大快活

营业中

休息中

買10次早餐，9次都執錯，有少無多。今日加錢要香辣上海麵，最後都係齋麵。凍飲就俾熱飲，同呃錢無分別。以為寧願行多兩步，去大家樂食無咁嬲，可以食到應該要食嘅嘢，唔會再幫襯。

亞仔仔要去自修室溫習，叫我去買個外賣晚餐。亞仔一向愛吃健康雞扒紅米飯餐，但帝庭軒分店未有提供，所以點了味噌燒巨雞扒飯。回到家，亞仔打開飯盒，見到雞扒如圖黑炭炭，燶到根本食唔到，食下去都無益唔會健康。雖然知道燒雞扒一定會有焦，唔會好似宣傳圖片咁靚，但燒到 黑炭咁燶，仲入俾客 攞走外賣，係咪有問題？大集團餐廳的品質保證呢？黑炭雞扒完全不敢恭維，住村既我們又唔可以即時攞返去分店更換，好彩跟餐有碗咖喱飯俾亞仔填住肚。真心沒有預期快餐店要好高品質水平，要求食得入口，無益唔重要， 唔好食到有害。如果燒食物燒到燶黑炭咁，集團應該檢視下係咪繼續提供此類食品？如果食品出品差，係咪唔應該俾客呢？？外賣返到屋企，食物仲燶到咁，食唔到，完全無言。集團應該跟進及改善。

呆咗，外賣自取拎返屋企之後冇鴨腿完全唔知自己我唔知有咩意義，如果係冇蘿蔔我都算，但係冇鴨腿真係有啲搞笑，飲食嘅感覺真係好鬼差嘅啫⋯⋯希望各位可以買來試吓睇吓會唔會中招

拉絲芝士泡椒雞肉煲仔飯🧀🍖🍲🍚▶️首先唔好當佢係煲仔飯，佢個底嘅飯焦係全部燶曬，冇煲仔飯香味，咁做乜仲要食！？🤔🌟但係有次食咗之後會想再食返😋你可以當佢有啲似焗飯，超級熱辣辣🥵前幾日凍冰冰食一流👍好多芝士加泡椒辣辣地🌶️會想係咁食🤣

大快活白咖喱 全新系列新登場今期見到好多廣告都係講大快活有新咖哩食CAP低廣告張圖就送埋凍低糖茶一杯由$45起,一於試下係伏定係好食啦可以配豬扒雞翼札肉或香茅豬扒佢個白咖哩汁色淡味濃,食到淡淡椰奶香氣,仲有少少魚露既咸鮮,睇佢個樣平平無奇估唔到平價快餐做出黎個醬汁都幾香濃講返塊豬扒,係炸既,略欠香口,但夠厚切,本身醃得入味,整體上加埋咖哩一齊食味道唔錯消費$50大快活全線供應評分7/10特色 快餐都有驚喜新菜式,唔係伏味濃

由於今晚約咗好朋友食日式放題，所以我們就諗著喺「大快活」食個份量唔算太多嘅下午茶！我們叫咗個餐肉煎蛋公仔麵拼原隻燒鷄翼，點知一睇到出嚟呢份餐就嚇到我們呆晒兼超級失望呀！因個麵係完全無烹煮過，原個生麵上碟，而且湯底仲要係唔熱㗎，咁請問溫水點樣可以將啲麵浸熟？難度啲麵真係可以唔駛煮，係真正嘅「即食麵」？而且湯底嘅味道係極之鹹，就算我加一杯滾水落去，啲湯都仲係超鹹，真係太過份喇！至於午餐肉同鷄蛋亦煎到又乾又「嚡」，而原隻燒鷄翼就好似營養不良咁！唉⋯⋯就算喺街邊嘅茶檔都唔會出啲咁差嘅嘢畀我！以咁大個連鎖大集團今時今日咁嘅出品，真係「差！差！差！」

成日都以為快餐都好hea，出品一定是是但但，所以好耐都無入去喇~但心血來潮去睇吓餐牌喇~反正唔啱食都可以立即走返出去，完全唔擔心會尷尬，e......除咗一般item之後，竟然有健康低脂系列同素食系列?!雖然都只不過係得4-5個選擇，但睇得出佢從顧客角度去研發產品喎~好！就即管試吓先！叫咗嘢食之後，唔洗自己去拎，放個感應器呢個位置，就有員工奉上，都懷疑緊自己係咪真係去咗一間"快餐店"，似乎佢真係有做到服務增值喎！健康低脂系列嘅薏米南瓜汁雞胸紅米飯，雞胸一d都唔鞋~煎至微香~個汁好creamy，味道都好濃郁，邊個話要健康就唔會有好西食?本身包咗一杯凍綠茶，但我叫佢走冰，都係一般來貨嘢，味道正常喇~而個湯就係我加$嘅~佢寫明不加味精，飲落又真係唔覺有味精，如果鍾意飲湯嘅，絕對可以考慮吓喇~大家有留意透明水杯嗎?係佢原裝咁樣放低比我架!了解到客人總喜歡先浸洗餐具~另外，仲有跟個橙色杯載飲用水，咁就一定唔會飲錯喇~咁嘅貼心安排，我‧非‧常‧滿‧意!

今晚我們喺粉嶺帝庭軒商場嘅「大快活」買外賣自取返屋企食！我們買咗韓式人參鷄鍋嘅鷄唔係放喺湯入面，係分開另上，肉質比較「粗嚡」同硬實，人參湯底嘅味道係淡而無味，而且入面嘅湯料主要係一大「嚿」薯仔、蘿蔔同椰菜！阿活咖哩牛腩飯「阿活皇牌」嘅咖哩汁味道雖然好香辣濃郁，而且都幾惹味，但牛腩嘅肉質又乾又硬，而且又係有一「嚿」超大嘅薯仔，我們並唔係唔鍾意食薯仔，但每樣嘢食入面都有咁大「嚿」嘅薯仔，令到食物嘅主角份量少咗，感覺有啲「搵笨」！阿活焗豬扒飯嘅豬扒唔算好大塊，但都算厚身，肉質就好「粗嚡」，而且好乾硬，好難先可以咬開！一口黑豚拼珍寶蟹棒湯烏冬「梅子燒肉汁」嘅珍寶蟹棒外層炸粉雖然唔係好厚身，但味道就祇係得「雪櫃味」，一口黑豚嘅肉質亦都係「硬實實」，而烏冬嘅麵質極之腍身，一啲都唔煙韌彈牙！節瓜章魚眉豆豬踭湯嘅湯底睇落有啲色，唔係清到好似滾水咁，以為會有啲味，點知又係淡而無味，真係令我們覺得超級失望呀！

🙈 係我唔好之前嗰晚顧住打機今日瞓到成三點先起身，點知我個豬隊友仲晏，咁我唯有搭車過聯和墟搵佢食下午茶啦。豬隊友話太熱唔想行，少有地自動提出要食大快活下午茶，入到去見佢個 menu 都有好多選擇，因為今日係第一餐所以決定食得豐富啲！我要咗個蜜汁雞髀 + 紅豆冰 + 西多士嘅下午茶，都差唔多成四十蚊唔係平咖。不過好彩都幾好食。蜜汁唔太膩、雞髀本身用香草醃過都好入味好 juicy；西多炸得剛剛好又香又脆，不過個人唔鍾意食中間有果 Jam 嘅版本，加埋蜜糖太甜了；紅豆冰略嫌佢淡，如果個椰奶再濃啲就一百分了。🙈🙈 食完成個餐罪惡感爆晒標不過真係好滿足！！

和媽媽去完圖書館後，便準備去Pizza Land買外賣，但我們又忽然間好肚餓，所以先到大快活吃一個下午茶，然後才去Pizza Land買外賣。我叫了：雪菜肉絲煎蛋陪上海幼麵－好難吃！ｄ麵好淋，好似糊，而且又少湯，被麵索曬Ｄ湯！而且服務又麻麻，叫佢給多些味粉，佢地又話：米粉就可以，但上海幼麵就不行！其實上海幼麵和米粉都是同一個湯底，為什麼不行呢？真奇怪，而且我叫雪菜肉絲雞蛋而不是午餐肉，咁都會給錯，唔看單就給顧客，離譜！為何差了許多？

2月份去咗6次大快活分店: 粉嶺聯和墟和滿街8號帝庭軒1期地下G23號鋪, 食晚飯. (1)萬字醬油乾燒豚肉套餐: 附中國茶, 老火湯, 白飯, $40.只有3件湯匙size嘅豬肉(肉份量好少), 其他全部都係西&四季豆.(2)蒜蜜雞扒拼豬扒鐵板餐: 附低糖綠茶, $45.只有幾條薯條, 幾件配菜. 雞扒&豬扒size只有1張八達通大少少(好細塊).(3)台式豬軟骨肉燥飯, 附低糖綠茶, $36.只有4粒5元硬幣size嘅豬軟骨&約1茶匙肉燥粒&汁(肉&汁份量好少), .(4)焗豬扒飯: $35.豬扒size, 只有1.5張八達通. 再切5件.(5)蒸家鄉豆腐冬菇肉絲套餐: 附中國茶, 老火湯, 白飯, $40.豆腐size 只有1張八達通大少少, 小量冬菇肉絲放於豆腐上面.(6)菠蘿咕嚕肉餐: 附中國茶, 老火湯, 白飯, $40.只有3件湯匙size嘅咕嚕肉(肉份量好少), 其他全部都係菠蘿&青椒&好多汁 .就係貪方便, 我住喺附近, 食咗6次晚市, 一次比一次差, 無改進,十分失望, 價錢貴! 質素差&份量少！唔會再去大快活！Bad List!

去完圖書館後，便準備找東西吃。經過一番決定後，便來這兒吃，入來見到有咖喱雞飯，便決定吃咖哩雞飯，並加一個冬瓜湯。不錯，好好味，好滑的雞，個汁好好味！但菜卻好少，如果可以再多些就好了！服務熊度不錯，很好！希望佢下次有其他款式加！

食早餐問可唔可以將餐肉火腿公仔麵﹐轉餐肉腸仔公仔麵﹐收銀話得去到取餐處俾牒野我﹐話齊晒攞得﹐但眼見無公仔麵當然唔收貨。員工叫我加$5才有公仔麵﹐我O晒嘴。原來收銀落錯單﹐求其落餐肉腸仔多士之後員工話可以換點知轉個頭佢再問我要少一件餐肉﹑還是少一件腸仔﹐我再一次O晒嘴﹐完全唔明佢講乜。原來佢係話餐肉腸仔多士有兩件餐肉﹑兩件腸仔(共4件)﹐但餐肉火腿公仔麵只有3件。我問佢﹐若果收銀冇落錯單﹐真係餐肉火腿公仔麵﹐佢仲會唔會問我要少一件餐肉﹑還是少一件腸仔﹐佢先至茅塞頓開不過﹐碗公仔麵仲差過中學飯堂D膠碗公仔麵﹐早知粗粗地要咗個餐肉腸仔多士就算

是日到粉嶺trip, lunch 返到帝庭軒醫肚先.行程趕急, 得大快活唔駛等位, 燒賣就燒賣啦.唔係好肚餓, 所以叫左個常餐就算.一個雪菜肉絲米, 香腸拼吉豬, 最緊要大熱天時有杯凍飲, 要左綠茶.先講香腸. 好林, 有d 假, 似齋整成咁...吉豬脆就脆, 但好鬼死油, 成隻碟裝住成兜橙色既萬年油.個雪菜肉絲米簡直難食到嘔, d 米粉煮得未夠林. 仲有d 刮口既感覺最難頂係個湯, 又鹹又重味精. 食兩啖已經頂唔順.lunch 時間已經十世冇食過快餐, 仲唔到係咁樣...唉...

今日既晚飯就係大快活既肉醬意粉同忌廉磨菇場。先講肉醬意粉，分量十足而且落足料，ｄ肉醬鋪滿哂碟意粉（張相係因為我整開左ｄ肉醬），有足夠既肉唔係淨得醬，不過如果可以酸到好似佢ｄ焗飯咁既程度就更好啦！本來想飲周打硯湯，點知今日轉左忌廉磨菇湯，照試。嘩，一入口好腥，唔知係咪ｄ磨菇味，總之浸味就怪怪地啦，我想飲周打硯湯囉！