大榮樺

营业中

休息中

$108西冷牛扒！價錢唔係話好平，但咁既質素同份量就真係超值！大大塊既牛扒加上薯角，連同餐湯同飲品，總數$108 無加一，牛扒要五成熟，入口好軟滑，好味道。美中不足係門口等位既人太多，等左30分鐘先有位。

每個weekend都要排隊既大榮樺，佢個韓式泡菜意粉拼西冷牛扒係我每次必點！只係唔需要$100既價錢，有牛扒、有意粉、有餐湯有餐飲，呢個價錢，無得輸喇掛？餐湯都唔求其，有時係南瓜蓉湯，有時係白籮白蓉湯，味道濃郁無味精主菜我中意呢款泡菜意粉拼西冷牛扒，份量足料到爆！牛扒一d都唔鞋口，仲好入味！意粉配泡菜呢個配搭已好新鮮，泡菜開胃，辣辣地，整個組合就係會令你食唔停所以要去食一定要5:30左右就去等位，否則要等30-40分鐘！

聽聞呢間餐廳性價比高，放半晝所以就去食個靚lunch!一點九去到, 店內坐得滿滿, 門口依然有人等位. 咁我都乖乖地等入座.去到見到門口個menu已經貼住冇餐湯.好可惜呀...朋友話個餐湯好足料!唯有下次早D黎試~等左一陣入得座. 餐廳比較細, 但都坐得OK既.我地叫左一個2個set lunch~蒲燒醬汁鰻魚飯個賣相好OK呀, 有D木魚同沙律菜伴下碟.個汁好惹味, 配埋鰻魚會食上癮. 但如果再多少少汁就更好!黑松露牛肝菌鮮菇意粉呢個好好食, 個汁濃而不膩, 仲好香!2個餐2個餐飲大家不妨早D去食, 因為D野食賣哂就冇.好似我原本想叫A餐, 但已經賣哂喇! 另外我見好多人都有叫牛扒餐, 塊牛扒個份量都幾大, 認真抵食!

平日不常踏進大埔覺得太遠 難得今天在上水工作就和朋友們到大埔吃飯.大榮樺是一間家庭式餐廳才7點半 沒想到門外已是人山人海重點是已經有3樣東西已經賣完了想吃的牛都沒有了 人生還有什麼意義小店賣的只有那幾樣反正都來了 只好等下去.大約等了30分鐘 然後要在門口先下單看到門口的告示 先太大牌了吧不能加單 還沒吃就一肚子氣.炭燒黑毛豬 $88黑毛豬給我的感覺就是無味 硬所以基本上我是不怎麼吃的今晚沒有牛吃 無可耐何只好選黑毛豬一咬下去 實在是被驚艷了黑毛豬不是硬挷挷的反而是嫩滑 不用沾燒汁就已經夠味了而且還夠厚的為了黑毛豬我會再來.蒜香芝士焗波士頓龍蝦忌廉煙肉意粉 $118有一半的在 而且裡面還有蝦膏以價錢來就是很劃算的 可是意粉煮得太久 缺少吃意粉的口感但仍是很滑的 份量也不少.北海道帆立貝珍寶蠔黑松露忌廉燴飯 $108帆立貝夠大顆 珍寶蠔有三隻 上面有燒過的芝士看上去很大 可是蠔卻有沙 而且腥始終用了芝士 燒過後 芝士的油份都留到了蠔上了黑松露忌廉燴飯的黑松露味不重也不是意大利飯的口感就只是軟飯 也算是好別的不會太膩.巴馬火腿配風乾蕃茄忌廉意粉 $88巴馬火腿有四片 就只是咸味 沒什麼火腿

今日去咗一間叫大榮華嘅西餐廳 平時行過路過都已經有好多人喺出面等位排隊 咁今日終於有機會可以試下啦 喺門口就睇下餐牌 佢價錢唔算好貴 都係五十零蚊左右 仲包餐湯 嘢飲 價錢都算可以接受 咁你今日食咗 一個 雞扒胡麻醬蛋包飯佢仲有啲 沙律菜伴碟 雞扒煎得幾香外皮夠脆 胡麻醬同蛋包飯都幾夾 個蛋唔會太老 雖然個飯係白飯 但都夠味 另外仲食咗一個南瓜餅南瓜意粉 南瓜味濃厚 香味吸引個餅炸得都好好食 但美中不足嘅係今日太多人食 個餐湯送曬冇得飲湯 嗰個感覺都唔錯下次再嚟試下其他嘢

由舊舖食到新舖，今日完全感到失望。唔問都唔知今日冇餐湯都算，同時點兩個餐，一個餐差唔多食完，另一個餐都未到。平時知佢煮野慢所以都唔催單。等等下唔對路先叫個𡃁妹侍應黎問，問完冇人覆。又繼續等.... 期間叫左2次比水又冇反應(間舖當時已經冇新客入，非常休閒)等到唔想再等叫佢取消先話頭先漏左單，哩家先整返。個𡃁妹侍應初頭唔肯取消話整緊，我地堅持取消話唔再等先肯改單。野食係好食，但係冇湯唔講，漏單唔覆，拎杯水又冇反應，食得唔安落囉。改善下應有既工作態度，客人都只係想要你地既回覆。

早了點到達，不用排隊，走進久違的食堂！我們點了牛仔柳五成熟配薯角和黑毛豬配沙律菜。餐湯熱騰騰的送上，是南瓜湯，入囗清甜不溜！牛柳先上，份量之大已眼前一亮，薯角份量比其他多三倍，入口外脆内軟，不油腻，好好味！切開牛柳有血色，約六成熟，算不錯。有兩大件，肉身厚道有3厘米，份量驚人。入口淋，有牛肉味，視覺、味覺和觸覺也完全滿足。黑毛豬來了，配一大把沙律菜已嚇死人。沙律菜是其他食店的五倍份量，入囗新鮮爽脆，非常滿足。黑毛豬大大件，夠厚身，入囗淋身，有肉味，配合燒汁更好味！餐茶中規中矩。我們點的食物全部吃光，不覺囗渴，吃了這麽多肉，也不覺太飽滯，可能這裏用的食材和食油較健康吧！這又是一次開心的回憶！而價錢也非常便宜！

想黎食好耐，不過之前次次去都見到佢門口都大排長龍，所以次次都食唔到嗰日我哋五點九就去咗食，因為咁早嘅關係所以都唔使等位，不過冇幾耐見到門口就即刻好多人啦亦都係今次食過之後， 令我明白左點解佢會大排長龍，因為佢上菜真係好慢，主菜等咗有半個鐘或以上😂或者佢上菜嘅速度係正常，只係我哋都習慣咗「快」🧐同埋佢都講明係要等我同家姐叫咗兩個餐，仲叫咗一份小食炸蠔好食呀🤤🤤🤤我好鍾意嗰啲日式燒汁同啲炸蠔好夾呢個牛柳， 大份到痴線😂係食唔晒要打包不過我覺得啲牛略嫌有少少唔夠嫩但呢個價位（$118），係完全好ok呢個係家姐叫嘅黑毛豬，如果要對比嘅話，我覺得黑毛豬好食啲總括而言，係值得食架✋🏻✋🏻✋🏻唔想排隊就早啲黎啦，要不然真係可以等足一粒鐘㗎🙊

時不時要去大埔做野，食飯時間經過呢間店每次都見到好多人係到排隊。今次有時間慢慢排隊，同同事一齊排左20分鐘以上先有位，想食既朋友記得做好要等既心理準備。太晚的話會看到幾個餐售完的。今次叫了鴨胸飯，落醬都落得幾華麗下，味道 ok, 又有餐湯同野飲送，份量唔算少。但有d餐出餐是真的需要時間，而且店鋪面積小，座位也很窄，不會坐得很舒服。價錢算是中等。

對大埔人嚟講，我相信未食過都聽過「大榮樺」，一間剩係睇個名係唔會知食咩既西餐廳。但其實係茶餐廳價錢，但你得到既會係性價比高的質素！是日假日嚟到「大榮樺」，full house再加大約10人係門口等，等左大約半個鐘左右就有位。一坐低，侍應姐姐話好多已售罄我叫左一個龍蝦配煙肉忌廉意粉「（$118）有餐飲有餐湯。而且個意粉既份量一d都唔少，細食既女仔share應該都夠飽。龍蝦啖啖肉，雖然有少少韌，但芝士味好濃好香，係好味的意粉口感一流，唔會好淋，而且忌廉超級香！高質小食叫左個炸廣島蠔（$38）蠔上面加左木魚，成件事日式左好多，個皮嫌有d厚，但蠔味濃，呢個價錢係抵既

今午輪籌打算試食聞名黑毛豬，12點35落到去，已經在G貼上售罄。同事對大榮樺既餐湯同排躍躍欲試，我地就等多15分鐘，入去叫左吉列豬排，菜粒忌廉湯好香，同事點既煎雞及我既豬都大塊，飯少，配生菜多。一入口外脆內肥，吉'裂'脆仆仆但又軟厚，正想食口飯...牙肉劇痛難忍，滿口尖銳碎片，啊~!我下臼齒覆補既牙面成塊分體..要左杯水，淘出碎片方見上鱷的臼齒，跟正下的牙面咬裂，亦天然琺瑯都崩了一角。上下對正的牙當然是因日積月累的壞習慣而崩，但我食野向來唔係大力，早餐又冇事，咁同佢咁硬既炸粉唔會冇關係囉...

晚餐時段真係非常多人，所以點都要一早黎，否則真係有排等呀。加上，如果遲d黎，有d餐更加會售罄添。先黎個餐湯，味道幾濃，不錯。但等左20分鐘左右，終於有野食，韓式泡菜意粉配西冷牛扒。d意粉有d辣，但個牛扒就不錯，有問下食幾成熟，牛味都幾好食。另外，我地亦都叫左個炭燒黑毛豬配意粉。呢款意粉就有d忌廉汁，幾好食。黑毛豬豬味濃，好味。

一句講晒，唔使錢都唔會再去，離晒譜不知所謂，坐低都要叫人起返身，仲要一早打電話Book咗位比街客先，點解一早唔講唔比Book位啦接受了就留位比人我又無遲到，你話我遲到就我唔啱姐，仲要一句對唔住都無

大埔大榮樺，建議大家5⃣️好去，個廚房佬根本唔識煮牛扒！我老公點在個安格斯牛扒，個侍應係冇問你要幾成熟，我地飲完個湯先醒起，所以就同另一個侍應講，點知，佢話只會按廚師既諗法，以佢一般做法煮幾成熟！咁我問佢一般即係幾成，佢話七成，咁我地話要5成，另一個侍應好有禮貌的，答我地話廚師會盡量做五成！但等左15分鐘，出黎既係9成熟！冇牛味，冇口感，仲要切哂件，上面放左D似蒽油既source! 其實....佢係咪拎左件煲湯瘦肉出黎呀🤔我自己叫左個珍寶蠔燉飯，但係，佢將三隻bbq用既半殻蠔連殼放上碟飯到，好5⃣️衞生！如何使用食材煮食都唔識，hopeless!全餐只係個餐湯可以接受！我地另外叫左咖哩雜菜餅，當然係現成貨！只能夠話佢份量夠多，可以維持生命兼增加fat! 但咁既質素都有十幾廿人排隊！

行過路過，經常錯過。真失禮現在先係第一次食，早從朋友口中提過呢間野值得一食，但經常都人太多了， 之前試過去食，但7點幾去好多野食賣曬，而且勁多人在等不得不放棄。今次6點去到.....都係要等位的說，大約等了30分鐘有多先入到去，拿拿聲點餐，點了黑毛豬意粉同芝士龍蝦意粉。早到的鳥兒有蟲吃，因為等食途中聽到龍蝦cut,又見到門口個餐牌不停改......其實早入去都要等好耐先有得食，建議有心食的早點去食。餐包埋餐湯野飲，個餐湯一般，但主菜有驚喜。先講黑毛豬，其實有2塊，一塊細塊少少在底。我食左細塊的，好食的，好有燒野食的感覺，外面脆，好豬香而沒有豬膻，好甜，但肉就難咬左少少。其實都覺得ok，不過唔明為何咁多人讚。不過當食大塊果件時，嘩，好淋呀～有少少肥肉更甜，好食到不得了！蘸埋BBQ醬就更加好食，無咁膩。另外要提一提個意粉，絕對是普通意粉不是果d咩手制意粉。不過，佢唔係就咁一個意粉，亦都唔係蕃茄意，係白汁洋蔥蒜意！好creamy,就咁食個意粉已經不得了！因為我係蒜蔥愛好者，大愛這個意粉。88蚊來說，佢真係交足功課！沒有hea你。至於龍蝦意粉，半份龍蝦，配上芝士其實都無得唔好食，可惜係肉有點硬