大快活 (鴨脷洲邨)

营业中

休息中

環境就係典型嘅快餐店style啦，乾淨企理，座位都幾舒服，方便快捷。講番嗰餐嘢啦，先講嗰塊雞扒，望落去賣相都幾唔錯，表面煎到金黃色，油光閃閃，好似喺同我招手咁。咬落去，外皮夠脆，裡面嘅雞肉就有啲乾身，唔夠嫩滑，可能煎嘅時間有啲過咗火。同其他專門做雞扒嘅餐廳比，呢個雞扒嘅肉質就差咗啲，冇嗰種多汁嘅口感。再睇嗰塊多士，烤得幾香脆，邊位有啲微焦，食落去口感唔錯，不過就冇咩牛油香，感覺有啲單調。同其他出名嘅茶餐廳嘅多士比，呢個多士嘅味道就唔夠豐富啦。至於嗰碗通粉，通粉煮得軟硬適中，唔會話太腍或者太硬，火腿片就有啲薄，味道唔夠濃郁。個湯底就幾清淡，冇咩鮮味，同其他餐廳嘅濃湯底相比，呢個就真係有啲失色啦。最後嗰杯奶茶，茶味都幾濃郁，不過奶味就有啲淡，冇達到茶奶完美融合嘅境界。同其他出名嘅奶茶鋪比，呢杯奶茶嘅奶味就唔夠醇厚啦。總體嚟講，呢餐嘢就係快餐店嘅正常水平啦，價錢都算平，求其填飽個肚都OK嘅，但如果係對食物質素有要求嘅話，可能就會覺得有啲失望咯。

來來去去鴨脷洲。一瓢一飯不敢忘人生快活哪為大。這間小店有新裝八時一刻個場旺。座位不夠靠同鄉炒蛋如風半條腸。早餐吃飽有妙方來片多士甚飽肚。過硬過凍是平常果醬其實較理想。牛油計落高脂肪健康之選煎雙蛋。隊埋蛋黃嫌命長蛋白細膩夠清新。完勝兩顆生蛋黃雞扒望落好吸引。扒下雞皮sing along一刀切下兩刀完。尺寸大小無謂量肉汁從來是奢望。食家評論常誇張質地唔錯容易切。味道還好可表揚還有例牌還魂丹。 一杯濃郁咖啡香顧客人人開懷吃。 員工個個好繁忙 快活早晨有陽光。 斗室也可任飛翔

有半輩子沒到這店了，今日約了人吃下午茶，有極珍貴發現。由於腳患，要求職員送餐，收銀給予感應器，對應枱面裝置，十分方便。比較起來，大家樂便論盡很多，又用架子又用夾，無異石器時代。點了一客咖央鮮油多士配熱奶茶，盛惠$28。鮮油份量慷慨，令人喜出望外，奶茶亦幼滑香甜。最近流行移民，如果大快活也移到我家樓下，恐怕體重會大躍進。

阿媽成日教，上班前當然要吃一個豐富的早餐，才能有足夠力氣、營養去跟繁重的工作戰鬥。今早去了大快活，客人都唔少。排完隊買飛，又要排隊取餐，不過一個人來，搵位唔困難。買了一個辣肉碎上海麵、炒滑蛋、厚多士配熱咖啡。這樣的一個早餐營養足夠了吧。辣肉碎辣得來相當惹味，麵線亦夠爽滑。滑蛋尚算可以，如果熱一點會更加好。多士略嫌過燶，而且凍了，變得唔脆，又韌。匆匆搽上牛油來吃，勉強可以一吃。匆匆吃飽，又要趕車上班去也。

睇左半夜場波成晚訓唔到、唯有早啲起身去樓下大快活食番個早餐先、望吓餐牌、見到有吉列朱扒配咸牛肉抄旦白、叫多杯凍咖啡精神吓先、排隊攞完餐揾個位座底、咸牛肉配旦白、食落幾滑、好味、吉列朱扒就太硬:凍咖啡都算可以、好在有件多士、食完望吓個時間、又夠鐘返工了、今晚冇波睇可以早啲訓。

同GF 11點去左食早餐,大快活,我好耐都冇食過呢間快餐店叫左2個早餐,$23 1個,有野飲D份量唔算多,所以$23都唔算抵食不過野食都幾好味,今次評分為"OK"雞扒,D肉幾嫩,D汁好食魚柳,D皮幾脆,D肉都好食腸仔,唔同普通腸,有肉感,好食火腿,普普通通冇咩特別

前幾日幫襯這間大快活分店的下午茶餐，叫了一份雪菜肉絲米+西多士+紅豆冰抵就算幾抵食，才二十三元；可是，質素十分參差，簡評如下︰雪菜肉絲米︰不但全無雪菜肉絲的香味，而是淡而無味... 噢，試真一點，湯底有陣怪味才對！好難食呀！ 失敗！西多士︰一份凍冰冰、放了一段時間的西多士，看起來已經食慾大減，再加上連蜜糖也欠奉提供，失敗！紅豆冰︰大大杯，但沒有紅豆味，也可以說淡而無味.... 實在是失敗中的失敗好難食呀！

早餐一份炒蛋加麥皮，再加英式多士，連奶茶共：$16.5。呢度好在Ｄ麥皮本身無加糖，要自己加，自己鍾意幾多就加幾多。英式多士又不太大件，自己喜歡塗幾多牛油就幾多牛油，又可以將Ｄ炒蛋放上去自製「炒蛋多」(又可以加我至愛O既胡椒添)，真係完全‘自助式’，任意自己鍾意點食就點食。正！