大榮樺

营业中

休息中

2019年2月22日因為晏收工。所以朋友就我黎大埔食。佢地等到成個中先有得入去。仲要愈來愈多野開始冇。本身對佢呢間野都冇乜期望。因為佢人太多。野又開始冇。佢有位前會叫落左單先。呢個都幾好。起碼唔會諗諗下比人叫左。我地坐低左之後無耐，啲人開始唔等。可能因為餐牌開始冇野食。我地叫五個餐。兩個牛扒。一個豬仔骨。兩個鴨胸。一坐低就黎餐湯。一黎就係驚⋯嚇。可能因為我唔識野啦。但我個人覺得，明明係西湯樣。但中湯味。真係好怪跟住對佢就冇曬期望。只要唔差就算。兩個鴨胸一到。好有驚喜！一切係有汁出黎。唔會係好干個啲。加上味道好好。又夠份糧。真係好吸引！可能係我食過啲好軟身既豬仔骨。當其他豬仔骨一好硬好有香口膠既感覺，我就覺得差。所以我唔推薦。牛扒。食到好多鬆肉粉既味。 麻麻地。但價錢同份量補救！加上佢個意粉好有驚喜。唔知佢午餐有冇呢個意粉叫。佢個味道好好。

平時大榮樺未開門就已經有班人係門口等位，星期六呢D日子更加唔洗講，而且佢煮野都要時間，叫外賣最好可能今日真係好忙，聽電話個阿姨好燥咁。打去叫完外賣，15分鐘左右就有得拎。今日叫左佢個和風明太子貝柱粒粒蟹籽意粉，個餐包埋湯。今日係蘑菇忌廉湯，可以食到一粒粒嘅蘑菇肉，味道溫和，好好飲至於意粉，個汁都蟹籽都幾襯，而且貝柱都幾多，好好食但就有D油，而且意粉有少少硬，食完個喉嚨會有D唔舒服，要飲返多D水至得總括黎講，51蚊有湯，有意粉，有野飲真係算唔錯，難怪咁多人排隊。外賣分量都好多，食到好飽，係午餐唔錯嘅選擇

大榮樺 聽落個名勁中式茶餐廳feel但原來係食西餐～同個fd都係嗌左一樣既餐～ 有我中意既胡麻醬雞扒大大塊又煎到勁香口，個蛋勁滑溜好味呀檸茶就不過不失～ 一定會再黎食

作為大埔街坊，見次次行過都有咁多人排隊，終於有機會試試，5:10已經有約20人排隊，5:30pm才可入座，排了20min終於可以入場，一落order，立即話要等45min😨，食個飯要攪咁耐😓，飱湯送完即止的，好彩今天我有份，是南瓜濃湯（但沒有飱包），有很香的南瓜🎃味，更好彩的是20min後，第一個餐到，黑毛豬，大大份，熱辣辣，有肉汁，是正的，但跟著的龍蝦（等了30min）及石蠔北寄貝（等了55min），不吃也吧⋯⋯龍蝦是乾巴巴的欠了鮮甜味，石蠔則被太厚的芝士蓋過了蠔味，所以總結是高檔的飱牌，九流的招待，茶記的環境，值不值得，大家自己決定吧⋯⋯

小朋友早上學完野，去左呢間大榮樺食lunch! 等左大約20分鐘左右（今日算小人，因為都12點到門口）！門口就已經揀定食咩好！揀左燒汁宮崎雞扒配日式胡麻汁蛋包飯，黑椒汁西冷扒飯，日式厚切咖哩吉列豬扒飯！真係雞牛豬有齊晒！野食上檯時好大驚喜！首先上吉列豬扒！又厚又大大塊達係你面前不得止！仲要打媽上！到牛扒上檯...又係一塊好長又厚既牛扒！味道仲好好味添啊！到最黎碟雞扒上埋！熱辣辣塊皮又脆book book! 肉仲要好嫩口冇得頂！唔怪得成日門口都咁多人啦！

好有心思既日式西餐，連plating 都好有心機！雖然星期六日我都要12點到都等至少半個鐘，但我都會等！佢份量大而且全部都好好味，每次我都忍唔住全碟清！佢廚房用料靚，亦只會即叫即煮，所以有時坐低都要再等多15-20分鐘至有得食。如果你本身好肚餓，就唔好揀呢間啦佢只係小店經營，所以都坐得好逼，但價廉物美既美食絕對可以補償！如果有小朋友或推bb車，建議唔好黎食，小朋友同大人都會坐得唔舒服。雞扒蛋包飯: 5粒星星雞扒係岩岩炸出黎，再配佢既汁酸酸地，令雞扒配蛋唔會太膩，味道一流！溫馨提示：佢黑毛豬、蛋包飯，同跟餐既湯好多時1點前已賣哂，想食一定要早D到啦

本人原本與小兒到大榮樺食西餐慶祝生日，一早詢問可以訂枱點知到預定時間到達，唔係留枱比我，係仲要比街客入座完先到我，到我詢問幾時到我時，佢用好差既語氣同我講 :要等啲街客走咗先啦咁請問訂枱黎做咩呢之後要我地落order先，落咩冇咩唔緊要，落咗唔比加單，點知落完之後佢換餐牌，一早唔通知有其他餐單，想問可唔可以轉餐又比面色我睇真心覺得有啲委屈不過都講句真心，啲野食都可以接受，如果唔係真係食到一肚氣都唔想再黎多次

公平啲講，呢間嘢嘅食物質素十分好，以價錢之言，各個餐都絕對物超所值，所以呢間大榮樺一度成為我同一班同事嘅飯堂，差唔日日嚟食⋯可惜，一間原本性價比咁高、咁好嘅餐廳，畀一個被伙記稱為經理嘅阿姐完全破壞！其實由一開始嘅時候，已經發現呢個阿姐態度已經好與別不同，我明白要人齊先入坐、我明白要盡快落Order、我明白唔好阻住啲位、我明白即叫即整係需要等、我明白你哋伙記做得辛苦有時會燥啲⋯呢啲我通通都體諒，食得我都預咗，但有一次我哋一行幾個人去食飯，其中有一個人未決定到，竟然隨即被呢位經理大聲指桑罵槐，當住所有食客面前話我哋「只顧㩒電話」、「嚟到唔係為咗食嘢」之類，我哋坐低不過係三、四分鐘，未決定到食乜都唔駛咁嘅態度⋯講真，我好多同事都反對去呢間食午飯，只係我一直堅持，始終嘢食好味為先，但容忍的確有個限度，我開咗OpenRice戶口咁多年，自問從冇寫個劣評，就係大榮樺要我開齋、要同大家分享，至少畀大家一個心理準備，如果大家要食好嘢，我唔反對大家一試，但你預咗要受氣，係欠咗佢嗰種！如果大家想訓練EQ的話，大榮樺係你不二之選。致大榮樺：如果上述所謂經理係老闆的話，請你好好檢討，待客之道我冇資格教人，但禮

真正要知道甚麼是高性價比的美食~~不是那種40幾有6粒唔好吃的雲吞(真的到現在還生氣)，是來這裡吃一下。未吃過真正：平、靚、正 美食的人，真正要來這裡吃一下！首推扒類！！ 食扒最好的餐廳~~~~ 這間以前是大埔另一間美食，現在變了大榮樺！要是不早去，所有扒類都會沒有了~~所以要吃就要早。另外，就算book了位，也要等，所以大家要有心理準備！ 我和朋友分別叫了紐西蘭牛仔柳和炭燒黑毛豬。要注意，這裡除了牌上的食物，就再沒有別的，而且這裡不能加單，要叫就要一口氣！所有ORDER都是即叫即整，所以需要等候的時間都長。 餐湯限送~~好濃好易入口！ 紐西蘭牛仔柳先到~份量大到一個點！我們點了5成熟！一刀切下去，外熟內軟，真五成熟，不是假的。 牛肉好有味~~好香牛味！糟糕，我口水在流了..... 炭燒黑毛豬其實不比牛柳遜色，都係好正！香豬味好易入口。 但由於是豬，咬口好勁！ 最後~~不得不提！！意粉超好味！意粉超好味！意粉超好味！~~~好Creamy！忍不住食晒~~ 是特製的意粉，不是只是熟了就可以！ 如果大家lunch來！仲要係特平！！性價比極級高！不來吃會錯過的人

午餐$50 包湯及飲品-呢間真係太好生意食扒58蚊份量真係嚇死你‼大家去到見到一定會好驚訝😂本身想食雞扒滑蛋飯等位期間就已經賣曬黑毛豬經常性12點幾就無 我一次都未食過 慘可見幾多人想支持聽閒係酒店廚師不論賣相食物都真係好有水準👍🏻連湯都唔馬虎 有特色又足料不過店員嘅態度可以改善下🤔意大利粉好食啊！食飯嘅餐可以加8蚊轉粉/薯條/沙律🎉唔係成日排隊 真係想日日食🙈--📍大榮樺大埔安慈路4號昌運中心商場地下8-9號舖

午餐時段來到＂昌運中心＂看見一間餐廳的門外人頭湧湧，熱鬧非常，我的第六感告訴我，此＂魚＂定非＂池中物＂，一於一試究竟…小店本來座位已經不多，午市來用餐的人流，用全院滿座來形容並不過份，簡單的拿了號碼票，一轉眼已是二十分鐘，終於可以入座了，本來打算點選的牛扒飯，原來早已售罄，最後點選了＂蜜糖芥末炭燒原隻鴨胸意粉＂。不消一會，＂鴨胸意＂送到餐桌上，賣相十分吸引，紅紅綠綠的伴碟，叫人垂涎三尺，當然是先吃一口鴨胸，充滿煙燻的香味，鴨胸嫩滑，沾上蜜糖芥末醬汁，甜甜辣辣，味道層次即時提升，刺激食慾，由於鴨胸是原隻奉上，連皮一起吃，竟然也肥而不膩，甚是驚喜。意粉是選用扁幼款式，經過蒜粒丶胡椒及忌廉汁炒香而成，所以味道帶有蒜香及淡淡的白汁香味，簡單的味道變得不平凡。另外，值得一提的事，從其他食客口中得知，原來每天的午市還有特式餐湯供應，送完即止，這樣看來，改天我需要再次光顧，品嚐未嚐的餐湯及牛扒了。蜜糖芥未炭燒原隻鴨胸飯＄50 ，（改選了意粉）加＄8，凍飲加＄3。

#美食推薦 大埔人應該都識呢間野 - 大榮樺，一間價廉物美，非想抵食既餐廳。呢啲餐廳🍴位於大埔昌運中心，鋪頭細細但出品非常唔錯。無論中午食午餐定夜晚食晚飯🥣都係人頭湧湧，坐無虛席，午餐價錢價位大概50-60蚊左右，晚餐價錢大概100蚊左右，有兩個餐經常好快售罄，就係牛仔柳🐂同炭燒黑毛豬🐖，真係好好食嫁，想食就早啲去。點解我知？因為我呢間餐廳都係我既飯堂之一，我老媽子🤱🏼差不多唯一覺得好食，又會再食既西餐（帶佢食貴既都話唔好食）😹😹😹。 是日都係晏左去，黑毛豬都賣晒，所以食左焗龍蝦意粉😋😋😋，有半邊龍蝦🦐嫁，意粉有濃濃既蒜香味，而且賣相都唔錯；另一樣泡菜意粉配西冷牛扒😋😋😋😋，塊牛扒🥩🥩🥩大到呢，有時分分大過我塊面👨🏿，而泡菜加意粉，少少辣，少少酸，又幾夾；仲食左豬仔脾配意粉😋😋😋😋，豬仔脾🍖🍖🍖有三隻嫁，而且好入味，唔會有雪味，甜酸甜酸幾開胃，我個人幾鍾意食。其實呢間餐廳既意粉又幾出色，另外一份餐又湯又飲品，份量都都好大，我個人比較大食，食晒都會飽度頂心口。溫馨小提示：輪到記得要齊人，因為齊人先可以入。地址：大榮樺 (大埔)大埔安慈路4號昌運中心商場地下8-9號舖ig: year19.

8:00去到，已經乜都無咁滯，但仲好多人排隊，平時等半小時，今晚10分鐘就入得～都係做街坊生意多～叫左西冷扒跟飯，黑椒汁，七成熟，幾大塊幾好味，加$2熱檸蜜仲有湯飲價錢ok啦～

喺大埔要食抵食扒餐，第一時間會諗起大榮樺，因為佢價錢唔貴，份量又足，味道又好今次叫左個牛柳意粉，味道好正好夠份量連我一個大男人都覺飽，就真係好足料唯一可以挑剔就係，如果唔早D嚟排隊就有排等不過為左食好野都值得嘅

孤陋寡聞的我一直都唔知道有呢一間西餐廳，突然有日朋友同我分享，原來呢間餐廳嘅大廚係曾經在酒店工作過嘅，而且呢間餐廳的食物全部都係即叫即煮，所以今日就即刻嚟試一試佢嘅水準如何啦！佢個湯居然係新鮮打出嚟嘅蔬菜湯，唔係普通罐頭沖嘅雜菜湯，令人有好Fresh嘅感覺。我地叫咗一個香酥南瓜配南瓜意粉，佢個意粉真係好傑出。南瓜肉同南瓜汁充滿着每一啖嘅意粉，好creamy但係絕對唔會令你覺得「流」，而香酥南瓜都係外脆內軟熟、好香南瓜味，食完會令你異常滿足，絕對適合素食朋友仔！ 另外，當然叫咗佢出名好抵食嘅西冷牛扒飯，咁係可以加8$轉意粉或者薯菜嘅，係咪覺得好貴呢？因為佢個意粉原來係炒白汁意粉或者係番茄意粉，並唔係普通嘅烚意粉。但我今次就先試左佢個飯，個扒居然係有兩塊，性價比超高。雖然無問你要幾成熟，但佢絕對唔會好硬身/好生，係嫩口，有口感的！午餐時段呢個餐仲要配埋餐飲，只需要50-$60，真係非常之物超所值。