大山日本料理

营业中

休息中

一向中意食日本菜，今次朋友帶我黎到旺角鬧市區既日本菜餐廳，食過絕對想黎幫襯第二次。首先餐廳佈置同裝橫都非常之日式，用左好多令人好容易聯想日本既佈置。由於係日式居酒屋，我地單點左唔同既野食，重點推介以下既食物。令和怪物蠔：果然真係夠怪物，超級大隻，手掌甘大，而且好鮮甜，一啲都唔腥！芥辣八爪魚：有芥辣味道之餘唔會太辣，搶咗八爪魚嘅滋味。黑松露三文魚沙律：黑松露配帶子就食得多，原來配三文魚味道都唔錯三文魚一樣夠新鮮。角切魚生飯；魚生數量好多，淡淡都食到魚生，好Yummy。鰻魚炒飯：熱食推介，鰻魚好厚肉，一啲都唔腥。

和牛壽喜燒 好味至啱feel🥰食親日本嘢都係食壽司呀天婦羅呀，都食到有啲悶，有時都唔知食咩好。咁啱又冬天，心念一動，啊！不如食壽喜燒！🤪呢間日本餐廳係以前油麻地H&M對面，都算幾易搵，一路食一路望住街上嘅遊人，別有一番風味。我同朋友叫咗啦一份二人前，一嚟到都幾震撼，由職員親手炮製，用火槍燒熱牛脂，再將一片片嘅和牛放上去！炸⋯⋯炸⋯⋯🥰🥰係邪惡嘅聲音。配上日本即食級生蛋，溫柔敦厚，蛋嘅溫和中和左牛肉嘅膩，可以話係一試就愛上。和牛要價不斐，所以就冇叫到追加，我哋另外叫咗個三文魚刺身，吊吊口癮。都幾肥美😚之後就進入左打邊爐環節，本身以為冇乜特別，原來啲菜吸收左牛肉汁嘅精華，會咁好食😋最後個烏冬簡直驚為天人，不得不讚。不過而家疫情咁嚴重，都唔知幾耐會有返晚市堂食，希望大家身體都健康

為食花太郎 Fafafoodblog 大山日本料理 #fafafoodblog日本菜 #fafafoodblog銅鑼灣 🍴極上北海道帶子丼128 蚊🦐🍚有鮮甜既帶子 甜蛋 大隻多膏赤蝦 大粒爽口魚子 飯夠軟林 點 d wasabi同豉油都好正 🍴蟹籽海膽炒飯 128 蚊🔥🍚飯粒夠乾身炒到有 d焦香 有蛋 葱花 蘿蔔絲 🥚 魚子 好有層次感 上面既海膽好軟林 將佢整碎再連埋熱辣辣既炒飯食 正 🍴炸雞軟骨粒48 蚊🐥🔥幾足料既雞軟骨 外面香脆 入面幾彈牙 點 d檸檬汁 同沙律醬唔錯#雞軟骨 #海膽 #蟹籽 #魚子 #三文魚 #帶子 #赤蝦Score 平均分 <7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#大山日本料理旺角西洋菜南街2w至2x號2 樓~~~~~~~~~~~~#fafafoodblog #為食花太郎 #fafafoodblog油麻地=================

旺角有好多日本野花多眼亂，呢間係一樓既餐廳雖然唔起眼，但其實位置好方便，係正家樂坊對面。都幾抵食。入面裝修幾有日式風格 多卡位 坐得舒服 同老公叫左一人一個刺身丼：極上北海道帶子丼 $128 師傅擺盤擺得好用心 賣相一流 用料新鮮 足料大份又飽肚三色魚生飯 $88  又係好靚仔同埋一份牛油果軟殻蟹卷 $68 即炸軟殼蟹 唔錯凍宇治抺茶鮮奶 ＄28佢仲有D 特價午餐 set  around $80 包飲品，仲抵食，下次試下先 

今日約咗朋友去旺角行街，旺角任何時段都非常多人，行到肚餓，就在附近搵東西食，我朋友話不如食日本菜，我都贊成因為我很久沒有吃過，這間樓上日本菜，地點非常方便，入到餐廳，看見他們的裝修很有日本色彩，而且地方寬敞，空間感十足，乾淨，細看餐牌有很多選擇，每一樣我都很想食，因為很久沒有食過日本菜，這個蟹籽壽司，一放入口，紫菜很新鮮入口卜卜脆，而且橙色的孩子顏色鮮艷，細細在口腔裏咀嚼，會發出博博脆的聲音，口感很特別，而另一款芥末魷魚壽司，入口就有一種攻鼻的感覺，芥末攻鼻，加上魷魚一齊食，煙韌感覺，我10分喜歡，這個濃湯豬骨烏冬，飲一口湯底，濃濃的豬骨味，飲得出這個湯底是花了很多時間來熬製的，湯底出色，食一口烏冬，烏冬口感非常彈牙，入口很順滑。炸雞軟骨，剛剛炸起，入口外脆內有口感

疫情又殺到啦，明天開始6:00pm又禁堂食，慘。所以今晚提早少少放工，搵左間旺角區食日本野，食完再行街。因為估計今晚會好多人出街食飯。這間日本料理，都似足日本既居酒屋🏮，打開menu，款式的確好多，而且價錢都好大眾化，今晚一定要食過夠，事關明晚又無得堂食啦🥲。先來個燒雞泡魚干，燒得惹味👍🏻炸雞軟骨粒，脆卜卜，有咬口。再來三文魚腩刺身，魷魚蟹籽刺身，油甘魚腩壽司，鮮立魚壽司，新鮮👍🏻食完刺身就食熱野，先來燒雞翼，牛肉壽喜燒，炒野菜，有水準。唔夠飽，再叫個特盛海鮮飯🤣。大滿足。叫到成枱都係，都係五百幾，真心抵食👍🏻

旺角真係好多嘢食每一條街都有好多餐廳平時都好少食上樓嘅嘢，依家疫情好多地方都唔使等位，六點後仲冇得堂食，唯有今日早啲出去搵吓有乜嘢好食，行到去旺角嘅街屋，接近油麻地，見到有好多人排隊搭lift上去唔同嘅食肆，我行前望一望呢間大山日本料理，餐牌非常吸引所以就想去試吓牛肉壽喜鍋 58 元 材料非常之豐富,性價比十分高,湯底十分甜,而且好多牛肉,牛肉味道仲要好鮮甜,加埋一隻生蛋令到牛肉肉質更加嫩滑,無論口感同味道都係好正,除咗肉之外仲有冬菇蔬菜都係我嘅至愛,食完成個人好滿足。海鮮沙律 $ 88呢個沙律真係好抵食,入面嘅刺身有好多款式,而且份量仲有好多,有三文魚,吞拿魚,油甘魚,蝦,全部味道都係好新鮮,簡直係鮮味之作。海膽 大 148 元 海膽味道見到非常新鮮,而且仲有兩版,加啲青瓜同埋紫菜自己去調教味道,海膽包紫菜 令到海膽嘅鮮味更加突出,每一啖海膽都食到好鮮嘅味道,簡直係我嘅至愛。鹽燒厚切牛舌 38 元 牛舌嘅調味啱啱好,燒出嚟嘅牛舌入口好爽,而且牛肉味好香,簡直係入口爽甜。照燒雞肉串 28 元雞肉十分嫩滑,加上雞皮燒到有少少焦香,令到味道更加豐富,而且個調味調得幾好,入口嫩滑多汁,

抵食.日本野 想係旺角坐得舒服又冇限時，呢間係好選擇日本居酒屋style一個人都可以安排坐窗邊卡位,望住出面行人行來行去突然覺得自己好休閒 原本打算叫板海膽食可惜沒有貨，最後叫左拼盤款款都有少少四點刺身赤身，三文魚腩、油甘魚、甜蝦樣樣有2件厚切，望落去新鮮亮澤甜蝦細細隻但非常甜美 極上北海道帶子丼份量足，帶子鮮甜size應該都有至少3S😏雖然話係帶子丼,但配料都唔少仲三文魚，三文魚子，赤蝦多款配搭令層次提升

過咗聖誕同新年嘅大魚大肉，近排想食得清少少，感覺冇咁油膩。食肆再次進入冇晚市堂食，似乎個個係生效前出嚟食返餐。油麻地旺角都特別多人。近家樂坊係最旺嘅西洋菜街上樓有間日本菜，打開lift好多日式燈籠，一邊有卡位靠窗，另一邊L型既坐位但無窗。有sapporo draft beer 再order埋佐酒小食，例如串燒牛舌，燒雞翼，枝豆。雞翼幾 juicy, 再加多份鐵板博切牛舌，牛舌好有蒜香味。 本身想食少肉，但一見到火鍋類別從雜菜鍋同牛肉火鍋二揀一，係1秒之內揀咗牛肉火鍋😆。上枱滾熱辣，有隻生蛋配埋肥牛滑脫脫。當然唔少得刺身sushi, 有三文魚腩刺身，油甘魚壽司，仲有5-6款丼飯揀。油金魚腩好fresh同挺身，不禁再encore左一份。

今日經過油麻地嘅時候 上咗去一間樓上嘅日本餐廳 見到佢餐牌都幾吸引 款式幾多 就同男朋友入咗去諗住試吓😮😮😮呢度嘅裝修好有日本嘅風格 天花板上面掛住啲日式傳統燈籠 好似有種去日本嘅感覺😍😍😍呢度丼飯 飯類 麵類 燒物 沙律 佐酒小食 一品料理 咩種類都有 選擇超多🙈🙈🙈 所以我我哋都揀咗好耐食咩🤣🤣🤣我哋揀咗個煎餃子 佢同平時嘅煎餃有啲唔同 雖然佢個底係脆嘅 但餃子本身好軟熟 入口鮮嫩多肉汁☺️☺️☺️我哋仲叫咗個和風炸雞 佢有種類似章魚燒嘅味道 炸得都幾香脆 熱辣辣😆😆😆我再嗌左個三文魚丼 啲三文魚好新鮮 份量都算幾多🥺🥺🥺然後我朋友叫咗一個三色魚生飯 有三文魚 吞拿魚 油甘魚 都係好新鮮 魚生份量又多😍😍😍

大山日本料理 (旺角)旺角西洋菜南街2W-2X號2樓鹽燒三文魚頭 $58三文魚魚皮燒到脆卜卜～而魚皮下仍然juicy~有一層奶白色嘅魚脂～食落皮脆得內軟!🙈好邪惡！魚頭軟骨部位仲食得tim ～好似食緊骨膠原！魚眼後邊嘅脂肪組織 油脂感亦好豐富～另外配搭埋肉質肥美既三文魚鮫～魚鮫位油脂特別豐富～肉質幼嫩而肥美～啖啖肉～正！ 牛肉壽喜鍋 $58壽喜燒湯底！牛肉雪花唔算多！份量比較少！牛肉幾鮮嫩 不過牛味唔重！蔬菜相對份量幾多！A5和牛串燒 $58和牛粒燒烤時間控制得剛好～唔會過熟～肉粒中間仍然保持粉嫩！牛肉味濃郁～肉質有彈性！三文魚明太子串燒 $28明太子醬搽喺三文魚面～燒香後味道更濃郁！醬油七味燒左口魚邊壽司 $18左口魚邊油脂豐富～燒後更突出魚油香味！厚切三文魚壽司 $20三文魚超厚切～夠哂肥美～火炙吞拿魚壽司 $16吞拿魚新鮮！火炙黑松露帶子壽司 $22帶子新鮮鮮甜～

#性價比高嘅日本菜# 好掛住去日本#呢間餐廳位置非常方便😆佢就係正兆萬對面☺️仲要係新開㗎🤗一入到去餐廳入邊感覺就好似去咗日本🙌 可能我太掛住日本☹️不過呢間餐廳啲裝修又真係好日系👍令到你好似置身喺日本嘅感覺😆尤其嗰啲燈籠🏮餐牌亦都有好多選擇你可以揀串燒、鍋物、沙律、刺身等等😝😝真係花多眼亂呀我哋分別叫咗：前菜1.海鮮沙律（$88）呢個沙律有唔同類型嘅刺身粒係入面，例如有三文魚，吞拿魚，油甘魚🐙等等😂而且仲叫係新鮮嘅刺身☺️份量都幾大碟下小食1.鹽燒厚切牛舌（$38）我係好鍾意食牛舌😊呢個牛舌燒得好香口，而且仲係淋身一d 都唔硬😂仲要係厚身👍2.照燒魷魚筒（$88）呢個魷魚好新鮮🤗而且後肥美😂同埋照燒汁一齊食😁真係會令人食上癮主菜1.牛肉壽喜鍋（$58）個湯底甜甜地有幾好食，仲要有好多牛肉，豆腐，蔬菜喺入邊🙌兩個人食真係好飽總括嚟講，呢間餐廳都幾抵食😂我同朋友話下次要試吓個刺身

I decided to give this place a try because of the wonderful reviews. Since this the last two days before the dining in is banned after 6 due to omicron, we decided to have a more luxurious meal, thinking this may be the last chance in the coming few weeks to have sashimi. We ordered a sashimi platter. To our deep disappointment ,the Uni was mushy and unfresh, the 3pieces of salmon was of finger sized. In total there was very little pieces of sashimi. Felt really ripped off because in terms of b

得三個有窗卡位，對正人流好旺嘅兆萬個條街，所以想坐就要早小小去到啦！！裝修真係好似日本咁呀😍正！見佢meun又唔叫貴咼！！平有平食，58蚊一個壽喜燒都有，貴嘅有300幾嘅燒肉個啲，睇你點揀😍黑松露三文魚沙律 $48超值價試下🤣份量唔大嘅，不過入面都好多三文魚！鍾意就黑松露嘅人就一定要試！由於我另一朋友唔鍾意食黑松露，佢就落咗啲豉油一齊食，佢都話好食，竟然豉油可以提出三文魚嘅滋味🤣🤣大阪燒 $48都係唔貴！！材料唔算太豐富，但係味道好食😋上面有好多木魚！！牛肉壽喜燒 $58Errrr…咁嘅價錢仲想點！諗住會將貨就價，點知又無咼！有成4至5塊牛同超多菜，有芋絲冬菇，仲有隻生蛋係面😍😍😍😍最正係湯底!仲贈送咗碗味噌湯!!!!三文魚刺身飯 $78唔算好深刻，同三文魚普通啦🙈🙈對得住個價嘅！唐揚炸雞 $58又係一座山嘅炸雞lol份量十足，好食！新鮮！熱辣辣！Overall 絕對會encore！同介紹朋友😋

經過樓下見到餐牌，原來是新開張的日式餐廳，星期六也有午市套餐供應呢。刺身飯的價錢合理，價錢由$58至$78免加一，豐儉由人。熱食料理也提供了不少的選擇。泡菜豚肉鍋定食($58)，份量大得令我驚訝前菜有沙律以及醃漬物，亦包括一碗熱辣辣的味增湯。作為主角的泡菜豚肉鍋剛剛滾起上菜，湯底酸味強烈，相對上辣味不是最突出，有濃郁的泡菜酸和發酵味，配著白飯是幾好餸飯的，會不自覺不停地吃飯。鍋裡的豚肉是普通份量，每一片都是很細薄的，放進鍋裡製作時沒有弄開，因此裡面的豚肉是一疊疊的，亦明顯知道來貨是由外國進口的平價豬肉片。這款定食應加「雜菜」二字在菜式名稱，因為真的有很多蔬菜呢，所以吃完整個鍋都不至於太邪惡吧哈哈。我覺得這家餐廳的午餐以份量和價錢來取勝，特別是現在天氣較凍，$58食到一個熱辣辣、很夠份量的鍋物午餐是幾滿足的喔。