大家樂 (新城市廣場一期)

营业中

休息中

位於沙田的大家樂早餐選擇豐富，這次試的是銀針粉加煎蛋套餐。銀針粉爽滑不黏口，吸收了清湯的鮮味，入口清淡但不失層次。煎蛋煎得剛好，蛋白微脆，蛋黃仍保留濕潤感，與銀針粉搭配起來簡單而滿足。整體味道樸實，適合喜歡清新早餐的人。環境：店面整潔，座位充足，早上人流適中。  價格：套餐定價合理，屬於日常可接受範圍。  食物質素：出品穩定，食材新鮮。  食物種類：選擇多樣，中西式皆有，配搭靈活。  如果你喜歡簡單清淡的港式早餐，這款銀針粉加煎蛋值得一試。

位於沙田的大家樂再次帶來熟悉的港式滋味！這次試的是他們的早餐皮蛋瘦肉粥配煎蘿蔔糕，粥底綿滑細膩，米香與鹹香的皮蛋瘦肉完美融合，入口溫潤。蘿蔔糕外層煎得金黃微脆，內裡仍保留濕潤口感，配上甜醬與辣醬更添風味。整體味道樸實卻令人滿足。 環境： 店內整潔明亮。 價格： 早餐套餐價錢親民，性價比高。 食物質素： 粥底細滑入味，蘿蔔糕煎得香口不油膩。 食物種類： 早餐選擇多樣，粥粉麵飯與中西式配搭應有盡有。 如果你喜歡傳統港式早餐，這款粥加蘿蔔糕絕對值得一試。

一向都好少光顧大家樂，今次見到佢哋做$12.1隻雞髀就去幫襯，買咗之後等咗20分鐘都仲未有，前面仲有二十幾張單係炸髀仲未做到，大約每10分鐘出三隻雞髀，本人覺得佢哋係冇意欲想做呢種單，但如果要等這麼久的話，理應通知客戶，客戶自行判斷是否光顧，因為我買的時候他們只是說大約10分鐘，但我等了20分鐘有多，前面仲有二十幾張單係關於炸雞髀。對於他們的手法為了營造店舖很多人，然之後減慢出炸雞髀的速度，本人絕對不認同。或者你們可以說你要快啲話可以光顧其他店舖，但我要說的就是如果我知道要等這麼久才有$12的炸雞髀，我絕對不會等待。所以我以後不會再光顧大家樂。

又嚟到下午茶時間，來到新城市廣場，說實話我都幾唔喜歡在新城市廣場用餐，原因係呢個商場真係好多人，大部分食肆都要限時離座，時間真係好緊逼，但今日又唔去得遠，唯有喺到搵茶飲。今日大家樂有啲吉位，即刻去買個下午茶餐食，叫咗份炸雞髀公司三文治餐升級紅豆冰，雞髀夠大隻炸得啱啱好外脆內軟，公司三文治足料，紅豆冰都好飲，紅豆夠香，唔會好似糖水咁。其實雖然係同集團，但都唔係每間每間都好食。另外真心佩服呢間分店嘅職員，真係比起其他分店忙碌。

今餐減咗997碳🤩劉媽成日都帶細細👶🏻出去食飯除咗要食得健康之餘仲會為地球環保出一分力🤗今日試咗 最新推出嘅「葡汁焗素魚柳飯」素魚柳係選用含高蛋白質及膳食纖維之 OMNI 純植物製新魚柳由非基因改造大豆獨有配方製成咬落去同樣鮮嫩Juicy無論味道或質感都同真嘅魚柳差唔多而且無真魚柳嘅魚腸味簡直完美重現魚柳嘅口感😋最「營」係配上高纖嘅紅米炒飯底軟硬適中、粒粒分明仲有香濃馥郁嘅葡汁令到👩🏻👶🏻越食越覺得好滋味記得用手機App儲餐印儲10個就可以免費食一餐

今日06：55在沙田新城市廣場一期四樓購買魚柳包餐(皮蛋粥+雪菜米)，平時自己按機39蚊，今日排收銀打飛卻是43蚊，話我應該講粥先，要取消單再來過，咁樣比我更好的理由冇下次，以後唔會再來，當人傻的，一樣的餐點，不同價錢！

大家樂的粟米汁炒紅米雞胸飯真係一個適合做gym人士嘅恩物！🏋️‍♂️💪唔止價錢平，味道都唔差，仲係一個營養豐富嘅選擇。加多舊雞胸都只係$15，超扺！呢碟飯用咗紅米，富含纖維同營養價值高。加埋雞胸肉，低脂肪高蛋白質，正好係健身人士嘅好朋友。最重要嘅係佢嘅粟米汁，令整碟飯嘅味道唔會咁單調。總括而言，大家樂嘅粟米汁炒紅米雞胸飯係一個價錢平、味道唔差同營養豐富嘅選擇。如果你追求健康飲食同做運動嘅平衡，呢碟飯絕對值得一試！👍😋

有一次我放去附近一間去食、入去時都覺得服務態度差差地、但都算啦、因為始終都係集團式快餐店、但都不唔至、簡單一個快餐都要等20分鐘、我好在叫個簡單、如果我叫個扒餐、咪等多成個鐘

放工食個下午茶，兩個人約$70都算係抵食。鄰近沙田站商場，食完可以去shopping。下午茶時段比想像中多人等食，但等左5分鐘已經有位。作為一間連鎖餐廳，要保持食物質素一D都唔易。簡簡單單一個西多士已經可以試出真偽。配合炸雞髀同凍綠茶，同朋友小聚都算唔錯。雖然位處商場，但舖位稍為隔涉，所以其實都算安靜，但都唔難搵。店舖環境不過不失，座位算舒適。

放LUNCH黎到大家樂，唔知食乜好，就是咪叫左個餐，呢個係蠔皇豬扒餐，呢個只係平價既SET LUNCH，所以整體黎講都叫做PASS既。首先蠔皇既汁都叫濃味，汁量都好多，撈埋飯食都足夠。D豬扒就冇乜味，真係靠哂D蠔皇汁增加味道，而且豬扒肉質都唔算好好，普通既豬肉質素。飯量就好多，如果係體力勞動既人士，一定夠飽。反面我要讚下呢間大家樂既凍檸檬茶，我一直飲開走甜既茶，所以茶底係好重要，呢個茶底一D都唔苦，加埋檸真係好好入口。

大家樂呢個名相信係香港土生土長嘅香港人都有聽過呢個名同食唔少！我也不例外！由於我間中會在沙田工作，所以都會食下大家樂，平日有時俾錯野都算，因為想快點食完繼續工作。最近我又一次選擇食大家樂，在手機app看見這個豬扒飯配肉燥仲有蛋好似唔差，價錢又平，自從畢業後都無咩試過有咁抵既飯，就一於揀呢個啦！下單後隔了10分鐘，我就過去取餐，然後很快回到公司，當打開後發現咦～塊豬扒呢，無左！於是我又重返大家樂，公司過去都要行10分鐘嫁，我就到外賣櫃面向店員講唔該，個飯無左塊豬扒呀～點知佢望一望我，再望下個飯答我，係呀，星期日無豬扒價錢一樣嫁！我話下，但我落到單，無你地又唔講聲既？佢話 ，你自己手機下單呀嘛！我話，咁我黎拎都應該講聲呀！之後因為我趕時間仲要食完飯工作，就無再爭論，然後我就到大家樂顧客服務俾意見，講述經過及這樣屬欺騙消費者，但遲遲沒有回覆，所以我決定公開一下，最好不了！

女人日日都口講減肥，但面對邪惡美食真係好難忍㗎嗎～難得到咗open day，得一日乜都食得過份少少叫隻炸髀慰勞下自己先啦！由細食到大嘅下午茶餐由廿蚊食到依家三十幾蚊好在size都唔會縮水太多即叫即炸要等陣不過都值得嘅大大隻夠脆皮😱😻💋粉唔會過厚醃得入味咬落仲好juicy，有肉汁彈出嚟㗎🥰跟餐半份西多士可以揀鍊奶/糖漿夠貼心即磨咖啡幾滑身唔會太苦，一杯都唔少夠飲啦三十幾蚊依家物價嚟講，算係咁啦👍👍👍

新城市呢間大家樂如果以價錢嚟講我會形容為新城市嘅清泉😂點解咁講。因為大家都知新城市食個午餐閒閒地都七八十蚊起跳。雖然大家樂唔算平。但無比較就無傷害😂😂今日叫左個魚香茄子飯。飯同茄子係分開上嘅。飯嘅數量對我嚟講都算多。會食唔晒。而且都有飯香味。但兜魚香茄子完全令我失望。汁多到好似湯咁。而且茄子份量少。而且得勁少肉碎。雖然而家係所有成本係增加。但都唔好咁樣hea啲食客😅最後飲埋杯檸茶。飽係飽嘅。但飯質飽嘅比重佔好高🥲

因為屋企人有食素，所以我哋都成日周圍搵素食，今日行過地鐵站，見到大家樂新出左素食煲仔飯，即刻同媽咪去試吓💕💕素食煲仔飯基本上係唔覺得自己食梗素，所有口感同味道都基本上同平時食開嘅煲仔飯一樣👍🏼色香味都ok，唔想食肉既話都可以試下💕

呢個咖喱雞髀飯呢其實嗰個咖喱汁真係做得幾好嘅加上呢佢真係原隻雞髀擺上去呢都算係己有口感按足㗎喇當然當然嗰隻雞呢明顯都係雪藏雞可以話係冇乜味道但係勝在個汁呢真係幾好味所以就算過繼冇乜味道淨係食個咖喱都幾好另外一樣野就係個白飯呢我認為都唔錯啦點解呢雖然都係啲普通嘅大陸買但係勝在軟硬適中大大碗勞動階層都可以好滿足食到飽飽再開工最後大家樂嘅招牌東西就係一字美極鮮醬油雖然味道確實怪怪的但係放咗落去飯上面的確好食好多