大快活

营业中

休息中

早晨叫早餐外賣帶返公司吃是我的習慣，今早在欣榮花園的大快活揀了個精選早餐，大快活的精選早餐選擇多，除了可揀火腿、雪菜肉絲、辣肉腸配米粉、通粉或上海麵外，還可選沙嘜牛，仲有煎雙蛋或炒滑蛋揀。我就揀了火腿湯米粉、火腿兩塊仲已煎香了，配炒滑蛋、多士飛邊、飲熱啡，豐富的早餐是一天的開始。

7:20 已經冇火煱，唯有叫其他嘢食！彊屍沙薑雞，臭肉藕餅拼茄子肉末！成舊水真係唔知食咩啲咩！伏到不行！老火湯完全冇味，唔好話冇味精，直頭只係滾水浸瓜，叫杯茶飲好過！以後唔會再食！

突然間無啦啦屎忽痕，想食鐵扒餐，又見到大快活又咁啱做推廣所以就走黎試吓，今次我就叫咗佢既雜扒餐再加一份肉醬意粉。鐵板餐一上嚟，食物暖暖地，鐵板係微熱，唔會咁易辣親。份量相較於五十幾蚊黎講，都算係唔錯，豬扒雞扒，唔會太乾唔會太硬，正！佢既芝士腸好足料，我一用刀切，啲芝士就爆曬出嚟！仲有埋薯餅同蘿宋湯，開心！唯一失望既係，肉醬意料醬汁，有少少水。不過整體唔錯！

嘩! 原來下午5點到6點去大快活打邊爐有特價! 五十幾蚊就有得食喇，仲包一杯凍綠茶，好抵呀! Miss O' 慢慢食，坐左超過1.5小時都冇比人趕走! 如果想慳錢但又想打邊爐，依度係個好嘅選擇!

大快活今日做一個加入了安佳芝士的焗豬扒飯只係43元不包茶少少牛油開水泡菜不喜歡過分清了說明用上意大利紅茄豬扒算大塊味道不錯也林快餐店的焗飯最可惜的是一早做好飯邊生「硬鋼」所以豬肉蕃茄漿甚至菠蘿都係好只是 個飯食多兩口就嫌棄是因為先焗定的飯失分唔香唔到位最終優勢就是便宜43元好多茶餐廳都唔肯做悲哀的香港！

作為無飯主婦，常常光顧快餐店也是平常事，點了一個煲仔菜套餐，野菌煎魚煲鑊氣程度是足夠的，熱辣辣呈現在你眼前，可惜用料失敗，魚塊非常不新鮮，而且帶有很濃烈的雪藏味和腥味，就算用了濃濃的野菌醬汁燴著，仍然掩蓋不住，實在令人難受，另外加錢加配的中式例湯味道尚算可以，反而豚肉火鍋確實不錯，而且抵吃，豚肉新鮮很有肉味，套餐包括的配料亦算豐富，有丸子有時菜有菇有粉，火鍋湯底都可以，還可以不斷添加湯底，服務員亦有時時親自提點和服務我們，煲仔菜尚有很大的改善空間

今晚一個人， 唔知食乜好！ 突然想起 開了不久的大快活！ 就來試一下！ 我來到大快活大約 已經是晚上八點鐘！ 沒有太多人，可能是已經進入晚飯時間尾聲！ 感覺上這間大快活給我的印像是舒適！ 乾淨！ 今晚試了 麵醬茄子炒肉排！ 味道唔錯！ 米飯好食！ 很久沒有一個人在這舒適的環境裏 享受晚餐！ 價錢公道！ 讚

在土瓜灣仲於多番間平民飯的地方，因在北帝街 某一前身是酒樓的其中一部分，開了一間很多人都識的《大快活》， 始終是新裝修，所以整間餐廳內也很整潔及寬敞 當然餐牌同以往一樣都喜歡在牆上 今次選取了一個很豐富的晚餐，阿活雜扒鐵板餐，一看便知，有雞髀^豬扒^牛扒及一條肉腸 整體的肉質都可算不錯，雖不能比美一啲名牌餐廳的質素，但肉質總算鮮嫩，再配上傳統的黑椒汁，已數10元的價錢可算冇得輸 還加配一個粟米肉粒飯， 肉粒比較硬但味道不錯 大家可不用擔心他已增設了一些電子感應送餐服務 希望這間大快活還能保持質素，不要只求做某些客人的生意，而忽略咗本身的他的宗旨

大快活近呢一年左右推出左低鹽同無味精系列，幾吸引我呢啲成日出街食飯既無飯家庭成員👍叫左一個外賣帶子肉片炒西芹，多飯佢裏面除咗有帶子，肉片，西芹之外， 仲有洋蔥同埋馬蹄～三樣蔬菜類都係好爽口，西芹都冇乜渣， 亦唔會煮過龍👍而帶子薄薄一舊， 都有六舊左右既， 唔會太生又唔會太熟搞到咬唔開肉片反而係最食得出辣辣地既一樣餸，不過可能係炒得太熟或者部位唔靚，都幾韌搞到幾痴牙😐另外要表揚一下佢既“多飯”，原來佢真係會額外俾多一個盒仔既飯我，最怕有啲餐廳多飯完好似無多過咁🙄快餐店而言呢個價錢兼無味精都有呢個質素，係值得惠顧的！👍👏

今日無啱啱開張嗰時咁多客人，有位坐。不過d店員好似有d生手。某d嘢食都好快買曬，1點幾就無喇。試食呢個咕嚕肉飯，好多菠蘿。飯太硬，可能無拌煲飯。收銀處有個牌話因為壞水機，所以無熱水同凍水，點知又有水俾。咖喱飯係大快活嘅推介，咁就試下囉。咖哩香，少少辣，吉烈魚柳都香脆唔油，仲有兩塊大薯仔，蔬菜都可全食。可惜要加錢才有飲品。飯真係有d太硬，好彩有d咖哩汁撈下。食飽之後即慢慢飲杯熱水。不過都keep住有胃氣。呢個肉餅係正常嘢，不過d飯硬，差d要買碗湯撈嚟食。上次飲過杯熱奶茶好正，點知收銀處話無。去到取餐有凍奶茶，咁買啦。嘩，多奶到只有奶味，無茶味，好似飲奶咁呀！真係攪唔點，要等吓先再嚟食過 lunch。希望遲d嗰d飯會正常d，關注腸胃嘅人要留意。選擇又唔會咁快買完。

之前喺附近嗰間無咗，得番一街之隔嘅大家樂，d質素又唔得。呢間大快活早星期一拜神準備開張，無耐就爆渠。終於等到新店開張，好多人嚟試。店內都多位，有4人枱，2人枱，坐高枱又得。枱下有勾可放手提袋嗰d，好貼心嘅設備。枱上放咗感應器，長者可以放心，有職員會送餐，方便好多~ 家中申請快活長者卡，每個餐可減3蚊。南瓜粟米汁紅米飯係健怡餐之一。果然好啱注意健康嘅人！汁唔咸，有淡淡南瓜味。蔬菜可全食。紅米飯口感適中。雞扒已去皮，無脂肪見到，外層煎香了少少，中間保留到水份唔乾身。加埋唔苦嘅唔酸齋啡無得輸！一定再 encore。香醋豬軟骨糯米飯一嚟到已經好香好開胃嘅感覺！ 豬軟骨唔多肥肉，可全食。d薑片好正！汁酸酸甜甜好開胃架！糯米有脆脆花生，少少臘肉。飯唔油，我呢d胃容易唔舒服嘅人，食咗胃都無唔舒服~ 熱奶茶又係正嘢，加錢飲都抵呀！滑之外，茶底香，所以點咗3杯！窩蛋土魷雞煲飯熱辣辣，加埋豉油好香~ 底有飯焦，脆卜卜！隔離枱兩位客人話佢地早嚟無煲仔飯，未整好，眼甘甘望住我地d煲仔飯。所以如果想點煲仔飯，要等一陣呀。店內有收餐盤位置，鼓勵客人自己動手，好有大學canteen feel~ 當然，職員見到我地行