大家樂 (新城市廣場一期)

营业中

休息中

中午食飯其中一個選擇，師傅好用心的切出完美排列。使這個平平無奇的叉燒雞飯，看起來更加好食。價錢平，又夠飽肚。維一要彈的。是菜比較冷。可能是預先煮好。比較味道淡。如果菜能夠熱啲就好了

去大家樂食燒味飯明知唔夠飽，所以食焗豬扒飯。焗豬真係令人又愛又恨。相信全香港人都知焗豬扒飯有幾高卡路里同幾唔健康，但無食一排又會想食返。大家樂嘅焗豬岀名豬扒係厚切同大件，蕃茄汁 overload，仲有好多半溶嘅芝士，新鮮爽口嘅洋蔥，同最緊要係個炒飯底，每次食完都好滿足同飽肚。

自從同男友一齊之後經常去食火鍋，大家樂嘅我地都唔放過！揀咗豬肉火鍋嘅我轉咗烏冬😙😙（好幾次想食都賣晒，今次終於有）等到拎餐就會有大家樂嘅員工點火主持binlo儀式🤣🤣本身個餐都有少量菜，但我另加多份👍🏻，豬肉無咗多油，（男友嗌嘅牛肉一落落就勁多油🤣🤣）整體嚟講係幾好食嘅，希望有新款再食過～～

今日午餐時間經過大家樂，見到呢張相嘅炒飯好似好好食咁，就俾佢吸引住，決定食呢個貴妃鮑片雞粒炒飯。攞到碟飯返嚟，有啲失望 ，因為個飯點睇都唔似係炒飯，而且雞粒好少， 好彩鮑片都同張相一樣 ~ 有三片，但醬汁就非常多， 可能諗住冇餸就俾汁你淘飯食。我求其食咗少少，就放棄咗喇。反而個例湯令我有意外驚喜喎，今日例湯係木瓜排骨湯 ，我嗰碗有兩件木瓜同一件排骨，味道唔錯。我唔知係咪今日個員工特別手緊，畀少咗餸我，定不嬲都係咁少呢？有機會我要去睇吓其他人嗰碟係咪好似我果碟咁嘅樣。我終於領會到“圖片只供參考“嘅作用喇

🍚上海排骨菜飯🍚我鍾意的粥麵個豬軟骨菜飯多啲酸maymay既汁撈飯好好食😚呢個都唔錯既 肉夠多 幾脆 幾好送飯仲有木耳添😛------------價錢:$4x

正所謂一日之計在於晨，所以食一份豐富嘅早餐就好似可以為一日帶嚟一個好嘅開始。我今日嘅good start 就揀左大家樂早餐 : 炒蛋配炸魚柳+迷你厚多+沙嗲牛米粉+熱檸水。先講一下個迷你厚多，其實係一d都唔迷你！大大件，可惜係食嘅時候已經凍左(多士凍嘅情況其實唔只出現係外賣，好多時候堂食都唔係熱)。凍左嘅多士，溶唔到牛油，成件事變左唔好食，減好多分。炒蛋做得不錯，食到有牛油味之餘仲見到蛋漿，食落口都係滑嘅炸魚柳帶到返屋企，依然食到脆皮，無話焗喺個外賣盒裡面，炸皮就會變軟左，而且配上嘅沙律醬係特多！至於個沙嗲牛肉米粉就令我失望，先講價錢，加$7.5就有d偏貴，個人覺得加$6會比較合理。價錢偏高但如果係好味我當然唔介意啦，好可惜係唔好味嘅。洋蔥實在切得太大條，如果可以變成幼條會易入口好多; 個湯無沙嗲味亦無見到沙嗲汁，所以我唔會覺得呢碗沙嗲粉。到最後有驚喜，杯檸水居然有成5大片檸檬，一般出面嘅茶餐廳都係只有兩到三片，呢方面大家樂真係好大方！我之後自己加熱水仲可以沖到兩大杯

早餐我都比較鍾意去大家樂，因為選擇多而且啲餐都好健康又夠飽。今日就食咗個火腿蛋通粉再配一杯檸檬水，湯底清清地唔會咸，所以入口都比較清淡，火腿同個蛋我都好鍾意食，加上早餐有隻蛋感覺好健康！

那天中午去大家樂食個快餐, 嗌左特價飯餐..福建炒飯+熱奶茶, 三十幾蚊有飲品比茶記仲平, 所以食物水準都唔會抱太大期望. 食落其實都OK, 有好多冬菇粒, 豬肉粒, 紅蘿蔔粒, 仲有幾粒細細地既帶子同埋一堆青豆. 蝦仁就唔見有. 飯底是炒飯, 煮得麻麻地, 口感有少少濕, 不過撈埋D汁食都唔覺有咩大問題. D汁都幾多, 夠晒撈成碟飯. 個汁味道OK, 食多幾啖覺得有D鹹. 同埋豬肉粒同成碟飯唔係好夾...我諗比雞肉會好D.總結..當填飽肚係OK, 但唔好期望同酒樓果D福建炒飯比.

我今晚上，到了新界地区此又是繁华兼热闹非凡的市中心 一一 沙田新城市广场，闲悠地购物，极为够乐乐的！👍👍😀😀😀悠游途经此广场的＂大家乐＂，看，现也该到吃饭的时候了，那也就随意地进了此＂大家乐＂用餐啦！😀😀😀👏我叫了个＂鸡腿菜饭＂餐，不只是不鲜而且还是无味的！肉貭极之像发霉似的！真不值一提的啊！😡此次的中式例汤，那可真好的啦！👍花生及木瓜新鲜味特是浓浓的啦！👏👍还有那黑木耳，爽口兼有些少的酸辣味道的，的确是几醒胃的啦！👏

平日的大家樂，原來可以少人咁多！不用花時間搵位（星期六日無可能發生），只需約三十元就有一個下午茶，就價錢而言算是不錯吧！至於食物。。。燒鵝瀨粉＋紅豆冰 SET下午茶的燒鵝肉質偏瘦，少脂肪，不錯可是只有五件，每件細少。另外菜心兩小條，不過不失！最後是瀨粉，我覺得幾好食，湯底不錯可是，雖然放在大碗裡看似份量不少，但是實際不算多。紅豆冰特別點了少冰，合格不過大家樂的紅豆冰杯愈來愈呃人杯底愈來愈高身，有個大大杯的假效果

天氣開始涼又可以經常打邊爐, 呢晚先去大家樂, 睇下今年有咩新花款. 睇餐牌好似比較普通, 都係牛或豬拼之類, 唔夠特別, 不過一場黎到點都要試下.要左牛豬拼配豬骨湯底, 豬骨味清清地, 勝在唔會太重口味, 啱晒. 肥牛肥瘦都算平均, 淥左唔耐仲幾彈牙, 牛味幾濃. 而豬都幾軟熟, 唔韌, 不過略薄, 唔夠口感.另外個餐仲有肉丸, 水餃, 福袋, 炸魚皮等等, 丸類都唔錯, 個炸魚皮就算唔浸湯就咁食都OK, 炸得幾脆. 仲有烏冬, 栗米菇類, 烏冬幾彈牙爽滑.成個餐份量比往年少左, 食晒未算太飽.

好耐冇食大家樂，一場來到，食返個切雞义燒飯先在一堆一堆自由行，食呢個飯壓力好多义燒幾林，蜜汁外層加肉香，脂肪正常也入囗好軟滑切雞肉幾好味，雖然是雞胸肉，但都算滑嫩不太硬飯橯埋鼓油及汁，好味

這次吃的是玫瑰油雞飯，等候時間約8-5分鐘 雞肉很嫩不錯，可是並沒有嚐到玫瑰味 而且 不知道是因為是工作人員失手 還是怎麼樣 凍檸茶非常非常甜 甜到像喝糖漿 也沒有什麼茶味 冰也很少對這次感到非常失望

一早去起身，同晉豬去沙田參加活動，先去大家樂食個豐富既早餐提提神，一睇餐牌，平時叫開既吉豬滑蛋配多士價錢貴左幾蚊喎！多左一個沙嗲牛肉麵，睇黎係新產品，當然要試下喇！晉豬都係堅持食佢最愛既火腿紐紋粉，清清地唔咸，火腿都幾多下，加$5大大碗，唔錯吉烈豬扒有手掌咁大塊，炸得太耐，有點乾身，豬扒仲係脆口，味道適中！塊滑蛋如圖，有點失望，份量少又好油，應該用左好多牛油，唔好食！最like呢塊多士，又厚身又脆口，加牛油一齊食會無咁乾，早餐點都要食塊麵包先覺得岩炸得太乾身，但份量十足，加沙津醬一齊食，味道合格今日主角沙嗲牛肉麵，失望！牛肉好碎，無咩沙嗲味，有少少鞋口，有辣椒碎小朋友唔岩食，應該係福麵，又幼又唔好食，同得想像中既沙嗲牛肉麵差好遠，我只係食左幾啖就放棄左！

昨天，我放學之後就到了大家樂食了一個下午茶食了最平的C1再加了一個雪菜米粉都只是＄27.5炸多士不算太油，而且入面的花生都很足料，而且重味，有很額外的糖我用，可以方便我加減甜度，而入口都是很脆及很厚身而米粉都是很好味道的，雪菜都不算太濃味而且米粉都是甜鹹適合中同時都有很多雪菜及肉碎令到食米粉時都不會覺得太清淡