大山日本料理

营业中

休息中

臨近端午節長假，去左旺角鬧市揀左間日本餐廳，晚市非常多人，好彩book左位渣！鰻魚卷$68: total 6舊，鰻魚都係厚切，而且上面輕輕火炙灼過，食落去成個口腔充滿油脂嘅香味，用左珍珠米去煮，粒粒都好飽滿，食落去好滿足！三文魚腩刺身 $68/4片：食落去超級肥美！而且亦好新鮮，師傅輕輕將三文魚界開，成口感更為豐富，呢碟刺身真係必叫！雞軟骨串$28/2串：好大粒，食落去好爽口好彈牙，師傅輕輕落啲鹽去調味，味道拿捏得岩岩好！免治雞肉串$28: 用左免治雞黎整，所以食落去好有口感，而外層亦燒到金黃色，食落去有少少脆脆地嘅感覺。串燒黎講，都做得幾高質！總括來說，呢間餐廳都幾高質，而且位置並唔難搵，因為都係兆萬中心對面，屬於市中心一帶，有興趣嘅朋友一定要黎呢間試吓！

去開西洋菜街行街，經過見到呢間餐廳嘅MEUN價錢平而且選擇多，就同朋友喺度食晚飯。極上北海道帶子丼 $128夏日炎炎特別想食魚生～呢個刺身丼好足料！有帶子、甜蝦、三文魚、三文魚子同玉子燒，材料豐富、份量大方帶子肉質鮮嫩，味道甘甜；甜蝦大大隻，好甜好黏口；三文魚都幾肥美，夠新鮮；三文魚子大粒飽滿 ，鹹鹹地咁好啱送飯，配刺身丼就一流燒雞泡魚干 $68好鍾意食雞泡魚干，口感煙韌，甜甜地咁非常香口，唔使點沙律醬都好好食。鍋仔手打烏冬（豚骨湯） $78食食吓先記得影相鍋入面有嘅配料有：雞肉、雞蛋、冬菇、大蔥同鳴門卷，成個鍋仔咁上好得意。豚骨湯底非常香濃，手打烏冬煙煙韌韌，簡簡單單都好好食。跟養會有條炸蝦天婦羅，襯熱食脆卜卜都炸得唔錯。

久違嘅飯聚，首選當然係日本嘢啦～依間一入去感覺環境乾淨唔會太嘈，仲咁啱被安排坐窗邊位私隱度比較高🤭值得一讚係服務員態度好有禮貌👍🏻食物方面，我哋叫咗一個刺身拼盤（松）$248，鍋仔手打烏冬$78，和風炸雞$58。D刺身都幾新鮮，由其三文腩同吞拿魚都好味😋，蝦食落都OK，吞拿魚同油甘魚就不過不失，烏冬就同其他日本舖頭嘅鍋燒烏冬外貌差唔多，但配左隻炸蝦對得住價錢，炸雞就有成6-7舊幾抵食，加埋沙律醬幾好無咁熱氣。

想搵一個地方坐得舒服傾下計食下嘢，唔會畀人趕嘅地方， 就喺openrice搵到這間大山日本料理上到去見到座位係好似包廂咁，私隱度高，係真係一個可以坐得舒服傾下計嘅地方 而且裝修都有日式古典感覺兩個人叫咗三文魚丼、牛油果炸蝦卷 、牛肉壽喜燒、 炸軟雞軟骨、串燒雞翼三文魚當三文魚份量都算多，上面仲有一嚿額外嘅三文魚，另外跟咗一個味噌湯牛油果炸蝦卷，雖然牛油果份量唔多，但係炸蝦仲脆，配埋青瓜食落都幾清新牛肉壽喜燒係見人人都食，所以我哋又叫返一個，個锔好熱所以牛肉啱啱好熟炸雞軟骨好脆而且份量多燒雞翼，燒得好脆，食完完全唔會覺得好油膩食物質素中上，而且我哋坐喺度傾咗好耐(兩個鐘)都冇畀人話要埋單,嗰啲服務態度非常好下次搵人喺旺角傾計都會再去返呢一間

喺西洋菜南街街頭有好多唔同嘅餐廳，今日就同朋友去咗一間日本樓上居酒屋覓食，餐廳充滿着濃烈嘅日本氛圍，好彩我哋比較早到可以坐喺窗邊嘅卡位，私隱度比較高👍🏻又可以望到出邊嘅街景👍🏻三文魚海膽飯 ($98)三文魚魚生鋪滿成個碗，海膽亦都比想像中新鮮，食落好幸福好滿足😋隨飯仲送味增湯，都幾足料，仲食到啲熟三文魚添👍🏻火炙黑豚肉拉麵 ($78)呢間餐廳嘅黑豚肉係薄切得黎面頭輕輕煎咗少少，所以比較香口，唔似有啲餐廳咁黑豚肉會相對比較油膩，食起上嚟比較濟。而配料亦都多而湯底唔會好濃郁，cp值高😗食得日本嘢梗係唔可以錯過日式小食！我哋就叫咗幾碟小食攝下牙罅😛炸雞軟骨粒 ($48)雞軟骨係即炸既，脆口得黎唔會好油膩，份量亦都比想像中多，性價比高！三文魚壽司($20) & 天婦羅壽司 ($28)不過不失，天婦羅蝦仲係脆卜卜，性價比OK👍🏻

呢度嘅室內裝潢以和風主打😍喺冇得去旅行嘅時候，嚟食個晚餐，絕對可以止一止旅行癮🤣睇返餐牌，價格非常合理，而且食物多元化👍🏻刺身拼盤（松）～刺身擺盤養眼，刺身新鮮厚切，海膽亦有鮮味，配上脆口嘅海苔，一絕！和風炒野菜～野菜種類非常多，可以食到唔同蔬菜嘅口感，加上鰹魚絲帶上獨特既鮮味，yummy牛肉壽喜鍋～鹹鹹甜甜嘅壽喜燒湯汁係我最鍾意嘅一個口味，配上蔬菜、大蔥、豆腐、香菇、生雞蛋⋯⋯浸到熟同入味，呢個過程真係賞心悅目🥰

雖然冇得去日本旅行，但香港有好多日式居酒屋，置身其中可以感受下日本feel,同事介紹旺角大山日本料理，餐廳位於2樓，裝修擺設真係同日本居酒店屋一模一樣，感覺好似去咗日本食嘢！和風炸雞即叫即炸，雞肉去骨炸至金黃色，加上日式和風沙拉醬，外脆內嫩好惹味！蟹肉忌廉薯餅，蟹肉配以牛奶味忌廉餡料，軟滑細膩, 外層香脆而不太油膩，薯香皮脆,滋味無窮！香草燒雞翼醃味用上很多香料和香草，味道充滿層次。皮脆肉嫩香噴噴！三文魚飯，三文魚刺身油脂分佈平均、條紋清晰， 肉質細嫩鮮美。飯亦軟硬適中。鍋仔手打烏冬，奶白色的湯底係豚骨湯，濃郁香甜，烏冬口感彈牙兼有嚼勁，掛湯後越食越美味！

今天剛忙完最近苦惱一段時間的事情後，感覺放下心頭大石了，就獎勵自己吃點喜歡吃的東西！不過今天晚了點，進了餐廳才發現原來７點半前會有優惠，下次就要醒目一點了！三文魚海膽飯（９８元）只要多２０元就可以吃到海膽，整個性價比不錯，而且給的海膽份量也不少！海膽吃起來鮮甜不腥，入口即化，味道不錯！三文魚是比較瘦的，吃起來滑嫩，魚味挺香。吉列黑豚（６８元）黑豚是半肥瘦的，吃起來不會覺得老，肉質滑嫩，外脆內嫩的感覺，配上日式豬扒汁，帶點酸更能突出黑豚的香味火炙大吞拿魚腩壽司（５８元）這個上面還加了海膽，整個感覺挺豪華的！大吞拿魚腩油花很足，入口即化，火炙完味道更香，還能吃到海膽的鮮甜味！牡丹海老壽司（５０元）這個挺大的一隻，肉非常厚，吃起來爽中帶點軟糯的口感，鮮甜味十足，而且蝦味也很濃，味道不錯！

早前香港爆發第五波疫症, 居家抗疫已經有近三個月, 唔少朋友都發起報復式飯局, 今晚相約到兆萬對面樓上一間日本料理餐廳。一出Lift為一開放式餐廳, 環境佈置很有日本風味。食物方面一般坊間日本料理餐廳提供嘅都有, 隨意咁order咗幾款share食。【炸雞軟骨】HK $48炸過後表面香脆不油, 軟骨爽脆, 配有沙律醬同埋新鮮檸檬汁, 味道更加提升。【黑松露三文魚沙律】HK $48三文魚粒平均撈上黑松露醬, 墊底有少少沙律菜, 用以平衡一下濃郁黑松露味。唔洗再點豉油, 已經夠哂好味!【魷魚壽司】HK$18【鮮立魚壽司】HK$20魷魚爽滑, 不過嫌立魚較為乾身, 還好有淡淡魚香, 唔腥。【蕎麥冷麵配胡麻醬】HK $58蕎麥冷麵份量多, 不過只配有單一胡麻醬, 冷麵比較清新, 但胡麻醬鹹味較重, 要注意因應自己口味而沾上食用。【三文魚飯】HK$78雖然三文魚不是選用腩位, 亦不算厚切, 不過帶有魚香, 一共8片, 至於壽司飯底為常溫, 但飯質比較結實, 什為飽肚。 

日本餐食得多，而大山日本料理裝修好有日本風，真係令我好掛住日本！待應安排左我哋坐卡位，可以望到旺角街境！有點感慨，以前的鬧市可以逐步回復正常～多了人氣☺️雖然呢排有消費卷，但餐廳都有promotion👍每日唔同，分別有刺身，壽喜燒同炸物🤡我哋主要叫左三文魚腩刺身，同各款壽司，例如係海膽壽司新鮮好味，活赤貝壽司，油甘魚壽司，火炙黑松露帶子壽司，醬油皇帝蟹棒壽司，同埋平時好少叫嘅牛油果軟殼蟹卷😬夠哂飽肚！心Cc想叫西班牙檸檬啤酒，不過因為我哋主要食壽司，所以最後都冇食冇嗌到！下次有機會再試

而家好多人去食壽司都會去啲連鎖店，但我個人覺得食壽司要去返啲有風味，要有日本感覺嘅日本料理，旺角呢間大山日本料理性價比好高裝修好日本風仲有啲獨立座位🌟🌟🌟三文魚腩刺身$68件，三文魚刺身每一件都好肥美好新鮮性價比高厚切三文魚壽司 $40話明厚切三文魚壽司食落去口感非常之好味油甘魚魚腩壽司$40油甘魚腩唔係度度有得食非常之肥美真係值得一試火炙黑松露帶子壽司$44帶子配搭黑松露口感非常之新鮮再加上火炙燒一燒😋👍醬皇燒皇帝蟹棒壽司$32都係果句皇帝蟹棒唔係度度有得食所以要來呢啲日本料理😂😋海膽軍艦$88呢度有眼你睇嗰啲海膽好多好鮮甜好新鮮非常之滿足我最愛海膽😍😍牛油果軟殼蟹卷$68呢個性價比都好高🌟👍大蝦天婦羅$68

今日行開旺角，和朋友見到有間日本料理在樓上，感覺不錯，樓下仲有不少餐牌都幾吸引就決定上去食飯傾計，我們坐了入面梳化位都幾好，叫了4款食物再加飲品，勝價比都高可以下次再來吃其他食物。首先來的是角切魚生飯配味噌湯，味噌湯味道不錯原來入面有三文魚怪不得咁香，魚生飯的刺身都新鮮，飯十分多，2人分都夠食。豚肉泡菜鍋入面泡菜不太辣岩朋友食小辣感，豚肉不少幾入味，仲有芋絲菜和豆腐十分足料。串燒要了朋友最愛鹽燒厚切牛舌串，幾厚身燒得幾香仲保持到軟熟。飲啤酒當然要配送酒小食，燒雞泡魚是不二之選，香口帶點甜十分適合。

位置在兆萬對面好方便，入面裝潢不錯而且坐得都幾舒服，價錢都抵食。用QR Code落單，最新的食物要在電話度看到，我哋點了以熱食為主再加一個甜品。天婦羅拉麵，選了黑蒜油湯底，麵質不錯，湯底正常，天婦羅皮薄身，蝦有2隻都幾爽口，仲有其他蔬菜每樣一款。這個鐵板牛柳來到熱呼呼好香，牛柳軟熟配上炸蒜片一起食好味，因鐵板仲有溫度所以洋蔥慢煮都熟吸咗牛肉汁香不錯。串燒叫了2串雞，鹽燒雞胸骨串和照燒雞肉串，比較特別雞胸骨有咬口類似雞軟骨但我覺得再好食點。壽司只叫了花之戀壽司，三文魚都幾肥美新鮮。後上北海道芝士蛋糕都驚喜，芝士味幾濃同滑身不太甜。

近排心郁郁想試下食素，發現日本嘢清清哋好似都幾啱餐廳位置喺二樓，要搭一搭電梯先上到，有啲難搵～裝修都好有日本特色座位私隱度高，平日中午去到唔算好多人，食得舒服啲～餐牌都多選擇～松露三文魚沙律🥗冇諗過三文魚粒會有咁多，份量簡直可以媲美一個魚生飯～配上松露沙律醬，口感豐富，味道酸酸甜甜。底下配襯嘅蕃茄同沙律菜令件事更清新～日式炒雜菜呢度彩色嘅基本配置都有齊：雜菇、洋蔥、芝麻、木魚絲，椰菜，蘿蔔。炒得剛熟，上碟熱辣辣！幾十蚊就買到一大杯梅酒，中午自己一個飲都有Feel，偏甜海膽炒飯粒粒分明，珍珠米炒至金黃色，多配料，配上蟹籽及海膽，香味撲鼻滿足！

首先这个环境好窄好窄，去用餐位要侧着身子进去的-🤬位与位超级挤!感觉稍微大只点的都坐不进去!🥵其次吃的也非常之无语，虾都发霉了🤮都还能出来给客人，厨师是看都不看直接拿出来吗?😓服务员上菜的时候也不先看看的吗?🥴三文鱼还不错，瓦萨比味道也怪怪的的应该是用粉加水调的那种，给的餐具上还有干了的紫菜碎🤢。点了一杯啤酒，酒杯边上还有口红印!💋难以想象!他们的服务员到是还不错，服务态度不错，👍但是我们是来 吃饭的食物的品质应该是最好才对，🤧只是服务好！食物的好坏非常影响餐厅的!