大師傅粥品 (金昌摟)

营业中

休息中

大師傅既粥真係好好味。踩完單車食個粥，叫個皮蛋瘦肉粥。平平地20幾蚊，粥既口感香滑，而且好夠味道。原本諗住食個粥就算。但味道好好，所以整多個油條腸粉。腸粉自己任加花生麻獎，油條吸曬麻獎味道，真係不得了。越食就覺得越開胃。同埋重點係呢間大師傅價錢平，又好味。原來有好多分行。可以生存咁耐一定有佢個原因。飲左個凍豆漿。豆漿落左少少糖，所以飲到既係濃郁既豆漿味，甜味係少甜。好健康既飲品。食左個炒麵。發覺自己食好多野，可能太肚餓，一係就係好好味。炒麵都炒得唔似出邊咁hea。值得食。

呢間大師傅粥品我都食過兩次，令我回頭既原因主要係佢d粥煮得幾綿又足料叫左碗艇仔粥，粥底綿滑，非常足料，食落去吾會得粥水，特別係魷魚，食到最後都仲有，真心值得加分。依家有不少粥店已經吾會落咁多料去一碗粥入面，所以呢一點我十分滿意另外一樣令我驚喜既係呢一碟XO醬炒米粉，估吾到佢咁好味同咁香，食落去送粥一流，我同朋友都一致比個好評呢碟炒米，相信下次有機會再黎都會再食至於炸兩，個人認為正正常常，但唯一缺點係佢食落有少少涼

今晚同我老婆揸車去買兩個外賣粥的時候，當時一位帶眼鏡中年坐收銀位的女職員本來叫肉片粥和皮蛋艇仔粥，我叫錯其中一個為肉圓粥，我付款後本想回車等立即發現自己叫錯，知道是自己過失，都立即回去試問可否更換，那位收銀職員立即頭也不轉沒有幫我詢問一句就答沒有得換，我本想如態度好的給我回覆的話我都無所謂，就此我立即跟這個有特別服務給顧客的職員再叫一個正確的，她更沒有想幫我這位顧客的直接再收我錢，都不緊要又不是多少錢我就再付款，她依然沒有動作一聲不響，到錯的粥出來我更叫打包的職員不用打包我沒有取走，我只希望一間做服務的食市能做回本份吧，我都是這店的常客，相信少了我一個常客沒什麼大不了，但我見其他的食評都說其服務差，就應該正視一番吧！

尋晚係度買左外賣生滾牛肉粥，差唔多食哂既時候食到有d野硬硬地，吐出嚟原來係蟑螂腳!!!!!真係十分嘔心，仲食哂成碗先見到，以後唔會再去想打電話去投訴冇人聽，唯有話俾食環署知呢間店既衛生可以話係零

呢間粥鋪一開嗰陣d粥同炸兩都幾好食 又近屋企 所以我同女友都幾鐘意去食下brunch..可惜，好野係好難維持，今次食完決定以後唔會再去，主因如下。 1. d炸兩好淋好凍又落太多是油，嗰陣只係中午12點幾，間野仲不斷有客order呢樣野，唔明點解可以擺到咁淋2. 收錢女人(老闆娘？)態度好差 黑口黑面，比錢嗰陣問我有無散紙，咁我咪揾下有無，點知佢好唔耐煩咁催我，明明佢一d都唔忙，又無人等，都唔知佢催咩3. 無熱水供應4. 上次食已經差左，今次更差

好日都唔會食一次粥，特別係呢啲咁熱嘅天氣，諗起粥呢一類熱食根本就唔會覺得開胃。但呢一日只係想食粥，因為我病咗，真係無咩胃口我發覺呢一間粥店嘅粥品款式比一般傳統嘅粥店多而我呢一日就揀咗鹹蛋皮蛋肉片粥。鹹蛋同埋皮蛋嘅份量比我想像中要多，各有半隻肉片方面係令我感到喜出望外嘅真係冇諗過會係咁大塊肉片，而且每塊肉片都有返咁上下嘅厚度，仲好嫩滑添！份量亦都出奇地多，有7大片！呢碗粥對於生病中嘅我嚟講，絕對係一片綠洲

One of my favourite regular congee join. Small local business，nothing fancy. The Congee base is really smooth and fluffy. The pig liver is thick and tender, none of that thin dry bullshit. Generous portion you get around 5 to 6 slices of pig liver .The fried Chinese churro is freshly made, so crunchy and hot .great when u dip it in your congee.I would highly recommend this place

今日想食得清淡少少，所以揀左食粥。碎牛魚片粥，雙併粥都係$23，抵食。仲要好足料，每食一啖都有魚片，魚片好嫩好新鮮，唔腥，粥底都做得好好。另外加左條牛脷蘇($8)，炸得幾好，一啲都唔硬，又唔會好實。

住係樓上多年，睇住佢開剛剛開店時粥品質量不錯的，價錢雖然不算平宜但總會有想食粥之時剛開店時最不滿的是等待時間太耐或服務真係有待改進近一兩年，大圍道開了另一分店後每次食及第粥都非常重味精，食完多半要飲大量的水有時更覺得水汪汪咁附近又工聯會放學又近馬路，再執都難想清清地還是食白粥較好

經開大圍，去咗大師傅粥品 醫肚。點咗炒麵 $10白糖糕 $5齋腸 $10豆漿 $9埋單$34。個炒麵好大碟。但係凍咗。相信一早做好大量現貨後交貨。麵條好彈牙。白糖糕好清新，好甜。齋腸要加入大量甜漿及花生漿。先會好食。好大碟。豆漿唔算好甜。但好飲。自家製，好足料。

今日星期六，但都要Over Time到夜晚十點。收工後，我就返到屋企附近嘅大師傳，買左碗狀元及第粥，佢地粥底一向有保證，豬潤好粉；豬腸通理得好，無雜味；豬肚亦好爽，好滿足的一碗粥，大家不妨一試

白粥外賣： 賣相可以， 九蚊一碗算抵。 白粥稀濃適中，煲得好棉，有點淡口需加鹽，可惜啲粥有小小膠味， 因為外賣膠蓋容左， 同埋發泡膠盒都變左小小形， 堂食可能會好啲。另外想分享今次幫襯不愉快的經歷： 一入門口個收銀女人態度極差， 完全趕客， 唔舒服想買碗粥返屋企食， 算， 照幫襯。 買左碗粥外賣， 叫佢比兩粒花生， 收銀果個又粗聲粗氣話無花生比。 個伙記仲要呃我話加左花生喺入面敷衍我走， 返到去一粒花生都無。 係， 你係慳返幾粒花生既錢， 但亦得失左位客人。

尋晚病咗，真係冇乜胃口，就去屋企附近買粥食。買咗碗皮蛋瘦肉粥食。但估唔到個皮蛋瘦肉粥咁足料，好似擺咗成個皮蛋落去咁，仲有好多瘦肉係碗粥入邊，個粥煲到好香，而且好有皮蛋味。好彩有呢碗粥，如果唔係都唔知食咩好。嗰日冇乜胃口，但係呢碗粥令我越食越開胃，成功食晒成碗粥。住咗咁耐大圍都唔知有呢間咁好食同埋價錢便宜嘅粥。下次應該會多啲嚟幫襯。

每逢經過大角咀埃華街的時候都會看到這所叫"大師傅"的粥店。按道理以小弟這一個典型的粥痴來說這店本應一定不會逃過我的法眼的，但偏偏自己就竟是從來都沒有來光顧。更令小弟出奇的是這店原來是有好幾間分舖的，光是在大圍短短兩條街之隔便已有兩所舖了，真是失覺晒....我今早去光顧的是地理位置較佳，人流更旺的大圍分店。都已過了晨早的上班高峰時候了，料不到店內仍是一位難求的。最後幾經艱苦底下，好不容易就在近巷仔邊擠到了一個座位來....甫坐下，點了一碗米王，加一條油炸鬼，再安哥多一碟魚片腸....這樣的組合很輕易便讓我晨早吃得飽飽....米王尚算綿滑杰身，米香頗突出的。有許多人喜歡吃它時會加鹽，小弟一向對之甚感不解。於我而言，就這樣清清淡淡淨食不是更好嗎 ?....油條雖不是熱至燙手加燙口但亦不至於太軟淰。用來伴白粥吃永遠是絕配....魚片腸相當的夠件頭，一碟中就有差不多有四五大條。驟眼看上去還以為是棉襖來的，由此亦可估計到它的皮是如何的厚身了；魚片的量也相當足，味沒有太腥的跡象但遺憾的是細骨有點多食起來有些麻煩....還只吃了一半左右，肚子已被塞滿了，忍不住要繳械投降....

去大圍踩完單車, 交完車都7點, 見隔離有間粥店, 好奈都無食, 就試下先艇仔粥, 粥滑軟綿、芳香鮮味，味道鮮濃，熱氣騰騰，主要是以新鲜魚片、葱花、海蟄、花生為原料，集眾多物料之長，爽脆軟滑兼備, 非常足料的荔灣艇仔粥,味道清甜, 質地細綿炸兩以嫩滑的腸粉，包裹著酥脆的油條，將兩種截然不同的口感，完美的結合在一起, 配芝蔴同甜醬一齊食, 滋味無窮最重要係今餐食完無口乾, 值得食店無落味精, 值得一讚!!