大排檔小炒 (華發大廈)

营业中

休息中

功架十足 拔絲咕嚕肉真係世界級❗️大牌檔最緊要鑊氣，真正嘅鑊氣唔止要食得出，仲要聽得到。呢到坐出邊都聽到冚冚聲，正宗夠鑊氣。-🥩蜜薯牛柳粒($118)粒粒蜜糖包住嘅牛柳同脆薯粒，極級誘人，牛柳軟嫩入味，薯粒外脆內軟，香甜惹味，想停口都唔得。👍🏻9.5/10🍖拔絲咕嚕肉($98)係拔絲咕嚕肉，而非一般咕嚕肉，香脆拔絲外層，脆得極有層次，酸甜惹味，唔係一般大排檔食得到。👍🏻9.5/10🥘砵仔焗魚腸($98)傳統大排檔菜式，鋪滿香脆油炸鬼，陣陣魚脂香嘅焗蛋，魚肝魚腸足料唔腥，配上陳皮微香，層次豐富。👍🏻8/10🥬魚湯蒜子浸時菜 ($78)奶白嘅魚湯香甜，清新而中和其他菜式嘅肉膩感。👍🏻7.5/10

鵝頸橋底原來開左間新既小炒見座位空間感好好就決定食佢（因為疫情下選擇餐廳都好謹慎）仲見到呢度有執檯專員食得好安心首先有餐前小碟花生🥜雲耳菜譜，本身以為花生會淋左點知又唔係，仲keep住好脆身香口小炒控黎講見到咁多選擇真係花多眼亂而每次食小炒必點嘅項目係小炒王有菜脯粒、炸吊筒乾、韭菜花、炸銀魚仔、九黃、腰果呢個餸好香口、餸啤酒一流點左枝大啤呢度係用戰鬥碗成個感覺返晒黎豉椒炒蜆D蜆超巨型，而且粒粒都好飽滿全部都殼肉連住，冇炒到甩晒好好鑊氣得黎仲好惹味好多時出面炒嘅都係唔辣呢度既辣辣地好滋味仲點左我最愛既金銀蛋時蔬個湯落左少少肉碎吊出個鮮味餸菜既份量樣樣都好大碟店員服務好有keep住更換碟

📍 大排檔小炒 (駱克道) (銅鑼灣)去咗環境裝修格局都好好嘅大排檔餐廳，其實佢唔係大排檔只不過係可以食到大排檔咁多選擇嘅中菜小炒美食，佢喺灣仔新開嘅第二間分店，舖頭都幾受歡迎閒日去食都全場爆滿🔺酸菜魚（推）估唔到幾好食，我本身腸胃都唔係幾好但我都頂得順！會唔會太酸又唔會太辣，魚嘅份量都好多，用左新鮮魚整，叫咗碗白飯撈湯送飯，好好味，我好中意，個味道！🔺招牌煲仔飯佢嘅煲仔飯係結焦，燶底，鍾意食飯焦就會好鍾意，飯嘅質感比較硬身用餐🌾日子：同屋企人朋友食都好適合三人以上就可以食多啲，都幾多選擇，環境都唔錯。

鍾意食大排檔👨‍🍳但係又怕污糟又想位好處鬧市而家有個好選擇俾你試吓鵝頸橋附近有間專食大排檔小炒嘅餐廳地方都算幾闊落、燈光又光猛、餐牌款式又多😍．【金牌煲仔飯（細）（$138）】一啲都唔細分量足足有三四個人食我哋兩個人食果仁都食到三大碗好滿足走最傳統嘅煲仔飯路線有齊臘腸粒、臘肉粒、潤腸粒😈油香好豐富仲有好多椰菜仔出奇地成功令到油膩感減退加咗豉油嘅煲仔飯連同大量飯焦一齊食真係冇得頂💯【蜜薯牛柳粒（$118）】薯仔塊大大件炸得金黃香脆香甜蜜味濃郁超級酥軟分量亦唔少🤩牛柳粒肉質軟嫩🐮同黑椒 x 蜜汁勁配搭仲有青椒紅椒令到賣相更加靚【金沙黃金蝦（$168）】鹹蛋黃同大蝦🦐永遠都係最佳配搭菜式有差唔多十幾隻好抵食鹹蛋黃鹹香味好突出超級惹味冇乜油膩感絕對唔會食到一口都係油大蝦炸得鬆脆肉質爽口彈牙🍤．餐廳防疫意識亦都好充足👍🏻有執枱專員而且枱同枱之間都有啲距離服務亦都好殷勤希望快啲可以多啲人一齊嚟食咁就試多幾款菜式就好啦😋

💛大排檔小炒·呢間我係社交媒體見過超多次 但係呢D小炒都係夜晚食先有feel 終於我地近排先終於有機會去左😙😙·大漠風沙雞(半隻)$168呢個超級好味 佢個雞超級嫩而且好滑 就算雞背都好多肉 係個胸稍微乾少少😍😍佢成隻個皮都好脆 而且食到最後都唔會好油 食得超滿足🤤·魚湯什菜煲$98呢個個魚湯都超級legit 係真係好重魚味又唔會腥 我地最後飲曬成煲 而且佢D粉絲索曬魚湯超好味😈🤣之後佢個什菜都真係什 有生菜 菜心 油麥菜 白菜仔 西蘭花 全部都煮得岩岩好 不過入面D菇就麻麻地啦🤭·砵仔焗魚腸$108我地本身以為呢個細細兜 點知佢超大兜 係成個蛋糕咁 超級飽肚🙊🙊佢面頭做得好好 真係好酥脆 入面個蛋就偏實 所以大家一定要多D人分先好嗌呢個😂·📍銅鑼灣駱克道405-419號華發大廈地下A號舖📍灣仔天樂里2-4號金豐商業大廈地舖

魚湯蒜子浸芥蘭 💰88 8⃣蒜子係事前已經煎得相當焦香，加乳白色嘅濃郁魚湯熬製，令到個湯底變得完全唔簡單。再浸新鮮芥蘭我真係問你點死！有時候約簡單嘅嘢係越難整得好味。-水煮牛肉 💰148 8⃣睇個賣相就知道勁嘢辣到小編變咗半日徐子珊，小編私心推薦大家一定要嗌呢個真係味癲咗，嫩過小編肌膚嘅牛肉襯但吸晒麻辣精華，呢個真係送飯嘅好配搭，個關係好似我同你哋咁鬼match。-秘制海茸口水雞（半隻）💰178 7⃣小編真係好耐無食到一隻好味嘅口水雞，佢哋特調口水雞醬汁唔會話一昧辣無任何味道，真係好有深度好麻辣好多香料。同埋海茸本身係無味道嘅食材，所以同呢個口水雞真係完美配搭。雞件都出色依然保持嫩滑，小編真係想單打包個汁返去當湯飲。

好少同朋友約食中餐，不過難得有間黃嘅又好耐無食中餐就試下前菜個花生拍青瓜幾好食，花生夠脆青瓜香微辣招牌菜拔絲咕嚕肉$98個咕嚕肉用左梅頭肉，所以食落肉質就更腍. 而炸漿夠薄甜甜酸酸嘅，外層炸得微脆，味道唔錯，好岩送飯另外叫左個海茸口水雞雞肉頗嫩滑，外層微裹住香辣sauce 幾惹味. 另外落左海茸比較索汁所以較為咸，要大碗飯或者啤酒搭配最後係金沙脆鮮魷， 呢碟相對遜色，用嘅蛋黃唔夠咸香，食落唔夠香，微脆晚市唔收茶價，叫小菜仲有9折不過整體都唔錯，見其他枱叫嘅炒飯同其他小炒好似都好鑊氣，下次約多幾個人可以試多次而且呢度環境闊落乾淨，坐得都舒服

🌸#girlsfoodies港式#girlsfoodies銅鑼灣 #girlsfoodies灣仔 🌸​【 ​ 💛 #GF_List 】 ​🉑 ：自取⭐👉🏻評分: 8/10​——————————————————​百中無一嘅中式黃店，位於灣仔地段，但唔貴又好食，真心難得～—————————————————​▪️ 蜜薯牛柳粒 ( $118 )▪️ 鹹蛋蒸肉餅 ( $88 )▪️ 魚湯蒜子浸時蔬 ( $78 ）朋友本身笑我喺大排檔叫肉餅，我理得佢總之我最鐘意食肉餅 😁嗱點知佢食咗一啖之後雙眼發光，仲清得多過我。肉餅厚度啱啱好，咬落非常腍身，但唔會有肥到好油好嘔心嘅感覺，亦唔會好似點心鋪嗰啲肉餅咁實的的，完美地平衡。混入冬菇、馬蹄粒，口感多咗層次，調味亦恰到好處，唔會鹹到要飲水。唯一挑剔係隻鹹蛋無蛋黃香！好耐冇re-u食飯表示真係好掛住薯仔牛柳粒！見到即刻狗衝嗌，我諗呢度係2－3人份量，落咗青椒一齊炒。以前食呢味餸，通常都係較乾身，但呢度係仲有蜜糖汁喺底，亦都唔會好重黑椒味，少咁份香口。值得一讚係薯仔粒滾刀切後有炸過，外皮微微酥脆，入面係綿滑薯蓉，沾上蜜糖係幾好食。牛柳粒食落異常軟腍，有啲似喺街市凍肉

呢間唔係真係坐路邊食嘅大牌檔啦😌其實就係一間餐廳咁嘅格局，環境裝修都唔錯。可能呢間分店係新開張，所以感覺非常乾淨企理😚.今餐覺得最好食係黃金脆鮮魷，推介！魷魚爽脆唔韌，炸漿薄而脆😋食落鹹蛋黃味香濃，令人忍唔住一舊接一舊咁食！.蜜薯牛柳粒係我去食大排檔常叫嘅小菜菜式🥔🐮蜜薯牛柳粒都幾送得飯🍚😚薯仔雖然未至於炸得非常脆身，但的確食落每塊薯仔入面都夠軟身☺️牛柳粒食落肉質嫩滑無筋。豉椒炒大蜆不過不失，想食炒蜆嘅人嚟到都可以一試👌🏻.我真係鍾意叫餸食飯🥰如果想食大排檔風味小菜，又想用餐環境好少少，呢到都係一個好選擇🍚

好耐冇食中菜，呢日放工之後就同朋友去左灣仔呢間新開既港式小炒店到食dinner。打開餐牌，見到入面有好多唔同款既小菜，望落去都好吸引。坐低之後就有啲前菜可以食下。我地點左四碟小菜，分別係魚香茄子煲、魚湯什菜煲、醒胃黑醋骨同埋金莎黃金四季豆。呢度既小菜全部都好高水準，份量又夠多。黑醋骨炸到好香脆，酸酸甜甜，好開胃。四季豆沾左粉炸，再加埋惹味既蛋黃醬，勁正！魚湯什菜煲清清地，好健康。點少得入味既魚香茄子煲！

嚟到銅鑼灣鵝頸橋附近 新開嘅大排檔哩度嘅環境乾淨企理又坐得舒服難怪未到7:00已經坐滿客人了🔸前菜（👍🏻👍🏻）先嚟熱茶同青瓜木耳花生，想講佢哋啲青瓜同木耳醃得好入味，又爽脆，奶好食！🔸薑蔥焗桶蠔煲（$168）（👍🏻👍🏻👍🏻）一嚟到就出哂煙、滋滋聲，然後啲香味就係咁飄埋嚟。桶蠔大隻肥美，咬落去爆汁juicy。醬汁煮得夠乾身又掛身，食落惹味，外層香脆。🔸椒鹽九肚魚（$108）（👍🏻）外層同一般嘅餐廳有啲唔同，哩度嘅炸漿更脆卜卜，而且唔油！炸得好靚！九肚魚嫩滑。🔸拔絲咕嚕肉（$98）哩味係招牌菜，味道酸甜開胃，咕嚕肉嘅炸漿厚薄適中，咬落好脆口，唔會因醬汁煮過而變淋，而且肉質鬆軟彈牙，唔錯。🔸啤酒（買三送一）叫左4枝青島，食小炒係要配啤酒已爽😃

好耐冇食大排檔，搵到間又好味又有良心嘅大排檔更加係實屬難得🥺依間位於灣仔嘅大排檔小炒就係唔錯嘅選擇喇，佢哋人氣都幾旺盛㗎，七點未夠已經全場滿座，想食一定要早啲book定位😌💛• 薑蔥桶蠔煲 $168以原個石鍋上檯，滋滋聲保證熱辣辣，桶蠔大大隻，肥美飽滿，內裡juicy又嫩滑，吸收左薑蔥嘅香味😌• 蜜薯牛柳粒 $118薯仔世界級好食，輕輕炸過既表面形成一層薄薄嘅脆皮，內裡既薯肉smooth到好似得緊薯蓉咁，好犀利，牛柳粒都唔差，有牛味又唔韌，但係因為啲薯仔實在太好食，牛柳就瞬間變咗配角咁🤣• 豉椒炒大蜆 $98啲蜆比起平時嗰啲真係大隻啲，洗得好乾淨一粒沙都冇，醬汁豉椒得黎少少辣勁，最啱拎黎餸飯食啦😎• 藍妹啤酒 $36食大排檔必定會飲啤酒，依度特別在係用碗黎裝酒飲，勁正，別有一番風味😚

有時食得太多西餐，都會想食下中菜，這間位於銅鑼灣新開既餐廳，食到的就是大排檔風味！餐牌上有多款大排檔菜式，令人眼花撩亂，樣樣都想試!椒鹽惹味粟米 ，見人食就食得多，今次終於可以食到！他們的椒鹽真係好好味，整得好夠鑊氣，而且就算食到最後果舊粟米都不會感覺到好油！非常多炸蒜，粟米切到一舊舊，不是一粒粒，這個食法的很好吃，粟米鮮甜又不會爽身，很惹味!回味豉油雞，豉油雞用上煲上，上菜時醬汁還是熱辣辣，雞肉非常入味，而且肉質非常嫩滑，味道不會太咸，剛剛好，用來送飯一流呢!鐵板薑蔥焗魚卜，魚卜一向是我們最中意吃的，這裡的魚卜用鐵板上，上枱時已經聞到好香的味道，不過要小心醬汁會彈到！有很多薑蔥，魚卜沒有腥味，很大條，食落彈牙而且好有骨膠原感！鮮茄肉碎魚湯浸白菜，食完咁多濃味菜式，當然要吃返一點較清的菜！這個菜的湯底帶有少少蕃茄的酸味，好有魚湯的鮮甜味，有肉碎、蕃茄、秀珍菇等配料！白菜仔食落有淡淡的蕃茄湯味，而且脆口，不會太冧，令人好開胃!

“拔絲咕嚕肉”($98)“蜜薯牛柳粒”($118)“魚湯蒜子浸時蔬”($88)“脆炸BB鴿”($62隻)有時唔知食咩好嘅時候其實港式小炒都係唔錯嘅選擇😛銅鑼灣鵝頸橋附近最近新開咗間食小菜嘅餐廳地方乾淨企理又坐得舒服😆門口大大隻字寫住2道招牌菜分別係“拔絲咕嚕肉🐷”同“蜜薯牛柳粒🐮”一於就叫呢2味食啦🤣咕嚕肉個脆漿唔會整到好厚,入口香脆配埋啲甜酸汁好開胃😋蜜薯牛柳粒嘅主角當然係薯仔🥔外面炸到金黃香脆入面酥軟配埋蜜汁同黑椒好惹味☺牛柳粒份量都好多而且食落都唔會韌😋食咗2道肉當然要叫返個菜食吓🤣要咗“魚湯蒜子浸時蔬”🐟🥬一上枱呆咗因為係超級大碗😂入面係海量嘅白菜,仲有啲菇🍄魚湯呈奶白色飲落清甜☺雖然係好大碟但因為個湯好好飲所以最後都清哂😝貪得意仲叫多咗隻“脆炸BB鴿”Size算幾大隻炸到表面香酥薄脆入面連骨到脆埋😆點埋淮鹽同醋一齊食好正😋呢道每樣小菜份量都幾大🤣2個人食哂真係超級飽超級滿足🤣