大山日本料理

营业中

休息中

大山日本料理🥟🍛🍱🍣📍旺角西洋菜南街2W-2X號2樓今日中午黎到旺角食日本菜，係油麻地站A2出口出會比較近😆行2至3分鐘就到餐廳，餐廳位於兆萬中心對面，好易搵，地點好方便👍店舖裝修好有日本風格，一入到去簡直覺得自己去左日本旅行一樣😆😆安排左坐位後，客人自行掃QR CODE落單，食物選擇都算多🤭🍱🍣🍛🍽黑松露三文魚沙律 🥗 $48有好多三文魚粒，魚粒撈左黑松露醬，味道出奇地好夾👍而且有d沙律菜係底，好新鮮、好Fresh，不過如果份量可以多少少菜就更加好了😆～咖哩吉列豬扒飯🍛🐖 $78吉列豬扒外層炸粉唔厚，切開有6塊，配上甜甜地嘅日式咖哩同日本米飯，真係絕配！！蕎麥冷麵配胡麻醬 $58去日本餐廳必食蕎麥麵🥰蕎麥麵份量好足！好抵食😆而且配埋胡麻醬簡直一流👍好食！！火炙三色卷 $78共有6件（2件火炙三文魚、2件火炙帶子、2件火炙吞拿魚），每一件壽司都好大件，食落充滿魚油，好好食🤭🤭十分推薦👍⭐️⭐️整體嚟講，餐廳位置方便，服務員態度好好，食物上枱速度快，價錢合理親民👍食物質素都唔錯，有機會一定會再同朋友一齊黎食😆

前排天氣凍少左食日本野,宜家天氣又暖番, 食日本野既心又番黎啦!!見到旺角呢間大山日本料理評價唔錯, 夜晚7點半已經FULL HOUSE咁滯, 建議早少少/BOOK定枱!一睇MENU原來真係好抵食, 刺身飯唔洗100蚊都好多選擇, 而且用料都相當唔錯, 係新鮮又甜的, 帶子同三文魚子都相當美味!健康既生活當然要叫番個沙律, 近排愛上左食豆腐沙律, 豆腐既味道配埋芝麻醬係相當夾, 而且沙律菜新鮮, 都只係40幾蚊, 無得輸~卷物我地揀左牛油果卷, 相信係即叫即整的, 飯粒仲帶溫暖, 入面軟殼蟹好香脆不油膩, 牛油果再加添一層幼滑口感, 不錯!天婦羅拼盤份量都好大, 有3隻炸蝦, 而且熱辣辣, 牛肉壽喜燒都好大鍋, 牛肉厚左少少, 不過牛味很重, 唔算肥, 湯底甜美, 加D粉絲相信仲好味~仲叫左份三文魚鰭同炸雞, 三文魚鰭油香十足, 腩位所以淡淡肉, 炸雞都好JUICY香脆, 呢2款送酒都一流~~最後見到芝士蛋糕只係$20一件, 但質素都幾好, 有芝士味而且香滑, 抵食

今日我同阿女都放假，當然要行下街食下嘢啦🥰。行完旺角Aeon，佢話晚飯想食日式嘢🇯🇵，於是係openrice搵到最近嘅一間日式食肆“大山日本料理”😊。店舖裝修得好有日本🇯🇵風格，雖然座位安排得有啲密，但係唔會覺得好逼夾🤗，仲有啲對窗🪟嘅梳化位，不過梳化位就唔多，想坐就可能要早啲去😆。餐牌📔食物款式勁多🫢，有刺身、壽司、卷物、炸物、串燒及鍋物等，真係總有一款啱你😚。咖哩吉列豬扒飯 $78吉列豬扒🐖外層炸粉唔厚而且炸得非常香脆，內裡依然軟腍有肉汁😍，配上甜中帶微辣嘅日式咖哩汁🍛，真係絕配，送飯一流😋。日本A5和牛手打烏冬 $128A5和牛🐂肉軟嫩帶油香，烏冬滑溜煙韌，配上清清地嘅牛味湯底一齊食，perfect 💯。牛肉壽喜鍋 $58壽喜燒鍋配料有牛肉🥩、娃娃菜、豆腐、金菇、芋絲、紅蘿蔔🥕和一隻生雞蛋🥚。壽喜燒湯汁甜甜地，所有食材都吸收咗湯嘅味道，非常好食😋。總括而言，店舖位置非常就腳，食物上枱速度快👍，地方環境乾淨企理，食物價錢合理，質素又好，難怪我走嘅時候差不多爆滿。

今日路過見食評唔差，少許肚餓就想試下，點咗份三色魚生定食，除非魚生不新鮮，正路不會有大問題，點知中伏。飯是凍的，好似食冷飯，劍魚食落有渣的，吞拿魚還未完全解凍就上枱，三文魚不算太鮮味但尚算正常，好彩味噌湯都是熱的，但裡面的昆布點解會有渣，是未完全浸泡就拿去煮所致，真失敗。只有生菜沙律是正常，都算新鮮，甜品沒有驚喜，只是普通一小塊。另外額外點咗杯綠茶鮮奶，不算甜，因為要自己額外加糖，但奶味就唔係好夠，總之不會有下次。

我跟朋友昨天去了旺角，以前家樂商場附近行街。行吓行吓，朋友感到有點餓，所以，就上openrice搵吓附近有咩好野食。經過朋友一輪篩選後，選左呢間“大山日本料理”，就喺兆萬對面。上到去，店舖裝修成日本小店一樣。喺呢度食日本料理，有d日本feel.💖先嚟我至愛💗💗💗，牛肉壽喜煱，足料抵食。再叫四點壽司，刺身有油甘魚，吞拿魚，三文魚，蝦。都好新鮮。👍鹽燒牛舌串燒，燒得啱啱好，唔會過硬。食過第一輪刺身，唔夠喉，再加碼叫多油甘魚壽司，見圖片海膽好正，就叫多個海膽軍艦，同埋嚟食，先會滿足。😋😋😋魚生好新鮮，以呢個價錢，我覺得十分抵食。👍👍👍

前排去完日本意猶未盡, 仲係好想食日本野, 咁岩搵到呢間係旺角既日本野, 好似相當抵食, 即刻約埋朋友黎食飯啦!!雖然係用qr code落單, 不過仲有一本menu比大家睇, 有圖片好方便, 而且圖片既野食仲相當吸引!前菜我地叫左個豆腐沙律, 只係$48, 份量都算幾大份, 豆腐又多, 沙律菜好新鮮, 爽脆, 豆腐都香豆味, 配埋麻醬唔會唔好食既!呢到有相當多款式既魚生飯, 而且價錢仲要超平! 呢碗有帶子/甜蝦/三文魚文同三文魚既飯都只係$128, 如果食粒粒魚生飯只係$78....帶子仲要估唔到咁鮮甜! 仲有3粒咁多!呢個牛油果軟殼蟹卷都係當日既必食, 我相信係即叫即整, 因為入面隻軟殼蟹仲係脆卜卜既, 牛油果既滑溜配埋沙律醬真係好好食! 因為想食d熱野, 朋友叫左個牛肉鍋, 湯底好甜, 牛肉份量都幾多, 同埋有好多菜, 都值得推介!!呢份炸雞又係超級抵食, 只係$48, 但係份量極多, 同埋炸粉好薄, 香脆, 人肉仲有好多肉汁, 又抵又好食!最後仲叫左個冷烏冬, 呢個就不過不失, 不過overall黎講呢到真係性價比超高, 同埋選擇好多, 而且質素好好, 以呢個價錢黎講真係無野投訴

今日想平平地同朋友食日本嘢，我地就揀左旺角呢間大山日本料理👍🏻餐廳環境幾有氣氛，又有日本嘅燈營造柔和嘅格調，座位間隔都好闊落！食物方面叫左三文魚海膽丼、蕎麥麵、黑松露薯條同炸雞🍗上菜速度幾快，手機落單等左六 、七分鐘就已經上到菜 三文魚海膽丼飯 份量嚟講對胃口唔大食嘅人會幾合適👍🏻一個人都夠食。三文魚食落嫩口亦有油香，一碗丼仲有六片，性價比超高🥰海膽份量相對就唔多，但整體來講呢個價錢都對得住質素👍🏻👍🏻黑松露薯條薯角即炸即上，好脆口😍！黑松露醬嘅松露味幾重，好抵食！同朋友都食唔停口唐揚炸雞 一上菜見到好多醬即刻留晒口水🤤份量都幾多，有七至八塊。又係炸得好脆口😋正！蕎麥麵配日本醬油去日本餐廳必點啊🤤🤤份量多質素亦正常！食完已經飽啦😆總括嚟講性價比極高🤤又平食物質素亦唔錯👍🏻值得同朋友一齊食❤️

係旺角睇戲前黎食一食日本菜~呢間餐廳勝在好近戲院而且選擇幾多價錢算平又唔會好多人環境舒適方便傾偈黑松露三文魚沙律黑松露同三文魚一直都係最配個份量算大亦都有好多粒三文魚雙色魚生食魚生幾新鮮可惜比較薄整體飯好多價錢亦都平再叫咗個清手打烏冬食非常清淡適合食齋嘅人😚個三文魚湯又幾唔錯入邊真係有幾舊三文魚而且熱辣辣另外再叫咗一舊三文魚壽司份量都真係細但係價錢係真係平佢而家每一日都做緊一啲特別嘅優惠如果佢去睇戲之前食都幾適合

🍱燒鯖魚定食.👍🏼👍🏼👍🏼- 條鯖魚有佢應有嘅實淨，但唔代表煎得唔夠，因為啲骨全部都軟，吞得唔會插喉嚨，一直都覺得食鯖魚要揀骨好麻煩但呢條完全冇呢個煩惱😍- 條鯖魚無論點唔點汁都好味，加咗檸檬汁好super- 甜品嗰粒抹茶唔知咩（麻糬？）好軟，但唔會死甜.👍🏼👍🏼- 個飯係珍珠米，幾香唔錯，雖然有撈啲魚食，但就咁食都好味- 麵豉湯係正常味，唔算過鹹，裡面有軟軟哋嘅蘿蔔幾好.👍🏼- 菜份量較少，但配埋啲沙律醬係好味嘅.樣樣都好味又飽肚仲要冇收加一，埋單只係$58，CP值好高😍

今日同媽咪去逛街，留意到呢間日料店就上去吃午餐。大山日本料理真係一間寶藏又超好吃的日料店，位置就在旺角西洋菜南街2W-2X號2樓。入來服務員姐姐態度好好，而且店裡面的裝修充滿日式風情，我們隔離的墻掛咗一墻的鯉魚旗🎏，好適合和同學過來吃飯之後順便影幾張靚照片。揀咗牛肉壽喜鍋、黑松露三文魚沙律、黑松露薯條、香草燒雞翼、同鰻魚炒飯。兩個人吃到勁飽。我最鐘意就係牛肉壽喜鍋，裡面的粉色嘚肥牛真係好好味，我媽咪都好鐘意吃。而且呢個牛肉壽喜鍋好抵吃，是個套餐，又湯又飯有甜品。坐斜對面的叔叔都係點呢個套餐，推薦大家試下、不要走寶！仲點佐鰻魚炒飯。鰻魚炒飯真是越吃越好吃，裡面的飯粒粒分明，醬香味十足。最後還吃咗脆脆的黑松露薯條同香香的香草燒雞翼，以及開胃的三文魚沙拉，非常滿足！

猶如置身日本居酒屋🌸極上北海道帶子丼$128⭐️⭐️⭐️⭐️☆傻婆T叫左個極上北海道帶子丼，有兩塊鮮甜三文魚、一隻有頭蝦，蝦肉超鮮甜、三粒大大粒帶子勁厚肉，超鮮呀，仲有一堆三文魚籽用黎撈丼飯一流呀！丼飯飯質比較偏硬，同埋飯量比較少。不過傻婆T吃完都覺滿足的。🌸三文魚海膽飯$98⭐️⭐️⭐️☆☆有6塊三文魚，全部都大塊肥美，又新鮮又鮮甜。海膽都幾多下，正常不會腥。刺身飯不算太大碗，不過傻婆R食完都夠飽既。🌸鰻魚卷$68⭐️⭐️⭐️☆☆一條有成6塊，表面舖上好大塊鰻魚，淋上鰻魚汁，再配上卷物內既青瓜、蛋、蟹柳，口感十分豐富十分滿足。如果要飲茶，茶包需加2蚊，環境舒適，裝修非常有日本風既感覺。======詳情======大山日本料理旺角西洋菜南街2W-2X號2樓================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #美食 #旺角好去處 #旺角美食 #RnT旺角 #RnT日本菜 #極上北海道带子井 #帶子 #日本 #日本菜 #鰻魚卷 #鰻魚 #三文魚海膽飯 #三文魚 #海膽 #大山日本料理

第2次嚟呢間居酒屋，間鋪入面佈置咗好多日式燈籠同好靚嘅壁畫，勁有feel！( ´ ▽ ` )個人最推薦火炙三色卷，好大件勁抵食！另外仲叫咗壽喜鍋、鰻魚炒飯、炸蝦天婦羅、燒雞拼盤同炸雞軟骨。雞軟骨都好推薦因為佢新鮮滾熱辣啱啱炸起，好夠熱！(*´∇｀*)呢到全部嘢都好抵食，以居酒屋嚟講食物質素都唔差，而且非繁忙時間坐得耐都唔會趕你走，可以同朋友慢慢食慢慢傾。(๑>◡<๑)

平時尼親呢邊都係食雲桂香，咁岩今日雲桂香太多人等，個frd話不如上樓上睇下，就發現左大山呢間意外驚喜既居酒屋～Menu選擇都算多，首先叫左幾件壽司試下先，唔敢叫太多住，食落又意外地新鮮同高質喎活赤貝一件分做2件壽司，鮮甜爽口又抵食鵝肝壽司要趁熱食，啲油滲埋入啲壽司飯度，好邪惡燒左口魚邊壽司都正，滿滿魚油香😋😋😋必須讚既係海膽壽司，$44/2件超抵，仲要大大塊好鮮甜，唔夠喉即刻encore！👍🏻👍🏻👍🏻燒物都唔錯，黑豚腩肉燒得外層少少脆，入面juicy, A5和牛串燒都好味，好夠油脂香，調味都好惹味鐵板牛油帶子有成5粒，粒粒大粒厚肉蒜片和牛炒飯有好多炸脆左既蒜片，同牛肉一齊食，好夾好香口👍🏻👍🏻

還記得以前香港剛有薩莉亞，每碟價錢都很抵，可以叫好多款。今日和朋友來旺角找到呢間居酒屋，每款菜式同樣好抵，好耐未試過叫咁多款野食。位置好近信和，同朋友行完就食嘢。好有日本裝修風格嘅環境，每檯客傾計都唔覺嘈。天氣凍冰冰要叫個窩黎暖下位，牛肉豆腐窩。牛肉好鮮甜，豆腐超滑，索曬d汁。仲有芋絲同大蒜。睇返價錢，唔洗60蚊呢個三文魚加州卷可以話全晚性價比最高，60蚊度有6舊咁多，三文魚肉好鮮甜，撈埋d沙律醬同加州卷配料比一般三文魚壽司嘅味道有更多層次。食開左鮮魚一份加州卷唔夠喉，再叫一碗特盛魚生飯，好多款魚生，每款質素都唔錯撈埋蟹子就連白飯都好惹味。醫肚之選嘅咖喱豬扒飯。咖喱香甜暖胃，飯粒飽滿。豬扒肉質同肉汁都優秀。醫完肚但仲有好多嘢傾，開始食d香口嘢，墨魚咀表面酥脆裡面鮮甜。好適合傾計食。因為價錢相宜，又叫左一份炸雞。肉質好嫩滑彈牙。完食照，2個人食咗六款嘢，非常滿足

旺角真係變化左好多，好耐無認真行過。今日要出去行吓先，由家樂坊果邊開始行，決定食個lunch再繼續。咁啱樓下見到有人排隊等𨋢，我地八卦行去望下食乜，發現呢間日本餐廳啲lunch set都幾抵食。一上到去，啲裝修好有日本居酒屋風格，啲牆身貼左好多畫，燈光暗暗地。又有好多卡位，坐位之間都唔會太迫。。餐廳用QR code落單，食物選擇都好多。。枱上面已經有熱茶鍋仔手打烏冬呢個set有前菜天婦羅🍤炸蝦，又有個沙律🥗，又有件類似綠茶糯米糍嘅小甜品。個烏冬用鍋仔上夠哂熱，烏冬煙勒好味，湯底係豬骨湯，入面仲有小小蔬菜，嗚門卷。。火炙黑豚肉拉麵🍜哇，份量好足！拉麵有3片大大嘅黑豚肉，豚肉燒到好香，入口好滿足 ，黑蒜油湯底好正，入面仲有原粒糖心蛋添。拉麵食入口q彈，無鹼水味，老公食到雪雪聲，話要學日本人食法😂煎餃子🥟哇，煎到個底有呢層雪花咁，好靚。個底煎到脆卜卜。不過覺得餃子餡料略少，但個味好食黑松露薯角我好中意食薯角，加上黑松露醬好正！薯角新鮮炸起熱辣辣又脆卜卜，沾上啲醬係食唔停口咖！野菜鍋我地點多一份野菜鍋清清地解油膩，食啲菜😆咁樣先有均衡嘅飲食咖。。呢度環境好舒服，傾吓偈又有熱茶飲。好似去左日木居