大家樂

营业中

休息中

真係冇諗過食大家樂下午茶都會攞部手機出嚟影相。今日同屋企人去咗呢間楊屋道分店，叫咗兩份炸雞髀西多士下午茶，點知一買完就聽到水吧阿姐大聲嗌冇曬炸脾，叫廚房即刻炸，好彩我唔趕時間，就耐心等待。點知一等就等咗25分鐘，事實證明我呢25分鐘係值得等待的。兩隻炸畀都睇個樣已經流曬口水，新鮮炸起嘅雞髀係唔同啲，外皮香脆，裏面雞肉嫩滑，加埋嗰半份西多真係邪惡到頂點。值得一題係大家樂呢間楊屋道分店啲職員係幾有禮貌，由收銀到水吧都好nice and friendly，間唔中仲有個阿姐攞住紙巾牙籤問啲客需唔需要，服務都幾唔錯。

今天下午茶時段，取餐時與水吧講要一包咖啡糖，非常不耐煩叫我去調味櫃取，我轉身將盤食物放在櫃上，怎料比個職員呼喝！她說：呢度係我包外賣，攞開！糖係前面！我問邊度前面？跟住好惡：前面個櫃呀！我答佢：我唔係喺呢度返工，我點知喺邊度！態度咁差對客人！我取糖後捧餐回座位，點知佢在我背後講：神經病！我問佢講乜？佢就繼續大聲鬧！講咗3次“神經病”！其間居然冇經理出來了解事情！大家樂居然可以聘用這樣劣質職員！我以後都不會再幫襯！

 噚日(20-1-2024 Sat)晏晝,同老公買餸前食啲嘢先，去蘭香?上次食過咁難食，而且又要等位，唔啦。於是向荃新天地嗰邊行，去Mos Burger，都係多人等位，咁去大家樂啦，去到都多人，我只要求紅豆冰，我就去搵位。搵到位後等老公買完嚟，佢用咗$47.00買咗溫泉蛋免治牛肉飯，加$7.00嘅紅豆冰。等咗一陣就有。咁我飲啖先，唔甜，奶味都冇乜，唔掂。0.5分而溫泉蛋免治牛肉飯呢?味道對版嘅。3分其他:優先座冇人坐,原因係冷氣風口位對到正.上次食評係2018年1月4日刊登嘅呢篇: https://www.openrice.com/zh/hongkong/review/%E9%A8%B0%E9%9B%9E%E5%87%BA%E9%8C%AF-e2946356

行完街見差唔多時間下午茶 入大家樂叫咗個雞翼拼沙律跟紅豆冰 雞翼幾入味蜜糖汁好夠 啲肉唔乾 甜甜地幾開胃 沙律係薯仔沙律 但係食完都唔係好夠飽 紅豆冰好多紅豆 $40左右整體唔錯

在这里吃过几次餐后发现这个店是服务态度最差的大家乐门店，不管是收银台的人员还是领取食物柜台的人员，态度都非常不好👎，对客户语言粗俗，不耐烦，缺乏基本的礼貌与尊重。相比之下，葵涌的大家乐门店就服务态度很好，也很会推广，我还买了他们1000元的优惠券。

大家樂中午有一些特價飯，款式經常會轉換，唔怕食到厭。最近的款式是洋蔥汁香茅雞扒煎蛋飯$39，雞扒算大塊，夠送一碟飯，加大飯低唔使加錢，還有一杯低糖綠茶送，男人食都必定夠飽，價錢合理。

夜晚唔知食乜好，就到左大家樂是但食一餐。今餐就選擇左焗飯。呢個白汁雞皇焗飯，可以話係大家樂之中最差勁既套餐。可能因為價錢平啦，水準唔可以同其他套餐作比較，呢個套餐都係HKD$50內，飯既份量非常之多，如果你係飯桶就岩哂啦。不過，餸既份量就好少啦，雞就得幾舊仔，唔夠送飯架，要用埋D白汁撈飯先叫可以送飯（D飯多到我食唔哂）。而且可能係焗飯既關係，D白汁又好杰，成個飯都好立口。只可以話呢個飯夠平，但性價比就唔掂啦！

近排見出左四重芝士焗肉醬意粉，久違嘅一次去左食，去拎餐時已感覺很伏，因比單前已經見到枱面放左一兜野，然後望下張單原來落錯左焗豬扒飯，未比單已經放左係枱面，告知職員後，點知佢即刻換到比我，睇嚟樣樣都整定好耐。意粉賣相差，仲要係唔熱既，勁淋，肉醬同芝士結成一舊舊，似係放咗好耐，真係質素不如便利店微波爐叮既意粉 ，未食已經無胃口。

臨近新年乍暖還寒, 又係食啲暖胃暖身嘅嘢嘅好時候。咖哩係不二嘅首選。今次我叫咗個咖哩牛腩飯外賣, 先講個飯, 分量相當足, 有成兩碗飯有多, 若主角牛腩同咖哩方面, 可以話絕對冇令我失望, 咖哩唔算太辣, 牛腩唔會太硬, 入口啃兩啖就可以吞入肚, 送飯一流。 除咗主角之外,綠葉都好重要。蔬菜紅蘿蔔新鮮美味, 洋蔥切片吸收曬牛腩同咖哩嘅精華,平衡咗呢個飯多肉少菜嘅不足,個飯食完之後回味無窮而且調身即刻暖返曬, 正到無倫😁😄。

適逢今日打風冇其他餐廳開門所以呢就落咗去大家樂買外賣,不過真係估唔到呢個外賣幾正幾好味真係值得下次再去買再食過,首先佢嘅賣相唔錯有泰式雞髀同炒麵,嗰隻雞髀都幾大隻,味道有好重嘅泰式酸辣味道,好香,賣相真的不錯.對於我哋呢啲唔係食得好辣嘅人真係啱啱好, 有食完真係想食多一隻添,另外炒麵冇乜油分,炒得好乾爽,而且唔會太多豉油味, 食落真係有啲好香嘅味道出嚟,真係有啲好食過大排檔啲炒麵 ,而且份量都幾多足夠你當下午茶食一餐, 另外我加咗杯凍檸茶, 由於唔想飲太多甜嘅, 所以走甜呢杯凍檸茶真係冲得好正好有檸檬味而且味道啱啱好用嚟配呢個泰式雞髀炒麵餐真係最佳配搭,天衣無縫, 真係好正, 真係立即想推介俾每一位識食嘅人

電視廣告又推出招牌焗素豬扒飯，賣點是純素菜的健康食物。廣告指出：無骨植物肉、純植物醬汁、蔬菜量增及紅米炒飯底。看上來確似是高纖又有營的焗飯。今天便外賣一個試食，打開飯盒傳来蔬菜香味，蔬菜份量的確比一般一哥焗飯多，包括粟米、青豆、翠玉瓜、波蘿粒、磨菇、番茄。植物肉吃起來像厚切的軟猪肉質感，亦算大塊。粒粒红米炒飯稍為硬身，青豆十分乾硬，植物醬汁亦不夠未能起湿滑效果，有待改善。試食價$49，素食者可以一試。

Cafe De Coral is akin to a Chinese "McDonalds". It is relatively clean, has quick service, decent food and at a fair price. As such, I would rate this cafe just average.At least this place wasn’t sold out of a lot of things like the first cafe de coral I went too. I don’t mind this franchise and the food comes out quickly and it’s not bad. But portion size to me is a little small. That’s my main gripe

Café de Coral一個法國名，一間香港人唔會未食過嘅餐廳。疫情下一個超值的套餐，限時！限量！發售！之前想試，但係話已經全部沽清數量極之有限。今次提早五點三就去到，終於「如願以嚐」餐廳佈局位於商場地下中央好似food court咁樣？套餐包括烤雞一隻、兩條粟米、肉醬意粉、兩杯大紅豆冰，都只係賣89蚊😱超值 ❗「利益申報真係冇賣廣告」🤣記住係烤雞唔係燒春雞，兩個人一定夠飽， 雖然知道不是生烤出來，但都是熱辣辣，皮仲有啲香脆😋粟米-軟淋程度適中，如加多些牛油香味會更好。雞胸肉冇起冇渣嚡口👍🏼雞上髀雞髀非常juicy🤩肉醬意粉-好似便利店叮叮意粉咁樣，唔知係咪自己食飽咗隻雞，覺得一般🥺冰凍大粒紅豆冰-仲有粗飲管可以吸到紅豆，要讚👌🏼～～～～～～～～～～～～～～～～～～～～～～～食物賣相＝(滿分20) 16食物味道＝(滿分20) 18服務質素＝(滿分20) 14裝修整潔＝(滿分20) 15性價比率＝(滿分10) 10回頭指數＝(滿分10) 9總評分 ＝(滿分100) 82分

今日比個上司點左去做返手野，早講清楚咪唔洗嘥時間囉🤬🤬，仲要講到係我地錯咁🤮🤮晚上去左荃灣大家樂見有個‘法式焗慢煮牛面肉飯‘介紹話慢煮左3個鐘咁耐一定好‘淋’肯定唔會背脊骨落😡😡之前好流行慢煮什麼什麼🤔，讚有幾好味、軟身得黎又保留到肉質嘅彈性同鮮味，一直都想試！見到實物其實就係蕃茄牛肉飯，牛面肉🐮又真係煮到軟軟的，好‘淋’身，一口咬落唔洗用力肉體已經自動散開，對我呢d食物容易攝牙縫嘅人黎講一大享受☺️☺️味道就好有牛味，加上蕃茄🍅及菠蘿🍍嘅酸味就更能襯托起牛嘅鮮味，變得更有層次分明！🙂🙂份量都算多，有4-5塊牛肉🤗🤗食完個靚飯同🤴🏻傾下計心情都靚返曬🥰🥰

今日收工一個人，都係係屋企樓下食算啦。路過間大家樂，見到好多客人排隊買野食，羊群心理就當然係望下個餐牌啦，見到有個無骨海南雞飯都幾吸引wor, 於是就排左隊去買啦！買完之後就去取餐啦，成間舖頭都坐爆晒，好彩就重有d獨男水吧位，一於就坐下啦！隻雞賣相唔差，有雞脾同埋雞翼，底部有d酸瓜都幾開胃，雞肉好滑，而且就真係起晒骨，除左隻雞翼。飯有椰香味，隻雞你根本唔洗點醬就已經夠晒入味，最後好快廿就清晒成碟同埋飯，返屋企休息啦！