大家樂

营业中

休息中

真系冇谂过食大家乐下午茶都会攞部手机出嚟影相。今日同屋企人去咗呢间杨屋道分店，叫咗两份炸鸡髀西多士下午茶，点知一买完就听到水吧阿姐大声嗌冇晒炸脾，叫厨房即刻炸，好彩我唔赶时间，就耐心等待。点知一等就等咗25分钟，事实证明我呢25分钟系值得等待的。两只炸畀都睇个样已经流晒口水，新鲜炸起嘅鸡髀系唔同啲，外皮香脆，里面鸡肉嫩滑，加埋𠮶半份西多真系邪恶到顶点。值得一题系大家乐呢间杨屋道分店啲职员系几有礼貌，由收银到水吧都好nice and friendly，间唔中仲有个阿姐攞住纸巾牙签问啲客需唔需要，服务都几唔错。