咗，如果帶小朋友去食就唔方便，叫多一份又太多，但係又唔可以就甘加多一份米線。

今天10月1號！ 今日四圍都有遊行！ 不想四圍去就在家附近的大家樂餐廳 食飯！ 今天 有非常多客人！ 今天看見有一個新的2人套餐！ 是雲吞雞套餐！ 這個套餐入面有三個餸 ！有雲吞雞 ，有叉燒， 另外一個 餸是可以選擇！瑤柱鮮菇扒雞半隻或豬手！ 今天我就選了瑤柱鮮菇扒雞！ 這個套餐只要98蚊非常抵食！ 因太多人的緣故所以本來 就是想求其食一些東西！ 但未有想過這個套餐非常非常的好食！ 雲吞雞味道非常的好！ 尤其是餛飩雞入面的湯非常的好味！ 叉燒也是非常的好！ 瑤柱扒雞味道就比較一般！ 但這個套餐整體上非常抵食！ 100蚊都唔使就有三個餸兩個白飯仲有兩杯普洱茶！ 雖然今天客人很多我也足足等了大約半個鐘頭先至有得食！ 但這個套餐的味道令到我本來不是很餓的也食慾大振！ 雖然等了很久但他們的服務態度也值得一讚非常好！ 如果我下次去食也一樣會叫這個套餐

今日喺大家樂土瓜灣分店買外賣 ，喺我等緊嘅時間我就同包外賣嗰位阿姐講我要薑蓉， 我係好好禮貌同佢講點知佢望完張單係冇反應嘅 又冇答我， 跟住到我攞外賣嘅時候發覺佢真係冇畀薑蓉我，跟住我就同佢講我要薑蓉喎，佢個反應係好唔滿意跟住叫個師傅畀個薑蓉我跟住個師傅擺喺張枱度 ，佢唔幫我攞叫我自己攞 ，嗰刻我覺得佢真係唔得囉，我係好好禮貌叫佢嘅但係佢個反應好唔滿意囉， 我係呢消費唔係受佢氣㗎， 希望公司交下啲員工嘅服務態度

今日經過大家樂，頹頹地食個快早餐見到嗰個皮蛋瘦肉粥炒麵早餐加菜肉包。廣告牌張相好似唔錯....就排隊買票，效率非常快，5分鐘唔使已經由落單上枱食到。粥都算幾軟綿，料都算正常份量 。皮蛋甘香又算多。炒麵就少一點，味道正常。當然就沒有甚麼鑊氣老實說快餐連鎖店一早整定。有客要就夾上碟果個菜肉包亦唔錯，起碼仲熱。總括：價錢合理...如果炒麵可以再多啲就更加好啦！最後説一下 快餐店式服務，這間算不錯。客人離坐不久見到職員好快手清枱面！