大戶屋

营业中

休息中

平均嘅菜單大約個價錢係$120左右大部份都係套餐都算係大件夾抵食睇來我落單之前見到食物都想試咁岩隔離枱嘅食物到咗我見到隔離枱嘅女士叫咗一份魚超大條！ 我都毫不猶豫叫咗呢條魚嘅套餐我朋友由於好肚餓嘅關係佢就叫咗一個飯+1個蕎麥面夾套餐 呢一個套餐都好抵食因為有飯同面一定啱晒大食嘅男士們！ 好好味！ 新鮮即刻煮（大約要等20分鐘）另外叫咗一杯黑糖飲品 飲品好老實就一般麻麻地（$30）整體而言：排隊等候時間較長約1 hour 當日係星期日7:45pm 等左個幾鐘終於有得食！ 店內嘅客人都真係好多不過呢個都代表好食嘅嘢先會多人食 haha 而我試過真係幾好

今日終於有機會試下大户屋經過好幾次都見到人龍星期六下午茶時段唔係好多人 等左一陣就有位下午無特別SET都係睇返主餐牌定食-五花腩定食 聽到個名覺得好肥好油膩但真係好推薦！好JUICE 油脂好平均唔會食落一口肥膏 香口但唔油膩！一試難忘西京燒銀鱈魚定食魚份量都幾多 西京燒個味偏淡而且魚多骨但魚質地係滑 配菜蘿蔔蓉無味 黑醋鱈魚野菜定食炸鱈魚 脆口 黑醋汁開胃 唔溜！配飯真係一流野菜全部都沾左黑醋汁個薯仔沙律好食可惜我個西京燒定食無跟要另外散嗌 每個定食有前菜，白飯，麵豉湯，有d跟埋燉蛋真係幾抵食！

經常排長龍，價錢唔算太貴，款式多。迷你滑蛋炸豬扒飯配蕎麥麵（$88）：飯都幾大碗，豬扒炸得一般，但好厚切。蕎麥麵正常，至於個漬物，食左一舊無人再掂過！蘿蔔蓉煮雞肉玉子鍋定食（$90）：份量幾多，麵豉湯正常，雞扒有炸過，炸粉浸落湯汁，已經變淋，食完好口渴。

中午去了康怡Aeon逛逛。順便吃午飯，最後選擇了大戶屋 。等了半個小時便入座。看見餐牌上有我喜歡吃的五花腩，二話不説就選了五花腩定食，當然選定食也是貪方便，什麼也有。餐來了，除了五花腩外，還有海藻飯、薯蓉沙律及蒸蛋。傳統的蒸蛋放在瓷製的杯子裏原杯蒸，一打開香噴噴的蛋味陣陣升起，果然香滑，到位！之後再品嚐五花腩，我把五花腩放在飯面上，一來肉的香油沾在香軟的海藻飯上，使飯更香，二來減去些肥膩感覺。五花腩的皮有些香脆感覺而肉質軟滑，令我情不自禁地連吃了多口，十分美味！再配上菜沙律，這可中和了肥膩感，最後渴了麵鼔湯，不太鹹，十分滿足！

每次去吉之島買嘢都見到好多人排隊，今日見早又未肚餓就攞飛試吓，等了半小時有位。今日試牛舌定食，加十蚊轉海藻飯。牛舌燒得香但唔夠軟，蒸蛋是一小碗，但夠食同好味。飯其實祗是多了一D海藻，試過就算。算抵食。

踏入年尾，就是豪飲豪食，不停食好西的時候了🙌🏻🙌🏻！今日Lunch，陽光普照，由鰂魚涌走到康怡午膳。之前幾次經過大戶屋都因為套餐價格偏貴，而過門不入，難得大時大節就來試試看！這天我選了「火炙三文魚盒子飯」。套餐配有前菜、味噌湯及蒸蛋。前菜～別以為是酸酸甜甜的紅蘿蔔、青瓜絲、椰菜絲，這小食帶有濃濃的薑味，微酸應該是用薑汁浸泡而成的，相當醒胃。味噌湯～味道一般蒸蛋～夠熱、夠滑，有內涵，蛋內有一粒鮮冬菇及一粒瘦肉盒子飯～有一層舖得滿滿的三文魚經過炙燒後，魚的脂肪都溶得使魚肉特別香滑，整體不錯，賣相亦好，份量亦足！

豆腐野菜雞肉湯定食健康得嚟又好味，建議嗌呢個！招牌定食（炸雞、牛肉薯餅、麵豉湯）炸雞配佢個甜甜辣辣嘅醬汁好好食，牛肉薯餅就正常，不過應該好岩大眾口味👍不過麵豉湯好咸，如果淡啲就更好。值得一提，啲飯好好食，米粒好軟又粒粒分別，同一般嘅米比冇咁有咬感嘅。不過一份嘅份量未必夠食，要叫多碗飯先夠。整體而言，十分推薦👍👍👍👍👍唯獨餐廳內通風較差，不過氣氛搭救。

作為一個廢青定時定候出街補給屋企嘅物品已經係必須…因為咁樣就唔使出咁多街難得啱啱打掃完屋企，又補給完即刻拉家姐出去食番餐好嘅！近近哋食日式家庭餐廳大戶屋當然依然係要嗌返個一試難忘嘅鹽敷燒豬五花定食，同埋雪糕忌廉梳打賀一賀佢！姐姐叫咗個午市餐，三文魚刺身蕎麥麵定食加凍咖啡鹽膚燒豬五花定食依然保持水準！雪糕忌廉梳打唔會太甜，俊俏嘅外表已經俘虜咗好多少女嘅心😎😎😎蕎麥麵好彈牙，刺身亦好新鮮！沖走一日既勞累！🤤人間清泉！

由於最近成日夜晚就無地鐵返屋企，唯有早啲食飯，早啲返屋企啦！我地三個中同就相約食大户屋！我知都有好幾間分店，但就真係第一次食！之前硬係覺得間餐廳得個貴字😬😬今次就試試佢！我地未夠6點就到餐廳，入面都坐左7成人。當然我地去到就有位啦！我地叫左三個定食，有銀雪魚，燒豬腩同埋炸豬排🤗🤗🤗🤗估吾到 都幾好味咼！燒豬腩就燒得好香 但又吾會好油膩 餸飯一流！！其他都好好食，值得甘多人排隊🤭🤭 我地掛住傾計 出面排左好多人都吾知🙈🙈🙈

經常聽朋友介紹大戶屋食物好吃，經過鰂魚涌便試一試，我和朋友都很喜歡吃魚，因此我們點了燒花魚定食和燒鯖魚定食，兩款魚大小差不多，不算小。送上枱立即聞到魚香，定食也算豐富，還可以選擇飯量，不致浪費。燒花魚定食：花魚肉很滑，味道適中！好好味！配有麵豉湯、昆布、漬物、蘿蔔蓉和茶碗蒸蛋。燒鯖魚定食：鯖魚肉質較實，比較『諧』，同樣地配合麵豉湯、昆布、漬物、蘿蔔蓉和茶碗蒸蛋。其實，不是為什麼白飯也覺得好味，每樣都算上乘材料，吃完這定食感覺很滿足！

晚上一定會大排長龍，所以一定要早點來。餐牌上有不少定食，有熟食，有刺身、炸物、面食等等。適合一家大細來，因為總有一種適合你。點了個燒生薑醬油牛利定食，伴碟附上微辣味噌醬，混合了西京味噌醬和辣椒，味道微辛，味噌的香味及辣味把牛利的味道提升至另一層次，十分惹味。牛利的肉質結實，有咬口，但又不會太韌，以份量來計，店家也絕不吝嗇。另外只要加10元就可以配上淮山蓉飯，淮山蓉入口清新，一口飯，一口牛利，十分滋味。燒利一定配白飯。

前排夏天熱辣辣，就係想食d生冷野。比起飯我更加鐘意食麵，無論多送少送甚至冇送既素麵，只要有素麵汁，都會食得好滋味。喺太古鰂魚涌附近都有幾間餐廳有素麵食，果日行開去康怡間Aeon，就決定喺果度食。好在我黎得算早，如果唔係應該有排等。佢呢個menu就咁岩係我想食既野，fit哂。既有素蕎麥麵，又有個迷你刺身丼。個soba上到黎，望落就唔算好多，但加埋個飯就都夠既。淥得唔會太林，有番蕎麥麵果重煙韌既口感。夾一駐冰涼既麵，浸一浸落個素麵汁度，簡單，但既消暑又滿足。蕎麥麵有咬口，一路𡁻一路食到果陣蕎麥既香味。三文魚飯既刺身都幾新鮮，份量如果更多就好。冰涼既素麵，加埋有鰹魚香既素麵汁，食下又一啖食下又一啖，一陣就俾我清哂。雖然價錢黎講就貴左d，因為始終蕎麥麵，素麵麵只係將麵淥熟，當然我唔知佢既麵係買番黎定餐廳自己整。餐廳坐得都算舒服，不過我食完個餐準備埋單果陣，出面已經企哂人喺度等位，lunchtime要黎食都係盡量早d黎好。

上次來到門口很多人，今次來到門口也是很多人。 每次取票等候入座，也要等上30個，究竟 是有什麼魅力令餐廳長期也是多人在等位呢?店內枱不多，有一邊枱是近廚房，幸好油煙不是太大可以接受。店員的服務態度有一兩個較好。燒鹽麴熟成五花腩定食五花腩不會過肥，一層瘦肉夾有少許肥肉，有油香，薄薄的一片易於咬開，肉質不會韌。味噌醬煮吉列熟成豬扒鍋想不到這個比五花腩好食得多， 味噌醬濃，不會過膩，豬扒肉質軟熟，脆漿不會厚。而白飯煙韌有口感。

經過一整個上午的忙碌行程，下午時段當然要「慰勞一下」自己，所以決定吃一頓豐盛的日式午餐作為對自己的獎勵。我在康怡廣場逛了個圈，想到已有一段時間沒有到大戶屋吃飯，便決定入內大吃一頓。店員很快便安排我入內就坐，他主動地遞上暖水一杯。我看了看餐牌，突然很想吃一些以鐵板燒烤的食品，於是點了一客味噌燒牛舌定食。今天的胃口很好，嗅到鄰桌傳來酸酸甜甜的氣味，便忍不住多點了一客黑醋豚肉野菜小吃。不一會兒，黑醋豚肉野菜小吃先上桌，嗅到黑醋甜酸的味道，頓時胃口大開，豚肉炸得香口酥脆，肉質不硬，咬下去亦吃到啖啖厚厚的肉感。份量適中，作為餐前小吃真不錯。過了不久，最期待的牛舌定食也上桌了。牛舌的肉質厚，配上帶點微辣的味噌醬，即時減低油膩感。定食還附有一碗味噌湯、蒸蛋及小前菜，份量十足。這頓豐盛的午飯令我十分滿足，頓時覺得充滿力量繼續工作。

Japanese Fried Pork Loin and vegetables with Black Vinegar Source Set 🤤😋.The vinegar really increase my appetite in this hot weather. . The pork loin is soft and juicy 😋.Please try some 😊