大小姐冰室

营业中

休息中

個日同朋友去左北角油街打卡，參觀完就想醫下肚，炮台山地鐵站附近，見到有間茶餐廳好似幾多選擇，就入咗去食。我地點左個二人餐，可以自選菜式兩碟，每人附送白飯例湯及熱飲。是日燉湯 ：蟲草花燉雞上菜速度好快，燉湯仲係熱辣辣，而且非常足料，有好多蟲草花以及雞件，飲落唔咸冇味精。蒜片牛柳粒炸蒜片以及洋蔥好多，牛柳粒煮得好軟身，而且切得大細啱啱好，同白飯一齊食啱啱好。椒鹽鮮魷一上菜已經聞到陣陣椒鹽香，魷魚炸得美黃香脆，魷魚算新鮮，食到停唔到口。飲品不過不失，正常茶餐廳水平。總括而言，二人餐價錢合理，服務態度良好，茶餐廳嚟講算唔錯。

炮台山，擁有人龍的茶餐廳不少，有些時候，真是會怕在一個小時的 lunch hour 內，完成不了一餐中午飯。不過，去過好幾間，發覺他們的速度，再加上因為驚唔名時間食飯而提速地吃，一小時內連排隊去用餐，是可以的。再深入說人龍好店，好多都是開業多年，屬區內馳名的好店。可是，近來開了一間名叫《大小姐冰室》的茶餐廳，一開業就已經是人龍不絕。本以上新店熱潮過後會好一點，結果這店依然天天人龍。那我就決定找兩天準時出街食 lunch，排隊入黎吃午飯，試下這是不是真係一間威到每天都有人龍的好店。茶餐廳排隊既日常就是，一個人來的時候，會好容易搵到個位俾你去搭檯。簡單地叫一個是日午餐，咁就有一個稀稀地，但夠好飲的一個中式例湯。第一次來，是青紅蘿蔔湯，而第二次來，就來了一碗濃郁的粉葛湯。第一次來，天氣有少少涼，剛好午餐有一個應該是應天氣而推出的雙冬羊腩飯。這是一份很 Hong Kong Style 的羊腩飯。連皮連骨的羊腩，有冬菇，有冬荀，有馬蹄，也有腐竹，足了羶香，羊肉的香味連湯汁一起撈飯，真的是非常香口。吃過好食，當然會再來啦。這次點的午市套餐，是咖喱牛扒炸帶子飯。咖喱汁是出色的，用來伴飯絕對是一流。可

今日同朋友放假同朋友相約左去炮台山按摩，按摩前諗住食個下午茶☺️見到新開左一間食店，餐廳裝修新穎，而且地方都好大，眼見都可以有大概20張枱左右👍🏻👍🏻另外，餐廳員工服務態度都好好，而且十分健談。馬來沙嗲砂鍋牛肉麵 $56 (配黑松露炒蛋加牛角包)呢個牛肉麵好特別，佢係用個砂鍋上碟，送到枱耍仲係熱辣辣，麵上面加上大量牛肉，真係食個麵都好有儀式感！再加埋黑松露炒蛋，黑松露味道濃郁，絕對唔馬虎，配埋牛角包🥐真係好配搭！星洲炒米 ($48)分量十足，而且配料都多，好有鑊氣！色香味俱全👍🏻一個人食都好飽肚珍實熱狗 ($38)另外朋友都想食一隻熱狗，估唔到呢個價錢仲可以食到份量咁大既熱狗，同我隻手一樣大，抵食！至於飲品方面，我同朋友一齊叫左凍檸茶，一樣好大杯，茶味濃郁，解渴一流！

之前大小姐冰室開張無耐，同朋友嚟食過下午茶，尋晚同老公行過，見餐牌見到有「 晚市套餐 （一人餐/二人餐/三人餐），終是入去試吓。門口望入去以為冇乜人，但原來入邊坐滿人，好爆場。49款菜式中要揀兩個餸，真係會令人有選擇困難症，冰室都有咁多餸菜選擇真係好驚喜！每個套餐都附送白飯、是日燉湯/例湯、熱飲二杯（凍飲+$3）。我哋兩個人就嗌左一個 《 二人套餐 $228 》，仲好好彩飲到餐廳最後兩盅燉湯！燉湯有龍眼肉、茶樹菇等等好足料又夠火喉，係呢兩盅燉湯已經覺得個套餐好抵食！《 鮮百合雲耳炒蜜豆 》蜜豆脹卜卜好鮮甜，其餘仲有百合、木耳、甘荀、茶樹菇都好新鮮～ 炒蜜豆嚟講佢都算用得多料～ 《 是日蒸魚 》 - 係我最鍾意食嘅豆豉蒜蓉蒸倉魚呀！ 正～豆豉蒜蓉舖滿成條魚，見到都惹味～ 魚肉鮮嫩蒸得剛好，連埋豆豉蒜蓉撈飯超正～原來跟餐嗌特飲只需要加$9，咁梗係嗌啦：《 爆珠雜果賓治 》 - 果汁味道就帶薄荷味，好多生果同爆珠！《 西班牙特濃朱古力咖啡 》- 真係好香濃，加埋忌廉再滑啲好正！雖然已經好飽，但見到又好想食：《 係威嘅蝦多士拌沙律 $68 /2件》幾粒爆珠上面放咗金箔，半溶芝士同多士夾住一

第一次試, 叫二人餐, 揀「不一樣咕嚕肉」及「沙爹牛肉煲」。咕嚕肉舊舊都好硬, 又大舊, 食到牙骹軟；牛肉煲仲衰, 片片肉都有渣, 好韌, 完全冇味這裏特色是所有肉都吾醃吾調味, 咁基本的小菜都吾掂, 未有機會試特色野名大於實, 住附近但不會再比機會

先講服務：我同先生仲有女女一齊嚟，點完餐之後等緊。個職員上錯咗飲料，換番之後，佢淨係同果個香港人say sorry. 對於我哋完全忽略。另外，我全程好有禮貌架，幾多聲「唔該」+「多謝」，佢哋真係，cool到… 完全唔睬人，洗唔洗憎到我哋咁呀？落來咁多次，第一次受到咁嘅「待遇」，心情差咗成晚。再講食物：金柱蛋白炒飯+星洲炒米，味道麻麻哋。凍檸茶亦都唔夠凍。最後講感受：我知我一個小小嘅遊客可能改變唔到乜嘢，但係對於一個心思細膩嘅人嚟講，你哋咁嘅態度真係好hurt人架，我今晚真係心情好差不停咁檢討自己。但係我又唔覺得自己有咩唔妥。我係hk一路都好注意自己嘅行為，我想你哋都應該明白唔係個個大陸人都係你哋認為嘅咁差同埋咁冇禮貌架！希望你哋改變下自己嘅態度喇！！！祝生意興隆。

平時幫襯開茶餐廳，今次呢間“大小姐冰室”，感覺稍為高級少少，整個佈置以橙色卡位為重點，簡單唔花巧，一於以食物質量取勝。晚市精選套餐有燉湯、小菜、白飯加飲品，價錢幾親民。首先有黨參、龍眼肉燉雞湯，雞肉出晒味，加埋黨參及龍眼肉，令到啖湯清甜回甘，好好飲，抵讚！跟住有熱辣辣咖哩牛腩煲，上枱時咖喱香味四溢，牛腩炆得好軟腍，仲有好多牛孖筋，加埋青紅椒及薯仔等配菜，相得益彰，用嚟配白飯，惹味又開胃。椒鹽肉排份量勁多，令人眼前一亮，雖然味道略淡，但勝在炸得香脆，令人不期然食多幾塊。另外飲品有仙草菠蘿冬瓜茶及華田暴龍脆脆，都各有特色，夠晒大杯又好飲，不妨一試。餐牌選擇夠多

「大小姐冰室」一個幾趣緻的名字，走高檔茶餐廳路線，地方好大，採用全卡位設計，通道走廊非常闊落，感覺整齊舒服。精選晚餐嘅二人餐只需228蚊 ，菜式好多，一於同女朋友試試。先有燉湯，非一般例湯可比，除咗大碗之外，材料仲有雞、黨參及龍眼肉，火候十足，入口甘甜，且有健脾及補氣之效，好飲又有益。第一款小菜揀咗蒸倉魚，魚身鋪滿蒜蓉豆豉，蒸得啱啱好，食落新鮮嫩滑，配埋豉汁當然更好味。另一款係XO醬蜜豆炒牛肉，材料豐富，大大件牛肉及蜜豆，加入XO醬去炒，夠濃香爽口，但唔油膩，配埋白飯一齊食，非常好！女朋友試咗一杯仙草菠蘿冬瓜茶，仙草份量好多，又有菠蘿粒粒，但唔太甜，幾清新嘅味道。另一杯係餐廳特色飲品華田暴龍脆脆，勁多華田粉舖喺杯面，味道香濃，加上脆身口感，又大大杯，滿足感爆燈。女朋友講明下次要再試吓餐廳其他出品，我一定贊成嘅！

係炮台山地鐵站一出對面就係啦，好方便就近👍🏼門面亦同一般冰室唔同，好有特色!!都似一般cafe咁，有室外坐位添呀！！就算過咗lunchtime，都好多人坐咗係度，坐滿唒咁制！不過佢都算大，好多卡位同圓枱坐到好多人！咖哩豬軟骨飯 $65啲汁比較杰嘅，而且啱香港人口味，少少甜唔算好辣，入面仲有紅椒青椒洋蔥，薯仔，好豐富!!豬軟骨都有成4件起碼，件件都大大舊！唔算係好淋個種，個咬得到嘅👍🏼個飯係一大碗，2個人share都好夠咼！由於係lunch set有碗湯同飲品送！湯絕對唔係味精湯，健康🤭👍🏼飲品叫咗朱古力，估計用奶去沖，所以好香滑😍乾炒牛河 $68好大碟喔🤩好香有鑊氣!!啲牛唔係碎碎一片片，而係一塊塊！高質咼👍🏼仲用咗芽菜，韮菜，洋蔥，好食！！加咗辣醬個味再升華咗添呀🤤🤤今個餐就跟咗杯杏霜，無落好多糖，健康又好味😚

身為一位大小姐，咁就梗係要去返大小姐嘅地方食嘢啦😆呢間冰室個裝修喺冰室界算係用心同埋幾高檔，唔似一般茶餐廳我呢個大小姐特登早啲起身食個靚早餐再做野啦，順便影埋個lunch Menu俾大家見到佢竟然有all day breakfast, 中式嘅冰室得來又有啲西方嘅元素👍🏻俾顧客更加多嘅選擇嗌咗個早餐set-蕃茄濃湯肉碎通粉+牛仔腸加黑松露炒蛋+薯餅，飲嗰杯嘢叫華田走，侍應話推薦呢個，師傅會用煉奶沖，味道幾好飲蕃茄濃湯肉碎通粉，個湯幾好飲呀，好似飲緊羅宋湯，因為有好多蘿蔔同埋唔同嘅蔬菜喺度，我覺得係好健康嘅。牛仔腸都有驚喜，因為個外皮特別脆。黑松露炒蛋個黑松露做得好濃，犀利之處係明明眼睇到嘅黑松露醬係冇乜，但係又好入味喎😆😆薯餅就正正常常啦！杯華田走，咁我都同意用煉奶沖係好味過用水沖，個華田味道會濃啲同滑d，即係有少少甜嗰朝頭早去都好忙啊，嗰場基本上full哂！不過是ying嘅態度好好唔會黐typical茶餐廳啲侍應咁食完就好快收晒佢。去到差唔多，11點幾先叫做疏散左啲人，環境闊落幾靚，舒適度👍🏻買單呢份早餐盛為42hkd😊

◾️◾️◾️ 【 ✨炮台山新派冰室✨ 】 ◾️◾️◾️▎非一般的冰室 結合港西元素👍已經有一段時間冇嚟過炮台山了🙈估唔到近年來炮台山開咗唔少新嘅餐廳有啲都幾有新意尤其是係呢一間配合港式同西式嘅冰室✨✨◾️◾️◾️◾️◾️ 【 General Info 】 ◾️◾️◾️◾️◾️▎Overall rating：7.5 out of 10▎Will Revisit?：Yes▎人均消費：Ard HKD 130▎前往方法：炮台山站B出口過馬路轉右▎餐廳位置：📍 大小姐冰室 (北角)📍北角英皇道165-175號公主大廈01及10-13號地舖◾️◾️◾️◾️◾️【 環境方面 】 ◾️◾️◾️◾️◾️👉Rating：8 out of 10雖然佢係一間冰室但係裝修方面絕不馬虎🙈行到入去感覺非常清新只因為餐廳嘅裝修用咗白色為主調營造一種乾淨企理嘅感覺雖然係一間冰室 但感覺行到入去似係一間IGable 既cafe燈光方面亦都非常足夠坐落感覺提神👍👍吸引唔少街坊幫襯👍◾️◾️◾️◾️◾️【 精選菜式 】 ◾️◾️◾️◾️◾️(1) ✨養生燉湯✨燉湯飲落去非常養生👍只因入邊加咗紅棗, 雞等材料熱辣辣 味道香濃 😋(2) ✨椒鹽鮮魷✨呢一碟椒鹽鮮魷未食聞落去已經好香賣相吸引✨👍咬落去

不一樣的冰室今次品嚐左精選晚餐內的兩道小菜🌸牛類—茄子牛仔骨煲$128⭐️⭐️⭐️⭐️⭐️一上枱熱辣辣大大煲份量充足，而牛仔骨嫩滑及超大塊的，每一塊都好入味，茄子也先炸過而不是白烚，非常細心。🌸雞類—川味雞煲$138⭐️⭐️⭐️⭐️⭐️同樣熱辣辣大大煲材料充足，配菜有乾指天椒，爽脆青椒紅椒，洋蔥，蒜頭，辣得有點過癮，脷頭有點麻感覺，而雞肉又不會太嚡口，口感不錯。🌸例湯（跟餐）⭐️⭐️⭐️⭐️⭐️飲得出完全沒有加味精，真材實料，相當好飲，抵讚🌸白飯（跟餐）⭐️⭐️⭐️⭐️☆飯質軟硬適中有蝦米仔的感覺🌸熱鴛鴦（跟餐）⭐️⭐️⭐️⭐️☆咖啡香滑濃郁配奶茶茶味適中🌸凍西班牙特濃朱古力咖啡（跟餐加$9）⭐️⭐️⭐️⭐️⭐️超大杯，有特別濃郁朱古力味但不會搶晒西班牙咖啡的味道。頂還有忌廉同灑咖啡粉做裝飾。======詳情======大小姐冰室 (北角)北角英皇道165-175號公主大廈01及10-13號地舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #美食 #北角好去處 #北角美食 #RnT尖沙咀 #RnT川味 #雞煲

位於炮台山，現代式裝修嘅冰室，富有時代感，俾人感覺乾淨、悠閒；而餐牌上就係地地道道嘅香港菜式，果然係非一般的冰室。主菜：咖喱牛腩鍋上菜時已經聞到香味四溢，咖喱香料風味十足，牛腩亦都炆到非常軟熟，而且份量充足。咖喱汁配合埋白飯，令人食指大動。主菜：美極煎蝦蝦肉鮮甜美味、肉質結實，食得出係用新鮮蝦而非雪藏死蝦。用美極調味，配合香蔥大蒜，口感同味道都非常豐富。原盅燉湯套餐加$10可以飲原盅蟲草花燉湯，清甜滋潤。飲品：涷奶茶、凍檸茶

今日去北角搵朋友，放工時間見呢間茶餐廳應該係啱啱裝修，所以就入咗去試吓啦。自己本身較鍾意啲光猛嘅餐廳，又上Openrice見到d賣相幾靚，果然真係Okay! 晚餐有餐湯，主菜，白飯一碗連埋嘢飲，價錢都過得去，大概$80-$140左右。兩個人叫咗：不一樣咕嚕肉$108: 咕嚕肉色水都幾靚，同埋有驚喜嘅係佢加入咗紫薯，以為唔會好夾，但係食落去因為汁好惹味，自己都鍾意紫薯，出奇地覺得好有新鮮感。咕嚕肉本身材料都有特別挑選過，冇骨之餘，仲每啖都係肥瘦分明！而且菠蘿應該係想用咗新鮮菠蘿，加分！越式蔥油雞$118: 差唔多有半隻雞，雞煮得啱啱好，啱啱熟所以keep到自己本身嘅嫩滑。雞上面嘅蔥油同平時港式食落差唔多，都係鹹鹹地，惹味嘅！ 例湯應該係粟米蘿蔔。飲品叫左凍檸茶同凍華田，都係正常發揮。總結：晚餐份量好大碟，而且唔會吝嗇肉嘅份量。餸菜較濃味，但送飯一流。唔係一般hea嘅茶餐廳，有心之作。

仲諗住見新裝修，入去試吓點知啲野食擺晒係枱，坐咗8分鐘先有人落order同清枱抹都唔抹張枱新坐嘅人你眼望我眼，如果真係咁冇人手，不如唔好開咁大啲野食難食到嘔下次都係去其他度食