大排檔小炒 (華發大廈)

营业中

休息中

今晚又係小聚會 平時會叫炸雞 不過想轉左其他口味 就係李家隔離有間小炒 朋友所推介呢到 今次第二次食 第一次叫左 炸豬手 覺得麻麻地 今次再encore 既係拔絲咕嚕肉！ 今次叫左4 個送 其實仲想試吓生腸雞煲 不過佢啲朋友唔食得辣同埋唔食內臟 所以都係有機會再試 小炒王 8/10入邊有啲嘢炸到好脆 以為就係腩片😂 我想講呢間野係好興炸嘢😂😂 仲有啲炸魷魚鬚 不過好細 主要都係菜炒菜 不過有個朋友話呢個最好食！ 我覺得都唔錯！ 野味 如果辣少少就🤣 拔絲咕嚕肉 9/10 佢每個外賣盒都展開左嗰個梳下氣 所以冇淋到 鐵板爆炒腩片 7/10入邊有蓮藕豬腩片 豬腩片份量都多 不過味道好濃 未必個個啱食我覺得還可以接受呢個大家斟酌下 豉油雞 （全隻）6.5/10夠入味！ 皮好飽滿 不過肉唔太多 同埋可以再亂小小 呢個價錢覺得差小小

有限時八點前要交枱，睇完餐牌叫餸，叫乜無乜，又要由頭唸過🔥。六點幾落晒單，一個鐘後仲有野未嚟，同侍應反映左一次🔥，再過20分鐘，再反映一次，交枱前半個鐘先話個餸要等半個鐘，🔥下？？？問佢如果等埋，係咪可以食完先交枱，佢話「唔得」⋯⋯🔥埋單個收銀仲話：今晚好多外賣，所有有漏單！🔥🔥🔥咁不如貴公司咪鬼做堂食要啲客受氣受罪，以後長做外賣啦！🔥🔥🔥講句公道說話，啲食物真係好食嘅，但係咁嘅服務態度，真係太離譜喇～🔥🔥🔥1)已經叫乜無乜 2)仲有漏單唔跟3)服務態度差4)室內空氣質素差5)食到一肚氣，嬲到震🔥🔥🔥

係港島有時都想食下啲地道大排檔 黎到大排檔小炒試下先💛 拔絲咕嚕肉($98)見呢個係招牌菜都試下 比較特別係佢真係做到焦糖效果 啲皮+汁會黐住啲牙既感覺 新鮮炸起炸得夠香脆 好好撈飯✨甜甜酸酸個汁都ok既😆椒鹽惹味粟米🌽($78)真係夠曬惹味 好多炸蒜少少辣椒葱一齊炒🙌🏻粟米炒得幾乾身幾香口👍🏻第一次食覺得新奇有趣🙈不過加埋可能只得一碌粟米到 買開餸知價既感覺唔太抵😂瑤柱蛋白炒飯($98)分量十足 2個人食勁飽🙈味道so far so good講句公道說話 係灣仔銅鑼灣黎講咁既價錢食到咁既質素 坐得舒服乾淨企理 算係不錯啦💛為食指數: 3.1/5性價比指數: 3.1/5推介指數:3.1/5

星期五同朋友兩個一早已經諗住夜晚嚟呢度食飯，因為我同朋友都想食大排檔小菜，我哋好難先喺附近搵到一間黃店係食大排檔小菜，本來諗住慢慢食，但因為趕時間返學所以就拿拿臨食完就走。我哋叫咗一個小炒王，一個豉椒炒大硯。兩碟餸都幾好食，特別係小炒王，好大碟，同埋好香口，小炒王入邊有啲炸魷魚超級脆，好好味。個豉椒炒大硯都唔錯，有好多隻，都入味，$98嚟講幾抵食。可惜唔夠時間食其他嘢，下次有時間會再嚟試其他嘢食。整體來講都唔錯。

有朋友生日話想食大排檔哩間大排檔限時…唔記得係咪90分鐘三條友避風塘粟米以為穩陣…點知麻麻地油鹽大蜆蜆就夠大隻，咸味只係來自湯底，除此之外只有失望拔絲咕嚕肉蛋白炒飯小炒皇炒菜心六舊水埋單頭兩樣係令人失望，幸好其他都食得我哋三個很開心🥳下次係另一間分店會想試埋胡椒蝦煲同水煮魚

一早book左20:00，我同屋企人1930去到，話未有枱，咁我地都好明白，就係附近等下，點知過哂鐘都冇枱，d staff仲態度超差，真係不可一不可再！完全唔值得去光顧！

想食大排檔，但又唔想坐室外🙈想坐室內舒服啲，有冷氣嘆？！😳推介你嚟位於銅鑼灣嘅呢間——大排檔小炒 啦！☺️呢度大排檔菜式好多，樣樣都想試，真係滿足晒我又想嘆冷氣又想食大排檔小炒嘅風味呀👍🏻·—·😋我哋點左3個菜式：｜椒鹽惹味粟米🌽真係名副其實超級惹味嘅一碟，炸蒜舖得滿滿🧄椒鹽味十足，粟米切成一嚿嚿🔪而唔係一粒粒，惹味爽口，好有原汁原味嘅感覺👍🏻·｜脆炸BB鴿🐦熱辣辣嘅脆炸BB鴿，炸得皮薄香脆，肉質鮮嫩香濃，旁邊仲有少許芝士脆粒作為點綴🧀味道好夾🤤·｜砂鍋爆胡椒蟹🦀鍾意食蟹嘅我，見到呢度胡椒蟹即刻一試😍一上枱已經聞到香噴噴嘅胡椒味，熱辣辣嘅蟹肉混雜胡椒嘅香味，辣辣地好好食😋蟹蓋上面仲有唔少嘅蟹膏❤️蟹都相對大隻喔，算係多肉地😳分量亦算多，食完真係好滿足👍🏻·—·

大排檔小炒（駱克道）@daipaidongfried📍：銅鑼灣駱克道405-419號華發大廈地下A號舖🚗：銅鑼灣地鐵C出口 步行5分鐘📞：+852 2336-6664💲：~HKD200/head for dinnerFood quality✔️：蒜子火腩白鱔煲、避風塘炒肉蟹👌🏼：芥末沙拉骨、椒鹽九肚魚、乾燒蝦油粉絲煲總結：👍🏼👍🏼👍🏼呢間係我心目中第一黃店大排檔 某個程度佢仲好食過某啲出名深藍店👍🏼好食 價錢相宜 份量偏多 環境衛生都好多一般大排檔 真係冇得輸👍🏼叫咗啲唔係招牌嘅嘢都冇樣伏 全部都好食😋👍🏼食大排檔最重要係食風味同鑊氣 佢都有 但唔係話好正嗰種 不過要正應該要搭返時光機返去八九十年代先得👍🏼有得訂位 呢樣又係冇得輸🕣👍🏼佢啲嘢唔係話好重口味 所以好啱女仔或者偏淡口味嘅人 👍🏼食過幾次 無論食物質素 員工態度 價錢份量都好穩定 絕對值得特登過嚟食😜👎🏼留意返 佢喺銅鑼灣係有兩間分店 記得唔好去錯

酸菜魚 $228揀左小小辣都好惹味 配菜有雲耳芽菜 豆卜索哂汁無得頂魚肉片偏厚實 -豉油雞(半隻) $168雞肉嫩滑幾入味 唔錯-拔絲咕嚕肉 $98招牌菜 炸到外脆內軟而炸粉唔厚 酸酸甜甜幾開胃又好味可惜唔係好覺有拔絲既效果 少少失色如果咕嚕肉黎講叫做好味嫁啦-腰果芥末沙拉蝦球 $128呢個值得推介 蝦球大粒啖啖肉炸完之後配上少少辣既芥末醬同沙拉醬 好match好好味!-啫啫蝦乾時菜(通菜)煲 $98豆豉鯪魚油麥菜 $90正正常常-整體覺得鑊氣夠 有大排檔既味道 水準中上如果想歎住冷氣食大排檔又有好啲既服務 呢到係唔錯既選擇!

今日同朋友經開銅鑼灣就順便黎呢間大排檔試一試佢😍😍😍今日去我地就唔需要等位可以即入，坐低睇一睇個餐飯都好多舊式大排檔有嘅食物佢哋都有，本身想試佢地個花蟹蒸糯米飯，佢個度寫市價，我再問一問員工幾錢，佢答我$6xx，我地都覺得幾貴所以就無叫到黎食🙈🙈就係叫左啲普通大排檔野黎試下有無大排檔嘅風味😂送的前菜椒鹽脆鮮魷$118-魷魚食落好林身，好好咬口，粉唔會好厚，但食落無椒鹽味，就係普通炸魷魚😂拔絲咕嚕肉$98-味道ok嘅，但啲肉就麻麻，食得出唔係梅頭肉，粉有啲厚，炸到好硬，就咁睇相都覺得硬😂豆豉鯪魚油麥菜$90-呢個係最好食，有少少鑊氣嘅味道👍🏻

我love 呢個restaurant! 常常好吃！ 老板喺元気、親切。常常客人很多。我要待丶丶丶丶但係有待意義丶因為呢度直係好吃。我不能看完全單菜丶就係有趣。全部客人有開心的顔。給我元気。多謝。

點樣食推介✨💛良心高質室內大排檔💛💛銅鑼灣黃店💛大排檔小炒地址：駱克道405-419號華發大廈地下A號舖🍖拔絲咕嚕肉 $98 (8.5/10) 🌟好味道🌟戴返個頭盔先，我之所以比依碟咕嚕肉咁高分係因為佢98蚊食到依個質素已經算好好🤣(起碼好食過幾百蚊嘅大班樓同全部普通嘅大排檔🤭，不過就冇唐閣明閣嗰d高級中菜好食嘅)，佢d咕嚕肉真係有拔絲嘅效果，咬落口個甜酸醬會係似焦糖質感咁微微漿住你個牙，然後就會食到舊肉係超級脆，新鮮即炸勁有鑊氣，搞到我本身已經食到好飽都忍唔住係咁食🤣，如果我住附近一定會成日外賣返屋企加餸🤤，大家黎到記得要試！依碟幾乎枱枱都會嗌嘅招牌菜👍🏻🍖豉椒炒大蜆 $98 (8.5/10) 🌟好味道🌟同樣覺得好食嘅一道小菜，份量好足，應該有超過50粒蜆😂，兩個人食超滿足！成碟野又係勁重鑊氣，好爽！好耐冇食過好食嘅豉椒炒蜆，我連d青椒都食曬，因為佢個豉椒汁好好食，所以連d配料都好好食，重口味人士覺得鹹度啱啱好🥰，下次黎食會想encore！🍖乾扁四季豆 $78 (8/10)依碟菜係亂嗌，但估唔到都好正！店家係用左d肉碎黎爆炒四季豆，炒到佢地少少咁多嘅焦香，仲有好少好少嘅辣味去吊味，同

最近睇奧運，香港隊的優秀表現令人非常振奮，所以要食香港菜，慶祝一下香港隊攞到嘅獎牌！大排檔小炒，梗係要食啲鑊氣十足嘅小菜啦。等朋友嘅時候，先叫一碟椒鹽鮮魷，同埋冰凍嘅啤酒，啤酒用雪凍左嘅碗你飲，中間仲有個勝字，特別有風味。花蟹蒸糯米飯，蟹很鮮！蒜蓉蒸扇貝，啲粉絲都好好味。仲有我最愛的咕嚕肉，又甜又酸，送啤酒一流！砂鍋粉絲，味道十足。再加一個魚湯雜菜煲，大家都吃得很飽很高興😊呢間係分店，坐得幾舒服，如果想食大排檔又想嘆冷氣，可以一試！

平日12:30去到咁好彩唔需要等位其實佢每一日嘅午餐會有七個套餐選擇有白飯，有湯，有一杯嘢飲價錢係$69今日嘅例湯係粉葛湯味精唔敢講冇，但係相對其他餐廳來講會比較少仲會見到有啲湯渣，有果皮拔絲咕嚕肉係佢間餐廳嘅招牌菜之一基本上每一台都有人叫上到枱我就明白點解咁多人食因為佢真係可以拉絲，而且個醬汁唔會太酸亦唔會太甜啲肉係新鮮炸，而且係熱辣辣蕃茄肉鬆煮勝瓜呢一個好有家嘅味道而且清淡得來又唔會覺得太Hea佢個湯係非常之鮮甜蕃茄真係出晒味勝瓜易煮得好琳呢個炒飯都係午餐嘅其中一個唔記得咗佢叫咩名炒飯非常之惹味有菜譜，豆角，同埋少少肉粒側邊仲有啲肉鬆同埋腰果加埋落去係非常之好食好味！好好味！ 加$15可以有一碟油菜影埋晚市嘅Menu俾大家參考吓

發現自己同身邊嘅好友越大個就越鐘意叫餸食飯，打卡係其次，最緊要食得飽（so麻甩ᕦ(ò_óˇ)ᕤ）。適逢閨蜜大壽，佢話想食蜜薯牛柳粒，做咗個extensive research，幾經辛苦先搵到間黃💛嘅小炒，仲有得book，立即9rush。間舖新開無耐，超級新凈，超級闊落，如果4個人仲可以坐圓檯，有家族聚餐嘅fu。待應姨姨叔叔態度親切有善，成日過嚟添茶，仲幫我地換碟，lovely。ps佢碟前菜啲青瓜極好味，又爽又脆，9秒9俾我地清曬。掛住食無影相，決定只用一張圖表達我對小炒嘅熱愛。；回味豉油雞 👍👍👍👍👍；蜜薯牛柳粒 👍👍👍👍👍；拔絲咕嚕肉 👍👍👍👍👍；金牌煲仔飯；黃金脆鮮魷；腐乳炒通菜；金銀蛋肉碎浸時蔬👍係必嗌之選，ya。ԅ(≖‿≖ԅ)