大澳砂鍋王

营业中

休息中

去大澳就係為左食!😂 除左掃街小食, 聽閒水蟹粥都唔錯, 咁當然要試下la..行行下, 見到大澳砂鍋王有個 $168豪華晚餐, 見到價錢好抵又有 🦀水蟹粥就坐低!$168 有水蟹粥 / 煲仔飯 + 五彩拼盤 + 超大蠔餅! 份量絕對唔少!🥢水蟹粥鮮甜, 蟹肉新鮮! 好味!🥢五彩拼盤 - 有豬手, 炸豆腐, 炸魚蛋, 炸雲吞, 酸辣鳳爪, 份量多同好食!🥢蠔餅 - 煎蛋蠔餅咁, 唔算好特別, 但脆脆蛋邊好正!地址 : 大澳砂鍋王大澳吉慶街85號地舖評分 : 9/10

依間餐館是位於大澳一個比較當眼的位置，客人都十分之多。🦀水蟹粥呢間店馳名的菜色之一，佢係一款潮州粥來，啲米係一粒一粒富有飯未的，佢既湯係清清地帶點咸。表面有一隻蟹，蟹的肉唔係咁多，但本身都清甜既。🧂椒鹽豆腐呢個豆腐外形像臭豆腐，十分之硬及乾身，要浸落湯到先會易入口啲。🍚及第煲仔飯呢個係內臟煲仔飯，好適合喜歡食內臟的人食。🦪煎蠔餅個蠔餅好巨型，入面啲蠔密度都高，好香口。如果加啲魚露或豆瓣醬就更增加一點風味。

大澳夜晚原來無咩食，條街好靜，cafe , 西餐都無做晚市。行入少少見倒呢間有蟹粥就立即入咗去，舖其實好細，不過outdoor 都有幾張檯我地坐outdoor ，人都唔少，可能大家都無咩選擇，入座七成，到走時差唔多滿座。碗筷係即棄膠碗筷，有啲唔環保♻️，點咗個豬手都係用即棄膠盒😅， 份量都唔少，幾抵食，不過就唔算入味。蠔餅好耐無食，所以又點嚟食下，煎得幾香。另外當然唔少得引我地入嚟嘅蟹粥，有唔同size , 叫咗個大，HKD128 , 嚟到仲滖嘅，蟹兩隻，大量芫茜🌿，其實好明顯係粥還粥煲，最後放蟹入去，所以粥係無咩味嘅，不如呢個價錢嚟講性價比係高嘅。

係openrice搵大澳美食好多時都會見到係野食好味，但職員態度惡劣幸好，我第一次去大澳，無呢個唔好既經歷係openrice搵到呢間砂鍋王，見到蟹粥就黎試下本身用openrice訂左枱，時間到去到砂鍋王好好彩咁岩有位，唔洗等位置坐得幾舒服，服務都好好叫左軟殼蟹同埋蠔仔粥見到餐牌有軟殼蟹好想試下，所以就無叫到蟹粥，改叫蠔仔粥軟殼蟹炸到好酥脆，食入口無油膩感，炸漿好薄好薄，份量2人食岩岩好，68蚊好抵食蠔仔粥好正，叫左個中size，二人份量去到大澳一定要試下呢間砂鍋王

今日叫左三樣食物，一碟香煎巨蠔餅，味道可以，唔系太多蠔，一個支竹、豆腐、排骨煲仔飯，幾好味，一個潮式鮮甜水蟹粥，冇乜米飯，多啲會好啲，味道系可以，地方系細啲，唔係排左好耐

在星期六，我十二點幾起大澳，到處都唔係好多人，但當我經過這間舖頭時，差唔多成間都滿，入到去見到差唔多每枱都叫水蟹粥，我就叫了一鍋。68元加一，鍋粥有成隻蟹，蟹肉都唔少，粥底唔係綿個種，初時食米心有點生，放多陣就無。粥放好多香菜炸蒜，食落都幾甜幾鮮，整體幾好食。

今日行山，看見大大的招牌，就走過去看看，發現食物不錯，也有很多客人，感覺應該不錯，就走入去試試，叫了一個蟹粥，中鍋，發現最低消費是每日$50 ，於是再嗌多一個巨型的蠔餅，感覺不錯很好吃性價比非常高，不是很貴！還可以無限任飲羅漢果茶，因為啱啱行完山， 10分口渴，所以也飲了三杯！連埋蟹粥的湯，飲到飽哂！喺大澳，有間似樣嘅食店食吓嘢，望吓神秘的海景，真係人生一大樂事！行過經過唔好錯過，入嚟坐低慢慢食吧！下次經過，一定要試埋佢嗰啲煲仔飯！聽講好多人話超好食，客人同埋老闆都話唔好錯過呀！

某星期六夜晚五六點左右,見到巴士站排晒長龍,咁就諗住食埋野先去搭車,行返入去睇下大澳仲無乜食肆開,經過呢間砂鍋王試下辣雞煲,辣度啱啱好又唔會死鹹死辣,食過番尋味。第二次再去試埋個醉雞煲,酒香味濃。過多個零月再去多次,大厨就炮製咗個雜錦雞煲比我兩公婆食同様無得輸。(淨係掛住食無乜影相)仲有水蟹粥放上枱仲滾緊,同臭豆腐炸到外面脆卜卜,送酒一流。P.S.如果有碟手切牛比我食完雞煲加湯再打邊爐就正喇。

今日放假和友人入了大嶼山大澳走走，舊年差不多這個時候曾到此欣賞過花燈節，今天故地重遊花燈仍在，但數量與氣氛就失色了不少。在走著走著的期間見到一間用巨型大蟹做裝飾叫砂鍋王的食肆。反正又到午飯時間而且我們都喜歡吃蟹，於是就決定進來吃個午餐。我們就一試他的招牌菜大蟹粥，另外叫了炒銀針粉和小食。最先來的就是一鍋滾騰的蟹粥端到面前，更有撲面而來的是芫茜香味及清甜的蟹肉鮮味，而粥面上舖了一隻橙紅色的蟹蓋做主打，旁邊伴著青青綠綠的芫茜和芹菜絲。搯了一口粥入口，原來粥底仍是一粒粒正在爆開米飯粥，隨著時間一路過一邊吃，原先的米飯粒亦慢慢化開而變得黏稠起來，認真不錯的烹調法。主角是一隻完整的大蟹切開兩邊，咬上了一口果然肉質鮮甜味美，應該是用新鮮的蟹來下鍋來煲。炒銀針粉的賣相就不過不失一般的水準，餡料也是不豐富只用椰菜和香腸，不過整碟銀針粉個人感覺炒得有點過油，但味道總算也可以。今次的食物質素都和價錢都相對合理，不過就有加一的收費。總的來說如果到大澳一遊的話都可以到來一試。

店內的廚房及樓面是相連兼且沒有間隔的，店員跟廚師說什麼話所有客人全聽到。星期日中午，一位老男客點了個砂窩餐再加一份特價九蚊𧐢餅。兩分鐘之後有禮貌的肥仔店員先送上魚露，客人表示受不了魚露，要求取消𧐢餅。店員向廚房交帶後，有纹身兼矮仔廚房佬立即厲聲鬧人“玩呀而家！落左單又唔要！”“你去同佢講已經煎緊，冇得取消，痴缐！”肥仔店員十分有修養，並沒有回罵；並十分蜿轉向老客人解釋。最後惡廚房佬自行在凍柜拿了一樽凍藍妹自吹。身為老板果然不同凡响，身份地位十份高。大家去幫襯記得小心點餐，否則會招致惡罵

今次入大澳食砂鍋水蟹粥（$68）+冰鎮豬手（$48），食物質素好好,加埋杯凍檸茶（$16）,加埋$132再加一後$145,今餐相當滿意，坐室外用餐欣賞大澳景色別有一番風味

A solid 8 out of a decent 10 — just don’t order ‘turf’, if you can do ‘surf’.The Signature Claypot Crab Congee — the Taste of the Ocean It’s not your typical lukewarm gruel and goo.If only we can upload the video. The steamy, bubbly crab porridge came out piping hot in the clay pot. Instantly elevating the humble Teochew rice slurry to social media gold. Note: it’s not the mushy-squashy type, they went the soup-rice (湯飯) style.Over the years, congee and porridge have been my go-to comfort food

叫左炒銀針粉，蟹粥，豬雜，臭豆腐，除咗鼻豆腐嫌唔夠臭外其他值得推介，炒野有鑊氣，豬雜入味又唔靭，蟹粥很甜粥夠味，黎大澳遊玩可以一試，招呼也不錯，價格本人覺得也公道

行過大澳，都唔知食乜好，點知見到這間餐廳門口有店員殷勤介紹他們的美食，被吸引了，就走入去試試。點了臭豆腐、蠔仔粥、潮州凍豬手、炒銀針粉。首先臭豆腐surprise好食，很有懷舊的味道；潮州凍豬手有凍啫喱配上酸酸甜甜醬汁；蠔仔粥啲蠔仔煮得啱啱好，可惜的是炒銀針粉比較鹹咗一點。小店來講，水準真的不錯。成日到大澳玩都係可能幫襯一些文青feel coffee shop或中菜餐廳，其實都可以幫襯這些地道小店，很有驚喜。值得一讚嘅係，餐廳各位店員都好盡力用心招呼客人，做得好！要繼續努力💪🏼

大澳一向係我嘅bucket list入面，但因我搭唔到長途車而一直冇去到。直至有日發現原來有船搭，先至去番一次，但去到大澳除咗喺阿田阿牧嘅橋度打卡之外，當然要去掃街啦！一到埗之後我就行哂所有景點，包括呢個好鬼遠嘅文物酒店，再沿途買野食。原來到兩點，有檔茶果已經賣哂，又見到沙翁小店大排長龍，所以我朋友去排沙翁，而我就再周圍買嘢食返條龍度，一路排，一路食。最後再食埋豆腐花，飽住肚仔走人，總共$133。 呢間位置幾入吓，而且係新店，主打砂鍋蓋飯與粥品。門口就買緊臭豆腐同油炸鬼，而且係即叫即炸，一入口熱辣辣。 臭豆腐$15x2 臭豆腐聞落就完全冇任何臭味，食落同樣冇臭酸味，只係個普通炸豆腐，但係好食嘅。外皮結實，香脆唔油淋淋。內裏豆腐呈粒狀，質感軟綿，豆香極為香濃。辣/甜醬可以自行喺店外添加，加埋就令佢更惹味。 (想睇埋其除四間食店 可以去到我嘅account度查看大澳餅店/復興行/隱姑茶果/車站豆腐花嘅食評)