大戶屋

营业中

休息中

美食團5缺1，仍無阻我地食食食食食既決心應友人既介紹，今次未睇menu已經諗好要食牛舌同埋炸豬排牛舌餐加左$10淮山蓉飯都只係$138，牛舌雖然唔係為之驚人既美味，但配埋醬汁食都幾惹味，淮山蓉口感有d滑潺潺未必咁多人接受到，但個人黎覺得幾得意加埋豉油食就另一番風味添～友人表示上次用膳有較多牛舌，建議兩人唔好食同一個餐，以免有分薄之嫌🤣麵鼓湯都算多料🤤茶蒸碗個底都多料，蛋夠滑🤤炸豬扒麵豉醬煮定食🤤炸豬扒炸皮岩岩好豬扒又夠林，配埋個醬熱辣辣幾yummm，送飯一流呢度環境幾好坐得幾舒服，但提番有限制用膳時間:）

每次吃日本菜，都想到要來大户屋！我完全唔明白點解一個二人餐可以有咁多嘢食👍🏼👏🏽🤔，佢送個刺身過嚟嘅時候，我仲以為係隔離枱嘅。😂😂😂呢個餐真係好抵食，兩個人食真係食唔晒，佢有一個沙律，一個小菜，兩個主菜，一個主食，同埋一碟刺身，張枱都唔夠位擺。衰得過佢樣樣都好食嗰下衰，完全唔知放棄邊樣好，所以全部都隔硬食哂。其實都無咩彈，硬要講係啲魚生唔夠新鮮嘅，但我又覺得算係咁無乜好嘈。🙈🙈😂😂

同事提議嚟呢度食晚飯，佢話呢度係佢飯堂平時同佢啲細路都成日嚟呢度食。當日時間都唔早但人都一樣唔少。我哋四個人一人叫咗一個定食，本來仲想叫其他串燒之類嘅食物，但係當晚已經冇晒串燒，下次可能要早啲嚟先可以食到。佢哋百零蚊一份日式定食，有好多唔同款式啱大人又啱細路，分量夠晒飽，幾經濟實惠，而且質素幾好。我叫咗刺身定食，呢個價錢當然唔會expect好premium嘅嘢，但係都食得好開心起碼刺身係新鮮嘅。同事嘅牛肉定食亦都好好食。有機會會是中環嗰間比較方便。

想舒舒服服同朋友傾下偈， 又唔想食太貴。 揀咗係今朝陽嘅大戶屋。 銅鑼灣嘅大戶屋，係我覺得咁多間分店之中，覺得最好嘅， 侍應服務很有禮貌。 地方比較闊落，而且環境比較清靜， 地點又方便， 喺time square嚟嘅登龍街。大戶屋嘅日本定食大部分都係一百蚊多少少😁😁😁我們選擇了：熟成豬肉泡菜鍋定食🌶🌶豬肉爽口肉味香濃， 泡菜鍋香香辣辣， 配菜仲有蘿蔔、豆腐 、蒟蒻。黑醋真鱈魚野菜定食🐟🥕🍆🥔不同顏色嘅蔬菜很健康啊， 鱈魚魚質結實嫩滑， 酸酸甜甜十分開胃。其實呢度嘅甜品都唔錯㗎，不過因為今日實在吃太飽喇， 所以留返下次再試啦。

第一次食大戶屋最好佢係有BB櫈我哋推兩架BB車啲位都好寬躺夠位擺我哋帶咗兩個定食一個係五花腩另一個係牛脷五花腩好香口而且唔油膩牛脷好juice 嗰個汁好正可以突出個香味而且飯同烏冬個份量都好夠

次次去大戶屋我都叫銀鱈魚西京燒定食😂每次都想試下新嘢但每次最後都係揀返銀鱈魚...比起大戶屋其他定食，銀鱈魚嘅價錢貴d，要$158，如果要賺特別飯（例如海藻，魚仔....）就要加多$10。有三舊魚（如果大舊嘅就可能會得兩舊）：今次食，覺得個皮俾之前食冇咁脆，但個味道冇變，一樣有銀鱈魚嘅甘甜，同西京燒應有嘅醬油味。覺得醬油味比較淡，但更加凸顯到魚本身嘅甘甜味。魚嘅油脂非常足夠，好香，如果唔鍾意呢種油香嘅人可以配蘿蔔茸一齊食，減輕油膩感。但個人覺得d油分係成件事嘅精萃，冇咗d油會令個魚失色不少。蒸蛋無敵滑，入面有雞肉同菇，不夠份量好似俾已經細咗（我記得之前食個蒸蛋大份d，今次食兩啖就冇嗮咁）唔夠侯叫多個甜品食！綠茶雪糕嘅綠茶味好特出，一d都唔假，亦唔會一味得個甜字。杯下面有少少蛋糕仔，配合雪糕同上面其他toppings一齊食，非常滿足！唯獨個蕨餅我覺得可以切細舊d，一開二，變四舊，會容易d食。（純粹個人喜好）

星期日中午來食個定食，賣相精緻吸引，身為醬妹嘅我，當然要試有特製醬汁嘅定食啦！點了一個牛舌加飯的定食，牛舌有部分都軟熟，煎得都香，再加上醬，味道特別，甜中帶點薑味；有部分都有點過熟，頗靭的，咬到有少少攰。定食中既蛋，都好鮮甜呢😋蕎麥麵整得好爽，又夠凍，麵身偏硬的，之後放落醬汁入面，食落無得彈！豬扒都炸得鬆脆，女仔食都算剛剛好。價錢方面都不算便宜，但勝在乾淨，算正宗日式，擺放好仔細，都見有日本人來惠顧呢。

大戶屋，好耐之前都有光顧過尖沙咀分店，印象中食物環境都幾好🤔今日係銅鑼灣上完堂就入去食Lunch講下環境先👀地方都好闊落，枱與枱之間唔會有擠迫感坐得好舒服仲有張枱都幾大下，可以放2 Set 定食都仲有位剩🤣🤣✍🏻✍🏻熟成豬柳片生姜燒定食🐖🍚定食包括👉🏻小鉢、蒸蛋、麵豉湯同白飯小鉢只得幾粒椰菜粒😑蒸蛋都很滑溜豬柳片肥瘦均勻， 但生姜燒汁唔夠味，如果濃一點會惹味好多😌😌整體都不過不失😶

星期五晚去開銅鑼灣又想食日本野就同左一眾既朋友去左大户屋，原來以為要等好耐，最後好好彩地都係等左大約五分鐘就入得。餐廳日式以木為主既裝修，燈光充足，入互去特別有精神，食飯都開心啲個人覺得大户屋都係間既標準既日本餐廳，基本上一啲日本大路既選擇都有。咁啱食嗰日就係除左魚生飯之外又想食少少蕎麥麵，大户屋就滿足晒我既需求喇。佢地既餐都係基本配套樣樣足，湯、前菜同主食等等。雖然我既餐係魚生飯加蕎麥麵，但係兩樣主食既份量一啲都唔少，味道都有咁上下水準。正！

繼續放假，繼續約朋友食飯😁😁。 難得約到朋友來個 late lunch，佢又趕時間 要去跑馬地。 銅鑼灣要揀個舒服嘅地方lunch，又要近跑馬地，實在選擇不多。 最後揀咗金朝陽中心的大戶屋😍😍個人覺得甘多間大戶屋分店，銅鑼灣金朝陽呢間係最舒服， 環境闊落，服務又有禮貌。其實已經食過大戶屋無數次😍😍 豬肉🐷泡菜鍋定食 🍲香辣辣嘅泡菜配上肥瘦均勻嘅豬腩片， 仲有大量嘅蔬菜豆腐。黑醋真鱈魚🐟野菜定食🍆🥔🥕炸魚嘅脆粉厚薄適中， 非常香脆。 泡過油嘅茄子🍆紅蘿蔔🥕同埋薯仔🥔， 配上 黑醋汁非常惹味醒胃。環境服務食物都算不錯， 只是今次來比較 詫異嘅係 木製托盤有跳蝨😫😫 牆壁上面嘅木製裝飾同埋木板 亦都有跳蝨🙄🙄希望佢哋可以注意下滅蝨滅蟲呢方面嘅問題， 因為我真的很喜愛這間餐廳。

同朋友做完運動後又攰又肚餓，想搵一間坐得舒服又食得飽既餐廳食晚飯，朋友提意去大戶屋食，心諗有飯就得，所以就去啦。可能6點幾仲早，星期六唔洗點等位就有位了。晚餐定食選擇都唔少，有飯，有蕎麥面等等，餓底既我一定揀飯定食成個餐又有茶碗蒸、又有沙律又有湯仲有飯，飯又好多選擇，有五穀米、白飯，芝麻飯，淮山飯等等，種類好多可以揀如果揀白飯仲可以添飯總括來講味道唔錯，而且坐得舒服，如果好肚餓來食既話加飯真係好抵食！

大戶屋今日經過銅鑼灣，想食日本野，於是就去到銅鑼灣嘅大戶屋食晚餐。我就叫左一個吉列豬扒定食套餐。呢個餐有前菜、湯、蒸蛋、主菜。但就沒有嘢飲囉。個份量都幾大㗎好飽，價錢就百零蚊。個茶碗蒸，啲蛋都幾滑，入邊有冬菇和少少肉。個燉蛋真係做得好好呀，食晒之後仲想食第二碗。白飯好大碗，豬扒都幾熱架又好脆。味道都唔錯，都有肉汁，豬扒都大塊厚身。整體來講吉列豬扒都幾好食。環境方面，大戶屋坐得都比較舒服，可能因為我哋7點幾就去食啦。枱與枱之間都闊落，唔會有一種壓迫嘅感覺。環境寧靜，服務員態度都幾好。得閒嘅話大家都可以試吓架，有時可能好多人需要等位，咁就要早啲攞位啦。

大概一年前愛麗絲曾經黎過銅鑼灣大戶屋用膳，之後一食難忘，今日紅日難得同媽咪出黎行街，決定帶佢黎食好西～～下晝一點幾黎到，門口坐滿哂等位既人，心諗咁肚餓咪有排等。。。點知說時遲那時快，拎左飛大概3分鐘已經入得去lu其實揀黎依度食既其中一個原因，係因為依度夠哂寬敞又坐得舒服，環境又夠靜，岩哂媽咪依d老人家，可以靜靜地同佢傾下計同上次一樣，叫左個燒生薑醬油牛脷定食($115)配微辣味噌醬，有麫豉湯、蒸蛋、漬物、飯。原來係鐵板上架！熱辣辣出哂煙我都唔記得左第一次黎係咪啦～～牛脷細細舊都有8舊架～仲以為點完個微辣味噌醬會好咸，點知出乎意料又幾好味，不過唔洗點都好夠味。份量對女士黎講應該啱啱好，但男仔就一定唔夠啦。(不過佢可以免費添一次飯既)牛脷有幾舊可能唔夠肥？定可能鐵板關係燒耐左？都幾un，咬唔開要一啖食左佢。雖然我係第二次黎，都唔記得第一次有冇加飯，但店員又冇提醒我，我又唔見舖面有提示(可能係我overlook左啦)，依一點方面覺得可以做好少少！至於媽咪就叫左個滑蛋雞扒定食，味道就冇咩特別，但媽咪嫌佢太多汁又唔夠飯，搞到d飯好濕～～總括黎講其實係ok既～不過就冇左第一次黎食果種「好好食呀」既

昨天是Sogo Thankful week的第一天，我同兩個朋友已急不及待要去博殺，傾完一輪決定選避免太多人、坐得比較舒服既飯堂，大約7點45分到達，等了15分鐘左右就有位，由於之前食過好多次，食物比其他分店的入味，朋友比我光顧得還要多，想不到經理都認得她了😂好記性我們點了三個定食朋友點了汁燒豬排定食🐷，我地交換左黎試，個汁唔會太咸，加上轉了准山蓉飯，剛剛好豬排鬆軟易咬，不錯👍🏻我跟另一個朋友點了相同的，黑醋鱈魚定食，也轉了准山蓉飯，呢個汁係甜甜既醋，好開胃，還有蓮藕、矮瓜、紅蘿蔔、薯仔，我們每次都點這個，唯一美中不足是紅蘿蔔和薯仔都不夠淋，比較生，但整體好食

每次一想不到吃什麼，就會來「大戶屋」吃定食套餐。喜歡吃生的可以出壽司刺身，喜歡吃熟的又有海鮮、豬、牛、雞不同的選擇，適合不同口味的人。雖然定價不便宜，但勝在多選擇，又相對健康。如果想省一點錢，可以叫單點不叫套餐，依然會有大份肉👅這次選擇了新推出的雞扒定食，上面鋪滿了蔥🤤蔥油的香味加上烤得鮮嫩的雞肉簡直是完美的搭配。拌碟還有很多新鮮的沙律，覺得油膩時吃一口就不會覺得太膩。定食附送的飯、茶碗蒸和白飯質素也不錯。平常晚飯時間都會很多人，需要等位子，而且餐廳規定人齊入座，大家需要早一點拿位子😉