大爺燒鵝 (石圍角村)

营业中

休息中

噚日（21-6-2024 Fri） 放工後，走嚟呢度買飯盒食，因為禮拜日見到佢做$24.00，但噚日嚟睇係$25.00一盒，咁當然燒味嘅種類係有限制。我就揀咗全瘦燒肉飯，買咗飛等四分鐘先至斬好畀我，拎到返屋企佢係熱嘅，但𠵱o家開始唔可以用發泡膠飯盒，所以啲燒肉皮可能會腍，所以我即刻打開少少蓋，等佢唔好整腍啲皮。忙完家務後至開始食，睇到飯係半盒，唔緊要，燒肉係七件細細件嘅，都算，因為價錢真係好平。食落我咬第一嚿燒肉，個皮係腍咗，跟住之後嗰啲就慶幸冇腍到，但係甚至有啲硬。而菜心呢？我唔覺意反轉咗，睇到竟然係生嘅，未煮熟，而白飯係好爛，豉油係淋得夠，燒肉其實都唔係全瘦，有少少肥，但可能都揀咗最瘦嘅畀我，肉嘅口感正常，不過始終都有啲鹹，但都叫中規中矩，但成個飯盒份量係少。上次食評係2024年3月7日刊登嘅呢篇：https://www.openrice.com/zh/hongkong/review/%E9%87%8D%E5%8F%A3%E5%91%B3-e5339761

晚飯去食燒味飯，叫咗半隻豉油雞同埋燒鵝下裝，再加一碟油菜，送兩碗例湯。例湯味甜有味素師傅嘅痕跡，油雞就夠晒大隻，豉油味淡而雞味亦清淡有啲嚡口，但好彩無乾淨淨嗰種口感。燒鵝一般，燒鵝皮韌而肉質亦都唔係咁腍，味道就濃郁有淡淡五香粉味，小店收一百七十八個大洋嘅燒鵝例牌下裝覺得有啲貴。油菜冇油淋淋屬於健康系列，兩個白飯就收錢$12一碗，第一次食到有微微發黃嘅米飯，唔知係咪撈咗少少雞油，但係睇落又唔似，米飯缺乏飯味而軟熱適中。屋邨小店埋單二百九十五唔算親民，堂食唔多客人，但係外賣似乎就多啲人幫襯。燒味飯店樓面及餐具都乾淨清潔，但係出現幾隻烏蠅仔飛嚟飛去，老闆需要立即攪攪衛生滅蟲活動。

噚日（16-10-2024  Wed），臨時決定做韭黃炒蛋，之前老公提議加叉燒，咁放工後嚟買啦，其中𠲖o家用$20.00可以買到幾多叉燒？抑或應該問，人哋賣唔賣$20.00俾你？(𠲖o家睇返以前嘅食評，原來係有設定最少買$40.00。食評係2024年1月10日刊登嘅呢篇:https://www.openrice.com/zh/hongkong/review/%E7%9C%9F%E4%BF%82%E5%A4%A7%E7%88%BA-e5230482)而其實，呢間叉燒都係麻麻地，不過比茶皇殿好，於是都係走嚟。喺驚驚地又膽粗粗嘅情況下，繞過收銀同店員，直接去問斬料師傅，見到每條都大大條，就指住問嗰條有幾多？佢答$100.00左右。我問可唔可以切？佢指住喺盤上面嗰啲答呢啲。我問係咪半肥瘦？佢答係。於是我就揀，佢就切咗細半，但我都覺得多，又唔好意思叫佢再切啲，就要呢舊啦，佢稱咗話$46.00。拎到返屋企，摸到暖暖地，應該係啲汁暖，打開睇，份量係啱啱平舖喺個盒底，磅吓先，呢喥都有6.X兩，我之前睇到佢好似係$118.00一斤。我偷食吓先，蜜味都係怪怪麻麻，但口感依然鬆軟，唔係用雪藏肉。味道同抵食都

噚日（23-6-2024 Sun）晏晝，老公去完教會返嚟， 就喺呢度買平價飯盒，上次21-6-2024（Fri）我就已經食咗全瘦燒肉飯 ，今次我就叫我老公問雙拼係咪都係$25.00蚊，如果係，我就要燒鴨切雞飯，老公問完答係，咁就買咗呢個飯，而佢自己要燒腩仔紅腸飯。好耐好耐好耐，佢至返到嚟， 經過上次我已經有心理準備，飯餸嘅份量都唔多，咁今次睇下兩個飯盒 餸嘅份量好似比一種燒味嘅多好多，但菜就一個多啲一個少啲，份量隨（師父）意？睇睇切雞，俾咗雞翼位，一食，都幾鹹，其實我要白切雞，唔係鹽水或鹽焗雞；燒鴨俾咗啖啖肉嘅鴨胸，口感味道都中規中矩：燒腩仔呢？都唔算好肥，個皮都仍脆嘅，而紅腸就有啲係厚切，但係好似食到啲偏肥嘅口感。而飯都係偏濕。2.66分

3-3-2024（Sun）朝，同亞姨食早餐，佢提議嚟呢間食麵，啊，好吖。我哋嚟到時唔算多人，坐低睇完menu，我哋都要$30.00嘅單拼早餐，亞姨要燒鴨幼麵，飲熱菜蜜。我要切雞瀨，加$4.00要熱檸蜜。兩杯嘢飲到嚟，亞姨話菜蜜好甜。我杯熱檸蜜呢，同樣係好甜，佢喺菜蜜加幾片檸檬。2分然後兩碗食物都到嚟，我嘅切雞多數係雞胸，冇問題，不過都好鹹吓，但口感OK嘅。而同上次食瀨粉一樣，個湯係有落胡椒，但今次就冇咁濃（食評係2024年1月3日刊登嘅呢篇:https://www.openrice.com/zh/hongkong/review/%E5%A5%87%E6%80%AA-e5220145）。3分而亞姨嘅燒鴨幼麵呢？我見到燒鴨同佢上次食嘅部位好似冇咁靚，不過佢都冇講咩嘢。而我老公去完教會後就嚟回合我哋，由於佢早已食咗早餐，所以只叫一杯$16.00嘅熱咖啡，個女仔嘅反應有啲愕然。乜唔可以只嗌嘢飲咩？抵食係2.5分上次食評係2024年1月10日刊登嘅呢篇:https://www.openrice.com/zh/hongkong/review/%E7%9C%9F%E4%BF%82%E5%A4%A7%

4-1-2024（Thur）放工後買餸返屋企，原本諗住買碎豬肉返去蒸肉餅，但見到斬料，咁不如直接斬料算，斬咩呢？燒鴨?上星期三朝亞姨至食完（食評:），叉燒，都係同一朝老公食咗，但我記得第一次買返屋企食係唔錯(食評係2023年9月8日刊登嘅呢篇:https://www.openrice.com/zh/hongkong/review/%E6%90%8F%E4%B8%80%E6%90%8F%E5%98%85%E6%96%AC%E6%96%99-e4992185)，應該真係冇得揀時，師傅會斬擺喺下面嗰啲俾人，我就問店員，可唔可以揀叉燒?佢答揀嘅就要成條買，唔揀就要$40.00起。今次我見到清楚寫明$135.00一斤，咁我揀一條啦，稱咗係$94.00，照要。拎返屋企時暖暖地，打開睇，叉燒冇排返好，有半肥瘦嘅，偷食先，蜜味係夠，肉質亦鬆軟，但冇上次咁鹹，OK嘅。服務:我俾現金收銀，當中有兩個五毫子，但收銀話唔收五毫，因難找贖。吓?！五毫子都話難找贖?其實上次食早餐(食評係2024年1月3日刊登嘅呢篇:https://www.openrice.com/zh/hongkong/review/%E5%A

27-12-2023（Wed）爸爸頭七嘅朝早，我，老公同亞姨一齊食早餐，去邊間食？呢間吧。由於過咗平日嘅peak hour ， 所以唔使等位我哋坐低睇完menu之後，我就決定要 $30.00嘅燻蹄瀨粉，熱菜蜜。阿姨要$30.00嘅燒鴨米粉，熱奶茶。老公要$34.00嘅叉燒紅腸米，都係熱菜蜜。我嘅燻蹄瀨粉最快到嚟，之後其他嘅都陸續到齊。眼見燻蹄肥嘅多，食落爽口但都有啲啲膻味;而瀨粉就爽滑，不過份量少。而一路食，就食到胡椒味，唔係呀？食燒味湯麵竟然落胡椒？3.3分熱菜蜜就好濃好夠味。3分老公俾一片紅腸我食，見佢切得薄，普通正常冇問題。而叉燒呢？ 佢叫我唔好問，即係暗示係好差，都係嘅，見到係全瘦叉燒好柴。亞姨嘅燒鴨呢？已經腍晒。而阿姨話奶茶夠味。抵食係2.5分上次食評係2023年9月8日刊登嘅呢篇:https://www.openrice.com/zh/hongkong/review/%E6%90%8F%E4%B8%80%E6%90%8F%E5%98%85%E6%96%AC%E6%96%99-e4992185

這間燒味舖是在新冷氣街市，這間其實是一家燒味舖加餐廳，有燒味同燒味飯外賣，店舖就位於街市門口ok便利店旁邊非常容易找到，今天是第一次來，叫了一個油雞加燒鵝幼麵下午茶先有34蚊凍飲加三蚊，份量一般唔係話好大份，味道都唔錯燒味夠林，勝在係環境唔差，午餐就有平有貴50到90蚊都有，認為太貴嘅話可以食外賣燒味飯盒，35蚊單拼38蚊雙拼，都係畀其他燒味好貴幾蚊。算係喺石圍角多咗個選擇，唔使呀我都成日食麥當勞大快活同埋嗰間車仔麵。

颱風半日要返. 諗住食過15min快飯趕巴士返工好多人等外賣. 入面都有一個位.伙計有啲亂. 師傅3個. 切野速度慢，可能新埋位唔熟位唔就手。等左10分鐘先黎. 叉燒同燒肉好乾身比柴好少少. 同地盤飯差唔多。本身可能其望高. 失落大最最大問題係冇落鼓油. 同伙計講想要加d鼓油. 佢比竟然俾支家樂牌鮮露，完全唔夾味🫠60蚊食真心貴. 份量偏少. 最後我勉強食晒啲肉. 飯食左一半. 真係太乾食唔落。本來想俾1分. 不過佢新開張. 希望有改進. 食物提升下.

噚日(7-9-2023 Thur)放工後去街市買鮮魚,經過大爺,仍有人喺門口等,睇吓叉燒嘅樣好似唔錯,咁我買完海鮮返轉頭再望吓,就買一條啦,問老闆娘可唔可以自己揀要邊件?佢答可以.咁我揀咗,磅咗出嚟要$80.00,俾完錢,師傅問斬唔斬?我答斬.返到屋企打開睇,見到有燶邊同都好瘦,心諗,死,全瘦唔好食.我就偷食一件細件嘅先,偷正嗰件係燶邊嘅,脆口好正,又暖暖地,蜜汁味道好夠,不過鹹咗小小,但真係只係好小,接受到嘅.之後等老公返嚟正式開飯食,食到原來有啲係半肥瘦,好正;而全瘦嗰啲呢?口感竟然唔係柴皮,都鬆鬆地,又唔差喎.到今日(8-9-2023 Fri)竟然有長黑雨而令我哋全日唔使返工,咁飯盒都要食咗佢㗎,於是晏晝蒸熱其中一個同老公食,蒸返熱後,叉燒口感更鬆軟,同仍食到蜜味.另一個飯盒嗰啲,就夜晚切片炒蛋食,炒完嚟食口感同噚晚食嘅差唔多,只係更鬆軟啲.4.7分   價錢:喺我食咗第一件後,就磅吓先,有半斤重,我記得老闆娘喺磅嘅時候好似話$135.00一斤(?),收$80.00,但我計嚟計去都計唔到呢個數,即使以磅為單位,係11安士,依照計唔到.而我記得佢嘅size大概有 17cmx9cm.

今日(3-9-2023 Sun)同老公打掃前食個晏,今次係嚟試新31-8-2023(Thur)至開嘅呢間,由於係lunch hour,嚟到時都多人,但原來等外賣嘅多,不過堂食都full咗,但等咗6分鐘就有位,睇完menu落單,我要油雞,貴妃雞瀨,個女仔答未有優惠,我愕一愕然,唔通午市冇?咁我照要油雞,貴妃雞飯,加$6.00要凍菜蜜,盛惠$60.00.老公就要燒鵝飯加$6.00要凍檸茶少甜, 盛惠$64.00.又等咗2分鐘,兩杯嘢飲到嚟,凍菜蜜都有幾片檸檬,飲落唔算好甜,但有檸檬嘅香,唔錯.但食完嘢再飲時,已經冇晒冰.味道:3分老公嘅凍檸茶少甜呢?茶味有少少澀,似四洲檸檬茶.味道:3分再等5分鐘, 嘢食到嚟,不過老公嗰份未有湯,話轉頭攞嚟,不過都係冇影,於是我就提一提侍應,佢就攞嚟.飲吓啖湯,好清甜但唔知係咩湯,我嗰碗只有南北杏,而見到老公嗰碗有紅蘿蔔. 味道:5分然後食嘢喇,老公嗰份燒鵝份量好少,飯就多我好多,我食吓佢嘅燒鵝,係皮脆但鹹咗少少,肉質正常嘅.味道:3.5分我嗰份呢? 貴妃雞唔會太鹹,肉質仍算juicy嘅.味道:2.8分油雞呢?俾咗雞翼位我同切開咗,一食,好鹹,肉都滑嘅.味