大手燒 (已結業)

馬鞍山區內新開嘅小食外賣店，喺市中心位置， 1+日式風情嘅小店，售賣各類燒烤、漢堡、以及非常特別嘅大手燒食物。今次試吓外賣呢度嘅特別推薦漢堡，就係博多明太子蝦堡。店員介紹呢個特色蝦堡，係由三隻剝殼大蝦現場炸的呢！店員又好好將蝦頭炸埋俾我哋食，所以入邊嘅美味香濃蝦糕，我哋都食到。估唔到係一個很好嘅小食呢。漢堡包入邊當然有厚切蕃茄、芝士，以及明太子醬，整個漢堡包非常好食，因為係新鮮現場即叫即做，味道特別好。

今日行經新店，諗住試下，買了3款小食外賣$55，原本都覺得價錢合理，點知返到屋企打開，覺得價格與食物不符，平均一款小食$18，第一款該店寫推介的炸蟹蚶，竟然得一隻，質素竟然係超市雪櫃果d,街邊九蚊2隻果d, 第二款係牛肉可樂餅，完全無味，得薯蓉，其實d碎牛都唔值錢，竟然得小小在邊，完全食唔到有牛，第三款，咩炸蚝，又係得幾粒，好細粒，得炸粉。食完之後，覺得差過街市小食店質素，加埋最多值$20，但份量一定多過佢。失望之店

今日去馬鞍山睇戲，經過呢家好有日本feel嘅小食店「大手燒」，就入去試下。鋪面得少量位置，做外賣多。一坐底，Staff就將部流動冷氣機轉向我地，幾細心，服務唔錯。我地點左軟殼蟹牛油果漢堡🥑同糯米釀手羽。軟殼蟹牛油果漢堡，味道唔錯。炸軟殼蟹無比D醬整到淋哂，似係即叫即炸，牛油果醬幾fresh，配埋蕃茄同菜，幾開胃。糯米釀手羽就不過不失啦，雞翼幾入味，但肉就唔夠滑，有少少韌。我覺得糯米飯可以多少少，咁望落就會飽滿D。

疫情下無得去旅行唯有留係香港捐窿捐罅食好西。咁啱星期日經過馬鞍山就search 下有咩好食喇，第一眼就俾佢個牛油果軟殼蟹burger 吸引😍決定食佢。成間鋪頭有4-5個位，都唔預係坐得耐既所以都無咩所謂。我同朋友2個人就唔算好肚餓，share咗一個牛油果軟殼蟹burger 再加多隻糯米釀雞翼都夠飽。牛油果軟殼蟹burger 係好值得食，店主完全唔吝嗇啲醬，軟殼蟹亦都炸到好脆，性價比都算高。而糯米釀雞翼，味道正常，但覺得有少少貴，$20 一隻。總括而言，小店都係值得支持既。

🦀🦐早排家人買咗大手燒回家， 得知馬鞍山開咗特色小食店。 作為馬鞍山人， 專程去試食👍新開店舖門面光鮮， 唔係傳統式小食店。 店內乾淨企理。希望店主可以一直保持。 店主態度殷勤主動安排座位。 店內整體感覺舒服， 有播日本流行音樂「炭治郎之歌」😂👍 因店舖細， 做開放式廚房， 我坐吧枱對住佢哋做嘢， 建議出品員工可以簡單打招呼， 或點下頭笑吓，氣氛會啲。 試過佢嘅大手燒， 今晚食便當做晚餐。 蕃茄紅酒牛肋骨便當 $50 🍱 晚餐性價比算高。 牛肋骨夠林夠入味， 但我最欣賞嘅， 係佢嘅櫻花蝦飯團🍙 夠香夠蝦味， 建議店主可以推介吓。 係哩條街開店有難道， 平日人流少， 主要做假日生意。 店主唔做早餐又唔做宵夜，店舖座位得五個左右， 銷售額好難追。 喺呢度租金我諗都要5-6萬， 加上員工需要4個，要堅持係有難道。 建議店主看重外賣上門， 唔好單靠外賣公司，喺平日可以提升銷售額。 加油💪🏻希望馬鞍山人改變消費模式， 多謝支持小店， 令更多小店可以服務馬鞍山人🙏

疫情冇得去日本旅行， 唯有試下新食物－－大手燒。馬鞍山最近新開咗一間大手燒專門店，未試過， 好得意的小食。位於馬鞍山五期， 店舖位置有些偏， 新港城居民就易搵。店舖新裝修， 日本風格， 清潔乾淨。店主用特製機器，加入海鮮及粉漿後壓製約3分鐘完成。原隻海鮮經燒烘加壓後製成仙貝，充份鎖緊食物鮮味，鮮味濃郁，口感酥脆！ 點左細size 明蝦大手燒，店員將雞蛋、麵粉及木薯粉等材料混成的粉漿，連埋原隻蝦壓成餅狀，鮮味十足，以為只可即食， 原來用膠袋封住， 仲可保存大手燒幾天， 取回家慢慢品嚐， 不失為送酒好小食。店主推介櫻花蝦， 芝士明蝦， 焦糖紫薯大手燒， 仲有其他多款口味， 下次要買多幾款回家作小食。 另外店舖有軟殼蟹牛油果漢堡， 都值得一試，軟殼蟹大隻又多膏，配上紫洋蔥、大肉茄、生菜及秘製牛油果醬，好正！店舖有些偏， 位於5期地下《 要由4期商場橋， 行去5期， 在匯豐銀行及towngas 店之電梯樓下》。如開在商場2樓， 一定排長龍。店舖員工有禮， 食物新鮮， 大手燒食物特別， 大家一定要試下， 快d幫襯。

發現馬鞍山開左間新小食店，就決定試下！因為疫情未完，所以都係買外賣返屋企食😆包裝得幾好呀！好開餐，未食主食先想試個大手燒，第一次食呢種餅～～～好脆好有鮮蝦味！$15一塊唔貴呀！佢好似係有個機專門整架！咁fresh的蝦餅第一次食！主食叫左一個burger 2個便當勁開心好豐富咁呀！！同埋有埋水果，好健康！！！鰻魚便當紅酒會牛尾！我弟弟就叫左個牛油果軟殼蟹burger! 好足料呀！睇下！！！係好味geh!!

知道馬鞍山開咗間新嘅日本食店，主打係大手燒，其實喺電視旅遊節目亦都見過介紹過，但就冇喺日本食喎，今喺香港有機會試就第一時間同家人去試啦，大手燒佢哋有唔同嘅口味，我哋點咗軟殼蟹、明蝦芝士、同埋櫻花蝦，三個口味都唔錯，呢一類型嘅燒餅有少少似以前細個食嘅蟹片咁樣，都係好脆好易入口，會令人食到停唔到口。因為係食飯時間嘅關係，我哋亦都叫咗兩個便當，蒲燒鰻魚同埋紅酒蕃茄牛肋條，兩款味道都唔錯，牛肉好淋，鰻魚亦都惹味，兩個便當都有唔同嘅配菜同飯團，份量十足。另外我哋亦都叫咗幾款炸物，有百花釀蟹鉗，牛肉可樂餅、日式帶子、同埋炸芝士餅，點埋佢哋特製嘅沙律醬，真係超好味，百花釀蟹鉗有五星級酒店水準，可樂牛肉餅未試過，但原來個味道好夾，又係食到停唔到口，而且佢哋嘅抹茶豆腐布甸同埋伯爵奶茶都好有特色，而且亦都好啱香港人口味，唔會太甜，今日好滿足。

我知道馬鞍山新開了一間食店，今日決定外賣自取，回家慢慢享用，店內可堂食，大手燒牆好吸睛。芝士蟹肉餅 $15 外層炸得非常香脆，饀料滿滿，一咬流心流出，夠芝味牛肉可樂餅，一口牛，蟹鉗 $55 set 有齊3款，牛肉可樂餅有香滑薯茸、鮮味牛肉；一口牛肉嫩滑；蟹鉗肉夠彈牙一口兒童便當 $50 饅魚汁飯糰有櫻花蝦香，秋葵玉子香甜，一口牛嫩滑，大豆芽爽脆，配上3色提子，抵食牛油果多士$35 牛油果粒、配蕃茄同香甜洋蔥粒，口感豐富有營養抹茶多士 $15抹茶漿少少甘苦中帶甜，唔錯明蝦芝士 大手燒 $45好大片，大過我個面，鹹香又香脆，正焦糖紫薯 細大手燒 $25甜味大手燒，香脆香甜抹茶豆腐布甸 $20 抹茶味較突出，質地幼滑，紅豆茸甜蜜點綴

今日嚟咗大手燒到食D特色小食，呢度係馬鞍山新開嘅小店，我鍾意佢從內到外都有著一份人情味，同店主傾左陣計，發現一點一滴都好用心去經營，佢哋店內有貼咗不同既名信片，上面寫著鼓勵既句語，全部都係馬鞍山區內唔同嘅地方和景色。.食物方面佢哋有唔同嘅燒餅，小食，便當，特色飲品。今日嘅天氣不錯太陽光曬落嚟感覺好正。一路品嚐美食，一路飲住涷嘢。👍🏻.最後不得不提佢哋嘅客人係有唔同嘅範疇，有外國人，有小朋友，有家庭煮婦，有年青人，佢哋黎到店主都好熱情的招呼他們，最鍾意支持小店既我，不得不介紹這家。推介三平小食一口牛/ 蟹鉗/ 牛肉可樂餅香茅桂圓青檸

老闆娘超級好人第一次幫襯就會額外送咗一啲嘢食，態度好Nice上餐速度好快價錢一般。我哋嗌左一個炸天婦羅、可樂餅、炸帶子。喺度諗呢間野值得推介平時行過可以幫襯下，新店請多多支持。炸天婦羅細細舊加埋沙律醬幾好味，可樂餅入邊有薯蓉同埋一啲蒜蓉粒，炸帶子加啲沙律醬一啖食都幾滿足。最咪喺餐蛋上面見到有杯嘢飲叫做抗疫湯水，未試，但下次或者可以試吓。

上星期六去馬鞍人踩單車，無意中發現有間舖有隻巨蟹，好奇之下買左一塊有隻壓扁左軟殼蟹係上面嘅餅，而目測之下，塊餅同隻蟹好似得1MM薄。其實，呢種餅我係日本食過，不過，只係食過鱆魚，果時，鱆魚有D韌，今次食就有驚喜，蟹味好出，而且，蟹羔味幾香，塊餅大過塊面，我地一家人食都幾得意。見個餅幾好味咪試埋個蟹鉗，結果，我ENCORE買多幾件，估唔到小食店可以整到酒樓級的百花蟹鉗。佢地新開張，仲送左張POSTCARD畀我個女，佢梗係開心，因為以前我地去馬鞍山都會去心型石，宜家已經消失左，呢張POSTCARD代表住我地一家小小回憶。我地有單車，所以都係泊係舖出面，果度空間好足，企係外面，我同個女會一路食一路估佢個師傳做梗咩海鮮，有時係蠔味，有時係蝦味，有時係墨魚味，有時，又有咖哩味、芝士味、蔥味，真係隔住口罩都聞到。