影片
以上资料只供参考，请与餐厅确认详情
相关文章
前日同朋友去咗大户屋试吓佢嘅牛舌定食同特选御膳，后来转咗迷你吞拿鱼蓉饭。讲真，牛舌真系唔够香，又好韧，食落有啲失望，觉得同预期差咗一截。吞拿鱼蓉饭更加系无乜味，鱼生类嘅食物整体麻麻地，无咩惊喜。反而特选御膳入面嘅熟食救番一城，天妇罗炸得香脆，五花腩肥瘦刚好，酱汁几夹，连鳗鱼都整得几唔错，够嫩滑，个酱都几好，算系整餐饭嘅亮点。环境同服务就普普通通，无咩特别好或唔好嘅地方，典型嘅日式连锁餐厅feel，干净企理就够。整体嚟讲，如果想食鱼生或者牛舌，呢度可能唔系最好嘅选择。但如果钟意和食嘅熟食，例如天妇罗同烧物，特选御膳都值得一试。下次再嚟，我应该会跳过鱼生同牛舌，直接叫和食类嘅嘢，应该会稳阵啲。总括一句，熟食OK，鱼生同牛舌就唔使抱太大期望啦。
继续阅读
太古呢间大户屋已经好多年，一到夜晚六点已经要开始等位，通常起码要等45分钟，就知呢间嘢有几多人食。其实咁多年来，佢啲Menu都冇乜点变，系有时会有啲新菜式但唔多，我就一向叫开五花腩嚟食，今次就试吓酱油熟成五花腩拼烧牛扒。五花腩一如以往都系咁腍，肥膏虽然多，但五花腩又唔肥唔好食嘅。烧牛扒就餐好，虽然冇烧到熟晒，但就有啲干，牛味亦都唔重。呢度最正系可以加多一碗饭，咁就一定够晒饱，另外佢嘅前菜同汤就正正常常。
继续阅读
我过黎食饭好似系我服务你哋，好受气，落单果阵有唔明白地方，好似好唔想答甘。结帐果阵时问一下女经理，为什么用咗积分仲要收服务费，佢答我：系要服务费啦得唔得。之后........，我得知有得免费添一碗饭，但碗饭黎到系冻既，问一下啲 店员点解碗饭系冻嘅， 佢哋答我仲犀利，净低得两碗饭， 我即是无语.........................总之成个用餐体验真系好差，真心冇下次🥲🥲🥲🥲🥲🥲🥲
继续阅读
虽然系外卖 但明显可见小曱甴已经系酸菜捞左一段时间佢个size 仲要同黑芝麻相约 差啲食埋佢哋中午同晚市都好多人好多外卖 本身都等得比较耐 无谂过酸菜加左料 好睇睇到啲脚同触须🤮大家食之前都要睇清楚系黑芝麻定有脚嘅生物
继续阅读
虽然由喺香港开到依家个menu 已经变咗好多 （啲大胃王友人以前最钟意佢哋个免费添饭😂），但嚟到大户屋佢哋嘅料理始终系有种温暖嘅自家制感觉，系一间性价比高嘅日式家庭料理~太古呢间系长期长龙店，晚市通常都要等，所以今次索性下昼嚟食咁就唔洗等咁耐啦~今次嚟到我依然系拣选我最爱嘅吉列熟成猪扒玉子锅 （长情啰，咩呀😎）香脆嘅吉列猪扒外层薄又香脆嘅吉列炸衣包裹松化而厚身嘅猪扒，肉味浓郁唔油腻。而最正系加埋个玉子锅，香滑嘅蛋液混合鲜味中带甜嘅汁用嚟伴饭简直系一流，一次满足几种唔同嘅口感同味道系一个升华版嘅他人丼然后仲有友人最大力推荐嘅五花腩 🐖我哋拣咗特选增量熟成，分别有烧酱油同埋盐曲熟成两款口味嘅五花腩~ （个人觉得盐曲熟成更加出色）经过烤炉高温烧过嘅五花腩有微微焦香，一方面迫咗啲油脂出嚟同时锁住肉汁，所以食落感觉唔肥肉质紧实而且肉汁丰盈；盐曲嘅酵素可以自然咁分解食物，从而带出甜味同鲜味，加上盐曲有天然松肉的效果，所以啲肉质系自然地更加软嫩易入口。（又系另一个白饭杀手呀！——）屋企人要咗最稳阵嘅银鳕鱼西京烧，最经典嘅菜式。鱼身雪白油脂丰厚，食落系够嫩，带少少入口即化嘅感觉，但个败笔系但今次个调味一味得个咸字，无咗应该有嘅甘甜味，就算我加埋巨量嘅萝卜都系于事无补。浪费咗条银鳕鱼啰...鳗鱼盒子饭（全条）鳗鱼都几肥美，而且份量足，不过今次个鳗鱼系唔够调味，狂加咗山椒粉都系无乜作用。就，又系个调味浪费咗个食材，哎~整体都系猪料理大胜🐖🐽比较贵嘅鱼料理，今次嘅故事教训就系，贵嘅嘢食又未必系啱口味，有时候「地味」先系个皇道。
继续阅读