大家樂

营业中

休息中

大家樂會定期推岀平價烤雞套餐，只需88蚊但只限外賣。今次小妹都俾佢既優惠價錢吸引，買咗個反去試下。 套餐有一隻海鹽檸檬烤雞，雞都算大隻，肉質都幾滑，但就無咩海鹽檸檬味。盒裏面有兩條栗米，但唔夠牛油味。肉醬意粉都係保持一貫既水準，都係好味。用錫紙盒裝住，買咗成個幾鐘都keep到熱蜜糖甜薯仔，估唔到既好味。唔太流甜度岩岩好。呢個二人套餐真係超值，兩個大人都食唔哂。當然唔好期望可以食到舔舔利，但咁既價錢已經好滿足。但要留意一點，唔係所以分店都有得買，買之前去佢地網頁查清楚，如果唔係就撲空啊

是日晚餐~香草鹽烤雞二人套餐正直放工時間六點十五分， 坐位係需要"搭枱"或者等人走，我地點好餐， 再揾枱搭位， 等多10分鐘左右就有得食la.... 香草鹽烤雞二人套餐， 包括一隻香草鹽烤雞， 1客肉醬意粉，2支粟米， 10粒炸薯球， 2客蘋果薯仔沙律， 2罐可樂蘋果薯仔沙律， 可樂香草鹽烤雞~外表非常吸引, 啡色既外皮, 咬落仲有少少脆身, 但雞內味道不足, 完全沒有味, 連雞味都沒有炸薯球~太淋身, 口感不佳, 只食到一PAT 野既感覺, 如可整到實一點會更好肉醬意粉~肉醬味道唔錯, 但意粉太硬整體上二人份量係足夠的,但味道欠俸----

$21買到西多士及紅豆冰，抵抵⋯抵！ 口渴先試紅豆冰，紅豆好軟好香豆味，粒粒都大粒，啖啖成口红豆，加奶香濃幼滑，自行減點冰，味道會保持更原味西多士大大件，炸到金黃，外皮香脆，內有香濃花生醬，仲有細細花生粒，啖啖香口，正！

無無撩撩1個人行街，買下衫買下褲，又行到攰，諗住搵地方坐底食下野，但依頭d餐廳都食過，唉……唔諗唔洗煩，就大家樂，入到去又唔算多人，就叫左c2餐，係雪菜肉絲米粉，多士，大家都知大家樂，係大眾口味，雪菜肉絲味道有小小咸，不多不小米粉，加清湯底，是配合大眾口味！食埋件多士，下午茶黎講，就啱啱好，唔太餓又唔太飽！如果諗唔到食乜，我多數選佢！

放假自然玩到好夜訓醒就去tea 一tea在大家樂見到鐵板餐賣29蚊~~好啦，試試先~麵脆汁正，咁既份量真係可以當正餐~燒雞翼，真心至愛，蜜糖入味，燒烤香口配杯港式奶茶簡簡單單又一餐~~~

推薦大家樂早餐！！！我真心覺得大家樂早餐有比心機！特別系南冰魚柳早餐。首先佢d滑蛋好味過m記d滑蛋先。因為入面仲有蔥呀果d，香好多！！所以三揀一一定係要牛乳滑蛋，真係食到d牛奶味。d魚柳都夠脆都夠香，如果你咁岩果陣岩岩炸起，咬開會出熱氣。Xd至於厚多士同蘿蔔糕我建議是厚多士，因為蘿蔔糕好中式，同個餐都唔夾。后多士有牛油系上面，順便拎多包糖，撒落去食，真的是一級棒！但係d厚多士好多時候整到太乾（可能唔系太新鮮既緣故），所以會扣少少分，但overall系唔錯嫁！

當晚放工冇約人.即興想吃火鍋.於是去大家樂.當晚人流唔多, 環境都舒服我點了沙爹湯底豚肉火鍋湯底味道夠濃 唔算多油.唔錯豚肉薄切 豚肉.少肥.肥的位置適中,幾新鮮 但肉味普通水餃肉好少, 幾硬 味道一般肉丸爽口 算加D分啦米線打底 份量幾多 雖然平價野 但索左D湯 好味左好多價錢一分錢一分貨 , 都算物有所值啦!!

夜晚收工一支公想食個快餐算，同埋突然好想据扒，又唔想太貴就去左大家樂，食牛扒鐵板餐，都係50蚊左右，都算平比起翠華個D，而家晚餐食好少少都要過百，物價高漲唯獨人工不高漲。 塊扒其實好薄，男仔絕對唔夠食。配多個白飯都未必飽，好唔好食都其次。炸薯太林，唔夠脆。

趕得切晚餐前的下午茶，求祈買份輕便的下午餐茶。付款後要留意顯示牌等號碼，這即等如豬扒包是即制的。鬆脆豬仔包下夾入大量洋蔥條，粗條兼且生生的，豬扒肉質鬆而有汁，吃下去也沒有討人厭的鬆肉粉味，醬汁又甜甜地，總算好吃！

星期六中午，屋企人為我買來一個「大家樂」的豚肉飯，好像很久已沒到過大型連鎖快餐店吃飯了，記得早前好像有廣告不斷介紹過這款飯食，今天終於有機會一試豚肉飯 $30［評分：5/10］$30蚊一個飯連飲品，還真抵吃呢！打開後，發覺份量不算太多，有數片豬肉、一件圓形的天婦羅餅，還有少量粟米粒及青瓜粒作伴，再灑上了少量青蔥作陪襯，但說實的. . . 賣相真的不太吸引豚肉能說得上是豚肉嗎. . . .我所認知的的豚肉，不是中間夾雜著少量脂肪，入口滑溜非常的嗎. . . 而這片應該是叫作豬肉片飯吧. . . 入口雖然不太硬，但質感粗糙，沒太多肉味，單靠少量燒汁作調味天婦羅餅夾雜著少量蟹柳粒及紅蘿蔔絲，再沾上脆漿，炸成圓餅形，表面當然完全沒有香脆的感覺，整件也是淋身的，入口帶點嚼感，只帶油香，完全吃不出內裏食物的味道，而且油份還相當高呢飯最後，還要一試白飯吧，飯粒. . .看不到粒狀的，是飯糊吧. . .將近入口無需咀嚼就可嚥下，而燒汁份量也否多，在少餸少汁的情況下，最後只能單吃白飯，最好吃的，還算是飯面的粟米粒了大家樂 (葵芳)葵芳葵富路7號葵涌廣場1樓13-18號舖～～～～～～～～～～～～～～總消費

收工同朋仔 2 個 路過大家樂, 就去試下佢既爵士牛啦坐低等 number 等左 2-3分鐘左就有睇落好豐富, 不過塊牛排無想像中咁大個鐵板亦唔夠熱, 感覺爭D啦味方面, 肉質唔錯的, 不過食到不少梳打粉味黑椒汁味道就 剛好 少少辣另有條德國腸 味道一般 冇乜味餐湯, 磨菇湯湯係 ok 既, 濃郁又多料配埋餐飽一齐食 good成晚大概60蚊 OK la

返工打完卡即刻同個朋友走去食早餐我果份叫深海魚柳同炒滑蛋要咗份占，飲即磨咖啡朋友果份係通粉魚㧕炸得幾香口，啲肉好淋加少許它它汁甜甜地好正炒蛋炒得十分滑，份量又多占多脆口，咖啡係即磨夠哂香濃，每人都係二十多元呢度早餐都幾多人下八點時間見到幾拾人不過佢地服務規範由先購票再去出品部取前後不過六至七分鐘已經有得食

葵芳中午lunch時間周圍都好多人，連位於葵涌廣場既大家樂都坐滿人，好在好快就搵到位，叫左個珍珠帶子福建炒飯加埋熱飲都係$30, 碟飯有5粒珍珠帶子，但帶子無咩味仲有d韌，除左帶子仲有雞肉，冬菇，豆角，紅羅白，加埋好似漿糊既汁，味道一般，$30連熱飲算係抵!

是日只有豬女獨自一人食晚餐，收工後便來到附近的大家樂食一餐豐盛的晚餐。叫了一客黑椒汁西冷牛扒+穌皮素翅湯。西冷牛扒非常厚切，有配料厚切薯條數條及一厚切蕃茄。淋上黑椒汁在鐵板上不斷起滾，已聞到香味，黑椒汁調得不算太濃/辣，味道剛好。西冷牛扒切開口感也頗淋，牛味不錯，配上黑椒汁，很美味。薯條沾上黑椒汁也很匹配。最值得一讚的是那一舊厚切蕃茄，本身已略為煎過，後放左鐵板上靠其熱力再加熱，熟得剛好，沾上少許黑椒汁，蕃茄味攻突出。素翅湯則普通，雖有頗多材料，但味道不算突出。

上日下午做做吓嘢 餓餓地就蛇王去大家樂食個丅啦去到叫咗個熱狗加米粉餐有一隻芥辣碎蛋熱狗 個包就焗過 皮脆裏面沙律醬有芥辣口味 酸酸哋辣辣地 感覺幾清新 仲有啲碎蛋喺裏面 正用上脆皮熱狗腸 連埋個包同D醬一齊食 正日本榨菜肉絲米 份量幾大 不過D榨菜肉絲就少咗D啦 味道就沒特別OK啦杯奶茶 夠濃又夠熱 仲幾香滑添 keep到水準成個餐都係廿幾蚊都幾大喎