大快活

营业中

休息中

好幾天都沒去大快活下午茶。到那見餐牌有新制品，沙嗲牛肉煎蛋脆猪飽，看見餐牌的圖已不斷吞口水了，不用再考慮就吃它。飽熱香脆，牛肉鮮味有咬口，沙爹濃香多汁，煎蛋不油，菜豐富，配一杯檸檬茶，不錯，好味。可惜，杯檸茶不够熱，喝上去和暖，估計衹有6O度吧，有點不爽，服務員姐姐見我嘆氣好友善地跟我説，幫你換個杯吧？我拒絕説不用，希望下次光顧不是這樣就好。善意的一句話，真的可以化解內心的不愉快。大快活遍布香港各區共143間，而這間座落在青衣長亨邨商場，環境寬敞，幹淨，最特別的是，也是我最喜歡的，自助加熱水，泡沫潔手，棒棒的。我會常去的。

叫左個素麻婆豆腐飯，極之不滿，畀人揾左笨，份量已經少，飯同餸比例仲係4比1,叫人最後淨食飯，以後唔再返轉頭幫襯。成四十幾蚊， 周圍 都買到個好好嘅三餸飯。😡😡😡

原本諗住食第二間，經過見到大快活門口放咗勁大張聖誕餐既廣告，就俾佢吸引咗，有豬仔包又有我鐘意既羅宋湯，仲有十二安士可口可樂。張單打羅宋湯，返到屋企一望，羅宋湯變其他湯都算，豬仔包圖片就成個，實物得個六份一。其實落單就聽到佢地傾計話冇晒豬仔包，我望緊手機以為同我講野就望一望佢地問：冇晒豬仔包阿？其中一個女人就話唔係阿，咁我咪當冇回事。仲有阿，我買兩個餐，呢個西冷牛排明明配十二安士可樂，佢只係問我第二個餐飲咩，我話可樂，點知佢跟西冷排餐就俾咗個熱奶茶我。我幾時有講過熱奶茶呢三個字？肯定係掛住傾計分心落錯單，不過呢個怪我冇覆單。食物方面正正常不過不失，服務態度唔用心，粗心大意。我唔介意飲其他湯，你講聲換其他咪得囉，通知都冇聲就自己同你換咗佢，我覺得冇乜禮貌。

原本冇諗過會做大快活食評🤣始終周街都係大快活不過偶爾佢哋都會出一啲新品有時都會做一啲日式系列👾脆爆厚切吉列雞扒飯  $48✨唔使$50 ，就有大大塊雞扒🤩🤩雞扒都尚算多汁，唔係嗰啲乾瘦柴😂配埋日式咖喱汁，令個飯冇咁普通而且跟餐仲有關東煮😛雖然食落覺得係味精湯😂😂😂雖然食物冇咩驚喜但價錢的確係已經係一個驚喜💕💕不過可惜嘅係佢做日式系列，但係冇用珍珠米可能咁樣個成本會高啲🧐同埋佢哋嘅飯太多水可能始終唔可以要求呢啲連鎖式餐廳做到一個有誠意嘅食物🤨🤨但整體來講都真係好平性價比都好高👍👍👍👍偶爾做吓呢啲食評都幾好始終呢啲快餐店，最多人食😊

無啦啦有多日假期，一於落街食個早午餐-脆脆魚柳連通粉早餐。魚柳都算大塊好香口，配埋兩條香腸，多士同蛋，再加通粉，可以捱到食下午茶慳返餐。話說好耐無食大快活，唔可以話好好食，不過不失的一餐。

------------------------------B04,B05熱檸茶凍咖啡加通粉外賣。牛扒餐有無多士，有就轉蘿蔔糕。------------------------------職員態度超差外賣，加通粉重復又重複話我無講Orz------------------------------結果熱檸茶變左凍檸茶小左塊多士炒蛋超咸（懷疑被加料）------------------------------外賣黎架，比漏野真係好煩。------------------------------

今日遲左買餸，索性到屋企附近既大快活食快餐。以前對大快活既印象一般，整體食物質素始終比大x樂爭d。早兩日系報章見到關於杜汶澤既訪問，提到大快活系佢人生低谷時不離不棄，繼續擔任代言人身份，此等情義之舉或者有其商業考慮，但對於普通人黎講確實意義非常，值得一贊今晚我地叫左臘腸排骨煲仔飯同埋咖喱牛腩飯。食左咁多年，味道如一。 臘腸都算足料，味道唔太鹹。飯焦香氣撲鼻，暖心暖胃。咖喱辣味適中，牛腩略嫌過老，最緊要系足料。 飯堂黎講，大快活的確好過唔少茶餐廳，希望佢繼續努力，保持質素，做一間良心食肆

今天星期六，早上打算在長亨邨附近吃一個快的早餐🥣。早前都說過青衣山上，沒有什麼好的餐廳，所以今次就打算去大快活吃一個快的。可能是週六早上的關係，大快活裏面已經人頭湧湧很多人在排隊買早餐和等位。大概都要等10分鐘左右才有位置，排隊拎餐的都要等10分鐘。可能真的是食物荒島🏝️的關係，連大快活都要等這麼久...我和家人點要兩份早餐🥣，家人吃的是麥皮精選早餐以我就要一個鮮茄腸仔通粉精選早餐。這都是大快活最便宜抵食的早餐$29.5。S03-鮮茄腸仔通粉早餐先說一下我的早餐吧，煎雙蛋沒有金黃脆邊，可能是比較多老人家吃的關係吧，大快活都主要主張健康飲食的。所以煎雙蛋都沒有煎得太過香口。鮮茄腸仔通粉就比較隨便，沒有太多的鮮茄湯，通粉亦都住得比較硬，腸仔亦只有碎碎。那塊大多士硬得離譜，沒有相對的牙力和耐性，都很難可以把整塊多士食下，見到很多人都吃了一半就放棄了。而我家人吃的麥皮餐就這樣，家人沒給太多意見，可能心想吃飽個肚就可以了。最後我的評價覺得大快活的早餐都相當求其，真的是快餐店的原因吧。但是亦都要$30可以進一步改善一下啦！

星期日的中午 要快快脆食一餐所以 同媽媽 去食大快活兩個人 都心有靈犀咁揀中食咖哩媽媽食左個普通 牛腩咖哩我誤打誤撞 叫左個新出品南洋 吉裂豬一食 就發覺原來兩個咖哩 真心唔同味當日就牛腩 不太軟 不太硬 岩岩好味道不太辣 南洋咖哩 就真心係果幾間快餐店 的惟一咖哩味道 當然食完無覺得好地道但都可以一試 可惜個吉裂豬 好肥 但係好乾身的薯仔入味惟一最唔滿意的係 個配菜 無味到呢仲有唔知咩事 大快活午餐無乜野揀有得揀都唔揀大快活 揀美心最好 起碼選擇多

去大快活下午茶！叫咗個迷你餐肉蛋飯，雖然迷你，但係其實都幾大碗，因為最後都食唔曬，想讚佢嘅服務都幾好！海報宣傳代言人係杜汶澤，超鐘意！只要擺個嘢喺嗰枱邊度，餐就送到！個飯D豉油好甜！

落order嘅收銀態度好nice~有人情味，因為有人拎飯嚟，所以叫多杯雪糕一路食一路等。叫咗個黑豚肉飯，塊豚肉好厚身，好脆，唔錯，但咖哩汁略少，整體唔錯。 食到尾唔小心跌咗隻筷子，職員好細心過嚟問，要5要拎過隻新。 希望可以keep住呢種人情味。

我每逄星期六大多數會來這裡幫襯外賣的雞扒火腿通粉早餐,拿取食物時,我打開外賣盒發覺雞扒超細塊,即時問副經理為何是這樣?他立即叫厨房揀過塊給我,話最大塊了,但我看了咪又差不多他還說來貨是這樣子,最多向公司反映意見吧.我回到家中用拉尺量度,發覺雞扒得3吋x 2吋,又薄身,真是超細塊這個早餐連熱飲要$24都不便宜,覺得急凍食物來貨已經沒有以前咁貴,而且還是大批入貨的真是搶錢附近商場裏雖然是有間餐廳,但食物質數相比大快活還差,變了大集團沒有勁爭對手了怪不得長亨的大快活已開了接近20年,食品質數雖然一向是差些,但仍然是客似雲來啦!

這裡位置寬敞, 冷氣也適中 地方都比很多大快活清潔阿姐服務態度幾好這裡的燒髀米粉下午茶餐很正 !!!

我不嬲都對美心同大快活冇咩好感..總覺得佢地冇大家樂甘好食..但系由於今日野外定向完之後.吾得選擇.得間大快活.我要左chicken米粉常餐.配多士同奄列.奄列.---冇乜火腿chicken.---好油米粉湯.---好油多士---需要同佢改名,,一面冇烘,林bet bet ...間野又吾系多人,都吾知佢做乜吾烘"我爸爸叫左煲仔飯=3=好新鮮"可惜我爸爸話D飯超級硬.佢話佢食到牙都甩 = ="下次都系吾好食大快活...

奶茶太多奶,一次比一次多,茶葉太貴?跟早前的比較,實在差了很多~燒雞翼像用水煲一樣,全隻白色的!早餐食物的份量天天不同,人人不同,太細件的食物一樣給客人,有點搵苯!!相反,同樣的食物在慈雲山分店很有水準~最重要是品質穩定.