大家食 (福榮街) (已結業)

到電腦商場購物後，跑來這兒吃晚餐。週一晚上，約六成滿。雖然漲價了，仍然點了招牌「茄蛋牛手攪麵」（$12）和「灼芥蘭」（$3）。麵條較前次（約一年前）失色，少了彈牙質感；牛肉仍然是粗糙貨色；幸好那茄蛋沒什麼變化。招牌辣椒油不算特別美味。灼菜的價錢，令人相當感動！環境佈置依舊惡劣，客路跟價錢成正比。個人覺得，除了價錢，這兒沒什麼吸引力。大概，短期內都不會再光顧。

在餐裨上無意中發現有道菜叫賽狗肉，跟主問阿姐係乜東東，她解釋係用豬肉做，但味道似狗肉，係真唔係丫，為了求真，咁就脆脆地俾多十幾蚊。黎到既時候，個樣似炆豬肉，食落去，真係似到十足，連的皮都係，整到咁來自的汁，加上炆得耐既效果。的汁點整，係老版左溝右溝，定係呢個世界上真係有狗肉汁，就不得而知啦！

剛剛過去星期日的籌款宴前，去深水步高登打個round 兼去鴨記買線，順便試下其中一樣的名菜：茄蛋牛麵。12蚊一碗既份量其實都合乎比例，大約一年前有人帶過我黎呢度食，當時還未知道有乜招牌菜，但的確少左一些(當時食其他既野)。做end user或customer明白故中原因，兼知道知道背後既理論，會有另一種既體會。轉回正題，一來到第一時間試湯，未算清甜，但混在已煮好的蕃茄，調番起個味出來；不管雞蛋是否一齊與蕃茄煮還是分開煮後混埋，都唔會感覺到老；牛肉份量好少好薄，兼睇落去去好un，但食落去都好易入口，而且唔會老；麵好不容易才能折斷入口，浸在湯一段間，也不會像其他淋到唔使用牙都攪掂。該日還好彩見到貼在柱上宣傳單張主角的真面目。食完後，諗住埋單之際，見到一個菜式，在全港不應會再出現(即使新界/離島鄉村)，老細還夠膽推出，係唔係咁堅丫，自己又夠quota，於是加左碼去試，想知點解睇下集自有分解。

我同朋友來食。佢叫左個雪菜肉絲手攪麵，佢話d 麵唔及生麵彈牙，不過味道ok，佢仲話d雪菜唔係雪菜，好似d唔知菜碎，我眼見肉絲得幾條。而我叫左北方澆麵，要刀削麵，嘩!!!!!我用湯匙"bug"左兩杯油出來，味道普通，而且唔彈牙。仲有佢加左價，之前食係$10，而家最平都要$12囉。唔知係唔係只係呢間貴d。又唔係好多人係度，但係我地吹左阿姐3、4次先記得拎杯豆漿比我地。比錢個時，見到個阿姐拎碗麵比客人之前都會落油，好恐怖，怕肥既人叫個時記住叫走油。

價錢平~ 刀削麵ma ma ~ 去過好多次~ 都是個茄蛋牛肉手攪麵最好吃~! 其他食物普通啦~ + $3 有碟油菜~ 都蠻抵食^^~

以前專登search 呢間野，點知越做越大，野食就變細，價錢就變多，質素也是快餐式，好迫好趕，可取的是麵款多，但一般男仔一碗不會飽。

I THINK SO! THE OLD ONE IS THE BEST. ONCE, I ORDER IN MK SHOP(叫外賣) WHEN THR ONE WHO BRING FOOD COME ,HER POOR ATTITUDE: SHE SAID THEY RE VERY BUSY I CAN GO TO THERE TO EAT. I FEEL ANGRY IF YOU RE SO BUSY PLS TELL ME I CAN ORDER OTHER RESTAURANT (IN MK NOT ONLY YOU) THE GUIDE DIDN'T GIVE ME CHANGE. SHE SAID EVERYONE ORDER MUST PAY TIPS?? SHIT!!

前晚和女友行完西九龍中心，就去福榮街最近高登的大家食總店(有老細大頭海報個間)，兩人食叫了茄蛋牛手攪麵、擔擔手攪麵、生菜、滷水牛、凍豆漿。我和女友都認為食手攪麵一定要到總店，其他分店最多只有７成水準(連辣菜莆都係！)手攪麵比刀削麵水準穩定，因刀削麵要花時間功夫做；而手攪麵係用手攪麵機做，是但一個亞嬸都幫你做到。同意大家所講，我認為大家食的招牌麵係茄蛋牛手攪麵。呢手麵附合四大條件：平‧靚‧正‧快。茄蛋牛手攪麵主角係茄蛋，牛肉只為點綴及増加口感，所以不要介意少。個人認為茄蛋是煮麵湯底的最佳天然材料，又有益又唔會口乾。(又平，只係十蚊一碗！)大家食如果想再加分，就要從服務著手。d伙計(鄉里、親戚)雖然工作賣力，但是質素所限... (常常漏單...)三點建議如下...1. 通知客人叫刀削麵要等10-15 mins.等人有心理準備。2. 太多人的話主動建議客人到街尾大家食。3. 老闆要巡鋪。最後食完麵...梗係去埋元州街松記食糖水la...駛人教？(食茄蛋牛手攪麵不宜加太多辣油菜莆，因辣油屬酸性，茄蛋湯亦酸，唔夾。)

星期日六點幾來到,真係好多人呀,小熊正想掉頭走的時候,呀姐即刻大聲叫咪走有卡位呀!敢小熊先至停步,卡位真係好過其他位,無敢迫.我點了鹵牛肉手攪麵$14,小熊就點了東玻肉刀削麵$14,還叫了一碟戒蘭$3,酸梅湯$5.鹵牛肉手攪麵-鹵牛肉係牛展,都ok,東玻肉刀削麵-東玻肉都ok,小熊話刀削麵食落質感麻麻,食完仲好鬼飽肚tim,不過我同佢都覺得手攪麵好食過刀削麵.戒蘭-好淋,仲加了腩汁,好味.酸梅湯-我飲了少少覺得好酸(可能係我唔太好酸梅湯)總括lee又真係好抵食,不過小熊話以麵來說荃灣的麵棧好過大家食,但以大家食現在開了敢多間分店,都算唔錯了,不過係環境麻麻囉.

茄蛋牛麵，茄好味過亦多過牛；勸各位食呢款麵唔好落任何冬菜或辣，會怪味。三蚊碟菜，食多碟都得.菜肉餃都唔錯，似灣仔碼頭.開得咁多分店自有其可取之處