大師傅粥品 (已結業)

香港嘅 昂貴租金 令到好多傳統粥店 都冇可能頂得順，開得最多嘅就係海皇粥店呢啲連鎖式嘅餐廳 ，大師傅雖然都有幾間分店。但係我只試過大圍呢間，一次就愛上 😍😍原因好簡單，呢度 啲粥煲得非常之挺身，唔會水汪汪 ，入曬味，餡料充足 。我今次食呢個係艇仔豬紅粥 ，豬潤大大片， 有成四大片， 但係又唔會過於厚身 ，上臺的時候都係剛剛好唔會過熟，唔會苦澀。艇仔粥嘅粥料豐富 ，一啲都唔吝嗇。最重要係個粥食完係好飽但又唔會好口渴 ，唔會好似海皇粥店咁重味精。 另外食咗炸兩 ，腸粉皮 都算又薄又滑，油炸鬼都係脆嘅，上枱的時候熱啦啦。 加埋任落嘅芝麻，甜醬，花生醬， 簡直一大享受。 另外再試埋佢地既豆漿，出乎意外地好飲，有豆漿濃味，最重要唔係太甜。呢間粥店已經列為我 排行榜嘅頭幾名，每個月都要食番幾次先安樂😂😂

大圍區有兩間大師傅粥店，今次行左去近馬會呢間食下粥，食下清啖野。向來好鐘意食粥，大師傅既粥的確好綿好好食，而且又多款式比你揀。除左粥款外又有炒粉麵糉腸粉油器，應有盡有。價錢都唔算貴。（$37）叫左碗生滾粥揀左鮑片滑雞粥，滾左雞之後成碗粥都好香雞味，加上粥底綿又足料，非常好食。而且店員都細心架，逢叫雞粥排骨粥都會比隻碗我地放骨。（$8）牛脷酥好香口，新鮮既感覺。（$21）生菜粟米粥，清啖的不失甜味，貌似單調但並不簡單。油條都係好新鮮送粥一流。（$21）XO醬炒腸粉，好野味，香香辣辣好好味😋（$32）窩蛋牛肉粥，除左牛肉好嫩口外加左隻窩蛋，其實係打隻生蛋落去再用粥既熱力極熟佢，好好味。（$32）牛肉腸粉粥，腸粉咬落好有口感。

特別推薦xo醬炒米！好似上咗癮咁，之後粥就配碎牛粥，超好味！個日放假特登去點知收左鋪，求其搵間連鎖店又係賣粥既。。。食咗一啖真係覺得，差天共地，完全吾滑，又稀，d碎牛又鞋。。一碗碎牛21.22蚊，抵到爛

之前一直幫襯開大師傅，老實講係幾好味。不過今次就發生左d唔係咁愉快嘅事。今日去之前打電話講定3分鐘後到，叫定鮑片肉片粥。到埗後第一下就講左：我頭先打過電話，叫鮑片肉片粥。呀姐A問：係咪外賣？我：唔係。呀姐A俾左張單我，見到上面寫住「包、魚」。所以我Double confirm係咪點錯左。嗌左4次「唔該，我係叫肉片粥，唔係魚片粥」，無人理....可能，呀姐A忙住招呼客，唔得閒理。所以，我叫住呀姐B幫我改單。後來粥到，我就食粥。期間見到呀姐B漏單，要後補對面果位人兄嘅碎牛粥。食食下，收到電話，原來係呀姐B打來話我未拎粥。我：我食梗啦呀姐A好大聲講 （好似個天要冧咁）：我問左你啦喎！你話唔係外賣丫嘛~ (x3)呀姐B好大聲講：你話你有打電話嘛，又唔講！我：我已經講左。佢地無聽，繼續重覆話我話左唔係外賣，而事實上我一開始講過我有打電話。只係佢地聽啲唔聽啲，其後上菜又錯漏百出。呀姐A又由cashier大聲叫到廚房都要聽到：我明明問左係咪外賣，而家又唔要... (下刪100字，重覆以上對話)呢個時候，已經成個餐廳望住，我亦唔想同佢地理論，所以埋單就走。我理解佢地係忙嘅，有甩漏係正常。就算覺得自己無

魚片粥嘅粥底好綿，魚片夠多。豬潤粥嘅豬潤入口爽脆，而且豬潤超多，一定能滿足豬潤粉絲。炸兩通常上枱都已經稔晒，不過呢度嘅炸兩仍然有脆口感，加上甜醬和麻醬，灑上芝麻，味道十足，而且份量多，兩個人分享綽綽有餘。至於地方稍迫，唔算舒服。

粟米皮蛋鹹蛋粥好足料$26粥煲得好绵，好鲜甜(粟米粥)後加了皮蛋半隻+$3鹹蛋半隻+$3不用加鹽(因有鹹蛋，天然味道)無加味精(不會口乾)生菜好新鮮(好爽口)菜好大塊，翠綠材料好足料整體粥底绵，材料好足(而且天然，不似味精粥)這點加高分

生滾鯪魚球粥：這個粥質素不錯！熱騰騰的送到面前，口感綿滑，調味也剛剛好，內裡有六大粒鯪魚球，質地彈牙，又不會有大陣魚腥味。牛肉腸粉：令我蠻驚喜的腸粉，腸粉皮幾滑，夠薄，內裡的牛肉餡很充足，賣相漲卜卜的，牛肉餡亦蠻彈牙，比酒樓還要好吃！齋腸粉：吃過牛肉腸粉後，再追加一碟齋腸粉。腸粉皮依然幾滑，不過就不及牛肉腸粉好味了。炸兩：同行的友人還點了炸兩，賣相也很好，入面每件油炸鬼雖然已經不再是脆卜卜，但又唔算“林”晒，食落口口感都不錯。