大慶燒味飯店 (已結業)

順寧道有很多價廉物美的食物，今天我們走進了大慶燒臘。叉燒飯：$30，先看一看叉燒的份量，是在其他地方吃的二至三倍，而叉燒的調味亦是老到，是傳統的醃製口味，鹹甜味適中，有肉味，就算瘦叉的肉質亦不會硬實，而白飯份量亦不容，佷滿足的感覺，而且送例湯或飲料，我就選了維他蒸溜水。油菜：$10，看看也是很大碟，油多了一點，不夠新鮮。我兩小口子吃完已很滿足！

OT回家, 晚飯冇著落, 行過大慶突然好懷念佢既叉燒飯, 心血來潮食完碟飯想為呢個老街坊寫個食評讚一讚. 食左大慶既燒味都有十幾廿年,. 最好既都係叉燒. 作為一個女士, 當然會揀食瘦叉燒, 不過最好味都係佢瘦得黎又唔會好似其他地方食樹皮咁又乾又鞋. 不過佢既燒味係好味, 可惜野飲方面都仲可以改善.

十二月中旬‧晴去茶餐廳吃東西，來了這裡加料。叉燒看上去吸引，要了半條。生腸也不錯，又來十五元。還有鴨下巴，也來一件。叉燒比較乾身，吃起來不算是很鬆化，但勝在不太甜而肉味夠，是不錯的。生腸沒有什麼味道，比起日前吃到的鳳城，是差得遠。鴨下巴吃起來不過不失，是烤得幾香口的。結賬是五十多元，拿了去茶餐廳加料，幾型！

呢幾日考試,今日咁岩唔洗溫書,就去大慶坐下入到去其實都幾舒服,又即刻有位服務態度亦好好,不時同d客搭訕入返正題喇,呢間飯店係自助形式買飛之後就去攞飯唔洗等好耐就食得不過我就嫌飯太少喇(唔知點解樓上會話多@@)我叫左個雞飯,咸度適中十分可口,味道極佳(係咪沙薑汁?)雞肉亦唔會太老,真係好想食多幾舊其實仲會附送一個湯或者汽水我就喜歡個湯多d雖然冇咩豬骨味菜乾味但幾甜,解渴,至少好過飲汽水吧埋單$20,不過係學生價正價係26蚊

大慶在長沙灣都有10多年啦,如果我們只評其燒味的水準,我說是中上吧,今天叫了燒肉雞飯,份量十足,燒肉很是入味只是瘦了一點,但我卻很喜歡雞一定是冰鮮的,$25想食鮮雞????十年前可能可以呀雖然是冰鮮雞,但味道卻是不錯,而且雞肉有彈性,不"梅".....大慶不好的地方是其用餐環境和服務(半自助),但其實這也一早反映在其售價上了,所以是沒有過份要求的理由.

每次來, 叉燒基本是必叫的!!雖然算不上100分, 但係都有80! 只是有時太瘦的就真的一般了... ! 記得, 如果你不是大飯量的人, 一定要少飯, 不然就很浪費了! 其實如果唔要求太高, 簡簡單單食餐飯, 大慶都係一個選擇來的! 一定要食叉燒啊!

去荔枝角购物，由于看了网上推荐走了十五分钟去到这家餐厅。但环境实在一般，而且象食堂一样要自己去排队拿餐。我和太太点了四宝饭和腊味饭，但这餐实在令我们失望啊。饭太硬，腊肠的添加剂味道太重，腊肉太硬，其他的味道也不敢恭维，实在是一家贫民餐厅，完全失望的一餐。

好久之前吃過在附近的"洪慶"，這次來的則是同樣既街坊又夠地踎的"大慶"....這兒的燒味是從自設的舖後工場自家製出來的，保證吃到的是新鮮出爐之貨色 (因小弟就正正坐在那個工場的進出口附近的卡位中，吃時是看着燒味是不斷的在出爐的)。原本想試一下食友們推薦的燒腩，但落單阿姐說今天缺貨，很失望唯有轉叫普通燒肉。吃碟頭燒味飯只叫單拼一向不是我這愛多花款的所好，自然要拼多一味义燒才肯罷休....菜乾豬骨湯是免費奉送的。的確一如食友們所說，是完全沒有下師傅調味，不過就煲得不算很"老火"，喝不出菜乾的菜香及豬骨的油香，是有點像在喝熱開水似的。沒有下師傅幫手是好事，但總要下些鹽作調味吧.....飯量是蠻多的，胃納小一些的就必然要扣底了。燒味餸的份量也是同樣的多，是日吃到的义燒差不多是全瘦的，蜜味尚足但肉不算特別軟熟，最美味的燶邊貨色也是吃不着。總括而言不算是很出類拔萃的味道；燒肉不是我最愛吃的芝蔴皮。一向總覺光皮的燒肉是欠了些咬口(這只純屬個人意見而已)，而且這裡燒得也不算特別的脆口。肉的部份有些是偏硬的，有好幾件是硬得要吐出來，有點不濟....味道老實說只是極普通，不過優勝在抵食夾大件，僅此而已..

今晚無飯開, 就買左個飯盒番屋企食, 雞鵝飯只需$23, 再送個例湯, 抵!一打開個飯盒, 嘩~ 勁多料, 仲要大大盒, 味道唔失禮架...証明左平野未必一定無好

090228雞半隻$38朋友途經長沙灣，癮起買咗半隻雞請我食打開個盒，已經聞到好香，雞好滑夠肥，皮與肉中間有一層啫喱，有肉味，份量夠，幾抵食佢個沙薑好香同惹味，會更加吊起肉味，叧有薑蔥可以揀

答應了小兒今晚要買叉燒加餸, 想起這名店, 駕車專程到長沙灣, 泊好車後, 見有一條小龍在店前, 排到時, 見還有小許燒腩, 連忙叫阿叔斬一條骨加一條半肥瘦叉燒免切. 因為知道燒肉皮在沾到肉汁後便不脆, 叉燒要大舊才好吃, 不希望買回家得不到應有的效果.兩樣共銀75大元, 不便宜, 而且份量也不多.回家後, 把叉燒鈄切大片, 用微波爐叮一叮, 燒腩不用叮, 粗粗斬件可也. 名店的是了得, 叉燒甜得來又夠豉味, 又有肉汁. 燒腩的脆皮咬下去卜卜脆, 飯桌對面也清楚聽到, 調味又剛好, 又有肉汁, 是近來吃到最好的. 一轉眼已經掃清, 滿足之極.

阿爸生日,買叉燒同燒肉加料啦~嗶,真係估佢唔到,6:45,已經人山人海,我叫左肥叉,正呀,廿蚊,肉汁多,又熱,又唔硬,燒肉,96蚊一斤,正呀,皮好脆,肉好軟架,總之包你話好啦~你一過7點就冇買架啦

每次想不到食什麼餸, 阿媽都一定會來這裡加餸, 常食的有鹽焗雞、燒肉、豉油雞........過時過節的話想行埋D都唔得添! 今晚食燒骨, 我的最愛! 佢地係用自己個爐燒, 所以經常都新鮮出爐~ 買咗之後即刻偷食咗兩舊~放咗兩個幾鐘等晚飯食, 雖然凍咗, 但個皮依然咁脆, 又唔油膩, 每次都忍唔住將所有皮食哂!阿媽知我地怕肥, 會揀瘦少少的, 少少硬, 但可以接受, 好有肉味, 咸咸地, 餸飯一流！

公司拜神，我地order左1. 乳豬1隻 $4202. 拜神雞1隻 $753. 燒鴨1隻: 90勁呀，隻乳豬一切落去果下，d聲清脆利落，sharp sharp聲，淨係聽聲都開心呀。嘩，一咬就傾情；老實講我第一次覺得未批好既豬乳竟然都可以咁好食，又唔太肥，又唔多膏，一流。我一口氣吃左3大嚿，每嚿都有半隻手板闊；食左3嚿後都食唔落其他野喇~燒鴨，我無食；不過d同事話好香同濃肉味。拜神雞，我都係無食，同事都食飽哂；結果就各人外帶回家喇。

同老婆睇完李鄭屋古墓後，到了下午茶時間！ 叉燒瀨粉 ($14) - 蜜汁叉燒沒有半肥瘦，只有全瘦，味香但硬左少少，瀨粉大碗但質數麻麻。 燒鵝河粉 ($14) - 燒鵝皮燒得香口，肉唔會實而且入味，河粉大碗但質數麻麻。 店內註明自設燒味工場，食客可以食得放心