大尾篤燒烤王 (已結業)

呢間野我食左都不知幾多次,因為平日(非公眾假期及前夕)真係好鬼死抵,五十蚊任食,最緊要有多春魚,咖哩尤魚,麵包,金沙骨都係任食,佢\\\既雞翼真係好好味!起初佢\\\由無咩管理到而家好似好有管理,由得一部電視到而家好多部電視,佢\\\都係咁好味,佢\\\仲有門市係懷義街,羊扒,鱔件,豬頸肉都好好味!上星期日我慶祝媽媽生日同佢\\\一大班朋友去,每人都係大約六十蚊(因為無任食),D野飲又唔係好貴,汽水都係$6一罐,所以我覺得都可以接受!我一有空就會同朋友仔兩個人去,兩個人就要$120,但我都覺得好抵,令我最大開眼界係佢\\\居然越夜越多人先恐怖!!!

昨晚車友話去燒烤王,我見好評如潮都想去一試,點知去到話訂左位都可以冇得食,要同walk-in一樣等,so poor services,門口仲改左收費,唔係任食燒烤要叫套餐,不如去酒樓....下次免費都唔去

前日去行大帽山, 行完去埋呢度BBQ; 本人第一次黎呢d 燒烤場, 感覺係好方便, 全部都有人幫你搞掂! d 野食唔錯, 淨係雞翼都有幾隻味選擇; 不過我聽d 朋友仔講以前有$68 任食既, 正好多, 宜家冇左就要叫套餐, 不過都係貴d d 姐! 時間好flexibl, 可以燒到好夜, 唯一係d 野飲貴, $10 一支道地, 水就好d, $6 一支BONAQUA; 所以, 我地入去前買定幾袋野飲入去, 慳返好多, 不過入去前要收得埋d , 唔好比佢地d 職員見到!!

今日我地一行8人要bbq, 有人insist點都要去, 而又想慳返d時間去麻雀耍樂的同時, 棄自己o係街市亂買取大尾篤燒烤王。佢o係汀角村對出, 好方便的路標, 入到去係有少少失望, 因為佢唔似親親大自然農莊咁多野睇, 只係一笪爛空地有野遮頭, 同有幾部收唔清的電視(我住大尾篤, 而我家的電視都係長期收唔好的)。我地唔識頭唔識路, 唔諗過就叫左50蚊/位的任食4小時餐, 由6點至10點。有雞翼(全同半翼俱有), 牛扒, 豬扒, 金沙骨, 牛丸,墨魚丸,魚旦, 香腸, 芝士腸, 魷魚, 麵包同一款6元飲料。而菇菇同粟米等都有得另外買, 之不過唔抵食。咁多樣肉首推豬扒。肉鬆化而不霉, 又幾夠味, 冇化學色素加工過, 我幾surprise。而墨魚丸都有墨魚粒的咬口同墨魚味<--當然稱唔上鮮味! 友人們大推魷魚, 話又彈牙又夠咖哩味咁話喎... 我食左一啖, 但我不喜此物, 所以唔客觀。聽人講雞翼味道一般, 所以都好多剩低左。麵包係大埔某麵包舖供應, 比起各大超市的稍勝, 同佢個honey好夾。其他有可能俾化學色素掂過的肉, 我一概冇食... 係自己為食程度的底線, 所有有怪色的肉,

星期日去大尾督踏單車兼燒烤。十幾個人其實冇乜選擇，度散叫梗係貴過套餐，而12人套餐只得兩款，一個係優惠套餐$688，另一個係富豪套餐$1,300。我唔係富豪，所以no choice之下叫優惠套餐，有雞中翼3磅、豬排2磅、牛排磅半、魷魚1磅、多春魚、腸仔、丸、粟米同番薯(各6隻)等，飲品就包12罐汽水(唔准自己帶飲)。佢一個膠盤裝哂食物，睇落好似幾少，開頭重驚唔夠食，不過結果剛剛好(如果我唔踏單車，重有大把時間繼續慢慢燒，又或者我係全男班，咁就唔夠喇)。另外，食物算有質素，醃得幾好味，而且豬排肉質唔錯，咬落去唔係鞋什什、乾爭爭。照計六百幾蚊夠十幾人食都唔錯呀，不過得12罐汽水又點可能夠，你買水，我又買啤酒汽水，都唔知結果平均一個人spend幾多，佢賺酒水賺到笑。

一班以前行家舉行萬人歡送錢豬豬行動先踩單車後燒野食前後兩批人換晒咁滯總數三十幾人真係唔係個個都有咁大飛士架懶訓關係只係參加左下半場五點幾搭巴士入大尾篤係尾二站落車環境都唔錯夠大唔好烏蠅亂飛就好ok仲有電視俾大家睇勁歌又有其他收費節目(射槍撈金魚之類)一條龍雖然話有最低消費但我地15人叫12+1人餐都無人理喎食物滿滿一個盤都算好豐富同夠食魷魚同雞翼都相當不俗其他野就一般啦唔錯燒到咁上下大家舖癮又起八十蚊租一副麻雀係月光之下露天打牌又真係幾過癮喎星期日計埋額外買既飲野同棉花糖、蜜糖都係一人七十幾蚊算係咁啦玩到十點三就走如果係星期六可以玩夜d啦不過事到如今要走既都走得七七八八都唔知仲有無機會參加大家既farewell lu…

聖誕時節約o左三五知己係呢到燒o野食. 睇報導介紹話呢到有得釣魚釣蝦,係有gae,有一個大魚池,d水好淺,蝦多好少... 有d掃興.呢到o既食品就幾好味. 出色o既有羊扒,咖哩魷魚,黑椒牛丸. 羊扒唔係到到都有,藉得一試.雞全翼一磅$40得五隻,唔抵.不過收錢o既時候都有d混亂.小心.

尋日放新年假同d朋友入去聚會, 見網上寫佢又有田園又有菇場, 抱住好大期望, 但去到, 地方真係好令我失望, 一個一個大大既木棚架做成為燒烤區, 燒烤爐下面周圍都係骨, 煙頭又四圍都係, 第一個感覺實在差到爆炸, 經營者真係要好好注意下衛生.假日去原來唔係任食, 而係要食餐, 六個人餐$398, 合理, 開始燒發覺佢d食物真係唔錯, 佢地d牛排好多肉汁, 燒魷魚又夠晒入味, 其他食物都ok不能盡錄.飲品唔貴呢樣要贊, 六蚊汽水十蚊生力, 好合理.如果改善埋衛生環境, 我會再去.

第一次去...係朋友帶既...覺得D食物好好味...同埋佢地用料新鮮..唔同一般凍肉店味道...雖然DRINK 貴O左D ....第二次去...係我介紹朋友去啦...佢地都話正..第三次...或者聽日....哈..哈

Spent around $80/personOrdered a set but we couldn't finish it ... Environment is decent... Price is good...Overall: Pretty good

D野食真係醃得幾好味WOR~唔似出面豬牛雞都係同一個味~特別係各式唔同味既雞翼同埋魷魚，幾特別~~(但食完勁口渴~因為D調味都幾濃~但個人仲接受到)個老細仲拎左d私伙野比我地燒~~又教我地叉各種野食既必殺技~~~非常好呀~~~價錢都OK~閒日$50, 星期六日、假期$65 (including 1 can of drink)任燒4個鐘~睇得出個老細係用心經營的，間野用D料真係唔錯的，ESP牛扒、豬扒，黎食左一次即刻覺得原來燒野食都係一門專業呢~

星期日同二十幾個朋友去燒野食, 十二點去到都差唔多滿哂, 我地叫左兩個套餐, 都包左好多大路野食. 所有野都醃得幾好味, 唔會似出面街買d 得個咸字. 最鍾意食佢d羊扒, 咖喱雞亦, 金沙骨同咖喱尤魚. 環境都算幾大, 唔會太迫. 最得意係有d師傅會間唔中週圍走, 仲會行過0黎請我地食下野, 或者提下我地d食物己經燒熟左, 食得啦.價錢都唔係貴呀, 我地二十四個人仔, 叫左兩個$650 既餐, 再叫埋野飲, 都只係六十幾蚊一個人, 都幾抵食呀

成三百蚊訂左隻乳豬唔好食d 食都不過不失d 餐唔抵食係地方大, 人多都唔怕泊車方便(book 左6點燒,2點可以泊埋入去,假日表位好爆)

其實不是太健康的食法,因直接用火高溫加熱,高溫度會令用仔來醃肉的調味料發生變化,做成有害物質- 再加上現時用來燒烤的炭物質不明...不似以前炭的品質的純度...亦會發放有害物質....小吃為妙..要吃都不要燒得太

用料新鮮, 仲好好食, 仲有好多特別食品, 例如乳鴿,鱔柳等...