大排檔小炒 (金豐商業大廈) (已結業)

朋友生日，book左星期五晚上8點，未夠8點就報到，報上電話後卻被門口肥男人用極差語氣話: 「打左幾廿次電話俾你都冇人聽，留埋言俾你啦，完全冇人聽電話，出門口等下先啦你!」第一: 佢話打左幾廿次俾我，但check返記錄佢只係打左一次! 香港地宜家唔使做呀? office hour聽唔到電話有幾出奇呀?仲話7點幾有打多次俾我但唔通喎...你都識講唔通啦大佬...唔係我唔聽丫!第二: 我係準時到架喎! 你話我遲到你交左枱俾人我都同你嘈就話姐~ 語氣使唔使咁L差呀?! 冇聽你電話好似殺左你老豆咁😒原本想搵第2間，但臨時都唔知搵邊間好，企左陣佢就叫我地入座，入到去仲要講話:「就係呢個姐姐打俾你架喇」，我心諗咁點? 係咪要我道歉? 都痴痴地~😒但好神奇地坐低之後個肥男人d態度又正常返，有講有笑好似精神分裂咁🙄講返食物，我地3個人叫左4個餸，2個白飯，2罐可樂，埋單$683，整體味道同份量都係水準之上，又真係吹佢唔漲...原本想blacklist佢都落唔到手~

朋友提議到這間小炒晚餐，晚市時段很快滿座，我們共叫了四碟餸，豉汁蒸鱔，鱔很新鮮入味，蓮藕百合小炒，炒得爽脆，孜然牛仔骨，配薯角很惹味，脆炸小棠菜，香口美味，每碟餸菜很出色，怪不得只能用膳90分鐘。

上網話e 間要book 先有得食。幸好個晚得2個人， walk in 都比。叫左4 樣野椒鹽脆鮮魷： 好食，彈牙唔韌黃金單骨雞翼： 蛋黃粒包著雞翼， 雞翼唔大隻金牌煲仔飯： 原本想叫炒飯， 見人地隔離台叫， 我哋又叫。 係好食， 料足， 飯粒分明 又香口。 值得叫。鐵板乾鍋爆腩片：有D辣。 一般般。野食係好。 但服務一般。 我印象 D 職員 好似好快叫人埋單先。

雖然銅鑼灣餐廳選擇多，但我每星期都會來一次，原因好簡單：食物質素高，午餐價錢抵食，服務環境亦不錯。餐廳每日提供不同午餐，就算連續幾日食都不會厭啊！午餐只是幾十蚊一客，份量非常足夠仲包括例湯及餐飲，而且水準好高似酒樓級素，亦不設加一服務費，非常抵食。《蜜薯牛柳粒》牛柳粒肉質好嫩有微微的黑椒和蜜糖香味，而薯粒是炸過食落特別香脆，仲有紅椒青椒做配菜，非常可口野味。

嘢食水準冇問題，但係如果你想俾人當過街老鼠同埋係趕講你走，趕時間，趕收工，黑口黑面吹你走，就可以去照食，昨天洗咗$1600唔會有下次，舖頭收10:00pm , 早15分鐘，問你走唔走，點菜前同吹你走兩個樣，反轉豬肚就係屎

呢間分店真係不知所謂，個招牌咕嚕肉勁細粒又唔好食，衰過兩餸飯咕嚕咕肉，超趕時間，45分鐘趕你走，又唔理人d野未食完就係咁趕你走，總之差差差～～～未試過俾1000蚊嘢食到生吞咁。

純粹係見到個招牌就想來試下，位係唔多，第一次佢話冇枱，咁就算，第二次walkin 咁岩有2張吉枱。叫左3個餸:豉椒爆生腸：菜多生腸少，估唔到入面有d麻子，食到頭皮發麻。豆腐魚頭湯：湯係奶白色，魚頭冇咩肉，有d菇同白菜，幾清新下。臘味炒芥蘭：唔知用咩臘腸，好咸，份量較少叫左4支啤酒，買三送一，用戰鬥碗飲，同某間出名既大排檔菜館一樣。埋單$478。總括來講都好食，但如果又要book又要限時90分鐘食（門口個牌咁寫，唔知真唔真），咁我情願walk in 食其他餐館

分6:00pm及8:00pm兩輪，Book了8:00pm，早咗到俾我哋早啲入去坐，坐低睇完想食咩，想落order，個男人話俾我哋早啲入嚟，但佢未執完上一轉嘅枱，唔幫我哋落單住喎⋯⋯之後食嘢食到一半，又叫我媽坐埋啲，阻住佢行喎⋯⋯態度好差。另一邊係幾個女仔，佢又唔叫佢坐埋啲⋯⋯食飽啦，傾咗一陣偈，9:35pm有個短髮女人過來，帶住口罩都見到佢西住面走埋嚟話收工㗎啦，好似話我哋阻住佢執枱咁。但其實仲有4-5枱都未食完，只係我地食完就唔可以傾偈咁囉。叫咗:1. 酸菜魚 (好食，酸辣適中)2. 黃金蝦 (好食，份量少啲)3. 芥末沙拉骨 (好食，份量多)4. 蒜蓉芥蘭 (正常)5. 欖菜肉鬆四季豆 (正常)6. 尖椒炒大腸 (最差呢樣，好鹹)兩枝啤酒3個人埋單$980總括食物係ok，不過俾錢受氣就幾好食都不會有下次，好食過佢嘅大把。

突然好掛住大排檔，聽過朋友話呢一間好食，六點幾就入咗去，好彩仲啱啱好有位😌呢個大排檔屬於比較新潮，冇傳統大排檔咁嘈，但啲位都唔算特別闊落～小菜款式多，仲有好多招牌菜😗首先會嚟咗一個前菜 ($5)，係雲耳青瓜，調味唔錯，有少少花椒同麻油味～本身想食風沙雞但已經賣晒，所以叫咗客家蔥油雞半隻 ($168)，份量唔少，啲雞都好滑，蔥油非常香，但略鹹，真係要送飯先得😂另外叫咗XO醬西蘭花豬爽肉 ($108)，炒得非常惹味，豬爽肉切成一條條，好易入口😌仲有一個招牌菜，鐵板薑蔥爆魚卜 ($138)😋魚卜完全冇腥味，口感好煙韌，但調味上真係比較鹹，食完有啲口乾🙈整體嚟講食物質素都OK，但調味比較重手，連平時好少食白飯嘅我哋都叫咗碗白飯 ($12) share食🤣

大排檔小炒除保留昔日大排檔風味特色同夠鑊氣外，更嚴選新鮮上等食材配搭。除咗灣仔天樂里店，附近銅鑼灣都有多間分店，當日友人去到銅鑼灣店員告知冇位不過灣仔有。即刻狗衝果去～拔絲咕嚕肉選用新鮮梅頭肉，即叫即造確保外皮口感香脆入面肉質軟，酸酸甜甜大人細路都咁鍾意。每次必點之選黃金蝦原隻大蝦裹滿邪惡既黃金戰衣，濃郁既鹹蛋黃香又惹味，蝦肉爽口彈牙但係原隻連殼上引發究竟吞唔吞食啲殼既疑惑，友人堅持話蟹殼素減肥大法係一定要食晒 😂。椒鹽鮮魷又係大排檔永恆之選。呢度做到炸粉夠薄兼且唔油膩，金黃色既鮮魷口感爽口，好食糯米飯口感煙韌，香氣十足，不過略嫌食落有啲油同埋唔夠乾身。當然，最重要係同一眾好友一齊戰鬥到底～啤一啤又係一個好開始～

朋友約食飯，介紹話去食呢間餐廳，本身想訂7點半，但冇位，淨係訂到8點，其實本身就未聽過呢間野，都好出奇點解會揀中菜食，上網睇原來灣仔同銅鑼灣都有一間，去完之後終於明白而且愛上了。見到個餐牌已經好多野好吸引，好多野都想嗌，但無奈我哋得3個人，嗌唔到幾多餸，最後就揀左蜜汁薯仔牛肉柳粒，炸蝦球，蒜蓉豆苗同水煮魚，真係樣樣都好味，唯獨係水煮魚因為朋友唔食得好辣，淨係嗌左小辣，所以試唔到佢辣既話會有幾辣。絕對會encore，要去試埋咕嚕肉，大腸，生腸，焗魚腸。。。。

<大排檔小炒> 📍銅鑼灣🔸招牌拔絲咕嚕肉🔸嗌餸食飯性價比極高無諗過銅鑼灣呢啲繁華地段有搵到間性價比極高餐廳 🤩 小炒穫氣足、食物質素高、價錢貼地、性價比極高！🔝🔝🔝拔絲咕嚕肉 ($108) — 出色嘅咕嚕肉。甜酸醬個比例調校得恰到好處，唔會過甜或過酸，而且醬汁岩岩好包住炸到卜卜脆嘅咕嚕肉。外脆內軟嘅咕嚕肉，豬肉無腥味，而且肉質鬆軟！🥴 (Must have item)蜜薯牛柳粒 ($128) — 欣賞佢同咕嚕肉嘅效果一樣，乾身掛汁而無一灘肥淋淋醬係底。薯仔略賺比較乾身，但縱觀而言穫氣夠！薯粒夠香口、牛肉唔韌，不失為一碟好菜！ 🥴 金牌臘味煲仔飯 ($268) — 煲仔飯困住臘肉嘅油脂，一打開個煲蓋就臘香撲面而來 （圖文相乎）😶‍🌫️😶‍🌫️😶‍🌫️ 除左臘肉味香氣蜂擁而至之外，食落仲感受到油脂包住每一粒米飯，將米飯甜味昇華去另一個層次 🤤。(Must have item)鐵版乾鍋爆生腸 ($128) — 生腸其實反出黎處理可以令食感更加爽口 🥴 睇出呢間餐廳個「除晃」有啲料到，因為唔係間間都識咁處理 👨🏻‍🍳👩🏻‍🍳🧑🏻‍🍳 講多小小，反腸會爽口啲嘅原理係將個輸卵管壁嘅平滑肌

豉汁蒸白鱔 - $178今次同枱朋友都食白鱔真係好開心！因為可以叫呢個白鱔厚薄適中魚肉爽口彈牙調味唔算好鹹加上少少蔥同辣椒可以增加味蕾嘅刺激馬拉盞炒通菜 - $88通菜炒到好淋好入味但我好鍾意鐵板乾鍋爆生腸 - $118平時好少食生腸呢樣嘢不過朋友想食又不妨試吓感覺都唔錯唔臭不過未去到爽口嘅口感但整體好有鑊氣啲配菜用嚟送飯都好好味腰果芥末沙拉蝦球 - $128呢個個樣有少少失望因為無諗過上嚟係咁嘅樣蝦球都爽口但唔係好有鮮味芥末味好強勁不過如果個賣相好少少就可以加分啦😳青島啤酒 - $18絲苗白飯 - $12食小炒點都要叫返支啤酒啤啤佢🍻

We ordered two foods at the beginning, however, the portion looks not that big, we tried to order one more vegetable.But the staff rejected because we need to eat fast.It was ridiculous because we still had 50mins to finish the meal.And they were keep reminding us to finis fast.Taste was good but portion was small and service was very bad.

一入門口，個男人態度好差，又話full booking, 一個鐘一定要交枱。如果食煲仔飯就食唔切咁🫤根本就係想做多轉枱，真係無下次！食物只係ok, 但未至於會有咁多讚！ 又咁趕客，（重複又重複）真係無下次！白鱔煲仔飯 $188（細）煲仔飯，有飯焦。但係粒粒飯都滿晒油 食落好濕。薑蔥爆魚卜薑蔥魚雲煲腐乳炒通菜見到枱枱都叫，味道係好食嘅。