大家姐 (已結業)

前日(25-10-2014 Sat)傍晚會合男友出尖沙咀食晚飯前,食少少o野先,行過呢o度,佢新裝修o左,所有員工都o係間舖入面.我見有串燒,全部$10.00,男友話食燒賣,我就想食豬頸肉,於是買串燒豬頸肉同一申燒賣,我就上前同亞姐講,亞姐即將豬頸肉效返上爐烘,我就俾$20.00佢,佢話燒賣o係另一邊買,就找返$10.00我,我就交俾男友去買.等到亞姐問我要唔要沙爹汁?我答要,咁就攪掂,我o個串有個膠兜裝住,我諗男友買燒賣應該唔會有膠兜.會合男友後,見到原來佢都有膠兜=.=”,我o地搵空地企o係o度影好o黎食.燒賣有5粒好細粒,男友話要$6.00,而且佢同我講,買o既時候,亞姐叫佢買$10.00啦,男友話唔啦,要一串.亞姐擺上去俾男友時,都重叫多次男友買$10.00.男友當然都係答唔要啦.我知點解亞姐係咁叫佢買$10.00,因為賣o個一串$6.00,連膠兜都蝕.其實我都唔想要多個膠兜,鬼叫佢o地串燒同蒸類隔開o左,要人分兩次買,如果我知買一串都要俾膠兜,我就拎住燒豬頸肉去買燒賣啦.好,講返食,睇到燒豬頸肉有四片, 沙爹汁都幾多,食落, 豬頸肉唔算爽口,沙爹汁只有甜味唔辣.而燒賣呢?咁細

次次黎荃灣呢到行街都會食佢~其實知道路德圍個邊仲多選擇仲平,不過呢到太方便,可以行行下差電食D小食再行~叫左燒賣食,啲燒賣好細粒,食完好似冇食過野落肚咁...雞蛋仔一早整起,淋哂仲有少少倒汗水.....食左兩啖就掉左.....裝修後好似仲差左咁,得個門面靚碗仔翅OK,保持水準,料都好足~下次可以再食呢樣~串燒牛肉同豬肉都幾好味,唔會燒到硬哂,正!總結呢間野啲野都係一般般啦,係勝在方便

黎荃灣呢邊行下  想食D小食再行  就黎大家姐坐得就嗌D魚蛋燒賣食下先  仲有D串燒魚蛋唔係話好好味  因為無咩味都唔係彈牙  只係普通打邊爐既魚蛋咁反而燒賣就幾好食喇  煙煙銀銀  (所以好似我既魚蛋旦控黎呢到就唔好嗌魚旦啦)仲有沙嗲串燒  我叫左雞柳、牛肉同豬肉雞同豬都好味  睇你鐘意邊隻  不過牛就太硬太韌唔好食個名雖然係串燒  但係唔係真係火燒咁好香口乾身佢似係D烚既肉串加沙嗲汁多D  不過都好食  但$12蚊價就唔算特別抵生菜魚肉  普普通通  不過就係辣既  慎叫啦  怕辣就食原味..... 唔係, 都係叫其他食啦最後叫左杯雪梨汁  原來真係成杯都係原隻雪梨咁既味有D雪梨果D "沙"  我本身仲以為係真係水果種汁都好飲既  睇下你鍾唔鍾意原生果有渣既汁~~ ((不過感覺好健康哈哈))

返新工要搭廠車，唔熟路就求其見野就坐底食面啲配搭冇得揀，24蚊 凍飲+ 2叫左回鍋肉煎蛋面凍啡唔洗3分鐘已經到齊杯啡多冰到3啖都飲得哂個面可以接受既,面質唔算差又唔算少餸真係下次趕返工係到食真係一流

27-4-2013 (Sat)同男友起身後遲遲至出去周圍行,由於待等好耐都等唔到去青衣o既車,於是我o地落荃灣食啲o野先.而前一日o係公司見同事食麻醬腸粉好吸引,於是同男友講,原本我o地想去四阪坊o既德發食,不過佢話呢間都有,咁就呢間啦.我o地o黎到坐低後,男友同亞姐講要兩碟腸粉,一碟要淨麻醬,一碟正常,要多兩串燒賣.亞姐問男友一碟腸粉要點樣?男友再講清楚話走甜醬,點知個亞姐叫o左走麻醬.o黎到時真係錯o左,一碟只有甜醬,一碟有晒兩種醬.我同男友講,亞姐話唔好意思.我話加返麻醬咪得囉,不過佢都係企定定冇反應.然後問我o地重有冇o野要?男友答冇,咁我o地就畀錢,盛惠$24.00.我o地都開餐喇,腸粉好熱,口感有啲實,燒賣同樣實實地,OK啦.

呢度的服務一向麻麻，好似唔憂做咁。不過平日貪它就腳又快，好多時諗住食少少嘢都會幫襯。今日經過諗住食少少嘢，就叫咗三寶、腸粉和生菜魚肉。等待時，聽到隔離枱個女仔話碗Ｂ仔涼粉的菠蘿變咗，有個職員走埋嚟話俾過碗她，個女仔話唔要，換咗碗淨涼粉俾她。但換完後，見到三個職員圍埋係BAR枱位講：「我都話變咗架啦.......」我心諗，有無搞錯！明知食物變質都拎出嚟俾客食！以為咁已夠衰，點知我食生菜魚肉到一半時，有隻曱甴浮咗出嚟！！！我即時大叫：「碗嘢有曱甴呀！」，企BAR枱個職員眼尾望咗我幾下，無理我！！我勁想嘔但又嘔唔出！再叫：「有曱甴呀！」跟住個BAR枱職員先冷冷咁話「等陣。」。我見佢咁的態度，乾嘔完想用手機影底，點知我想影時就有個女人走埋嚟收走碗嘢，話換過俾我。我話「你換過碗咪又係同一煲嘢！」個女人問我想點，我勁想話叫食環署！但新年流流唔想搞大，要我等食環署的人又煩，叫佢退返錢算。跟住個女人退返果碗魚肉的$12俾我，其他嘢都係照收我錢！原本貪方便快捷都幾常幫襯，經過呢次以後都到幫襯！！！ 寫出嚟只係俾大家知道這店的衛生確實欠奉，之前的食評被話失實reject，如果有需要的話，我可以問同行的人拿

跟朋友一起逛到晚上想找一個地方歇腳呢,朋友選了這裡,希望他們沒有推介錯吧.看來這店是吃小食的呢.看見別人在吃生菜魚肉,我便問一下有沒有兩溝呢,他們竟然有耶,那便點一碗吃吃看吧.看見有三寶呢,也是我喜愛的啦,也點回來好了,呵呵XD食物未來到,一個像待應的人竟然說57.什麼?食物未來到要先收錢那麼奇怪的?可能這店經常有食客食霸王餐啦,但這種感覺始終不太好呢.食物到齊要怎樣了肥雞?我的兩溝味道還可,但太濃稠啦,下太多生粉了.可能這店是故意想弄到像真翅的膠質感吧?比較難入口呢.幸好魚肉仍是彈彈的,加上冬菇絲令這碗兩溝有很足料的感覺啦.而三寶便真的抵打啦,那塊魚肉完全黏不穩青椒呢,而且魚肉少得太離譜啦,茄子的吃下去差不多感覺不到有魚肉的存在,但才2元一件,不能要求太多啦.今天竟然中了2次地雷之多實屬不幸呢,希望在明天吧,下次一定要找到好吃的東西才行,呵呵.

吃過熱狗下午茶，順道上來荃豐中心，準備行去眾安街附近，當電梯上到來轉彎的時候，給大家姐的小食大大吸引了在下的目光，有炸物和蒸物，也有車仔麵和雞蛋仔格仔餅，看似很好吃的，而且不少人都停下腳步，吃一串半串，也令在下實在按捺不住，要吃它一吃。除了剛才所說的小食，還有豆腐和沙爹，魚肉碗仔翅和腸粉。在下進入了店舖，就坐下要了一碗宛仔翅和五條腸粉。本想要沙爹串燒的，可是在下改了腸粉而言。壹碗的碗仔翅已經上場，色澤較黑，比起在下從前吃過的更為深色。初時吃這碗翅的時候，在下沒有甚麼異樣，可是後來就發覺到原來都有味精的，不過味精份量還是算得是中等程度。在下　日前到過腸粉皇吃過腸粉，今晚再來一次，要的更是五條。上場後依舊同樣的是混醬腸粉，甜醬麻醬和醬油混和了，還有一種醬就是辣醬就沒有混和。除了混醬外，還有芝麻在腸粉之上，這當然是必需具備的。當混醬完畢後呷一口，原來不是想像中的滑，可說是輕度的滑溜，在差不多吃完後才有點滑的感覺。倘若碗仔翅不是落了味精，相信會給予較高評價，可是有了殅點兒的味精，就會影響了評分。倘若腸粉不滑溜及沒有米香，同樣地評價也被降級。

由旺市去綠楊新村必經之天橋，行過必食大家姐，一直無考究過邊位係大家姐，位位員工都好落力，莫非每位都有份？這類店邊樣好食唔好食心裡有數，每次只買 煎釀三寶或串燒，今次就串燒啦，兩串$15, 要了4串，豬牛雞肉各一，加一串豬脛肉，咬落肉質尚可分別到少少不同，畢竟豬牛雞肉質有異，但味道就完全無分別，只有一種味，就是甜的沙嗲味，尚算可口，熱度一般，最後加多一杯椰子汁，比想像中好飲，唔太甜，但椰味不足，預咗喇

路經大家姐，看見有新鮮弄起的小食倒出來，幾吸引咁，買一點來吃又如何?拿起來是熱得燙手的，印象分不錯。可是，炸魚蛋毫無咬口，好在味道還不太差；青椒雖是爽，卻並不甜美，零驚喜；茄子算是最好的了，夠熱亦惹味。用六蚊過吓口癮，未嚐不可，但要坐下來正正經經吃一餐，免了。

去左一次都覺得多..!碗仔翅 : 好"傑", 根本唔係碗仔翅, 冇料唔緊要... 食幾淡就食到碗仔翅" 粉團"腸粉: ....唉! 勉強???牛肉麪: 牛肉係凍既, 放喺表面, 麫係暖既..椰子汁: ---> 有小小唔係好新鮮既味...豬油渣麫: 好'暖" ,唔熱.. 太細碗...做宵野就得價錢就唔係話平..因為19蚊一碗麪, 得好小, 份量岩岩好tea time..但有時見d學生貪平先食..呀姐態度好左小小比之前...但係都唔係好好...

每次經過都聞到好香好香嘅炸物味, 今次實在忍不住要去買, 行到去見到新鮮炸起脹卜卜的魚蛋, yummy yummy 更加想食$10 五粒炸魚蛋, 一咬...粉量高但魚肉都含有不少, 質地是軟軟的, 味精一定有但那陣剛炸起的炸味是真的真的很誘人 豉油是甜甜地能更提高味道。

8:00pm都未有飯開，路經荃豐中心，是旦搵尐野食果果腹﹗這間大家姐就在門口，入鋪坐低，點了最簡單的魚肉翅加三寶﹗三寶先來，明顯炸起了很久，入口是凍的，吃下是油膱味道﹗6蚊3件，出奇的細件，有如旺角吃size的一半﹗魚肉是純白色的，咬下毫無味道淡如水，應說是魚旦不是魚肉﹔翅底結遢遢如糊仔，味精湯似的，總之一句到尾唔好食﹗不會再來了﹗

今日(25-12-2011 Sun)聖誕節寒冷,朝早同男友食早餐,佢要返工,我o地行到綠楊,見美心冇晒位,男友話去荃豐啦,咁就行o黎,到門口我都望一望呢間車仔麵,唔通食車仔麵做早餐(雖然都已經係11點10分左右)男友話是但啦,咁就去對面未有客人o既舖位食.我要$27.00o既豉油雞髀麵餐,要熱奶茶,亞姐話係上海麵,啊,冇問題.男友要車仔麵餐,要o左牛腩同魚腐米,落完單,亞姐收我o地$52.00.我o既上海麵同熱奶茶先到, 豉油雞髀後上,亞姐同男友講未有魚腐,咁男友就改豆卜,冇耐,佢o既都到埋.我都開始食喇.上海麵冇乜味,奶茶只係微暖同冇乜茶味,奶味偏重,豉油雞髀算大隻,味道都唔太鹹,o岩o岩好o既.而我發覺男友冇o野飲,就問佢做咩唔叫o野飲佢答有o架,o係張紙仔o度剔o左要$7.00o既夏枯草,唔知係咪睇唔到呢亞姐於是拎過o黎.男友飲 啖幾清,而佢對佢o既米粉都冇乜評價.

本來想去海壩街吃噶，誰知行左反方向去左荃豐中心。唔想問人，手上又冇地圖，見到有幾間食店，就將就住一餐啦。行到門口，仲猶豫入去否，阿姐就好熱情甘招呼我入去。按阿姐介紹點左碗碗仔翅同一碟煎釀三寶。個碗仔翅味道剛剛好，唔會太稀又唔會太傑，D粉絲都煲得幾軟。至於個三寶，都可以啦。如果下次再行錯路去左那裡，可能都會考慮吃多次噶~