大小姐冰室

营业中

休息中

今午需要到銅鑼灣開會，意想不到提早結束，因此可意想不到提早找新地方吃晚飯。查看OPENRCE在銅鑼灣至最遠北角一帶的食店，以港式+粵菜的目標選擇，很快便找到這一間，大小姐冰室。數月前曾以電車晚間漫遊銅鑼灣以東沿線，記憶所及，這一間應該是新開不久的店，決定一試。說穿了其實是給網站中，浦東松子魚的相片所鈎引。個人對貎似五柳魚類近的菜色有所迷戀。作為典型港女口味，對一些餐前小吃(因為吃不飽又好看，兼可以打下卡)有些忍不住口。查看了一下，就給我發現這個奇怪名稱的小吃==>係威蝦多士伴沙律。1)先到是這個蝦多士。嘩，實在是匪夷所思的好看及好吃。原以為只上一塊法色麵包上面有一隻烤了的中型蝦，豈料蝦和法包之間，再配以一層蝦膠，兩種不同質感蝦味混合起來之味道，簡直不能言喻。只可以說，唯有親自品嚐過才能感受當中之美味。2)隨後便是浦東松子魚(五柳魚的朋友？)…單是擺盤已經令我喜出望外:原條魚開邊經過油小心的油炸烹調，竟然可以呈現展翅的模樣，只能說一句:絕。最後配以薄薄酸甜的醬汁，恰巧不會蓋過魚肉的味道，值得一試。3)干炒牛河醬油色澤較深，河粉厚度較一般食店為大，喜歡河粉有口感、彈牙和偏愛濃味的人

之前搭車經過見到呢間「大小姐冰室」，因為個門牌，所以特別有印象。既然去開附近，就順便食埋飯避風塘安格斯牛肉炒河 $118份量足，二人share都夠，略嫌花椒油偏重，麻丶辣味搶咗安格斯嘅牛味浦東松子魚 $128好少會喺港式餐廳見到松子魚，雖然無𠝹花，但賣相都唔錯，炸得皮酥肉嫩，魚肉嫩滑，酸酸甜甜，送飯一流燉湯 $38是日燉湯係無花果燉雞，加咗圓肉丶紅棗，味道清甜大小姐紅豆奶茶 $32見到有”大小姐”為名，估計係呢度嘅招牌產品，奶茶底淳滑，紅豆未算軟腍起沙，我就比較鍾意呢種有咬口嘅質感，少甜啱啱好凍檸茶 $22正常發揮，只要檸檬夠新鮮，走甜都好飲

這天晚上去到香港島上課，課堂之前先到大小姐冰室醫肚。餐廳位置在炮台山港鐵站對面，位置非常便利。裝修雅致，有少許高貴的感覺，符合「大小姐」的名稱。精選晚餐可以自選菜色，附送白飯、是日燉湯或例湯以及熱飲一杯。餐牌中英對照，方便不懂得閱讀中文的食客選擇心頭好。選擇了椒鹽肉排，份量非常多，一碟共有12件！肉排被切成長方形的尺寸，方便食用之餘，也令脆炸的表面範圍擴大，令肉排加倍香脆。肉排新鮮炸起，熱騰騰的，非常滋味，而且肉質鬆軟，味道調得恰到好處，食過返尋味。是日燉湯為蟲草茶樹菇燉雞湯，非常清甜，用料十足，一試難忘。飲品是華田暴龍脆脆，這是特飲，只需補$9 ，滿滿的阿華田，那一口的甜美，讓人幸福感滿滿。侍應招呼一流，積極主動，值得一讚。

星期日有得免費搭叮叮，於是同老公去左跑台山食晚飯，我地揀左間冰室。我地叫左精選晚餐二人餐，可自選菜式兩碟，仲有白飯兩碗、是日燉湯/例湯、熱飲兩杯，一定夠食。我地都要是日燉湯，好夠熱，飲到尾都係熱架，加左紅棗，味道好清甜，好好飲。啫啫雞煲出晒煙甘，雞肉唔鞋，份量幾多，送飯一流。沙嗲粉絲牛肉煲我欣賞佢用既係鮮牛肉，而唔係肥牛，加左菠蘿令牛肉嫩滑啲，仲有金菇同粉絲，好足料。白飯兩碗，菜式太好送飯，一碗唔多夠，哈哈。飲品叫左凍檸茶同熱柑桔蜜。

愛回家的大小姐，就見得多，今早去了大小姐冰室食早餐。 一日之計在於晨，今日要見幾個客人，食個早餐就出發。我見嘅客在炮台山，炮台山地鐵站A出口，一出對面就係大小姐冰室。可能我去到已經八點幾，人流不算太多，因為好多人都俾錢，埋單準備返工。早餐有粉麵類、西式早餐、和三文治等。我選擇了餐蛋治。餐肉一定要煎得脆脆的，才算合格。廚師煎得好好，是脆脆的，但沒有乾 (如果不是，變成牛肉乾，就不好食了。) 蛋厚薄均勻。三文治，蛋要夠厚，先有質感。整體都做得好好，份量好足夠 👍🏼👍🏼 看我影出來的相大大分，搭起來，食落好有滿足感。另外，我叫了即磨咖啡，現在餐廳都要有，即磨咖啡機，先至能滿足客人嘅要求。咖啡香濃。早上一杯醒神咖啡，是很重要的，能夠叫醒我嘅靈魂！

今日難得想食家常菜，就去左一間位於北角嘅大小姐冰室食晚飯😋餐廳位置好闊落，燈光同冷氣抽風都好足，坐得幾舒服👍🏻我地叫左二人餐，有啫啫雞煲同沙嗲粉絲牛肉煲，仲會跟埋是日例湯，同白飯雪梨燉雞湯見到餐廳好用心落足料， 味道方面因為入面有雪梨、紅棗、桂圓，令到湯頭十分鮮甜又滋潤，真係好好飲😍啫啫雞煲 上菜個刻見到雞煲十分之熱，味道香濃得嚟又唔會太咸，送飯一流🥰份量亦十足，成個雞煲都有十幾件雞，兩個人食好足夠🤤沙嗲粉絲牛肉煲 見到又係熱辣辣上菜，味道方面粉絲同埋金針菇好入味，沙嗲味濃郁，牛肉亦都軟腍掛汁，正😆整體嚟講見到餐廳每一道菜都喺即叫即整，而且上菜速度都好快，份量又多，真係幾驚喜冰室做到呢種質素👍🏻餐廳員工服務好好，又快手有熱情，會再嚟食😋

垃圾服務，等咗30分鐘先話無雞扒。1130am 第一單午餐，夠膽話無雞扒。換等二樣仲好意思想收差價。永不再幫襯。有病。無料做唔識落完單之後講。中間我仲問咗一次話做緊。

附近都有幾間茶餐廳，但係呢一間喺出邊望落去感覺乾淨，四正，於是就行咗入去食個早餐，我價錢比普通茶餐廳貴幾蚊，但係食物質素好好多，就算係連個米粉都係靚嘅米粉，黑松露炒蛋，真係有一Pat黑松露，可以再encore，其實都好多人，不過服務員手腳都幾快手.

復活假last day呢日朝早去左大小姐冰室食個豐富早餐！呢度價錢幾抵，啲早餐包埋熱飲大多都係30幾40幾蚊咋～歐陸全日早餐（松露炒蛋、煙燻三文魚、雜菜鮮果沙律、蕃茄仔、薯仔、牛仔腸、牛角包）。 估唔到All day係咁大份架，超豐富嘅早餐，好食又好睇，直頭覺得可以當lunch咁食😆由其鍾意佢個牛角包，唔似一般cafe果d咁油，但同時keep到牛油香，個炒蛋又炒得好嫩滑😍扒餐（香煎雞扒、牛仔腸、炒蛋、牛角包），同all day一樣有個牛角包但就細3份2 size咁，價錢都比all day平$30~扒可以揀豬/雞/吉列魚柳，我地揀嘅雞扒夠晒嫩滑呀！早餐有跟埋餐飲，凍熱咖啡我地都超滿意，香滑香濃🥰最後一日紅日有個good good morning!!😍

今日嚟到北角食晚餐，見到一間環境氣氛相當好嘅餐廳，二話不說就入左去坐底。我地嗌左晚餐二人set，有得自選菜式兩碟，有湯、飯同飲品兩杯，價錢都係$228，好抵食！啫啫雞煲估唔到冰室入面都可以食到有火候嘅雞煲，雞煲嘅醬汁好開胃，辣辣地撈飯好夾，雞件舊舊都啖啖肉，好推介！椒鹽鮮魷炸得好脆口，炸粉唔會太厚，比例剛剛好，鮮魷每一件都厚肉，食落好滿足，椒鹽味嘅搭配好夾味，又係一味送飯。華田暴龍脆脆平時飲開華田，但第一次飲咁滿足嘅華田特飲，估唔到加埋上面層脆脆係咁加分咁滿足，小朋友一定要叫！西班牙特濃朱古力咖啡對於中意飲咖啡嘅人嚟講，呢杯飲品完全滿足到想咖啡嘅癮，又唔會太濃烈，怕夜晚瞓唔著，咖啡同朱古力味好夾，唔會搶左大家嘅味，呢杯好岩中意咖啡之友叫！

每次中午行過門口見到都算多人裝修又幾好。所以今日一行4人去試下呢間餐廳。叫左中午幾個套餐。食物水準我覺得可以。對得起比同區貴既價錢。服務差到一個點。由入門口果秒開始。。就好似喝狗就叫我地自己搵位。特別係著黑衫睇落似老細果個男人態度差到爆。就算你呢度野食同環境幾好都好。我都一定永遠唔會再黎你忙你既事！喝狗咁對客。真係唔得！起碼我接受唔到！

出街食梗係食啲屋企煮唔到既嘢食啦，牛尾都唔係好識整，梗係出街食叫呢樣啦，呢個牛尾煲加左紅酒，上菜時仍然滾呀，食落口有陣紅酒香飄出黎，而且牛尾好林好入味，不過我嫌佢有啲肥，如果可以从咁多肥膏會好少少～☺️

有啲趕時間，但又想食好啲啲….係英皇道一條直路當中。「大小姐冰室」就是最吸引人的。店面設計以白色為主，簡潔乾淨。就係咁，俾佢嘅門面呃咗入去。E餐，E For Elephant… （你要玩英文字接龍點餐，職員才會聽得懂，手指著餐牌，說要E 餐都係多餘似的，食個普通午餐，無啦啦俾人考反應，真令人身心不滿！）帶住呢份懊惱，等緊我的「大象」餐。（係我唔啱！貪小便宜食Lunch Set點解！明明已經人工已經去唔到30%加幅，又無時間嘅時候，竟然貪心地想食到好野？？….）上餐次序都合格。先上例湯。嗯…淨係水，睇唔到係咩中湯，不過見啱啱入黎嘅青春美少女嘅湯有紅蘿蔔2粒。但我果碗…. 一層分子細少的油層，白色一塊塊的脂肪和黑色不明物。我思考再三，決定鼓起勇氣並消除職員對我嘅歧視，撥開油層，試飲清湯一口…是水混咗油的味道….點睇都似係洗鍋水多過係湯咁⋯ 我放棄.. 了..跟住係餐飲，熱檸水（呢杯嘢正常，應該好難會有伏，係最安全的健康飲品了，BTW…我錯了..越簡單反而越考驗一間餐廳嘅衛生水平）… … 匙羹一撈底⋯ Oh No …. 黑色一粒⋯ 我仲可以視而不見照飲嘅⋯ 但綠色淺淺果塊⋯ 真係挑戰著我的神

見店名好親切，咁就入去試一試下午茶餐先！一睇餐牌發覺好多選擇👍點了星加坡海南雞喇沙湯麵餐；有海南雞又有喇沙油麵～真好！滿足兩種不同口味！再加多杯大小姐紅豆奶茶（甜度適中）👍再點台式肉燥豬扒包👍真係又一驚喜～豬扒唔乾、肉燥唔咸、個包又脆！服務員又好有禮貌招呼！總括這餐下午茶食得好滿足！

北角大小姐冰室係一間好有特色嘅茶餐廳，裝修得好高貴，令人有種似去左Cafe嘅感覺，仲有個戶外用餐區域，岩晒鍾意熱鬧既朋友🥳今次黎食「一人晚餐」，有自選菜色一碟，再加一個燉湯，另包一杯熱飲。盛惠$118燉湯好足料，有紅棗、豬肉、龍眼、雞肉，味道好濃，感覺好滋補🥰而今次食評嘅主角係佢地嘅法國紅酒牛尾煲 啱啱上嚟就聞到啲牛尾煮嘅香氣，令人口水直流😛紅酒汁加左茄汁，夠晒濃郁，仲有啲微微甜甜嘅味道，同牛尾啲肉味好夾，牛尾肉好腍身，仲要勁多脂肪，入口即溶，十分滿足🧡另外加錢叫左一杯西班牙特濃朱古力咖啡甜度適中，可以當係一個唔錯既飯後甜品😋如果你係北角附近，想食高質中式晚飯，可以試下大小姐冰室，絕對唔會令你失望❣️