大尚宮

营业中

休息中

這間韓國菜是位於香江大廈地庫，很適合在上面行完街便可以到地庫用膳.地庫下面除咗有不同的餐廳，似food court 形式經營.價錢便宜不貴，選擇也很多😍絕對是窮人恩物😂石頭鍋飯 $48加配五花肉 $10除了五花肉可加配之外，還有其他配料也提供，牛肉，章魚等.不過本身淨石鍋飯入面的料很多很足料.材料新鮮，味道豐富，如果喜歡濃味的朋友，可以加韓式辣椒醬，味道更加惹味.部隊鍋$88部隊鍋也是相當足料，抵食！有午餐肉、腸仔、節瓜、金菇、五花肉、泡菜、豆腐.湯底是自家製，煲了8小時而煉成，味親濃厚😙入面還有拉麵，食到超飽餃子🥟最新推出的口味，當天製造，超新鮮.入面包了粟米和豬肉碎，相當爽口彈牙.配有秘製醬汁，更加美味可口😍😍整體份量多又好食，2個人也食不完😅

平時自己或約朋友多數食日本嘢，今日想轉下口味食韓國嘢🇰🇷🥘，喺荔枝角站B1出口行五分鐘到香港工業中心C座地庫，地庫上層裝批發店食完飯可以去行下。燈牌上面顯示嘅餐牌主要有 石鍋飯🍲，丼飯，拉麵🍜，各種湯類，炸雞🍗及小食，店舖細細但都算幾多選擇👍🏼最後叫咗個豚肉雜菜蛋石鍋飯, 配菜有紫菜及泡菜, 一個人食份量足夠, 石鍋飯裏面已經有汁料夠味道不用另外加醬油食， 雜菜比例佔嘅多啱曬我少肉多菜嘅飲食習慣， 汁料多但唔鹹算唔錯👍🏼👍🏼😋泡菜稍為辣咗少少但係都入到口啦老闆娘話韓式燒雞翼都唔錯叫我試試， 所以我就叫咗碟雞翼估唔到係全隻雞翼仲要係有三隻，初時見有d乾身幸好老闆娘幫我加返d蜜糖再配芝麻食好野味😋今日假期但地庫店舖唔算多人，我估平日返工食飯時間會多d人。

今日同朋友去完荔枝角行街，行完就去左呢到食韓國野。芥末炸雞🍗：送上尼時仲熱辣辣，炸得好脆口好好食，然後芥末醬同炸雞又好夾好好食。雞肉肉質鮮嫩，唔會韌，唔錯。石頭鍋飯（雞肉）：熱熱地又幾好食，雞肉肉質都唔錯，唔會老，好鮮嫩，個飯又好多其他配菜，如蛋，菇，瓜，非常豐富又好夠營養，食落都好惹味好好食😋。而且份量都多，一定好夠飽。部隊鍋（$88）：韓式部隊鍋，入面真係非常豐富，咩都有咁！五花牛，豆腐，鮮冬菇，金菇，泡菜，午餐肉，瓜，豆腐，非常正咁，好多野食。另外有比碗湯可以後加，是（豬+雞）去整的湯加左辣湯同公仔麵就食得了。真係好有韓國風味同特色，熱辣辣咁食好正，最出色係個湯，好有鮮味，而且仲好好食😋。飲品有道地解茶，清熱，唔錯。

一日入面可以試幾間同一條地下街既食店，韓國菜－大尚宮都好吸引設置左一個靚靚打咭位，坐得舒服又光猛鋪頭細細但有多類型既食物選擇，小食、炸雞、石頭鍋飯同粉絲都有泡菜煎餅做餐前小食岩岩好，份量唔大，又夠開胃入面包左大量既泡菜，麵糊較少，餅身偏軟，口感香軟，泡菜味道唔會太重，煎完之後都留有泡菜嘅清香，味道酸辣蜜糖芥末炸雞即叫即整，新鮮炸起每件雞都好大件，仲有大大隻雞脾 蜜糖芥末醬好濃，酸酸甜甜，本身雞肉醃製既既味唔重，所以配埋醬汁味道岩岩好炸雞外脆內軟，一撕開雞脾，肉汁就流曬出黎，咬落啖啖肉，再加埋紫菜既咸香，有三重口感韓式炒粉絲粉絲偏幼身，比起粗身既粉絲更加入味，索曬醬汁既味，一上碟就有滿滿香氣 味道同地道韓式粉絲一樣，偏甜少少。仲加左好多配料，有大大塊豚肉同唔同既蔬菜，二人食都夠曬飽迷利茶食韓國菜既良好配搭，可以消滯又唔怕太飽

唔講唔知原來香工有個food court 架😍今日有機會嚟到大尙宮試下佢哋嘅韓國菜。位於food court，但新裝修過，坐得舒適，而且地方整潔乾淨👍🏻👍🏻我哋5點左右食，去到都有位坐既👍🏻👍🏻地方整潔舒適餐廳以食韓國菜為主飲品選擇有無糖茶同汽水👍🏻👍🏻我哋試咗：石頭窩飯（$48）另可加配料🤤🤤部隊鍋（$88）炸紫菜包飯（$45）石頭窩飯飯粒鬆軟好吃，石頭窩肉嘅肉質好嫩滑，味道非常鮮美！而且因為係石頭鍋緣故，保溫極好，絕對唔會因為食得慢而令飯菜攤凍👍🏻讚呀🥰加上勁多紫菜！超match 好吃呢！仲有流心既煎蛋🍳my favourite !!😍而部隊鍋湯底濃郁，加埋啲新鮮蔬菜同埋肉類，真係好開胃！仲有勁滑既韓國豆腐！超好食！加埋韓國麵底，簡直係我最愛啊🤤🤤🤤仲有我最愛既午餐肉韓國炸紫菜飯卷🍙🍙炸紫菜飯卷外脆內軟，味道非常香脆，而且唔會太油膩。裡面包埋飯同埋蔬菜，清爽又健康。最特別嘅係佢哋嘅醬汁，酸酸甜甜嘅，好好味！加上成個飯卷都有軟殼蟹！口感獨特！而且醬汁淋上飯卷之後並唔會影響咗佢香脆嘅口感👍🏻👍🏻極力推介！朋友平時唔係咁鍾意食炸嘢，但係呢個炸紫菜飯卷真係出奇地好味。佢哋嘅做法好獨特，令味

大尚宮勾起大長今的回憶誠意用心之作，姐姐親切嘅推介，加上用心嘅製作，完全勾起細個睇大長今煮嘢食既畫面！雙重滋味炸雞半份 $98⭐️⭐️⭐️⭐️⭐️搞唔掂！太多嘢想試，所以就叫咗半份，但係要一份都絕對好味到飽都會食落去，哈哈！半份有4隻隻炸雞，芥末蜜糖超級惹味，雞皮炸得好酥脆，內裏肉汁超juicy，外面仲佈滿大量紫菜，大愛！溶岩泡菜炒飯 $68⭐️⭐️⭐️⭐️⭐️見姐姐極力推介，本身以為普通嘢，點知平凡中有驚喜！鐵鍋熱辣辣，泡菜炒飯有飯焦香，上面佈滿大量芝士熔岩，同泡菜互相配合得相當出色，一啲都唔會膩滯！好邪惡，但值得！五花肉石頭鍋飯 $58⭐️⭐️⭐️⭐️五花肉肥瘦剛好，炒得乾身香口冇油溢味，配搭埋大量香菇、菠菜、翠玉瓜、蘿蔔絲、紫菜等配料，味道多層次又惹味！撈埋雞黄，香味十足又creamy!泡菜煎餅 $38⭐️⭐️⭐️可能太足料啦，大量泡菜相對令煎餅轉濕潤，唔夠乾身，但味道都唔錯！🍴大尚宮📍地址：荔枝角青山道489-491號香港工業中心C座地庫C1B5號舖回頭率🤡🤡🤡🤡性價比🤰🏻🤰🏻🤰🏻🤰🏻🤰🏻

好耐冇食韓國野啦，聽朋友推薦荔枝角呢邊有間不錯既韓國餐廳，cp值仲要幾高咁，所以放假又為食既我就黎左呢間大尚宮啦😂😂😂😂呢到係food courts黎架，有幾間唔同既餐廳，坐位都多，乾淨舒適，工作人員收拾速度好積極，所以唔會出現有空位，但未清潔既狀態我地簡左石頭鍋飯同埋一個泡菜湯，好鍾意任何石鍋型式既食品，因為可以保持食物既溫度😍😍😍，唔會凍得好快😂😂😂石頭鍋飯配料好豐富，靚靚煎蛋，海量既肉肉，我好鍾意佢配既菜類，應該係波菜黎既，同埋菇類，蘿蔔絲，將所有配料都拌勻，一口就可以食到唔同既野食，呢個幸福感會拉滿，仲有佢個汁汁好好食，唔會過咸，量都唔會太多，有d石鍋飯會好少汁，會拌唔勻，所以呢度個汁汁既量控制得好好，唔會太多，亦唔會少，岩岩好👍👍👍👏👏泡菜湯既配料都超多，一d都唔手軟，不過唔太食得既辣就唔好簡呢個啦，因為佢都有一定既辣度，有好多既泡菜，金針菇，好滑滑既豆腐同埋好多既肉肉😍😍，濃濃既泡菜香，除左辣左點點之外，我都好鍾意呢個湯湯🥳🥳🥳

今個星期，行山順便去唔荔枝角地方搵嘢食，搵到一間人細嘅地方小食，原來地下之城隱藏咁多美食。喂地方環境都乾淨，座位都舒服，會店員服務都唔錯。講到有啲肚餓，事不宜遲，睇一睇個餐單先！餐廳主要係韓式料理為主，例如石頭飯，炒飯，炒粉絲系列啦，同埋一啲非常之惹味嘅小食餐廳用料非常之豐富！熔岩泡菜白非常之好食，勁多芝士，分量十足，喂上菜嘅時候仲係非常之熱辣辣！另外，韓式炒粉絲，非常之有鑊氣，粉絲亦都非常之大牙，材料亦都豐富十足，推介！雙重滋味炸雞，主要係蜜糖，芥末。雞肉非常之香脆可口，亦都非常之肉汁鮮嫩仲有兩枝嘅解茶，食完啲香濃食物，會一去油膩感，整體而言非常滿足！最緊要嘅係，價錢非常之抵，性價比非常之高，非常之推介大家食！

之前食過香工地庫的餐廳，見多選擇工作又在附近就再來吃，今次就來到食 韓國菜 大尚宮 ，沒想個價錢一點都唔貴而且份量十足石頭鍋飯配肉$58，即煮新鮮幾香，肉口感不錯，仲有不少配菜同紫菜一齊食勁滿足，肉同配菜份量可接受，白飯激多醬汁味剛好不錯，男同事食完都話勁大碗好飽紫菜包飯$45，仲以為細份少少，點知一夾起都入面勁多料，有肉有肉鬆有醃菜，口感有點似日式壽司，一個人食完都已吃不到其他買了這些再送咗泡菜，味道可以但偏酸咗少少，和加$5要了解茶坐的位置亁淨而且又近地鐵站，選擇餐廳不少，食完仲可以行街

今日同朋友仔去荔枝角行街街，行到餓餓地就去food court度搵下野食，發現呢間大份又抵食既韓國菜，埋單好似先200幾，食到超級飽😙❀熔岩泡菜炒飯❀好多紫菜+泡菜，如果芝士再多少少，相信拉芝效果更出，不過68蚊黎講算係唔錯，個飯份量幾多，建議2個人share。❀部隊鍋❀大大份先88蚊，用料豐富，有豆腐、豬肉塊、金針菇、午餐肉、腸仔、冬菇、泡菜同埋公仔麵，好香辣食到好過癮，公仔麵仲要好吸汁，邪惡到爆😣❀滋味炸雞半份❀呢度炸雞唔係炸雞塊，而係一舊舊雞件連骨咁炸，面頭銷滿大量紫菜+灑上芝麻，炸雞香脆可口又juicy 😋❀飲品❀加5蚊就有一枝，食到飽飽地飲下茶消滯。

去左荔枝角工廈搵食，呢個工廈下面有個food court，其實都好方便，電梯落去就係了，相信好快就會成為附近的就腳搵食好地方，因為附近都冇乜食肆。揀左呢間大尚宮，食韓，店員好nice，又有禮，點左炒粉絲同石頭窩飯，即叫即整，吾洗好耐就有得食了。其實個food court都好乾淨，地方都好闊落，先講個石頭窩食，有隻蛋加落飯度，連埋d紫菜，泡菜，或其他配菜，好有口感，豬肉片都煎得好香，又軟，好好味呀！另外點左個韓式炒粉絲，搵好個位置，一陣就有得食，一看比佢份量嚇親，真係好多，好抵食呀，又炒得好好味，配料又多，另上碟泡菜，自己調教辣度，好惹味，好正呀！！記得價錢都吾貴，咁大份量真係超值，有包紙包飲品，咁就冇咁膩，岩岩好，好舒服😊食得好滿足！！下次再嚟食其他！

今日同朋友去香港工業中心行街，不經不覺到左晚飯時間，見到有地下美食街，一於去幫襯下。天氣凍特別想食熱野，呢間韓國大尚宮，啱晒我哋心水。石頭鍋飯：熱氣騰騰的石頭鍋，上枱仲聽到滋滋的聲音在耳邊響起，米飯被石鍋既焦香覆蓋住，加上一股麻油香氣，未食已經胃口大開。將飯同韓式拌飯醬、菠菜、翠玉瓜、紅蘿蔔絲、冬菇絲、雞肉、紫菜、雞蛋等多種配菜喺石鍋煲入面撈勻，味道好正宗。部隊鍋：相當豐富，有腸仔、午餐肉、腩肉片、泡菜、金菇、翠玉瓜、豆腐、泡麵等，配合韓式風味既泡菜湯底，簡單得來又可口的美食。韓式泡麵特別煙韌彈牙，泡菜湯底辣味適中，其他配料吸收晒湯既精華，好惹味。總結，美食街座位舒適，服務員有禮貌，食物美味，而且價錢合理，地點又方便，下次經過一定會再嚟食。

同朋友去香港工業中心行街，行到C座見到地庫有個food court,就想坐低食下野抖下，就揀左間韓國小店試下韓國野。廚房雖小，但五臟俱全，有炒飯粉絲部隊鍋人蔘雞湯石頭鍋飯拉麵丼飯小食等。部隊鍋$88份量都幾大，面頭有一大堆泡菜，配料有厚切午餐肉腸仔翠玉瓜金菇冬菇豆腐豬腩肉公仔麵。豆腐特別滑，湯底辣辣地好好味，食得過癮。部隊鍋係用gas 爐煲住黎食，keep 住熱，冬天食係一流，夠暖胃紫菜包飯$45包得好紮實，唔會散。面頭放左白芝麻，聞到已覺得香。內有小黃瓜櫻花蝦肉鬆牛蒡火腿，櫻花蝦顯得香，肉鬆又甜，好美味，大推呢間韓式小店食物質素好，服務又親切，價錢又相宜，下次再幫襯，試其他野食。下次想試石頭鍋飯同人蔘雞湯

今日去左荔枝角工業大廈搵食，地鐵一出轉彎就到，在香港工業中心C座地庫，就有個food court咁，呢間就係入面食店，叫大尚宮。去到地方吾算大，地方乾淨而且價錢合理，點了淨石頭窩飯（$48）及韓式炒粉絲（$45），即叫即煮，大大碟熱辣辣上碟。石頭窩飯好好食，有吾少紫菜，而且有隻半生熟蛋，下面有炒豬腩肉，米是真珠米嗎？都很軟熟好味！不久粉絲都煮好了，大大碟，真係份量勁多，炒得很香，粉絲乾濕軟乾適中，而且都加左吾少配料，都是有很多紫菜，口感豐富，好食！下次經過會再來食，地址方便，而且真係超值又好味！

去到荔枝角搵食除咗去D2 Place之外，其實去返工廠大廈區個邊都多咗好多選擇！小食街以外，新開咗條地下食街，大家又多個lunch地方搵好野食啦！當中有間韓國小店好值得大家去試吓。「大尚宮」連個名都夠哂韓風😂 同埋餐廳嘅員工都好有親切感！五花肉石頭鍋飯 $58韓式石頭鍋飯嘅飯底好多時都會容易痴哂底變飯焦，但佢哋竟然做到每粒飯粒粒分明! 仲要好多好多紫菜係飯面，加埋必備嘅煎蛋，蛋邊香脆而且蛋黃流心！撈飯一流！😍韓式炒粉絲 $45曾經食過一啲粉絲係炒到濕漉漉，淡而無味，但大尚宮嘅粉絲煙韌有口感！味道唔會太咸！好似韓國街邊嘅小食檔嘅味道！絕對不要被佢哋門面影響！真材實料，性價比高！👍🏼絕對係荔枝角打工仔嘅美食福音！