大家樂

营业中

休息中

想話食中式點心，又想飲奶茶咖啡，於是去大家樂食糯米雞，飲凍0茶.優點：1) 糯米雞尚算夠熱，但如果熱D更理想.2) 糯米雞內餡唔算太多汁.3) 凍O茶味道適中，唔會太甜或太淡，而且顏色好清晰好正.4) 幫襯嘅太多數係熟口熟面街坊，所以同D侍應都好熟，當然服務唔錯.缺點：1) 嘩！糯米雞重有無細D呀！份量似兩隻珍珠雞！2) 餡料當然不足，只有一隻雞翼同極細粒冬菇.3) D糯米飯黏住哂塊荷葉.好壞參半，俾唔到滿分.

冬天最啱打邊爐！方便又就腳一定去大家樂，60幾蚊一個火鍋套餐冇咩好挑剔，有肥牛、生菜、丸類配料，種類都算多！嘢食質素正常，預料之內，如果唔夠飽仲可以追加，啱晒啲唔夠食嘅朋友！

有一晚 好無聊唔知食咩好經過大家樂見到佢個鐵扒餐做特價 49蚊 有雞扒豬扒 雞尾腸 粟米湯 炒飯咖哩汁 仲有個甜品 果凍呀 不過就冇汽水冇嘢飲。食落都ok呀 只係嗰個粟米湯就唔知佢想點 因為 入面好似搞嚟搞去 都係得嗰五六粒粟米 或者可能溶曬啩。 平時就59而家49 都幾抵食啦哈哈

嚟到紅磡一個社區中心食下午茶，今次係阿華田西多士。呢個多士特別之處就係你切開佢嘅時候會發現入面有好多朱古力醬加埋啲 nuts， 而佢另外有個醬汁畀你 我估都係練奶溝咗阿華田粉。小朋友就應該會食得好開心啦但係我上咗年紀覺得有啲太甜。 不過presentation都好好畀埋個鐵板。

大家樂下午茶豬扒烏冬加凍綠茶 26蚊。呢間大家樂真係歷史悠久，見證着香港人風風雨雨， 呢度除咗係一間餐廳甚至 係一個迷你社區中心，每日聚集着同一班老人家。今日比較深刻的就係當我食呢個豬扒烏冬，後面有一個阿伯大大聲喺度議事論政， 完全地表達到香港的言論自由。當他滔滔不絕地發表對不同國家的意見，我卻沒有聽到另一把聲音的回應時， 心諗他是不是在自言自語？ 但我没有理會，繼續享受這價廉物美的豬扒烏冬。也許做豬扒的技術是源於大家樂出眾的焗豬扒飯， 所以我特別喜歡那個豬扒的口感和調味。再配合低糖凍綠茶， 彷彿把你從繁華鬧市帶往恬靜的山丘與溪間。當我背後的老伯正在滔滔不絕的說話， 我突然聽到了另一把聲音回應他說， 你慢慢食啦。 我就忍不住回頭一看， 發現原來這個老伯不是在自言自語， 坐他對面是有另外一位老伯， 只是他從來沒有回應過。那個寡言的老伯離開了餐廳後， 滔滔不絕的那一個亦變得沉默了。 我再細看他在吃什麼， 除了西多士還有自備的啤酒，把大家樂的膠杯裝得快要滿瀉。也許，這就是退休生活了。

現在天氣比較凍，我比較愛食火鍋，而大家樂的小火鍋就很吸引我。現在是晚餐時間，有點座無虛席呢。今晚選擇了食2個小火鍋。青斑海鮮穀飼牛鍋要了沙爹湯底，有菜盤，及有米線，加了魚滑蝦滑。青斑海鮮都很新鮮，青斑有2件，很有魚味。其它海鮮都不錯。穀飼牛比較瘦，質量都不錯。雙份美國穀飼牛鍋也是要了沙嗲湯底，配米線、菜盤。雙份牛顯得較為肥了少少，不過都沒關係，小小火鍋仔，湯底带沙嗲味，食落很滋味呢。再配埋兩杯特飲，凍檸檬可樂，食得夠滋味。

今日同男朋友都放假，晚餐諗唔到食咩好，就決定是旦落街食個大家樂啦。見到佢新出左一個南洋咖喱嘅菜式，我哋就嗌咗一份南洋咖喱厚切吉列豬扒飯試吓。份量都幾多，有一大塊吉列豬扒、飯、配菜同埋一大碗咖喱。咖喱食落有濃濃嘅椰香味，用嚟送飯一流👍🏼裏面仲有唔少薯仔（個人認為咖喱一定要有薯仔🤤）塊吉列豬扒非常有驚喜！完全做到外脆內軟，非常容易咬開，質素同貴價日本餐廳有得揮！！另外我哋仲帶咗個小菜，西蘭花炒魚塊，再加左碗老火燉湯。碗湯飲得出唔係味精湯，平時係屋企少飲湯嘅朋友不妨試吓。不過碟小菜就略嫌有點鹹，如果落返少啲鹽就完美喇。總括嚟講，如果喺屋企唔想煮飯，其實大家樂都係一個唔錯嘅選擇😳唔算話好重口味，而且佢啲食物質素唔會比出邊收得貴嘅餐廳差添😆

今日放工隨便食完返屋企，當然係拿拿聲，大家樂見！order 左老火湯小菜系列，我今晚食蝦干蒸排骨配甘筍煲瘦肉湯，$52-都係打算食個家庭小菜，但🦐干有啲苦，排骨都算啦淋，但係黐埋一嚿嚿要我用筷子先可以分開佢哋，簡直偶斷絲蓮。同埋啲餸都幾小！但個飯就好大碗，我只係食到一半覺得有啲浪費。個老火湯都可以，感覺冇味精。$52配中國茶，我就冇要杯茶怕夜晚瞓唔着，轉左飲杯水。主要係想讚一讚店內執碗阿姐，勁有禮貌，唔該前唔該後。

是日收工一枝公開爐，打算食個快靚正之選再番歸睇電視訓覺。快靚正一定係首選快餐速食店，不其然諗起想食焗豬，唔使驚試新野會中伏，夠保本。呢開大家樂早午晚都人流爆多，但如果一人前開餐，就一定攝到位坐。買左個霹靂無敵一哥焗豬加可樂堂食，都費時外賣影響熱度，即時解決先最禾味。焗豬飯賣相仍然吸引，上至豬扒下至配料蕃茄、醬汁、芝士都覆蓋晒係表面，驟眼看，份量都頗足夠一人前。蕃茄醬mix芝士滿香濃，豬扒都頗厚切，不鞋口或乾身，易咬開，且扒係醃製過，不會淡，飯亦熱辣辣，熱溶面層芝士，更見惹味。總的來說，快餐以呢個價錢，食得飽，味道又番一定水準，唔會有中伏感，算係咁，焗豬不慚為快靚正之選。

平時晏晝返都係去快餐店搞掂，今日都無例外。今日行過大家樂見無咁多人排隊即係走去食過quick lunch，見佢個貴妃鮑汁撈飯$30唔算貴又有杯綠茶送，咪order佢lol。坦白講，食快餐都預左佢d汁一係無味，一係就鬼死咁鹹。點知今次佢個汁又幾香bor，而且d飯雖然浸哂落d汁都依然唔會太過淋，撈埋食真係幾好味。美中不足係杯野飲太過淡，無乜茶味，飲完題飲水無分別。不過整體而言，呢個餐$30真係抵食

叫左:冬瓜盅,馬拉盞煎肉餅,西冷牛扒紐倫堡腸冬瓜盅:湯好淡,味帶酸,普通.馬拉盞煎肉餅:爽口彈牙,肉餅幾鹹香,可惜份量太細.個菜完全冇味.西冷牛扒紐倫堡腸:牛扒好嚡又帶小小梅,紐倫堡腸帶小小酸,都唔知係咪變左味.欖油意粉好乾身又小,真係唔好以為改個靚名就會好食先得架.忌廉雜菌湯:同金寶湯味道分別不大,自己煲多好多.整體:又貴又難食,比番D企業良心好嗎?

愈來愈差的質素, 咖哩雞飯, 用的是炸雞, 咖哩味不辣, 而且太咸了, 打邊爐, 牛肉其不算差的, 但其他的材料只有一兩件, 最多的是菜, 而且都不十分新鮮, 尤其是那兩年細得離譜的三分一件粟米, 淤黑色, 短期內都不會再來…

我平時都唔會寫大家樂。依家想寫既係佢既新年到會食品真係好唔得。燒味拼盤，全部都焗到 d顏色淡晒兼且無味，燒肉唔脆都算， d雞皮個 d焗到脹左真係見到都唔想食，我覺得叉燒好過豬頸肉….我想得魷魚 ok d...新鮮買仲好...六褔全盒，我以為終於好過盆菜….但都只係好少少…有乳鴿、蟹鉗、帶子西蘭花、冬菇花膠、福袋、南乳排骨。明明佢話有 d蟹鉗係即炸，但感覺似做好幾個鐘。我覺得南乳排骨算係最好的了。下次真係對大家樂無信心，唔知點解屋企人中意訂...

今晚在大家樂開餐, 豪一豪地食"南岸鮑魚", 食前對佢都無咩大期望, 但沒有想到鮑魚SIZE真係同一個五蚊銀差不多, 真係嘆為觀止!! 味道方面似罐頭鮑, 還有三粒蝦交讓冬菇, 當然SIZE都係細細粒像兒童餐, 不過都不失為好味, 致於燉雞湯就完全係味精湯了 另外自選小菜 ~ 糖醋排骨都幾好味, 不太酸

而家係大家樂平少少既晚餐都好難,似樣啲既都要成$40.叫咗兩個竹笙鮑翅套餐,碗翅幾大碗,不過翅就唔算多,日式鮑魚絲就有十條八條.西蘭花斑片 -- 西蘭花幾鮮綠幾爽,斑片雖然多,但係有點假.沙薑雞 -- 半隻,幾多,亦幾滑.加四個半有杯北海道牛乳珍珠奶茶,不過啲奶茶唔夠奶茶味,平平無奇而矣.